ಭಾರ್‌ಓಎಸ್

ಭಾರ್‌ಓಎಸ್(BharOS(ಭಾರತ್ ಆಪರೇಟಿಂಗ್ ಸಿಸ್ಟಮ್)) ಎಂಬುದು ಐಐಟಿ ಮದ್ರಾಸ್‌ನಿಂದ ವಿನ್ಯಾಸಗೊಳಿಸಲಾದ ಲೀನಕ್ಸ ಕೆರ್ನೆಲ್ ಆಧಾರಿತ ಮೊಬೈಲ್ ಕಾರ್ಯನಿರ್ವಹಣ ಸಾಧನ(ಆಪರೇಟಿಂಗ್ ಸಿಸ್ಟಮ್ ಆಗಿದೆ(OS).ಇದು ಸರ್ಕಾರಿ ಮತ್ತು ಸಾರ್ವಜನಿಕ ವ್ಯವಸ್ಥೆಗಳಲ್ಲಿ ಬಳಕೆಗಾಗಿ ಉಚಿತ ಮತ್ತು ಮುಕ್ತ-ಆಕರ ಕಾರ್ಯಾಚರಣಾ ವ್ಯವಸ್ಥೆ(ಆಪರೇಟಿಂಗ್ ಸಿಸ್ಟಮ್(OS)) ಅನ್ನು ಅಭಿವೃದ್ಧಿಪಡಿಸಲು ಭಾರತೀಯ ಸರ್ಕಾರದಿಂದ ಅನುದಾನಿತ ಯೋಜನೆಯಾಗಿದೆ. ಆದರೆ, ಇದು ಆಂಡ್ರಾಯ್ಡ್‌ನ ಪೋರ್ಕ್ಡ್(AOSP) ಆವೃತ್ತಿ ಎಂದು ತೋರುತ್ತದೆ ಎಂದು ಇಂಡಿಯನ್ ಎಕ್ಸ್‌ಪ್ರೆಸ್‍ ಪತ್ರಿಕೆಯ ಹೇಳಿದೆ.ಇದು ಸಂಭಾವ್ಯವಾಗಿ, ಆಂಡ್ರಾಯ್ಡ್‌ನ ಮುಕ್ತ ಆಕರ ಯೋಜನೆಯ ಮೇಲೆ ಆಧಾರವಾಗಿದೆ.

ಭಾರ್‌ಓಎಸ್

ಡೆವಲಪರ್ಗಳು	ಜೆ ಆಂಡ್ ಕೆ ಆಪರೇಷನ್ಸ್ ಪ್ರೈವೇಟ್ ಲಿಮಿಟೆಡ್ , ಐಐಟಿ, ಚೆನ್ನೈ
ಕೆಲಸದ ಸ್ಥಾನ	ಪ್ರಸಕ್ತ
ಮೂಲ ಮಾದರಿ	ಮುಕ್ತ ಆಕರ
ಆರಂಭಿಕ ಬಿಡುಗಡೆ	ಜನವರಿ 24, 2023 (2023-೦೧-24)
ಮಾರುಕಟ್ಟೆ ಗುರಿ	ಸ್ಮಾರ್ಟ ಪೋನ್ಗಳು
ಭಾಷೆಗಳಲ್ಲಿ ಲಭ್ಯ	ಇಂಗ್ಲೀಷ್, ಹಿಂದಿ
ಪ್ಲಾಟ್‌ಫಾರ್ಮ್	ಎಆರ್‍ಎಂ೬೪(ARM64)
ಪ್ರಾಥಮಿಕ ಯೂಸರ್ ಇಂಟರ್ಫೆಸ್	ಗ್ರಾಫಿಕಲ್(ಮಲ್ಟಿಟಚ್)(Graphical(multi-touch))
ಬೆಂಬಲ ಸ್ಥಿತಿ
ಬೆಂಬಲಿಸಲ್ಪಟ್ಟಿದೆ

ಇತಿಹಾಸ

ಗೂಗಲ್ ತನ್ನ ಆಂಡ್ರಾಯ್ಡ್ ಮೊಬೈಲ್ ಆಪರೇಟಿಂಗ್ ಸಿಸ್ಟಮ್‌ಗೆ ಸಂಬಂಧಿಸಿದ ತನ್ನ ಚಟುವಟಿಕೆಗಳಿಗಾಗಿ ಕಾಂಪಿಟೇಶನ್ ಕಮೀಷನ್ ಆಫ್ ಇಂಡಿಯಾ( Competition Commission of India (CCI))ದಿಂದ ವಿರೋಧವನ್ನು ಎದುರಿಸುತ್ತಿದೆ.ಮಾರಾಟಕ್ಕೆ ಹೆಚ್ಚಿನ ಶುಲ್ಕವನ್ನು ವಿಧಿಸದ ಭಾರತೀಯ ಕಿರು ತಂತ್ರಾಂಶಗಳ ಮಳಿಗೆಗಳ ಅಗತ್ಯಕ್ಕಾಗಿ ಬಹಳ ಬೇಡಿಕೆಗಳಿವೆ.ಭಾರ್‌ಓಎಸ್ ಯೋಜನೆಯು ಸ್ಮಾರ್ಟ್‌ಫೋನ್‌ಗಳಲ್ಲಿ ವಿದೇಶಿ ಆಪರೇಟಿಂಗ್ ಸಿಸ್ಟಮ್‌ಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಲು ಮತ್ತು ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ ತಂತ್ರಜ್ಞಾನದ ಬಳಕೆಯನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ. ಇದನ್ನು ಜೆ ಆಂಡ್ ಕೆ ಆಪರೇಷನ್ಸ್ ಪ್ರೈವೇಟ್ ಲಿಮಿಟೆಡ್ (JandK Operations Private Limited) ಅಭಿವೃದ್ಧಿಪಡಿಸಿದೆ, ಇದಕ್ಕೆ ಐಐಟಿ ಮದ್ರಾಸ್‌ನಲ್ಲಿ ಪೋಷಣೆ ನೀಡಲಾಗಿದೆ.ದೂರಸಂಪರ್ಕ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವ ಅಶ್ವಿನಿ ವೈಷ್ಣವ್ ಮತ್ತು ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ್ ಅವರು ಸಾರ್ವಜನಿಕ ಸಮಾರಂಭದಲ್ಲಿ ಈ ಕಾರ್ಯಾಚರಣ ಸಾಧನವನ್ನು ಶ್ಲಾಘಿಸಿದರು.

ವೈಶಿಷ್ಟ್ಯಗಳು

ಭಾರ್‌ಓಎಸ್ ಭದ್ರತಾ ಪ್ರಜ್ಞೆಯ ಗುಂಪುಗಳನ್ನು ಗುರಿಯಾಗಿಸುತ್ತದೆ. ಇದು ಯಾವುದೇ ಪೂರ್ವಸ್ಥಾಪಿತ ಸೇವೆಗಳು ಅಥವಾ ತಂತ್ರಾಂಶ(ಅಪ್ಲಿಕೇಶನ್‌)ಗಳೊಡನೆ ಬರುವುದಿಲ್ಲ.ಈ ವಿಧಾನವು ಬಳಕೆದಾರರಿಗೆ ಹೆಚ್ಚಿನ ಸ್ವಾತಂತ್ರ್ಯವನ್ನು ನೀಡುತ್ತದೆ ಮತ್ತು ಅವರ ಸಾಧನದಲ್ಲಿ ಅಪ್ಲಿಕೇಶನ್‌ಗಳಿಗೆ ಲಭ್ಯವಿರುವ ಅನುಮತಿಗಳ ಮೇಲೆ ನಿಯಂತ್ರಣವನ್ನು ನೀಡುತ್ತದೆ. ಬಳಕೆದಾರರು ತಮ್ಮ ಸಾಧನದಲ್ಲಿ ಕೆಲವು ವೈಶಿಷ್ಟ್ಯಗಳು ಅಥವಾ ಡೇಟಾವನ್ನು ಪ್ರವೇಶಿಸಲು ಅಗತ್ಯವಿರುವ ಅಪ್ಲಿಕೇಶನ್‌ಗಳಿಗೆ ಮಾತ್ರ ಅನುಮತಿಗಳನ್ನು ನೀಡಲು ಆಯ್ಕೆ ಮಾಡಬಹುದು. ತಂತ್ರಾಶವನ್ನು ವಾಣಿಜ್ಯಿಕವಾಗಿ ಲಭ್ಯವಿರುವ ಹ್ಯಾಂಡ್‌ಸೆಟ್‌ಗಳಲ್ಲಿ ಸ್ಥಾಪಿಸಬಹುದು ಮತ್ತು ಬಳಕೆದಾರರಿಗೆ ಸುರಕ್ಷಿತ ವಾತಾವರಣವನ್ನು ಒದಗಿಸಬಹುದು ಎಂದು ಕಂಪನಿಯು ಹೇಳಿಕೆಯಲ್ಲಿ ತಿಳಿಸಿದೆ. ಈ ಹೊಸ ಕಾರ್ಯನಿರ್ವಹಣ ಸಾಧನವು ಸಂಸ್ಥೆ- ಭದ್ರತೆ ಮತ್ತು ಗೌಪ್ಯತೆ ಮಾನದಂಡಗಳನ್ನು ಪೂರೈಸುವ ಕ್ಯುರೇಟೆಡ್ ಅಪ್ಲಿಕೇಶನ್‌ಗಳ ಪಟ್ಟಿಯಾಗಿರುವ ನಿರ್ದಿಷ್ಟ ಖಾಸಗಿ ಆಪ್ ಸ್ಟೋರ್ ಸೇವೆಗಳ (Private App Store Services (PASS)) ಮೂಲಕ ವಿಶ್ವಾಸಾರ್ಹ ಅಪ್ಲಿಕೇಶನ್‌ಗಳಿಗೆ ಪ್ರವೇಶವನ್ನು ಒದಗಿಸುತ್ತದೆ. ಬಳಕೆದಾರರು ನವೀಕರಣಗಳಿಗಾಗಿ ಹಸ್ತಚಾಲಿತವಾಗಿ ಪರಿಶೀಲಿಸುವ ಮತ್ತು ಅವುಗಳನ್ನು ಸ್ಥಾಪಿಸುವ ಬದಲು ಭದ್ರತಾ ನವೀಕರಣಗಳು ಮತ್ತು ದೋಷ ಪರಿಹಾರಗಳನ್ನು ಸ್ವಯಂಚಾಲಿತವಾಗಿ ಸ್ಥಾಪಿಸಲಾಗುತ್ತದೆ.