ವಿಕಿಪೀಡಿಯ

ಲೆಗ್ ಬಿಫೋರ್ ವಿಕೆಟ್

ಕ್ರಿಕೆಟ್ ಕ್ರೀಡೆಯಲ್ಲಿ ದಾಂಡಿಗನನ್ನು ಔಟ್ ಮಾಡುವ ಒಂದು ಮಾರ್ಗ ಲೆಗ್ ಬಿಫೋರ್ ವಿಕೆಟ್ (ಎಲ್ಬಿಡಬ್ಲ್ಯೂ). ಫೀಲ್ಡಿಂಗ್ ತಂಡದ ಮನವಿಯನ್ನು ಅನುಸರಿಸಿ, ಚೆಂಡು ವಿಕೆಟ್‌ಗೆ ಬಡಿಯಿವ ಹಾದಿಯಲ್ಲಿದ್ದು ದಾಂಡಿಗನ ದೇಹದ ಯಾವುದೇ ಭಾಗದಿಂದ (ಬ್ಯಾಟ್ ಹಿಡಿದ ಕೈಯನ್ನು ಹೊರತುಪಡಿಸಿ) ಚೆಂಡನ್ನು ತಡೆದರೆ ದಾಂಡಿಗನು ನಿರ್ಗಮಿಸಬೇಕಾಗುತ್ತದೆ. ಅಂಪೈರ್ನ ನಿರ್ಧಾರವು ಚೆಂಡು ಎಲ್ಲಿ ಪಿಚ್ ಆಯಿತು, ಚೆಂಡು ವಿಕೆಟ್ಗಳಿಗೆ ಅನುಗುಣವಾಗಿ ಇದೆಯೇ ಮತ್ತು ದಾಂಡಿಗ ಚೆಂಡನ್ನು ಹೊಡೆಯಲು ಪ್ರಯತ್ನಿಸುತ್ತಿದ್ದಾನೆಯೇ ಎಂಬ ಹಲವಾರು ಮಾನದಂಡಗಳನ್ನು ಅವಲಂಬಿಸಿರುತ್ತದೆ.

ದಾಂಡಿಗನ ಪ್ಯಾಡಿಗೆ ಬಾಲ್ ತಗಲಿರುವ ಚಿತ್ರ.
ದಾಂಡಿಗನ ಪ್ಯಾಡಿಗೆ ಬಾಲ್ ತಗಲಿರುವ ಚಿತ್ರ.

೧೭೭೪ ರಲ್ಲಿ ಕ್ರಿಕೆಟ್‌ನ ಕಾನೂನುಗಳಲ್ಲಿ ಲೆಗ್ ಬಿಫೋರ್ ವಿಕೆಟ್ ಮೊದಲು ಕಾಣಿಸಿಕೊಂಡಿತು. ಏಕೆಂದರೆ ದಾಂಡಿಗರು ಚೆಂಡನ್ನು ವಿಕೆಟ್‌ಗೆ ಹೊಡೆಯುವುದನ್ನು ತಡೆಯಲು ತಮ್ಮ ಪ್ಯಾಡ್‌ಗಳನ್ನು ಬಳಸಲಾರಂಭಿಸಿದರು. ಹಲವಾರು ವರ್ಷಗಳಲ್ಲಿ, ಚೆಂಡು ಎಲ್ಲಿ ಪಿಚ್ ಮಾಡಬೇಕು ಎಂಬುದನ್ನು ಸ್ಪಷ್ಟಪಡಿಸಲು ಮತ್ತು ದಾಂಡಿಗರ ಉದ್ದೇಶಗಳನ್ನು ಅರ್ಥೈಸುವ ಅಂಶವನ್ನು ತೆಗೆದುಹಾಕಲು ಪರಿಷ್ಕರಣೆಗಳನ್ನು ಮಾಡಲಾಯಿತು. ೧೮೩೯ ರ ಕಾನೂನಿನ ಆವೃತ್ತಿಯು ಸುಮಾರು ೧೦೦ ವರ್ಷಗಳವರೆಗೆ ಉಳಿದುಕೊಂಡಿರುವ ನಿಯಮಗಳನ್ನು ಬಳಸಿತು. ಆದಾಗ್ಯೂ, ೧೯ ನೇ ಶತಮಾನದ ಉತ್ತರಾರ್ಧದಿಂದ, ದಾಂಡಿಗರು ಔಟ್ ಆಗುವ ಅಪಾಯವನ್ನು ಕಡಿಮೆ ಮಾಡಲು "ಪ್ಯಾಡ್-ಪ್ಲೇ" ನಲ್ಲಿ ಹೆಚ್ಚು ಪರಿಣತರಾದರು. ಸುಧಾರಣೆಗೆ ಹಲವಾರು ವಿಫಲ ಪ್ರಸ್ತಾಪಗಳ ನಂತರ, ೧೯೩೫ ರಲ್ಲಿ ಕಾನೂನನ್ನು ವಿಸ್ತರಿಸಲಾಯಿತು. ಉದಾಹರಣೆಗೆ ಚೆಂಡನ್ನು ಆಫ್ ಸ್ಟಂಪ್‌ನ ರೇಖೆಯ ಹೊರಗೆ ಪಿಚ್ ಮಾಡಿದರೂ ಸಹ ಬ್ಯಾಟ್ಸ್‌ಮನ್‌ಗಳನ್ನು ಎಲ್‌ಬಿಡಬ್ಲ್ಯೂ ಮೂಲಕ ಔಟ್ ಮಾಡಬಹುದು. ಲೆಗ್ ಸ್ಪಿನ್ ಬೌಲಿಂಗ್ನಲ್ಲಿ ನಕಾರಾತ್ಮಕ ತಂತ್ರಗಳನ್ನು ಬಳಿಸಿದ್ದರಿಂದ ಈ ಬದಲಾವಣೆಯು ಆಟವನ್ನು ಆಕರ್ಷಕವಾಗಿಸುತ್ತಿಲ್ಲ ಎಂದು ವಿಮರ್ಶಕರು ಅಭಿಪ್ರಾಯಪಟ್ಟರು.

ಸಾಕಷ್ಟು ಚರ್ಚೆಗಳು ಮತ್ತು ವಿವಿಧ ಪ್ರಯೋಗಗಳ ನಂತರ, ೧೯೭೨ ರಲ್ಲಿ ಕಾನೂನನ್ನು ಮತ್ತೆ ಬದಲಾಯಿಸಲಾಯಿತು. ಈ ದಿನಕ್ಕೆ ಬಳಸಲಾಗುವ ಹೊಸ ಆವೃತ್ತಿಯನ್ನು ಪ್ಯಾಡ್-ಪ್ಲೇ ಕಡಿಮೆ ಮಾಡುವ ಪ್ರಯತ್ನದಲ್ಲಿ, ದಾಂಡಿಗರು ಹೊಡೆಯಲು ಪ್ರಯತ್ನಿಸದಿದ್ದರೆ ಕೆಲವು ಸಂದರ್ಭಗಳಲ್ಲಿ ಎಲ್ಬಿಡಬ್ಲ್ಯೂ ಬಳಿಸದಿರಲು ಅವಕಾಶ ಮಾಡಿಕೊಟ್ಟರು. ೯೦ರ ದಶಕದಿಂದ, ದೂರದರ್ಶನ, ರಿಪ್ಲೇ ಲಭ್ಯತೆ ಮತ್ತು ಅಂಪೈರ್‌ಗಳಿಗೆ ಸಹಾಯ ಮಾಡುವ ಬಾಲ್-ಟ್ರ್ಯಾಕಿಂಗ್ ತಂತ್ರಜ್ಞಾನವು ಪ್ರಮುಖ ಪಂದ್ಯಗಳಲ್ಲಿ ಎಲ್‌ಬಿಡಬ್ಲ್ಯೂಗಳ ನಿಖರತೆಯ ಶೇಕಡಾವನ್ನು ಹೆಚ್ಚಿಸಿದೆ. ಆದಾಗ್ಯೂ, ತಂತ್ರಜ್ಞಾನದ ನಿಖರತೆ ಮತ್ತು ಅದರ ಬಳಕೆಯ ಪರಿಣಾಮಗಳು ವಿವಾದಾಸ್ಪದವಾಗಿ ಉಳಿದಿವೆ.

೧೯೯೫ ರ ಕ್ರಿಕೆಟ್ ಕಾನೂನುಗಳ ಸಮೀಕ್ಷೆಯಲ್ಲಿ, ಜೆರಾಲ್ಡ್ ಬ್ರಾಡ್ರಿಬ್ ಹೀಗೆ ಹೇಳುತ್ತಾರೆ: "ಯಾವುದೇ ಔಟ್ ಮಾದುವ ವಿಧಾನ ಎಲ್ಬಿಡಬ್ಲ್ಯೂನಷ್ಟು ವಾದವನ್ನು ಉಂಟುಮಾಡಲಿಲ್ಲ; ಇದು ಅದರ ಆರಂಭಿಕ ದಿನಗಳಿಂದ ತೊಂದರೆ ಉಂಟುಮಾಡಿದೆ". [೧] ಎಲ್ಬಿಡಬ್ಲ್ಯೂ ನಿರ್ಧಾರಗಳು ಕೆಲವೊಮ್ಮೆ ಜನರನ್ನು ತೊಂದರೆಗೊಳಗಾಗಿಸುತ್ತದೆ. ಕಾನೂನಿನ ಬಡಲಾವಣೆಗಳಿಂದ, ವರ್ಷಗಳಲ್ಲಿ ಎಲ್ಬಿಡಬ್ಲ್ಯೂ ಮೂಲಕ ಔಟ್ ಆಗುವ ಪ್ರಮಾಣವು ಸ್ಥಿರವಾಗಿ ಏರಿದೆ.[೨]

ವ್ಯಾಖ್ಯಾನ

ಬದಲಾಯಿಸಿ
 
ನೀಲಿ ಬಣ್ಣವಿರುವಲ್ಲಿ ಚೆಂಡು ಪಿಚ್ ಆಗಬೇಕು

ಲೆಗ್ ಬಿಫೋರ್ ವಿಕೆಟ್ (ಎಲ್ಬಿಡಬ್ಲ್ಯೂ) ವ್ಯಾಖ್ಯಾನವು ಪ್ರಸ್ತುತ ಮೆರ್ಲೆಬೋನ್ ಕ್ರಿಕೆಟ್ ಕ್ಲಬ್ (ಎಂಸಿಸಿ) ಬರೆದ ಕ್ರಿಕೆಟ್ನ ಕಾನೂನುಗಳಲ್ಲಿ ಕಾನೂನು ಸಂಖ್ಯೆ ೩೬ ಆಗಿದೆ.[೩] ದಾಂಡಿಗನ್ನು ಅನ್ನು ಎಲ್ಬಿಡಬ್ಲ್ಯೂ ಮೂಲಕ ಔಟ್ ಮಾಡುವ ಮೊದಲು, ಫೀಲ್ಡಿಂಗ್ ತಂಡವು ಅಂಪೈರ್ಗೆ ಮನವಿ ಮಾಡಬೇಕು.[೪] ಬೌಲರ್ ನೋ-ಬಾಲ್ ಅನ್ನು ಎಸೆದಿದ್ದರೆ, ಅಕ್ರಮ ಎಸೆತ ಮಾಡಿದ್ದಾರೆ ಆ ಪರಿಸ್ಥಿತಿಯಲ್ಲಿ ದಾಂಡಿಗ ಎಲ್ಬಿಡಬ್ಲ್ಯೂ ಆಗುವುದಿಲ್ಲ. [೩] ಇಲ್ಲದಿದ್ದರೆ, ದಾಂಡಿಗನನ್ನು ಎಲ್ಬಿಡಬ್ಲ್ಯೂ ಔಟ್ ಎಂದು ತೀರ್ಮಾನಿಸಲು, ಚೆಂಡು ವಿಕೆಟ್‌ಗಳ ನೇರವಾಗಿ ಅಥವಾ ಆಫ್ ಬದಿಯಲ್ಲಿ ಪಿಚ್ ಆಗಿರಬೇಕು. ನಂತರ ಚೆಂಡು ದಾಂಡಿಗನ ದೇಹದ ಭಾಗವನ್ನು ಹೊಡೆಯದೆ ಮೊದಲು ಅವನ / ಅವಳ ಬ್ಯಾಟ್ ಅನ್ನು ಸ್ಪರ್ಶಿಸಿದರೆ ಅದನ್ನು ಎಲ್ಬಿಡಬ್ಲ್ಯೂ ಎಂದು ಪರಿಗಣಿಸುವುದಿಲ್ಲ. ಸ್ಟಂಪ್ ಅನ್ನು ಹೊಡೆಯುವ ಮೊದಲು ಬೌನ್ಸ್ ಆಗಿದ್ದರೂ ಸಹ, ದಾಂಡಿಗನ ದೇಹ ತಗಲಿದ ನಂತರ ಚೆಂಡು ವಿಕೆಟ್ನ ಪಥದಲ್ಲಿ ಮುಂದುವರಿಯಬಹುದೇ ಎಂದು ಅಂಪೈರ್ ತೀರ್ಮಾನಿಸಬೇಕು.

ಚೆಂಡು ಅವನ / ಅವಳ ಕಾಲಿಗೆ ಬಡಿಯದಿದ್ದರೂ ಸಹ ದಾಂಡಿಗ ಎಲ್ಬಿಡಬ್ಲ್ಯೂ ಆಗಿರಬಹುದು: ಉದಾಹರಣೆಗೆ, ತಲೆಯ ಮೇಲೆ ಹೊಡೆದರು ದಾಂಡಿಗ ಎಲ್ಬಿಡಬ್ಲ್ಯೂ ಆಗಬಹುದು. ಆದರೂ ಈ ಪರಿಸ್ಥಿತಿ ಅತ್ಯಂತ ವಿರಳ. ಆದಾಗ್ಯೂ, ಚೆಂಡು ಸ್ಟಂಪ್‌ನ ಲೆಗ್ ಸೈಡ್‌ನಲ್ಲಿ ("ಹೊರಗಿನ ಲೆಗ್ ಸ್ಟಂಪ್") ಪಿಚ್ ಮಾಡಿದರೆ ಬ್ಯಾಟರ್ ಎಲ್ಬಿಡಬ್ಲ್ಯೂ ಆಗಲು ಸಾಧ್ಯವಿಲ್ಲ.[೫] ಕ್ರಿಕೆಟ್‌ನಲ್ಲಿನ ಕೆಲವು ಹೊಡೆತಗಳಾದ ಸ್ವಿಚ್ ಹಿಟ್ ಅಥವಾ ರಿವರ್ಸ್ ಸ್ವೀಪ್, ಬಲ ಮತ್ತು ಎಡಗೈ ನಿಲುವಿನ ನಡುವೆ ಬ್ಯಾಟರ್ ಸ್ವಿಚಿಂಗ್ ಅನ್ನು ಒಳಗೊಂಡಿರುತ್ತದೆ; ಇದು ಆಫ್ ಮತ್ತು ಲೆಗ್ ಸೈಡ್ನ ಸ್ಥಳದ ಮೇಲೆ ಪರಿಣಾಮ ಬೀರುತ್ತದೆ. ಬೌಲರ್ ಅವನ / ಅವಳ ರನ್-ಅಪ್ ಅನ್ನು ಪ್ರಾರಂಭಿಸಿದಾಗ ಬ್ಯಾಟರ್ನ ಸ್ಥಾನದಿಂದ ಆಫ್ ಸೈಡ್ ಅನ್ನು ನಿರ್ಧರಿಸಲಾಗುತ್ತದೆ ಎಂದು ಕಾನೂನು ಸ್ಪಷ್ಟವಾಗಿ ಹೇಳುತ್ತದೆ.

  External images
  ಎಲ್ಬಿಡಬಲ್ಯೂ ಅನ್ನು ತೋರಿಸುವ ಬಿಬಿಸಿ ಸ್ಲೈಡ್ ಶೋ

ಅಂಪೈರ್‌ಗಳ ಎಂಸಿಸಿ ಮಾರ್ಗಸೂಚಿಗಳ ಪ್ರಕಾರ, ಎಲ್‌ಬಿಡಬ್ಲ್ಯೂ ನಿರ್ಧಾರ ನೀಡುವಾಗ ಪರಿಗಣಿಸಬೇಕಾದ ಅಂಶಗಳೆಂದರೆ ಚೆಂಡು ಯಾವ ಕೋನದಲ್ಲಿ ಪ್ರಯಾಣಿಸುತ್ತಿವೆ ಮತ್ತು ಚೆಂಡು ಗಾಳಿಯ ಮೂಲಕ ಸ್ವಿಂಗ್ ಆಗುತ್ತದೆಯೇ ಎಂಬುದನ್ನು ಗಮನಿಸಬೇಕು. ಚೆಂಡಿನ ಎತ್ತರ ಮತ್ತು ಬ್ಯಾಟ್ಸ್‌ಮನ್ ಎಷ್ಟು ವಿಕೆಟ್‌ನಿಂದ ನಿಂತಿದ್ದಾನೆ; ಈ ಮಾಹಿತಿಯಿಂದ ಚೆಂಡು ಸ್ಟಂಪ್‌ಗಳ ಮೇಲೆ ಹಾದುಹೋಗುತ್ತದೆಯೇ ಎಂದು ಅವನು / ಅವಳು ನಿರ್ಧರಿಸಬೇಕು. [೬] ಎಮ್‌ಸಿಸಿ ಮಾರ್ಗದರ್ಶನವು ಚೆಂಡು ಪಿಚ್ ಮಾಡದೆಯೇ ಬ್ಯಾಟರ್ ಅನ್ನು ಹೊಡೆದಾಗ ನಿರ್ಧಾರ ತೆಗೆದುಕೊಳ್ಳುವುದು ಸುಲಭ ಎಂದು ಹೇಳುತ್ತದೆ, ಆದರೆ ಚೆಂಡು ಪುಟಿದೇಳುವಾಗ ತೊಂದರೆ ಹೆಚ್ಚಾಗುತ್ತದೆ ಮತ್ತು ಚೆಂಡು ಪಿಚಿಂಗ್ ಮತ್ತು ಬ್ಯಾಟರ್ ಅನ್ನು ಹೊಡೆಯುವ ನಡುವೆ ಕಡಿಮೆ ಸಮಯವಿದ್ದಾಗ ನಿರ್ಧಾರ ತೆಗೆದುಕೊಳ್ಳುವುದು ಕಠಿಣ ಎಂದು ಹೇಳುತ್ತದೆ.

ಪ್ರವೃತ್ತಿಗಳು ಮತ್ತು ಗ್ರಹಿಕೆ

ಬದಲಾಯಿಸಿ

೨೦೧೧ ರಲ್ಲಿ ಡೌಗ್ಲಾಸ್ ಮಿಲ್ಲರ್ ನಡೆಸಿದ ಅಧ್ಯಯನವು ಇಂಗ್ಲಿಷ್ ಕೌಂಟಿ ಕ್ರಿಕೆಟ್‌ನಲ್ಲಿ, ಮೊದಲ ವಿಶ್ವಯುದ್ಧದ ನಂತರ ಎಲ್‌ಬಿಡಬ್ಲ್ಯು ಬೀಳುವ ವಿಕೆಟ್‌ಗಳ ಪ್ರಮಾಣವು ಸ್ಥಿರವಾಗಿ ಹೆಚ್ಚಾಗಿದೆ ಎಂದು ತೋರಿಸುತ್ತದೆ. ೨೦ರ ದಶಕದಲ್ಲಿ, ಸುಮಾರು ೧೧% ವಿಕೆಟ್‌ಗಳು ಎಲ್‌ಬಿಡಬ್ಲ್ಯೂ ಆಗಿದ್ದವು ಆದರೆ ಇದು ೩೦ ರ ದಶಕದಲ್ಲಿ ೧೪% ಕ್ಕೆ ಏರಿತು. ೧೯೪೬ ಮತ್ತು ೧೯೭೦ ರ ನಡುವೆ, ಈ ಪ್ರಮಾಣವು ಸರಿಸುಮಾರು ೧೧% ರಷ್ಟಿತ್ತು ಆದರೆ ೨೦೧೦ ರ ಮೊದಲು ಸುಮಾರು ೧೯% ತಲುಪುವವರೆಗೆ ಹೆಚ್ಚಾಯಿತು. ಕೌಂಟಿ ತಂಡಗಳ ನಾಯಕರು ಸಂಖ್ಯಾಶಾಸ್ತ್ರೀಯವಾಗಿ ಎಲ್‌ಬಿಡಬ್ಲ್ಯೂ ನಿರ್ಧಾರಗಳ ಲಾಭವನ್ನು ಪಡೆಯುವ ಸಾಧ್ಯತೆಯಿದೆ ಎಂದು ಮಿಲ್ಲರ್ ಹೇಳುತ್ತಾರೆ-ಬ್ಯಾಟಿಂಗ್ ಮಾಡುವಾಗ ಎಲ್‌ಬಿಡಬ್ಲ್ಯೂ ಆಗುವ ಸಾಧ್ಯತೆ ಕಡಿಮೆ ಮತ್ತು ಬೌಲಿಂಗ್ ಮಾಡುವಾಗ ಬ್ಯಾಟ್ಸ್‌ಮನ್‌ಗಳನ್ನು ಎಲ್‌ಬಿಡಬ್ಲ್ಯೂ ಮೂಲಕ ಔಟ್ ಮಾಡುವ ಸಾಧ್ಯತೆ ಹೆಚ್ಚು. [೭] ೧೯೬೩ ಕ್ಕಿಂತ ಮೊದಲು, ಕೌಂಟಿ ಕ್ರಿಕೆಟ್‌ನಲ್ಲಿ ಸ್ಥಾನಮಾನವನ್ನು ರದ್ದುಗೊಳಿಸಿದಾಗ, ಅಂಪೈರ್‌ಗಳು ಹವ್ಯಾಸಿ ಕ್ರಿಕೆಟಿಗರ ಬಗ್ಗೆ ಹೆಚ್ಚು ಒಲವು ತೋರಿದರು. ಹವ್ಯಾಸಿಗಳು ಇಂಗ್ಲಿಷ್ ಕ್ರಿಕೆಟ್ ಅನ್ನು ನಿರ್ವಹಿಸುತ್ತಿದ್ದರು, ಮತ್ತು ಒಬ್ಬರನ್ನು ಅಪರಾಧ ಮಾಡುವುದರಿಂದ ಅಂಪೈರ್ ವೃತ್ತಿಜೀವನವನ್ನು ಕೊನೆಗೊಳಿಸಬಹುದು. [೮] ವಿಶ್ವದ ಇತರೆಡೆಗಳಲ್ಲಿ, ಭಾರತೀಯ ಉಪಖಂಡದಲ್ಲಿ ನಡೆಯುವ ಪಂದ್ಯಗಳಲ್ಲಿ ಎಲ್ಬಿಡಬ್ಲ್ಯೂಗಳು ಹೆಚ್ಚು ಸಂಖ್ಯಾಶಾಸ್ತ್ರೀಯವಾಗಿ ಕಂಡುಬರುತ್ತವೆ. ಆದಾಗ್ಯೂ, ಉಪಖಂಡದ ಬ್ಯಾಟ್ಸ್‌ಮನ್‌ಗಳು ಜಗತ್ತಿನಲ್ಲಿ ಆಡುವಲ್ಲೆಲ್ಲಾ ಎಲ್‌ಬಿಡಬ್ಲ್ಯೂ ಆಗುವ ಸಾಧ್ಯತೆ ಕಡಿಮೆ. [೯]

ಇತರ ದೇಶಗಳಲ್ಲಿ ಪ್ರವಾಸ ಮಾಡಿದ ತಂಡಗಳು ಅವರ ವಿರುದ್ಧ ನೀಡಲಾದ ಎಲ್‌ಬಿಡಬ್ಲ್ಯುಗಳಿಂದ ಆಗಾಗ್ಗೆ ನಿರಾಶೆಗೊಂಡವು. [೧೦] ಭೇಟಿ ನೀಡುವ ತಂಡಗಳ ವಿರುದ್ಧ ಹೋಮ್ ಅಂಪೈರ್‌ಗಳು ರಾಷ್ಟ್ರೀಯ ಪಕ್ಷಪಾತದ ನಿರ್ಧಾರವನ್ನು ಹೊಂದಿದ್ದರು. ಈ ಗ್ರಹಿಕೆಗೆ ತನಿಖೆ ನಡೆಸುವ ಹಲವಾರು ಅಧ್ಯಯನಗಳು, ಬ್ಯಾಟ್ಸ್‌ಮನ್‌ಗಳನ್ನು ಎಲ್‌ಬಿಡಬ್ಲ್ಯೂ ಎಂದು ನಿರ್ಣಯ ಮಾಡುವುದಕ್ಕಿಂತ ಹೋಮ್ ಬ್ಯಾಟ್ಸ್‌ಮನ್‌ಗಳನ್ನು ಔಟ್ ಮಾಡುವ ಕಡಿಮೆ ಸಾಧ್ಯತೆಗಳಿವೆ ಎಂದು ಸೂಚಿಸಿದ್ದಾರೆ.[೧೧][೧೨]

ಉಲ್ಲೇಖಗಳು

ಬದಲಾಯಿಸಿ
  1. ↑ Brodribb, ಪುಟ. 241.
  2. ↑ Miller, ಪುಟ. 1.
  3. ↑ ೩.೦ ೩.೧ "Law 36 – Leg before wicket". ಎಂಸಿಸಿ. Retrieved 29 September 2017.
  4. ↑ "Law 31 – Appeals". ಎಂಸಿಸಿ. Retrieved 29 September 2017.
  5. ↑ "LBW: Batsman is out". ಬಿಬಿಸಿ ಸ್ಪೋರ್ಟ್ಸ್. 8 November 2006. Retrieved 14 March 2013.
  6. ↑ "Law 36 in Action". ಎಂಸಿಸಿ. 2010. Archived from the original on 12 ಫೆಬ್ರವರಿ 2014. Retrieved 10 ಮೇ 2013.
  7. ↑ ಮಿಲ್ಲರ್, ಪುಟ. 9–10.
  8. ↑ ಮಾರ್ಷಲ್, ಪುಟ. 6–7.
  9. ↑ ರಿಂಗ್ರೋಸ್, ಪುಟ. 6–7.
  10. ↑ Nasim, Rafi (27 September 2000). "LBW – The cause of crisis in cricket". ಇಎಸ್ಪಿಯನ್ ಕ್ರಿಕ್ಇನ್ಫೋ. Retrieved 6 March 2012.
  11. ↑ ಕ್ರಾವ್ ಮತ್ತು ಮಿಡಲ್ದ್ರಾಪ್, ಪುಟ. 255–56.
  12. ↑ ರಿಂಗ್ರೋಸ್, p. 904.


ಹೆಚ್ಚಿನ ಓದು

ಬದಲಾಯಿಸಿ
  • Birley, Derek (1999). A Social History of English Cricket. London: Aurum Press. ISBN 1-85410-941-3.
  • Brodribb, Gerald (1995). Next Man In: A Survey of Cricket Laws and Customs. London: Souvenir Press. ISBN 0-285-63294-9.
  • Crowe, S. M.; Middeldorp, Jennifer (1996). "A Comparison of Leg Before Wicket Rates Between Australians and Their Visiting Teams for Test Cricket Series Played in Australia, 1977–94". Journal of the Royal Statistical Society, Series D. 45 (2). Oxford: Blackwell: 255. doi:10.2307/2988414. ISSN 0039-0526.
  • Fraser, David (2005). Cricket and the Law: The man in white is always right. London: Routledge. ISBN 0-203-48594-7.
  • Frith, David (2002). Bodyline Autopsy. The full story of the most sensational Test cricket series: Australia v England 1932–33. London: Aurum Press. ISBN 1-85410-896-4.
  • Marshall, Michael (1987). Gentlemen and Players: Conversations with Cricketers. London: Grafton Books. ISBN 0-246-11874-1.
  • Miller, Douglas (March 2011). "Leg Before Wicket" (PDF). The Cricket Statistician (153). Nottingham: Association of Cricket Statisticians and Historians.
  • Ringrose, Trevor J. (October 2006). "Neutral umpires and leg before wicket decisions in test cricket". Journal of the Royal Statistical Society, Series A. 169 (4). Oxford: Blackwell: 903. doi:10.1111/j.1467-985X.2006.00433.x.
"https://kn.wikipedia.org/w/index.php?title=ಲೆಗ್_ಬಿಫೋರ್_ವಿಕೆಟ್&oldid=952494" ಇಂದ ಪಡೆಯಲ್ಪಟ್ಟಿದೆ