ಬೈಲಂಗಡಿ

ಪ್ರ

ಬೈಲಂಗಡಿಯು ಬೆಳ್ತಂಗಡಿ ತಾಲೂಕಿನಲ್ಲಿರುವ ಒಂದು ಸಣ್ಣ ಹಳ್ಳಿ. ಇದು ೧೬೦೦ರಲ್ಲಿ ಆಳ್ವಿಕೆಯಲ್ಲಿದ್ದ ಮೂಲ ಅರಸರ ರಾಜಧಾನಿಯಾಗಿತ್ತು.ಇಲ್ಲಿ ಒಂದು ಸಣ್ಣ ಬಸದಿ ಇದೆ. ಬೆಳ್ತಂಗಡಿಯಿಂದ ೨೨ ಕಿ.ಮೀ ದೂರದಲ್ಲಿರುವ ಇದು ಸುತ್ತ ಪಶ್ಚಿಮ ಘಟ್ಟಗಳ ಸಣ್ಣ ಪುಟ್ಟ ಬೆಟ್ಟಗಳಿಂದ ಆವೃತ್ತವಾಗಿದ್ದು ಸುಂದರವಾಗಿದೆ.

ಇತಿಹಾಸ

ಇದು ಕ್ರಿ.ಶ. ೧೬-೧೭ನೆಯ ಶತಮಾನದಲ್ಲಿ ಮೂಲ ಅರಸರ ರಾಜಧಾನಿಯಾಗಿತ್ತು. ಮೂಲ ಅರಸರು ಹಲವು ಮಾಗಣೆಗಳ ಒಡೆಯರಾಗಿದ್ದರು.ಕಥೆಯ ಪ್ರಕಾರ ಮೂಲ ಅರಸಿ ಸೋಮಲಾ ದೇವಿಗೂ ಅವಳ ಗಂಡ ಬಂಗಾಡಿಯ ಅರಸ ಬಂಗ ಅರಸನಿಗೂ ಅನಂತ ವೃತದ ವಿಷಯದಲ್ಲಿ ಜಗಳವಾಗಿ ದೊಡ್ಡ ಯುದ್ಧಕ್ಕೆ ಕಾರಣವಾಯಿತು. ಈ ಯುದ್ಧದಲ್ಲಿ ಬಂಗ ಅರಸ ಅರಸ ಕೊಲ್ಲಲ್ಪಟ್ಟ (ಕ್ರಿ. ಶ. ೧೬೩೦). ಇದರಿಂದ ನೊಂದ ಸೋಮಲಾ ದೇವಿಯು ಪಶ್ಚಾತ್ತಾಪಪಟ್ಟು ಆತ್ಮಹತ್ಯೆ ಮಾಡಿಕೊಂಡಳು. ಇವರಿಬ್ಬರ ಗೋರಿಯು ಈಗಲೂ ಬಸದಿಯಿಂದ ಮೂರು ಕಿ.ಮೀ.ದೂರದಲ್ಲಿರುವ ಪಾಳು ಅರಮನೆಯ ಬಯಲಿನಲ್ಲಿದೆ.

ಜನಜೀವನ

ಮೂಲ ಅರಸರ ಕಾಲದಲ್ಲಿ ಈ ಪ್ರದೇಶವು ಸಮೃದ್ಧವಾಗಿತ್ತು. ಇಲ್ಲಿ ಹಿತ್ತಾಳೆಯ ಕರಕುಶಲ ವಸ್ತುಗಳ ತಯಾರಿಕೆಯಾಗುತ್ತಿತ್ತು. ಹಲವು ಮಾಗಣೆಗಳ ಈ ಸಂಸ್ಥಾನ ಕೃಷಿಯಲ್ಲಿಯೂ ಮುಂದಿತ್ತು.