ವಶೀಕರಣ ಶಕ್ತಿ

ವಶೀಕರಣ ಶಕ್ತಿಯು (ಸಮ್ಮೋಹನ ಶಕ್ತಿ ಎಂದೂ ಪರಿಚಿತವಿದೆ, ಆಂಗ್ಲದಲ್ಲಿ ಮೆಸ್ಮರಿಜ಼ಮ್) ಮನುಷ್ಯರು, ಪ್ರಾಣಿಗಳು ಮತ್ತು ತರಕಾರಿಗಳು ಸೇರಿದಂತೆ ಎಲ್ಲ ಜೀವಿಗಳು ಹೊಂದಿರುವ ಒಂದು ಅಗೋಚರ ಸಹಜ ಶಕ್ತಿ ಎಂದು ಫ಼್ರ್ಯಾಂಜ಼್ ಮೆಸ್ಮರ್ ನಂಬಿದರು. ಈ ಶಕ್ತಿಗೆ ಮೆಸ್ಮರಿಜ಼ಮ್ ಎಂಬ ಹೆಸರನ್ನು ೧೮ನೇ ಶತಮಾನದಲ್ಲಿ ಅವರು ನೀಡಿದರು. ಈ ಶಕ್ತಿಯು ಗುಣಪಡಿಸುವಿಕೆ ಸೇರಿದಂತೆ ದೈಹಿಕ ಪರಿಣಾಮಗಳನ್ನು ಹೊಂದಿರಬಹುದು ಎಂದು ಅವರು ನಂಬಿದರು ಮತ್ತು ತಮ್ಮ ವಿಚಾರಗಳಿಗೆ ವೈಜ್ಞಾನಿಕ ಮಾನ್ಯತೆಯನ್ನು ಪಡೆಯಲು ಹಠಹಿಡಿದು ಪ್ರಯತ್ನಿಸಿದರು ಆದರೆ ಯಶಸ್ವಿಯಾಗಲಿಲ್ಲ.

ಜೀವತತ್ತ್ವವಾದಿ ಸಿದ್ಧಾಂತವು ಯೂರೋಪ್ ಮತ್ತು ಅಮೇರಿಕದಲ್ಲಿ ಅಸಂಖ್ಯಾತ ಅನುಯಾಯಿಗಳನ್ನು ಆಕರ್ಷಿಸಿತು ಮತ್ತು ೧೯ನೇ ಶತಮಾನದ ಆರಂಭದ ನಂತರ ಜನಪ್ರಿಯವಾಗಿತ್ತು. ಇದರ ಅಭ್ಯಾಸಿಗಳನ್ನು ಹಲವುವೇಳೆ ಸಮ್ಮೋಹಕರು ಎಂದು ಕರೆಯಲಾಗುತ್ತಿತ್ತು. ೧೭೭೯ರಲ್ಲಿ ಇದರ ಆರಂಭದಿಂದ ಸುಮಾರು ೭೫ ವರ್ಷಗಳವರೆಗೆ ವೈದ್ಯಶಾಸ್ತ್ರದಲ್ಲಿ ಇದು ಒಂದು ಪ್ರಮುಖವಾದ ವಿಶೇಷ ಅಧ್ಯಯನ ಕ್ಷೇತ್ರವಾಗಿತ್ತು.