ರಾಬರ್ಟ್ ಕಿಯೋಸಾಕಿ

ರಾಬರ್ಟ್ ಟೊರು ಕಿಯೋಸಾಕಿ (ಜನನ ಏಪ್ರಿಲ್ ೮, ೧೯೪೭) ಒಬ್ಬ ಅಮೇರಿಕನ್ ಉದ್ಯಮಿ ಮತ್ತು ಲೇಖಕ. ಇವರು ರಿಚ್ ಡ್ಯಾಡ್ ಪೂರ್ ಡ್ಯಾಡ್ ಸರಣಿಯ ವೈಯಕ್ತಿಕ ಹಣಕಾಸು ಪುಸ್ತಕಗಳಿಗೆ ಹೆಸರುವಾಸಿಯಾಗಿದ್ದಾರೆ. ಅವರು ರಿಚ್ ಡ್ಯಾಡ್ ಕಂಪನಿಯ ಸಂಸ್ಥಾಪಕರಾಗಿದ್ದಾರೆ. ಇದು ಪುಸ್ತಕಗಳು ಮತ್ತು ವೀಡಿಯೊಗಳ ಮೂಲಕ ಜನರಿಗೆ ವೈಯಕ್ತಿಕ ಹಣಕಾಸು ಮತ್ತು ವ್ಯಾಪಾರ ಶಿಕ್ಷಣವನ್ನು ಒದಗಿಸುವ ಖಾಸಗಿ ಹಣಕಾಸು ಶಿಕ್ಷಣ ಕಂಪನಿಯಾಗಿದೆ.

ರೋಬರ್ಟ್ ಕಿಯೊಸಾಕಿ
೨೦೧೪ ರಲ್ಲಿ ಕಿಯೊಸಾಕಿ
ಜನನ	ರಾಬರ್ಟ್ ಟೊರು ಕಿಯೊಸಾಕಿ (1947-04-08) ೮ ಏಪ್ರಿಲ್ ೧೯೪೭ ಹಿಲೋ, ಹವಾಯಿ, ಯು.ಎಸ್.
ವೃತ್ತಿ	ಉದ್ಯಮಿ, ಲೇಖಕ
ಅಭ್ಯಾಸ ಮಾಡಿದ ವಿದ್ಯಾ ಸಂಸ್ಥೆ	ಯುನೈಟೆಡ್ ಸ್ಟೇಟ್ಸ್ ಮರ್ಚೆಂಟ್ ಮೆರೈನ್ ಅಕ್ಯಾಡೆಮಿ (ಬಿಎಸ್), ಹವಾಯಿ ವಿಶ್ವವಿದ್ಯಾಲಯ
ವಿಷಯ	ವೈಯಕ್ತಿಕ ಹಣಕಾಸು, ವ್ಯವಹಾರ ಹೂಡಿಕೆ
ಪ್ರಮುಖ ಕೆಲಸ(ಗಳು)	ರಿಚ್ ಡ್ಯಾಡ್, ಪೂರ್ ಡ್ಯಾಡ್
ಬಾಳ ಸಂಗಾತಿ	ಕಿಮ್ ಕಿಯೋಸಾಕಿ

ಆರಂಭಿಕ ಜೀವನ ಮತ್ತು ಕುಟುಂಬ

ಕಿಯೋಸಾಕಿ ೧೯೪೭ರಲ್ಲಿ ಅಮೆರಿಕದ ಹವಾಯಿ ಪ್ರಾಂತ್ಯದ ಹಿಲೋದಲ್ಲಿ ಜಪಾನೀ ಮೂಲದ ಕುಟುಂಬದಲ್ಲಿ ಜನಿಸಿದರು . ಕಿಯೊಸಾಕಿ ಹಿಲೋ ಹೈಸ್ಕೂಲ್‌ಗೆ ಸೇರಿಕೊಂಡರು. ಇವರು ೧೯೬೫ ರಲ್ಲಿ ಪದವಿ ಪಡೆದು ನಂತರ ೧೯೭೩ ರಲ್ಲಿ ಹಿಲೋದಲ್ಲಿನ ಹವಾಯಿ ವಿಶ್ವವಿದ್ಯಾಲಯದಲ್ಲಿ ಎರಡು ವರ್ಷಗಳ ಎಂಬಿಎ ಮುಗಿಸಿದರು. ಅವರು ನ್ಯೂಯಾರ್ಕ್ನಲ್ಲಿ ಯುನೈಟೆಡ್ ಸ್ಟೇಟ್ಸ್ ಮರ್ಚೆಂಟ್ ಮೆರೈನ್ ಅಕಾಡೆಮಿಯಲ್ಲಿ ವ್ಯಾಸಂಗ ಮಾಡಿದರು. ೧೯೬೯ರಲ್ಲಿ ಬ್ಯಾಚಲರ್ ಆಫ್ ಸೈನ್ಸ್ ಡಿಗ್ರಿ ಮತ್ತು ಯು.ಎಸ್ ಮೆರೈನ್ ಕಾರ್ಪ್ಸ್‌ನಲ್ಲಿ ೨ನೇ ಲೆಫ್ಟಿನೆಂಟ್ ಆಗಿ ಕಮಿಷನ್ ಪಡೆದರು..

ವೃತ್ತಿಜೀವನ

ಕಿಯೋಸಾಕಿಯು ಸ್ಟ್ಯಾಂಡರ್ಡ್ ಆಯಿಲ್ನ ಟ್ಯಾಂಕರ್ ಕಛೇರಿಯಲ್ಲಿ ಕೆಲಸ ಮಾಡಿದರು. ೧೯೭೨ ರಲ್ಲಿ ವಿಯೆಟ್ನಾಂ ಯುದ್ಧದ ಸಂದರ್ಭದಲ್ಲಿ ಮೆರೈನ್ ಕಾರ್ಪ್ಸ್‌ಗೆ ಸೇರಿ ಹೆಲಿಕಾಪ್ಟರ್ ಗನ್ಶಿಪ್ ಪೈಲಟ್ ಆಗಿ ಸೇವೆ ಸಲ್ಲಿಸಿದರು. ೧೯೭೭ ರಲ್ಲಿ ಕಿಯೋಸಾಕಿ ನೈಲಾನ್ ಮತ್ತು ವೆಲ್ಕ್ರೋ ವ್ಯಾಲೆಟ್‌ಗಳನ್ನು ಮಾರಾಟ ಮಾಡುವ "ರಿಪ್ಪರ್ಸ್" ಎಂಬ ಕಂಪನಿಯನ್ನು ಪ್ರಾರಂಭಿಸಿದರು. ಕಿಯೋಸಾಕಿ ಮತ್ತು ಅವನ ಉತ್ಪನ್ನಗಳನ್ನು ರನ್ನರ್ಸ್ ವರ್ಲ್ಡ್, ಜೆಂಟಲ್ಮನ್ ಕ್ವಾರ್ಟರ್ಲಿ, ಸಕ್ಸಸ್ ಮ್ಯಾಗಜೀನ್, ನ್ಯೂಸ್ವೀಕ್, ಮತ್ತು ಪ್ಲೇಬಾಯ್‌ಗಳಲ್ಲಿ ಪ್ರದರ್ಶಿಸಲಾಯಿತು. ಅಂತಿಮವಾಗಿ ಕಂಪನಿಯು ದಿವಾಳಿಯಾಯಿತು . ನಂತರದಲ್ಲಿ ಕಿಯೋಸಾಕಿ ಚಿಲ್ಲರೆ ವ್ಯಾಪಾರವನ್ನು ಪ್ರಾರಂಭಿಸಿದರು. ಅದು ಹೆಡ್ ಮೆಟಲ್ ರಾಕ್ ಬ್ಯಾಂಡ್‌ಗಳಿಗಾಗಿ ಟಿ-ಷರ್ಟ್‌ಗಳು, ಟೋಪಿಗಳು, ತೊಗಲಿನ ಚೀಲಗಳನ್ನು ತಯಾರಿಸಿತು. ೧೯೮೦ ರಲ್ಲಿ ಆ ಕಂಪನಿಯು ದಿವಾಳಿಯಾಯಿತು. ೧೯೮೫ ರಲ್ಲಿ ಕಿಯೋಸಾಕಿ ಉದ್ಯಮಶೀಲತೆ, ಹೂಡಿಕೆ ಮತ್ತು ಸಾಮಾಜಿಕ ಜವಾಬ್ದಾರಿಯನ್ನು ಬೋಧಿಸುವ ಉದ್ಯಮ ಶಿಕ್ಷಣ ಸಂಸ್ಥೆಯ ಎಕ್ಸಲೆರೇಟೆಡ್ ಲರ್ನಿಂಗ್ ಇನ್ಸ್ಟಿಟ್ಯೂಟ್ ಅನ್ನು ಪ್ರಾರಂಭಿಸಿದರು. ೧೯೯೪ ರಲ್ಲಿ ಕಿಯೋಸಾಕಿ ತಮ್ಮ ಶಿಕ್ಷಣ ಸಂಸ್ಥೆಯನ್ನು ಮಾರಾಟ ಮಾಡಿದರು .

ಇತರ ವ್ಯಾಪಾರ ಉದ್ಯಮಗಳು ಮತ್ತು ಹೂಡಿಕೆಗಳು

ಕಿಯೋಸಾಕಿಯ ಹಿಂದಿನ ಎರಡು ವ್ಯವಹಾರಗಳು (ವೆಲ್ಕ್ರೋ ಫಾಸ್ಟೆನರ್‌ಗಳು ಮತ್ತು ಟಿ-ಶರ್ಟ್‌ಗಳೊಂದಿಗೆ ಸರ್ಫಿಂಗ್ ಬ್ಯಾಗ್‌ಗಳಿಗಾಗಿ) ದಿವಾಳಿಯಾದವು .

ಕಿಯೋಸಾಕಿ ಅವರು ಸಂಪೂರ್ಣ ಅಥವಾ ಭಾಗಶಃ ಮಾಲೀಕತ್ವ ಹೊಂದಿರುವ ಹಲವಾರು ಕಂಪನಿಗಳ ಮೂಲಕ ಕಾರ್ಯನಿರ್ವಹಿಸುತ್ತಿದ್ದರು ಹಾಗೂ ಶುಲ್ಕಕ್ಕಾಗಿ ಅವರ ಹೆಸರನ್ನು ಬಳಸಲು ಅಧಿಕಾರ ಹೊಂದಿರುವ ಇತರ ಕಂಪನಿಗಳೊಂದಿಗೆ ಫ್ರ್ಯಾಂಚೈಸಿ ವ್ಯವಸ್ಥೆಗಳ ಮೂಲಕ ಕಾರ್ಯನಿರ್ವಹಿಸುತ್ತಿದ್ದರು. ಇದರಲ್ಲಿ ರಿಚ್ ಡ್ಯಾಡ್ ಎಲ್ಎಲ್ ಸಿ, ವಿಟ್ನಿ ಮಾಹಿತಿ ಜಾಲ, ರಿಚ್ ಡ್ಯಾಡ್ ಎಜುಕೇಶನ್ ಮತ್ತು ರಿಚ್ ಡ್ಯಾಡ್ ಅಕಾಡೆಮಿ ಸೇರಿವೆ. ಕಂಪನಿಯ ಮುಖ್ಯ ಆದಾಯವು ರಿಚ್ ಡ್ಯಾಡ್ ಸೆಮಿನಾರ್‌ಗಳ ಫ್ರಾಂಚೈಸಿಗಳಿಂದ ಬರುತ್ತಿದ್ದು ಇದನ್ನು ಸ್ವತಂತ್ರ ವ್ಯಕ್ತಿಗಳು ಕಿಯೋಸಾಕಿಯ ಬ್ರಾಂಡ್ ಹೆಸರನ್ನು ಬಳಸಿಕೊಂಡು ನಡೆಸುತ್ತಾರೆ.

೨೦೧೨ ರಲ್ಲಿ ಕಿಯೋಸಾಕಿಯ ಕಂಪನಿ "ರಿಚ್ ಗ್ಲೋಬಲ್ ಎಲ್ಎಲ್ ಸಿ" ದಿವಾಳಿತನಕ್ಕಾಗಿ ಅರ್ಜಿ ಸಲ್ಲಿಸಿತು ಹಾಗೂ ದಿ ಲರ್ನಿಂಗ್ ಅನೆಕ್ಸ್ ಮತ್ತು ಅದರ ಸಂಸ್ಥಾಪಕರಿಗೆ ಸುಮಾರು $೨೪ ಮಿಲಿಯನ್ ಪಾವತಿಸಲು ಆದೇಶಿಸಲಾಯಿತು.

ವ್ಯಾಪಾರ ಮತ್ತು ಆರ್ಥಿಕ ಸಲಹೆ

ಕಿಯೋಸಾಕಿ ಅವರು ರಿಚ್ ಡ್ಯಾಡ್ ಪೂರ್ ಡ್ಯಾಡ್ ಸೇರಿದಂತೆ ೨೬ ಕ್ಕೂ ಹೆಚ್ಚು ಪುಸ್ತಕಗಳನ್ನು ಬರೆದಿದ್ದಾರೆ. ಇದನ್ನು ೫೧ ಭಾಷೆಗಳಿಗೆ ಅನುವಾದಿಸಲಾಗಿದೆ ಮತ್ತು ಪ್ರಪಂಚದಾದ್ಯಂತ ೪೧ ಮಿಲಿಯನ್ ಪ್ರತಿಗಳು ಮಾರಾಟವಾಗಿವೆ .

ನಿಷ್ಕ್ರಿಯ ಆದಾಯದ ಮೂಲಕ ಆರ್ಥಿಕ ಸ್ವಾತಂತ್ರ್ಯವನ್ನು ಸಾಧಿಸಬಹುದು ಎಂದು ಕಿಯೋಸಾಕಿಯ ಹಣಕಾಸು ಮತ್ತು ವ್ಯವಹಾರದ ಬೋಧನೆಗಳು ಹೇಳುತ್ತವೆ. ಶಾಲೆಗೆ ಹೋಗುವುದರಿಂದ ಮತ್ತು ಸಾಂಪ್ರದಾಯಿಕ ಉದ್ಯೋಗವನ್ನು ಪಡೆಯುವುದರಿಂದ ಸಂಪತ್ತನ್ನು ಸಾಧಿಸಲಾಗುವುದಿಲ್ಲ ಎಂದು ಅವರು ಹೇಳುತ್ತಾರೆ.

ವೈಯಕ್ತಿಕ ಜೀವನ

೨೦೧೬ರ ಅಧ್ಯಕ್ಷೀಯ ಚುನಾವಣೆಗಳಿಗೆ ರಿಪಬ್ಲಿಕನ್ ಅಭ್ಯರ್ಥಿ ಡೊನಾಲ್ಡ್ ಟ್ರಂಪ್ ಅವರನ್ನು ಕಿಯೋಸಾಕಿ ಅನುಮೋದಿಸಿದರು ಮತ್ತು ಬೆಂಬಲಿಸಿದರು . ಕಿಯೋಸಾಕಿ ಅವರು ಈ ಹಿಂದೆ ಟ್ರಂಪ್ ಜೊತೆಗೆ ಎರಡು ಪುಸ್ತಕಗಳಿಗೆ ಸಹ-ಲೇಖಕರಾಗಿದ್ದರು . ಇವರು ರಿಚ್ ಡ್ಯಾಡ್ ಪೂರ್ ಡ್ಯಾಡ್, ಕ್ಯಾಶ್ ಫ್ಲೋ ಕ್ವಾಡ್ರಾಂಟ್, ರಿಚ್ ಡ್ಯಾಡ್'ಸ್ ರಿಚ್ ಕಿಡ್ ಸ್ಮಾರ್ಟ್ ಕಿಡ್, ರಿಚ್ ಡ್ಯಾಡ್'ಸ್ ರಿಟೈರ್ ಯಂಗ್ ರಿಟೈರ್ ರಿಚ್ ಮತ್ತು ಇತರೆ ಪುಸ್ತಕಗಳನ್ನು ರಚಿಸಿದರು.

ಟೀಕೆ

ಕಿಯೋಸಾಕಿಯ ಸಲಹೆಯು ಉಪಾಖ್ಯಾನಗಳಿಗೆ ಒತ್ತು ನೀಡುವುದಕ್ಕಾಗಿ ಟೀಕಿಸಲ್ಪಟ್ಟಿದೆ ಮತ್ತು ಓದುಗರು ಹೇಗೆ ಮುಂದುವರಿಯಬೇಕು ಅಥವಾ ಕೆಲಸ ಮಾಡಬೇಕು ಎಂಬುದರ ಕುರಿತು ಕಾಂಕ್ರೀಟ್ ಸಲಹೆಯ ರೀತಿಯಲ್ಲಿ ಏನನ್ನೂ ಹೊಂದಿಲ್ಲ.

೨೦೦೬ ಮತ್ತು ೨೦೦೭ ರಲ್ಲಿ ಕಿಯೋಸಾಕಿಯ ರಿಚ್ ಡ್ಯಾಡ್ ಸೆಮಿನಾರ್‌ಗಳು ರಿಯಲ್ ಎಸ್ಟೇಟ್ ಅನ್ನು ಅವುಗಳ ಬೆಲೆಗಳು ಕುಸಿಯುವ ಮೊದಲು ಉತ್ತಮ ಹೂಡಿಕೆಯಾಗಿ ಉತ್ತೇಜಿಸುವುದನ್ನು ಮುಂದುವರೆಸಿದವು.

೨೦೧೦ ರಲ್ಲಿ ಕೆನಡಿಯನ್ ಬ್ರಾಡ್‌ಕಾಸ್ಟಿಂಗ್ ಕಾರ್ಪೊರೇಶನ್ ಸೆಮಿನಾರ್‌ಗಳ ಸೋಗಿನಲ್ಲಿ ಕೆನಡಾದಲ್ಲಿ ಕಿಯೋಸಾಕಿಯ ಕಂಪನಿಯು ನಿರಂತರವಾಗಿ ನಡೆಸುತ್ತಿರುವ ಹಗರಣಗಳ ಬಗ್ಗೆ ಬಹಿರಂಗಪಡಿಸಿತು. "ರಿಚ್ ಡ್ಯಾಡ್" ಸೆಮಿನಾರ್ ಸಂಘಟಕರ ಯಶಸ್ಸಿನ ಹಕ್ಕುಗಳನ್ನು ಟ್ರ್ಯಾಕ್ ಮಾಡಿದ ನಂತರ ಈ ಹಕ್ಕುಗಳು ನಿಜವಲ್ಲ ಎಂದು ಅವರು ಕಂಡುಹಿಡಿದರು. ಸೆಮಿನಾರ್ ಶಿಕ್ಷಕರಿಂದ "ಯಶಸ್ವಿ" ಎಂದು ಪ್ರಚಾರ ಮಾಡಲಾಗುತ್ತಿದ್ದ ಟ್ರೈಲರ್‌ಗಳು ಮತ್ತು ಟ್ರೈಲರ್ ಪಾರ್ಕ್‌ಗಳಲ್ಲಿನ ಹೂಡಿಕೆಗಳು ವಾಸ್ತವವಾಗಿ ಯಾರೂ ಬಳಸದ ಬಂಜರು ಭೂಮಿ ಎಂದು ಕಂಡುಬಂದಿದೆ. ಕೆನಡಾದಲ್ಲಿ ಅವರ ಸೆಮಿನಾರ್‌ಗಳಲ್ಲಿ ಅವರ ಮಾರ್ಕೆಟ್‌ಪ್ಲೇಸ್ ಎಕ್ಸ್ಪೋಸ್ $೪೫೦ ಸೆಮಿನಾರ್‌ಗಳಲ್ಲಿ ಏನಾಯಿತು ಎಂಬುದನ್ನು ಹಿಡನ್ ಕ್ಯಾಮೆರಾದ ಮೂಲಕ ತೋರಿಸಿದ್ದು ಅದರಲ್ಲಿ ಕಿಯೋಸಾಕಿ ಅವರ ಪ್ರತಿಕ್ರಿಯೆಯೂ ಸೇರಿದೆ.

೨೦೧೦ ರಲ್ಲಿ ಸಿ. ಬಿ. ಎಸ್ ನ್ಯೂಸ್‌ನ ಅಲನ್ ರಾತ್ ಅವರು ರಿಚ್ ಡ್ಯಾಡ್‌ನ ಉಚಿತ ಸೆಮಿನಾರ್‌ಗಳಲ್ಲಿ ಒಂದರಲ್ಲಿ ಭಾಗವಹಿಸಿದಾಗ ಏನಾಯಿತು ಎಂಬುದನ್ನು ದಾಖಲಿಸಿದ್ದಾರೆ.

ಡಬ್ಲ್ಯೂ.ಟಿ.ಎ.ಇ -ಟಿವಿ ಪೆನ್ಸಿಲ್ವೇನಿಯಾದ ಪಿಟ್ಸ್‌ಬರ್ಗ್‌ನಲ್ಲಿರುವ ಎಬಿಸಿ ಟೆಲಿವಿಷನ್ ಸ್ಟೇಷನ್ ೨೦೧೩ ರಲ್ಲಿ ಅವನ ಬಗ್ಗೆ ಮತ್ತೊಂದು ವಿಮರ್ಶಾತ್ಮಕ ವಿಭಾಗವನ್ನು ನಿರ್ಮಿಸಿತು.