ಯೇ ಮೇರಾ ಇಂಡಿಯಾ (ಚಲನಚಿತ್ರ)
Yeh Mera India (also named Y.M.I. Yeh Mera India ಹಿಂದಿ:ये मेरा इंडिया (भारत)) ಅನ್ನುವುದು 2008ರ ಹಿಂದಿ ಚಲನಚಿತ್ರ. ಇದನ್ನು ಬರೆದು ನಿರ್ದೇಶಿಸಿದವರು ಎನ್.ಚಂದ್ರ. ಈ ಚಲನಚಿತ್ರದಲ್ಲಿ ಅನುಪಮ್ ಖೇರ್, ಪೆರಿಜಾಬಾದ್ ಜೊರಾಬಿಯಾನ್ , ಸಯ್ಯಾಜಿ ಶಿಂದೆ, ಪೂರಬ್ ಕೊಹ್ಲಿ, ರಾಜ್ಪಾಲ್ ಯಾದವ್, ಸಾರಿಕಾ, ಸೀಮಾ ಬಿಸ್ವಾಸ್ ಅಭಿನಯಿಸಿದ್ದಾರೆ.
ಕಥಾವಸ್ತು
ಬದಲಾಯಿಸಿಯೇ ಮೇರಾ ಇಂಡಿಯಾ ಮುಂಬೈ ಸಮಗ್ರ ಜೀವನಶೈಲಿ ಮೇಲೆ ಕೇಂದ್ರೀಕೃತವಾಗಿದೆ. ಇದು ಸಮಾಜದ ಮೂಲೆಯಲ್ಲಿ ವ್ಯಾಪಿಸಿರುವ ಪಕ್ಷಪಾತಗಳ ಮೇಲೆ ವಿಶೇಷ ಗಮನ ಹರಿಸುತ್ತದೆ. ಅದು ಕೋಮು, ಸಾಮಾಜಿಕ, ಆರ್ಥಿಕ, ಧಾರ್ಮಿಕ ಅಥವಾ ಶೈಕ್ಷಣಿಕ ಪಕ್ಷಪಾತಗಳ ಬಗ್ಗೆ ಬೆಳಕು ಚೆಲ್ಲುತ್ತದೆ. ವಿಭಿನ್ನ ಪಾತ್ರಗಳನ್ನು ಒಂದೇ ಕಥೆಗೆ ಹೆಣೆಯುವ ಮೂಲಕ ಚಿತ್ರದ ಸಂಪೂರ್ಣ ಚಿತ್ರಣದಲ್ಲಿ "ಪಕ್ಷಪಾತ"ದ ಅಂಶವು ಹೆಚ್ಚು ಕಾಣುತ್ತದೆ.
ಚಿತ್ರದಲ್ಲಿ ಅಳವಡಿಸಲಾಗಿರುವ ವಿವಿಧ ಪಕ್ಷಪಾತಗಳು ಈ ಕೆಳಗಿನಂತಿವೆ.
ಧಾರ್ಮಿಕ ಪಕ್ಷಪಾತ
ಬದಲಾಯಿಸಿಒಬ್ಬ ಭಕ್ತ ಮುಸ್ಲಿಂ ಧಾರ್ಮಿಕ ನಾಯಕನ ಮೂಲಭೂತವಾದದ ಧರ್ಮೋಪದೇಶಗಳನ್ನು ಕೇಳುತ್ತಾನೆ. ಅದು ಇಸ್ಲಾಮಿಕ್ ಸಮುದಾಯದೊಳಗೆ ಸಂಭವಿಸುವ ತಪ್ಪುಗಳಿಗೆ ಸೇಡು ತೀರಿಸಿಕೊಳ್ಳಲು ತನ್ನ ಅನುಯಾಯಿಗಳನ್ನು ಪ್ರಚೋದಿಸುವ ಗುರಿಯನ್ನು ಹೊಂದಿದೆ. ಇದು ಅವರ ಅನುಯಾಯಿಗಳು ನಗರದಲ್ಲಿ ವಿನಾಶವನ್ನು ಸೃಷ್ಟಿಸಲು ಸಹಕರಿಸುವಂತೆ ಮಾಡುತ್ತದೆ. ಆದರೆ ಇವರ ಯೋಜನೆಗಳು ವಿಫಲವಾಗುತ್ತವೆ. ಆದಾಗ್ಯೂ, ಯೋಜನೆಯು ಯಶಸ್ವಿಯಾಗುತ್ತೆ ಅನ್ನುವ ಹೊತ್ತಿಗೆ ಹಿಂದೂ ಹುಡುಗನೊಬ್ಬ ಅದರ ಕಡೆಗೆ ನಡೆಯುವುದನ್ನು ನೋಡಿದ ಅನುಯಾಯಿ ಅದನ್ನು ಸ್ಥಗಿತಗೊಳಿಸಲು ನಿರ್ಧರಿಸುತ್ತಾನೆ. ಈ ಮಗು ಈ ಹಿಂದೆ ಕಳೆದುಹೋದ ಮುಸ್ಲಿಂ ಹುಡುಗಿಯೊಬ್ಬಳಿಗೆ ತನ್ನ ತಾಯಿಯನ್ನು ಹುಡುಕಲು ಸಹಾಯ ಮಾಡಿದ ಹುಡುಗನಾಗಿರುತ್ತಾನೆ.
ಕೋಮು ಪಕ್ಷಪಾತ
ಬದಲಾಯಿಸಿರಾಜ್ಪಾಲ್ ಯಾದವ್ ಒಬ್ಬ ಬಿಹಾರಿ ಆಗಿದ್ದು, ಕೆಲಸ ಹುಡುಕಿಕೊಂಡು ಮುಂಬೈಗೆ ಬಂದಿದ್ದಾನೆ. ಸ್ವಲ್ಪ ಹಣ ಮತ್ತು ಆಹಾರದ ಅನ್ವೇಷಣೆಯಲ್ಲಿ ಯಾದವ್ ತನ್ನ ಸಮುದಾಯದ ವಿರುದ್ಧ ನಂಬಲಾಗದ ಪಕ್ಷಪಾತಗಳನ್ನು ಎದುರಿಸುತ್ತಾನೆ. ಮರಾಠರು ಉದ್ಯೋಗಗಳನ್ನು ಕಸಿದುಕೊಂಡಿದ್ದಕ್ಕಾಗಿ ಆತನ ಮತವನ್ನು ದೂಷಿಸುತ್ತಾರೆ ಮತ್ತು ಇತರರು ಆತನ ತಾಂತ್ರಿಕ ಕೌಶಲ್ಯಗಳನ್ನು ಅಪಹಾಸ್ಯ ಮಾಡುತ್ತಾರೆ. ಮತ್ತೊಂದೆಡೆ, ಬ್ರಾಹ್ಮಣ ರಾಜಕಾರಣಿಯಾದ ಶ್ರೀವಲ್ಲಭ್ ವ್ಯಾಸ್ ತನ್ನ ಮಗನ ದಲಿತ ಹುಡುಗಿಯಾದ ಸ್ಮೈಲಿ ಸೂರಿ ಪ್ರೇಮ ಸಂಬಂಧವನ್ನು ವಿರೋಧಿಸುತ್ತಾನೆ. ಆದರೆ, ರಾಜಕೀಯ ಲಾಭಕ್ಕಾಗಿ ಈ ಸಂಬಂಧವನ್ನು ಬಳಸಿಕೊಳ್ಳಲು ನಿರ್ಧರಿಸುತ್ತಾನೆ.
ಸಾಮಾಜಿಕ ಪಕ್ಷಪಾತ
ಬದಲಾಯಿಸಿಸಾರಿಕಾ ಅವರು ದೊಡ್ಡ ಆಸ್ಪತ್ರೆಯ ಆಡಳಿತಗಾರರಾಗಿದ್ದು ಅದನ್ನು ಉತ್ಸಾಹದಿಂದ ನಡೆಸುತ್ತಾರೆ. ಸೀಮಾ ಬಿಸ್ವಾಸ್ ಒಬ್ಬ ಬಡ ಮಹಿಳೆಯಾಗಿದ್ದು, ತನ್ನ ಗಂಡನನ್ನು ಮೋಸದ ಪ್ರಕರಣದಿಂದ ಬಿಡಿಸಿಕೊಳ್ಳಲು ಜಾಮೀನಿನ ಹಣಕ್ಕಾಗಿ ಹಣವನ್ನು ಸಂಗ್ರಹಿಸಲು ಪ್ರಯತ್ನಿಸುತ್ತಿದ್ದಾಳೆ. ಬಿಸ್ವಾಸ್ ಸಾರಿಕಾಳ ಮನೆಯಲ್ಲಿ ಕೆಲಸ ಮಾಡುತ್ತಾನೆ. ಅಲ್ಲೇ ಊಟ ಮಾಡುತ್ತಾನೆ ಮತ್ತು ಮನೆಯನ್ನು ಸ್ವಚ್ಛಗೊಳಿಸುತ್ತಾನೆ. ಸೀಮಾಳ ಪ್ರಾಮಾಣಿಕ ಕೆಲಸದ ಹೊರತಾಗಿಯೂ, ಮನೆಯಲ್ಲಿದ್ದ ಕಾಣೆಯಾದಾಗ ಸಾರಿಕಾ ಅವಳನ್ನು ಅನುಮಾನಿಸುತ್ತಾಳೆ. ಅವಳ ಪರ್ಸ್ ಅನ್ನು ಪರಿಶೀಲಿಸುತ್ತಾಳೆ ಮತ್ತು ಅವಳ ಚಾರಿತ್ರದ ಬಗ್ಗೆ ಅನುಮಾನಿಸುತ್ತಾಳೆ. ಕೊನೆಯಲ್ಲಿ, ನಿರ್ಣಾಯಕ ಕ್ಷಣದಲ್ಲಿ ಸೀಮಾಳ ಗಂಡ ವಿಶ್ವಾಸ್/ಬಿಸ್ವಾಸ್ ಸಾರಿಕಾಳ ಸಹಾಯಕ್ಕೆ ಬರುತ್ತಾನೆ.
ಲಿಂಗ ತಾರತಮ್ಯ
ಬದಲಾಯಿಸಿಸಾರಿಕಾ ಪತಿ ಯಶಸ್ವಿ ಬಿಲ್ಡರ್ ಮತ್ತು ಮುಂಬೈನಾದ್ಯಂತ ಹಲವಾರು ಕಾಲ್ ಸೆಂಟರ್ ಮಾಲೀಕರಾಗಿದ್ದಾರೆ. ಹಣ ಮತ್ತು ಅಧಿಕಾರದ ಅಮಲಿನಲ್ಲಿದ್ದ ಆತ ಪ್ರತಿ ಕ್ಷಣವನ್ನೂ ಮಹಿಳೆಯರನ್ನು ಆಕರ್ಷಿಸಲು ಅವರಿಗೆ ದುಬಾರಿ ಉಡುಗೊರೆಗಳನ್ನು ಕೊಡುತ್ತಿರುತ್ತಾನೆ. ಆದಾಗ್ಯೂ ಅವನು ತಾನು ಎತ್ತ ಸಾಗುತ್ತಿದ್ದೇನೆ ಎಂಬ ಗೊಂದಲಕ್ಕೊಳಗಾಗುವ ತಿರುವು ಅವನ ಬದುಕಿನಲ್ಲಿ ಬರುತ್ತದೆ. ವಾಸ್ತವವನ್ನು ಎದುರಿಸಲು ಸಾಧ್ಯವಾಗುವುದಿಲ್ಲ, ಆದರೆ ಅದರ ಪರಿಣಾಮಗಳನ್ನು ಅರ್ಥಮಾಡಿಕೊಳ್ಳುತ್ತಾನೆ.
ಆರ್ಥಿಕ ಪಕ್ಷಪಾತ
ಬದಲಾಯಿಸಿಪೆರಿಜಾದ್ ಝೋರಾಬಿಯನ್ ಚಾನೆಲ್ ಯಶಸ್ವಿ ಸೃಜನಶೀಲ ಮುಖ್ಯಸ್ಥರಾಗಿದ್ದಾರೆ. ಆದಾಗ್ಯೂ, ಕೆಲಸ ಮತ್ತು ಜೀವನವು ಆಕೆಯನ್ನು ಉದ್ವಿಗ್ನಗೊಳಿಸಿದೆ. ಮುಂಬೈನ ವಿಪರೀತ ಒತ್ತಡವನ್ನು ಸಹಿಸಿಕೊಳ್ಳಲು ಸಾಧ್ಯವಾಗದ ಆಕೆ ತನ್ನ ಗಂಡನನ್ನು ಯುನೈಟೆಡ್ ಸ್ಟೇಟ್ಸ್ ಅಥವಾ ಯುನೈಟೆಡ್ ಕಿಂಗ್ಡಮ್ ಕೆಲಸ ಹುಡುಕುವಂತೆ ಕೇಳಿಕೊಳ್ಳುತ್ತಾಳೆ. ಪೆರಿಝಾದ್ ಜನರನ್ನು ಅವಮಾನಿಸುವ ಅವಕಾಶಗಳನ್ನು ಹುಡುಕುತ್ತಾಳೆ ಮತ್ತು ಆಕೆಯ ಆರ್ಥಿಕ ಶಕ್ತಿಯು ಭಾವನೆಗೆ ಬಲಿಯಾಗುವುದಿಲ್ಲ ಎಂದು ಕಂಡುಕೊಳ್ಳುತ್ತಾಳೆ.
ಈ ರೀತಿಯ ಪಕ್ಷಪಾತಗಳು ವ್ಯಕ್ತಿಗಳ ಪಕ್ಷಪಾತ ಮತ್ತು ಮುಂಬೈನ ಜೀವನಶೈಲಿಯ ವಾಸ್ತವತೆಯ ಆಧಾರದ ಮೇಲೆ ನಿರ್ಣಯಗಳನ್ನು ಕಂಡುಕೊಳ್ಳಲು ಇಡೀ ಕಥೆಯನ್ನು ಹೆಣೆದಿವೆ. ಎಂ. ಲೂಥರ್ ಕಿಂಗ್ ಹೇಳಿದಂತೆ, ನಾವು ಸಹೋದರರಂತೆ ಒಟ್ಟಿಗೆ ಬದುಕಲು ಕಲಿಯಬೇಕು ಅಥವಾ ಮೂರ್ಖರಂತೆ ನಾಶವಾಗಬೇಕು ಎಂಬುದು ಚಲನಚಿತ್ರದ ಮೂಲಕ ಸ್ಪಷ್ಟವಾಗಿ ಹರಡುವ ಸಂದೇಶವಾಗಿದೆ. [೧] ಚಲನಚಿತ್ರದ ಕಥಾವಸ್ತುವು ಮ್ಯಾಟ್ ಡಿಲ್ಲಾನ್, ಸಾಂಡ್ರಾ ಬುಲಕ್, ಡಾನ್ ಚೀಡಲ್, ಥಾಂಡಿ ನ್ಯೂಟನ್ ಮತ್ತು ಬ್ರೆಂಡನ್ ಫ್ರೇಸರ್ ನಟಿಸಿದ ಅಮೆರಿಕದ ಚಲನಚಿತ್ರ ಕ್ರಾಶ್ (2004) ಕಥಾವಸ್ತುವಿನೊಂದಿಗೆ ಕೆಲವು ಹೋಲಿಕೆಗಳನ್ನು ಹೊಂದಿದೆ.
ಪಾತ್ರವರ್ಗ
ಬದಲಾಯಿಸಿ| ನಟ ಅಥವಾ ನಟಿ | ಪಾತ್ರ |
|---|---|
| ಅನುಪಮ್ ಖೇರ್ | ನ್ಯಾಯಾಧೀಶ ಅಯ್ಯರ್ |
| ಅತುಲ್ ಕುಲ್ಕರ್ಣಿ | ರಾಜಾ ಶೆಟ್ಟಿ |
| ಆಕಾಶ್ ಪಾಂಡೆ | ಟಿವಿ ನಿರ್ದೇಶಕರು |
| ಮಿಲಿಂದ್ ಗುಣಾಜಿ | ಅಶ್ಫಕ್ |
| ಪೆರಿಜಾಡ್ ಝೋರಾಬಿಯನ್ | ಜೆನ್ನಿಫರ್ ಅಲಿ |
| ಪುರಬ್ ಕೊಹ್ಲಿ | ನಚಿಕೇತ್ ಜೋಶಿ |
| ಶ್ರೀವಲ್ಲಭ್ ವ್ಯಾಸ್ | ವಿವೇಕ್ ಜೋಶಿ |
| ಸ್ಮೈಲಿ ಸೂರಿ | ಆಶಾ ಅಂಬೇಡ್ಕರ್ |
| ಪರ್ವೀನ್ ದಾಬಾಸ್ | ಸಮೀರ್ ಅಲಿ |
| ರಜಿತ್ ಕಪೂರ್ | ಅರುಣ್ ತಲ್ರೇಜಾ |
| ರಾಜ್ಪಾಲ್ ಯಾದವ್ | ಭೋಲಾ ಪಾಸ್ವಾನ್ |
| ಸಾರಿಕಾ | ಸುಷ್ಮಾ ತಲ್ರೇಜಾ |
| ಸಯಾಜಿ ಶಿಂಧೆ | ಇನ್ಸ್ಪೆಕ್ಟರ್ ಚಂದ್ರಕಾಂತ್ ಶಿಂಧೆ |
| ಸೀಮಾ ಬಿಸ್ವಾಸ್ | ಶಾರದಾ ಬಾಯಿ |
| ವಿಜಯ್ ರಾಜ್ | ನೂರ್ ಅಹ್ಮದ್ ಖಾನ್ |
| ಅಶ್ವಿನ್ ಮುಶ್ರಾನ್ | ಅಮರ್ಜಿತ್ ಸಿಂಗ್ |
| ವಿರೇಂದ್ರ ಸಕ್ಸೇನಾ | ಡಾ. ಮಂದದಿ |
| ಸಿದ್ಧಾಂತ್ ಕಾರ್ನಿಕ್ | ಜತಿನ್ ಗುಂಗುಳಿ |
ಚಿತ್ರವನ್ನು ಜನ ಸ್ವೀಕರಿಸಿದ ಪರಿ
ಬದಲಾಯಿಸಿಯೇ ಮೇರಾ ಇಂಡಿಯಾ ವಿಮರ್ಶಕರಿಂದ ಮಿಶ್ರ ವಿಮರ್ಶೆಗಳನ್ನು ಪಡೆಯಿತು. [೨]ರಾಜೀವ್ ಮಸಂದ್ ತಮ್ಮ ವಿಮರ್ಶೆಯಲ್ಲಿ "ನಟನೆಯು ಅತ್ಯಂತ ದುರ್ಬಲವಾಗಿದ್ದು ಎಲ್ಲಾ ಸನ್ನಿವೇಶಗಳು ಉತ್ಪ್ರೇಕ್ಷಿತವಾಗಿವೆ" ಎಂದು ಹೇಳಿದರು, [೩] ಆದರೆ ತರಣ್ ಆದರ್ಶ್ ಹೇಳುವಂತೆ "ಇದು ನಿಮ್ಮ ಆತ್ಮಸಾಕ್ಷಿಯನ್ನು ಚುಚ್ಚುವ ಮತ್ತು ನಿಮ್ಮನ್ನು ಯೋಚಿಸುವಂತೆ ಮಾಡುವ ಚಿತ್ರವಾಗಿದೆ". ಇದು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಪ್ರದರ್ಶನ ನೀಡಲು ವಿಫಲವಾಯಿತು [೪].
ಹಾಡುಗಳು
ಬದಲಾಯಿಸಿ- "ಆಪ್ ರೂಥೆ ರಹೇ" (ಕವಿತಾ ಸೇಥ್)
- "ಬನ್ಸುರಿ" (ಝುಬೀನ್ ಗರ್ಗ್)
- "ದಿಲ್ ಮಂದಿರ್" (ಕವಿತಾ ಸೇಠ್)
- "ಮೋರ್ ನೈನಾ" (ಕವಿತಾ ಸೇಥ್)
ಉಲ್ಲೇಖಗಳು
ಬದಲಾಯಿಸಿ- ↑ Jhunjhunwal, Udita (28 August 2009). "Yeh Mera India". DNA. Retrieved 15 July 2011.
- ↑ Adarsh, Taran (29 August 2009). "Y.M.I. - Yeh Mera India". Bollywood Hungama. Retrieved 15 July 2011.[ಮಡಿದ ಕೊಂಡಿ]
- ↑ Masand, Rajeev (29 August 2009). "Masand's Verdict: Yeh Mera India over the top". CNN-IBN. Archived from the original on 30 August 2009. Retrieved 15 July 2011.
- ↑ Adesara, Hetal (8 September 2009). "Box Office: All eyes on Wanted and Dil Bole Hadippa". Business Of Cinema. Retrieved 15 July 2011.