ಪಾಂಡಿ

ಪಾಂಡಿ ಅಥವಾ ನೊಂಡಿ ಎಂದೂ ಕರೆಯಲ್ಪಡುವ ಪಾಂಡಿ, ಸಾಂಪ್ರದಾಯಿಕವಾಗಿ ಭಾರತದ ಗ್ರಾಮೀಣ ಭಾಗಗಳಲ್ಲಿ ( ತಮಿಳುನಾಡು ), ಶ್ರೀಲಂಕಾದಲ್ಲಿ ಮತ್ತು ಭಾರತೀಯರನ್ನು ಹೊಂದಿರುವ ಕೆಲವು ಇತರ ದೇಶಗಳಲ್ಲಿ ಸಾಂಪ್ರದಾಯಿಕವಾಗಿ ಆಡುವ ಪ್ರಾದೇಶಿಕ ಹಾಪ್‌ಸ್ಕಾಚ್ (ಕಲ್ಲನ್ನು ಬಿಸಾಡಿ ಜಿಗಿಯುವ) ಆಟವಾಗಿದೆ. ಆಟವನ್ನು ಸಮಯ ಕಳೆಯಲು ಮಾತ್ರ ಆಡಲಾಗುತ್ತದೆ ಮತ್ತು ಗಂಭೀರ ನಿಯಮಗಳು ಅಥವಾ ನಿಬಂಧನೆಗಳನ್ನು ಒಳಗೊಂಡಿರುವುದಿಲ್ಲ. ಇದನ್ನು ಆಂಧ್ರಪ್ರದೇಶದಲ್ಲಿ ತೊಕ್ಕುಡು ಬಿಲ್ಲ ಅಥವಾ ತಂಗಿಡಿ ಬಿಲ್ಲ ಎಂದೂ ಕರ್ನಾಟಕದಲ್ಲಿ ಕುಂಟೆ ಬಿಲ್ಲೆ ಎಂದೂ ಕರೆಯುತ್ತಾರೆ

ಇತಿಹಾಸ

ಇದು ಜಾನಪದ ಆಟಗಳ ಭಾಗವಾಗಿರುವುದರಿಂದ ಆಟದ ಮೂಲ ಮತ್ತು ಸ್ಥಾಪಿತವಾದ ನಿಖರವಾದ ಸಮಯ ತಿಳಿದಿಲ್ಲ. ಆದಾಗ್ಯೂ, ಇದು ಪ್ರಾಚೀನ ತಮಿಳು ಸಾಹಿತ್ಯದಲ್ಲಿ ಉಲ್ಲೇಖಿಸಲ್ಪಟ್ಟಿರುವಂತೆ ಕೆಲವು ಶತಮಾನಗಳಿಂದಲೂ ಅಸ್ತಿತ್ವದಲ್ಲಿದೆ ಎಂದು ನಂಬಲಾಗಿದೆ. ನಾವು ಇದನ್ನು ನೋಂಡಿ (ನೊಂದಿ) ಎಂದು ಉಚ್ಚರಿಸಬಹುದು.

ಆಟಕ್ಕೆ ಅನ್ವಯಿಸುವ ಪರಿಸ್ಥಿತಿ

ಯಾವುದೇ ಸಮತಟ್ಟಾದ ನೆಲದ ಮೆಲೆ, ಅಗ್ಗು ತಗ್ಗುಗಳಿಲ್ಲದ (ಇದು ಆಟಗಾರನಿಗೆ ಸಂಭಾವ್ಯವಾಗಿ ಹಾನಿಯುಂಟುಮಾಡಬಹುದು) ಪ್ರದೇಶವನ್ನು ಆಟದ ಕ್ಷೇತ್ರವಾಗಿ ಬಳಸಬಹುದು. ಮಧ್ಯಾಹ್ನ ಸುಡು ಬಿಸಿಲಿಗಿಂತ ಸಾಮಾನ್ಯವಾಗಿ, ಸಂಜೆ ಹೊತ್ತು ಇದನ್ನು ಆಡುತ್ತಾರೆ. ಆದಾಗ್ಯೂ, ಮಳೆಗಾಲದಲ್ಲಿ ಆಡುವ ಪ್ರದೇಶ ತೇವವಾಗಿರುವುದರಿಂದ ಆಡಲಾಗುವುದಿಲ್ಲ. ಇದರಿಂದ ಆಟಗಾರರಿಗೆ ಸಂಭಾವ್ಯ ಗಾಯವನ್ನು ಉಂಟಾಗುವ ಸಾಧ್ಯತೆಗಳಿವೆ. ಈ ಆಟದಲ್ಲಿ ನಿಜವಾಗಿಯೂ ಆಸಕ್ತಿ ಹೊಂದಿರುವವರಿಗೆ ಇದು ಅಡ್ಡಿಯಾಗುವುದಿಲ್ಲ. ಒಂದು ಸಣ್ಣ ಕಲ್ಲಿನ ತುಂಡು, ಸಾಮಾನ್ಯವಾಗಿ ಒಂದು ಕಲ್ಲುಮಣ್ಣು ಬಳಸಿ ಆಡಲಾಗುತ್ತದೆ.

ನಿಯಮಗಳು ಮತ್ತು ಸ್ಕೋರಿಂಗ್

ಸಾಮಾನ್ಯವಾಗಿ, ಒಂದಕ್ಕೊಂದು ಸಂಪರ್ಕಗೊಂಡಿರುವ ಪೆಟ್ಟಿಗೆಗಳ ಸರಣಿಗಳಿರುತ್ತವೆ. ಮೊದಲ ಮೂರು ಪೆಟ್ಟಿಗೆಗಳು ಒಂದೇ ಆಗಿರುವ ಎರಡು ಸಂಪರ್ಕಿತ ಪೆಟ್ಟಿಗೆಗಳು ಮತ್ತು ಒಂದು ಏಕೈಕ ಪೆಟ್ಟಿಗೆಯೊಂದಿಗೆ ಗೆರೆಯನ್ನು ಬಿಡಿಸಲಾಗುತ್ತದೆ. ಕೊನೆಯ ಎರಡು ಪೆಟ್ಟಿಗೆಗಳನ್ನು ಇದರೊಂದಿಗೆ ಜೋಡಿಸಲಾಗುತ್ತದೆ. ಪೆಟ್ಟಿಗೆಗಳು ಒಂದರ ಮೇಲೊಂದರಂತೆ ಜೋಡಿಸಲಾದ ಮೂರು ಪೆಟ್ಟಿಗೆಗಳ ಸರಣಿಯಂತೆ ಕಾಣುತ್ತವೆ (ಮೆಲಿನ ಭಾಗ), ಇದು ಎರಡು ಪೆಟ್ಟಿಗೆಗಳ ಮೇಲೆ ಜೋಡಿಸಲಾದ ಒಂದು ಪೆಟ್ಟಿಗೆಯ (ಮಧ್ಯ ವಿಭಾಗ) ಮೇಲೆ ಜೋಡಿಸಲಾಗಿರುತ್ತದೆ. ಎರಡು ಸ್ಪರ್ಶಿಸುವ ಪೆಟ್ಟಿಗೆಗಳು (ಕೆಳಗಿನ ಭಾಗ). ಗಡಿಗಳನ್ನು ಮುಟ್ಟದೆ ಕಣ್ಣು ಮುಚ್ಚಿಕೊಂಡು ಜಿಗಿಯುವ ಮತ್ತು ನಡೆಯುವ ಮೂಲಕ ಪ್ರತಿಯೊಂದು ಪೆಟ್ಟಿಗೆಗಳ ಮೂಲಕ ಹಾದುಹೋಗುವ ವ್ಯಕ್ತಿ ವಿಜೇತ. ಅಂತಿಮ ವಿಜೇತರಾಗಲು ಆಟಗಾರನು ಹಾದುಹೋಗಬೇಕಾದ ವಿವಿಧ ಹಂತಗಳಿವೆ.

ಸಾಮಾನ್ಯವಾಗಿ 4 ಆಟಗಾರರವರೆಗಿನ ಆಟಗಾರರ ಗುಂಪು (ಆದರೂ ಎಷ್ಟೆ ಸಂಖ್ಯೆಯ ಆಟಗಾರರೂ ಭಾಗಿಯಾಗಿರಬಹುದು) ಮೊದಲ ಆಟಗಾರನು ಮೂಲೆಗಳನ್ನು ಮುಟ್ಟದೆ 1 ನೇ ಪೆಟ್ಟಿಗೆಯಲ್ಲಿ ಕಲ್ಲನ್ನು ಎಸೆಯುತ್ತಾನೆ ಮತ್ತು ಮೊದಲ ಪೆಟ್ಟಿಗೆಯನ್ನು ಮುಟ್ಟದೆಯೇ ಪ್ರಾರಂಭದ ಸಾಲಿನಿಂದ ಬಾಕ್ಸ್ 2 ಗೆ ನೇರವಾಗಿ ಜಿಗಿಯಬೇಕು. ಪ್ರತಿ ಪೆಟ್ಟಿಗೆಯಲ್ಲಿ ಮತ್ತು ಪ್ರಕ್ರಿಯೆಯನ್ನು ಹಿಮ್ಮುಖವಾಗಿ ಪುನರಾವರ್ತಿಸಬೇಕಾಗುತ್ತದೆ. ಯಾವುದೇ ಎಡವಟ್ಟುಗಳಿಲ್ಲದೆ ಈ ಹಂತವನ್ನು ಮಾಡುವ ವ್ಯಕ್ತಿಯು ಮುಂದಿನ ಬಾಕ್ಸ್‌ಗೆ ಅರ್ಹನಾಗಿರುತ್ತಾನೆ. ಅವನು ಎಲ್ಲಾ ಎಂಟು ಪೆಟ್ಟಿಗೆಗಳನ್ನು ವಶಪಡಿಸಿಕೊಳ್ಳುವವರೆಗೂ ಪ್ರಕ್ರಿಯೆಯು ಮುಂದುವರಿಯುತ್ತದೆ. ಆದಾಗ್ಯೂ, ಒಬ್ಬ ವ್ಯಕ್ತಿಯು ತನ್ನ ಪ್ರಯತ್ನದಲ್ಲಿ ಯಾವುದೇ ಪೆಟ್ಟಿಗೆಯ ಅಂಚುಗಳನ್ನು ಸ್ಪರ್ಶಿಸಿದರೆ ಅಥವಾ ಅವನು ಎಸೆಯಬೇಕಾದ ಪೆಟ್ಟಿಗೆಯನ್ನು ಹೊರತುಪಡಿಸಿ ಇತರ ಪೆಟ್ಟಿಗೆಗಳಲ್ಲಿ ಕಲ್ಲನ್ನು ಎಸೆದರೆ ಅವನ ಸರದಿ ಮುಗಿಯುತ್ತದೆ. ವಿಜೇತರು ಹೊರಹೊಮ್ಮುವವರೆಗೆ ಆಟಗಾರರು ತಿರುವು ತೆಗೆದುಕೊಳ್ಳುತ್ತಾರೆ. ಇತರ ಆಟಗಾರರು ಸರದಿಯನ್ನು ಪಡೆಯದೆ ಒಬ್ಬ ವ್ಯಕ್ತಿಯು ಗೆಲ್ಲುವ ಹೆಚ್ಚಿನ ಸಾಧ್ಯತೆಯಿದೆ.

ಅಲ್ಟಿಮೇಟ್ ಪಾಂಡಿ

ಇದು ಪಾಂಡಿಯ ಅತ್ಯಂತ ಕಠಿಣ ಹಂತವಾಗಿದೆ ಮತ್ತು ಹೆಚ್ಚು ಅನುಭವಿ ಆಟಗಾರರು ಮಾತ್ರ ಆಡುತ್ತಾರೆ. ಇದರಲ್ಲಿ ಆಟಗಾರನು ತನ್ನ ಕಣ್ಣುಗಳನ್ನು ಮುಚ್ಚಿ ಅಥವಾ ಕುರುಡನಾಗಿ ಬಾಕ್ಸ್‌ಗಳ ಮೂಲಕ ಜಿಗಿಯಬೇಕಾಗಿರುತ್ತದೆ.

ಮನರಂಜನೆ

ಈ ಕ್ರೀಡೆಯನ್ನು ಮುಖ್ಯವಾಗಿ ಸಮಯ ಕಳೆಯಲು ಆಡಲಾಗುತ್ತದೆ. ಈ ಕ್ರೀಡೆಯು ಈಗ ತನ್ನ ಹೊಳಪನ್ನು ಕಳೆದುಕೊಂಡಿದೆ. ಮಕ್ಕಳು ವಿಡಿಯೋ ಗೇಮ್‌ಗಳು ಮತ್ತು ಕ್ರಿಕೆಟ್‌ನಂತಹ ಇತರ ಬೀದಿ ಆಟಗಳನ್ನು ಆಡುವಲ್ಲಿ ತಮ್ಮ ಆಸಕ್ತಿಯನ್ನು ಬದಲಾಯಿಸಿದ್ದಾರೆ.