ನಮ್ಮನೆ ಯುವರಾಣಿ

ನಮ್ಮನೆ ಯುವರಾಣಿ
ನಮ್ಮನೆ ಯುವರಾಣಿ
	NMYR.jpg
ಶೈಲಿ	ದೈನಂದಿನ ಧಾರಾವಾಹಿ
ಬರೆದವರು	ಜಯ ಆಳ್ವ
ನಿರ್ದೇಶಕರು	ಗಿರೀಶ್ ಸತೀಶ್ ಕೃಷ್ಣನ್ ಸಂಪ್ರತ್ವಿ
ನಟರು	ರಾಘು ಎನ್; ಕಾವ್ಯ ಮಹಾದೇವ; ದೀಪಕ್ ಗೌಡ; ಅಂಕಿತಾ ಅಮರ್;
ದೇಶ	ಭಾರತ
ಭಾಷೆ(ಗಳು)	ಕನ್ನಡ
ಒಟ್ಟು ಸಂಚಿಕೆಗಳು	1,085
ನಿರ್ಮಾಣ
ನಿರ್ಮಾಪಕ(ರು)	Prakash
ಕ್ಯಾಮೆರಾ ಏರ್ಪಾಡು	ಮಲ್ಟೀಕ್ಯಾಮೆರಾ
ಸಮಯ	22 ನಿಮಿಷಗಳು
ನಿರ್ಮಾಣ ಸಂಸ್ಥೆ(ಗಳು)	ಜೈ ಮಾತಾ ಕಂಬೈನ್ಸ್
ಪ್ರಸಾರಣೆ
ಮೂಲ ವಾಹಿನಿ	ಕಲರ್ಸ್ ಕನ್ನಡ
ಮೂಲ ಪ್ರಸಾರಣಾ ಸಮಯ	14 ಜನವರಿ 2019 – 24 ಸೆಪ್ಟೆಂಬರ್ 2022

ನಮ್ಮನೆ ಯುವರಾಣಿ ಭಾರತೀಯ ಕನ್ನಡ ಭಾಷೆಯ ದೈನಂದಿನ ಧಾರಾವಾಹಿಯಾಗಿದೆ. ಈ ಧಾರಾವಾಹಿಯು 2019ರ ಜನವರಿ 14 ರಂದು ಕಲರ್ಸ್ ಕನ್ನಡದಲ್ಲಿ ಪ್ರಥಮ ಪ್ರದರ್ಶನಗೊಂಡಿತು. ವೂಟ್ನಲ್ಲಿ ಡಿಜಿಟಲ್ ಸ್ಟ್ರೀಮ್ ಆಗಿತ್ತು.^[೧]^[೨]^[೩] ಇದನ್ನು 2020ರ ಅತ್ಯುತ್ತಮ ಧಾರಾವಾಹಿ ಎಂದು ಹೆಸರಿಸಲಾಗಿದೆ.^[೪]^[೫]

ಸಾಕೇತ್ ಮತ್ತು ಅನಿಕೇತ್ ಎಂಬ ಇಬ್ಬರು ಸಹೋದರರು ಮತ್ತು ಅವರ ಬಾಲ್ಯದ ಸ್ನೇಹಿತೆ ಮೀರಾ ನಡುವಿನ ಕಥೆಯೇ ನಮ್ಮನೇ ಯುವರಾಣಿ. ಪ್ರತಿಯೊಬ್ಬರೂ ಒಬ್ಬರಿಗೊಬ್ಬರು ತಮ್ಮ ಪ್ರಾಣವನ್ನು ತ್ಯಾಗ ಮಾಡಲು ಸಿದ್ಧರಾಗಿರುತ್ತಾರೆ. ಸಾಕೇತ್‌ನ ಹೆಂಡತಿ ಅಹಲ್ಯಾಳ ದುಷ್ಟ ಯೋಜನೆಗಳಿಂದ ಮನೆಯನ್ನು ರಕ್ಷಿಸಲು ಮೀರಾ ಮಾಡಿದ ತ್ಯಾಗಗಳು, ನಿರಂತರವಾಗಿ ಬೆಳೆಯುತ್ತಿರುವ ಅನಿಕೇತ್ ಮತ್ತು ಮೀರಾ ನಡುವಿನ ಪ್ರೀತಿ ಹಾಗೂ ರಾಜಗುರುಗಳ ಕುಟುಂಬದ ಬಂಧವು ಉಳಿದ ಕಥೆಯೇ ಹಂದರವಾಗಿದೆ.

ಕಥಾವಸ್ತು

ನಮ್ಮನೆ ಯುವರಾಣಿ ಇಬ್ಬರು ಸೊಸೆಯರಾದ ಮೀರಾ ಮತ್ತು ಅಹಲ್ಯಾ ಅವರ ಕಥೆಯಾಗಿದೆ. ಈ ಕಥೆಯು, ಲಂಡನ್ನಿಂದ ವ್ಯಾಪಾರದಲ್ಲಿ ತನ್ನ ಅಧ್ಯಯನವನ್ನು ಪೂರ್ಣಗೊಳಿಸಿದ ನಂತರ ಬಂದ ರಾಜಗುರು ಕುಟುಂಬದ ಮಗ ಅನಿಕೇತ್ನ ಸ್ವಾಗತ ಸಮಾರಂಭದೊಂದಿಗೆ ಪ್ರಾರಂಭವಾಗುತ್ತದೆ. ಸಾಕೇತ್, ಅನಿಕೇತ್ ಮತ್ತು ಪ್ರಣಮ್ ಮೂವರು ಸಹೋದರರಾಗಿದ್ದು, ಅವರು ತಮ್ಮ ಬಾಲ್ಯದಲ್ಲಿ ತಮ್ಮ ಪೋಷಕರು ಮತ್ತು ಇತರ ಕುಟುಂಬ ಸದಸ್ಯರನ್ನು ಕಳೆದುಕೊಂಡಿದ್ದಾರೆ. ಅವರನ್ನು ಅವರ ಅಜ್ಜ ವಸುಧೇಂದ್ರ ರಾಜ್‌ಗುರು ಮತ್ತು ಅವರ ಮನೆಯಲ್ಲಿ ವಾಸಿಸುವ ಮೀರಾ ಎಂಬ ಮಗಳನ್ನು ಹೊಂದಿರುವ ಶಾಂಭವಿ ಎಂಬ ಅಡುಗೆಯವಳು ನೋಡಿಕೊಂಡಿರುತ್ತಾರೆ. ಮೊದಲ ಕೆಲವು ಕಂತುಗಳು ಸಾಕೇತ್‌ನ ಮದುವೆಗೆ ವಧುವನ್ನು ಆಯ್ಕೆ ಮಾಡುವುದರ ಬಗ್ಗೆ ಹೇಳುತ್ತದೆ. ಆಯ್ಕೆಯ ನಂತರ, ಅಹಲ್ಯಾ ಮತ್ತು ಸಾಕೇತ್ ಅವರ ಮದುವೆ ನಿಶ್ಚಯವಾಗುತ್ತದೆ. ವಿವಾಹದ ಸ್ಥಳದಲ್ಲಿ ಅಹಲ್ಯಾಗೆ ಮೊದಲೊಂದು ಮದುವೆಯಾಗಿದೆ ಎಂದು ಕೇಳಿ ಮೀರಾ ಮತ್ತು ಅನಿಕೇತ್ ಆಘಾತಕ್ಕೊಳಗಾಗುತ್ತಾರೆ (ನಂತರ ಅದು ರಜತ್ ಎಂದು ಗೊತ್ತಾಗುತ್ತದೆ) ಮತ್ತು ಇದನ್ನು ಸಾಕೇತ್ ಅವರೊಂದಿಗೆ ಹಂಚಿಕೊಳ್ಳುತ್ತಾರೆ. ತನಗೆ ಈ ವಿಷಯದ ಬಗ್ಗೆ ಮೊದಲೇ ತಿಳಿದಿದೆ ಎಂದು ಸಾಕೇತ್ ಹೇಳುತ್ತಾನೆ. ಮದುವೆ ಯಾವುದೇ ನಿರ್ಬಂಧಗಳಿಲ್ಲದೆ ನಡೆಯುತ್ತದೆ. ಸಭಾಂಗಣದಲ್ಲಿ ಗದ್ದಲವನ್ನು ಸೃಷ್ಟಿಸಿದ ಮೀರಾ ಮತ್ತು ಅನಿಕೇತ್ ಅಹಲ್ಯಾಗೆ ಕ್ಷಮೆಯಾಚಿಸಲು ನಿರ್ಧರಿಸುತ್ತಾರೆ. ಮೀರಾ ಅವರ ಸರದಿ ಬಂದಾಗ ಅಹಲ್ಯಾ ಕೆಟ್ಟ ಉದ್ದೇಶದಿಂದ ಮನೆಗೆ ಬಂದಿರುವ ವಿಚಾರವನ್ನು ಅಹಲ್ಯಾಳೇ ಮೀರಾಳಿಗೆ ಹೇಳುತ್ತಾಳೆ.

ಮೀರಾ ಅಹಲ್ಯಾಳ ದುಷ್ಕೃತ್ಯಗಳನ್ನು ಕುಟುಂಬದ ಮುಂದೆ ಬಹಿರಂಗಪಡಿಸಲು ಪ್ರಯತ್ನಿಸುತ್ತಾಳೆ. ಆದರೆ ಅವಳು ಹಾಗೆ ಮಾಡುವ ಮೊದಲೇ ಅಹಲ್ಯಾ ಯೋಜನೆಗಳನ್ನು ರೂಪಿಸುತ್ತಾಳೆ. ಅನಿಕೇತ್ ಅವಳನ್ನು ಪ್ರೀತಿಸಲು ಪ್ರಾರಂಭ ಮಾಡುತ್ತಾನೆ. ಮೀರಾ ತನ್ನ ಗುರಿಗೆ ಅಡ್ಡಿಯಾಗಿದೆ ಎಂದು ಅರಿತ ಅಹಲ್ಯಾ, ಮೀರಾಳ ಕಾಲೇಜು ಸ್ನೇಹಿತನಾದ ಪ್ರತೀಕ್‌ಗೆ ಅವಳನ್ನು ಮದುವೆ ಮಾಡಿಕೊಡಲು ನಿರ್ಧರಿಸುತ್ತಾಳೆ. ಸಾಕೇತ್ ಮತ್ತು ಅನಿಕೇತ್ ಹೊರತುಪಡಿಸಿ ಎಲ್ಲರೂ ಮೀರಾಳ, ಮದುವೆಯ ಪ್ರಸ್ತಾಪದಿಂದ ಸಂತೋಷವಾಗಿರುತ್ತಾರೆ. ಏಕೆಂದರೆ ಅನಿಕೇತ್ ಅವಳನ್ನು ಹೇಗೆ ಹುಚ್ಚನಾಗಿ ಪ್ರೀತಿಸುತ್ತಾನೆಂದು ಸಾಕೇತ್‌ಗೆ ತಿಳಿದಿದೆ. ಮೀರಾ ಮದುವೆ ನಿಶ್ಚಯವಾದ ನಂತರವೂ ಅವಳನ್ನು ಪ್ರಪೋಸ್ ಮಾಡುವಂತೆ ಸಾಕೇತ್ ಅನಿಕೇತ್ನನ್ನು ಕೇಳುತ್ತಾನೆ. ಆದರೆ ಅನಿಕೇತ್ ಮದುವೆಯನ್ನು ಮುರಿಯಲು ಬಯಸುವುದಿಲ್ಲ. ಮದುವೆಯ ದಿನದಂದು ಅಹಲ್ಯಾ ಮೀರಾಳಿಗೆ ತನ್ನ ಉದ್ದೇಶ ಮೀರಾವನ್ನು ಮನೆಯಿಂದ ಹೊರಹಾಕುವುದು ಮತ್ತು ಕುಟುಂಬವನ್ನು ನಾಶಮಾಡುವುದು ಎಂದು ತಿಳಿಸುತ್ತಾಳೆ. ಮೀರಾ, ಸಾಕೇತ್‌ನ ಸ್ನೇಹಿತೆ ಮಯೂರಿ ಸಹಾಯದಿಂದ ಅನಿಕೇತ್ನನ್ನು ಮದುವೆಯಾಗಲು ಮತ್ತು ಅಹಲ್ಯಾ ಮೇಲೆ ಕಣ್ಣಿಡಲು ಯೋಜಿಸುತ್ತಾಳೆ. ಮೀರಾ ತಾನು ಅನಿಕೇತ್ನನ್ನು ಪ್ರೀತಿಸುತ್ತಿದ್ದೇನೆ ಮತ್ತು ಅವನನ್ನು ಮಾತ್ರ ಮದುವೆಯಾಗುತ್ತೇನೆ ಎಂದು ಹೇಳುತ್ತಾಳೆ. ಸಾಕೇತ್ ಮತ್ತು ಅನಿಕೇತ್ ಕೂಡ ಆಕೆಯ ನಿರ್ಧಾರವನ್ನು ಬೆಂಬಲಿಸುತ್ತಾರೆ, ಮದುವೆ ನಡೆಯುತ್ತದೆ. ಅನಿಕೇತ್ ತನ್ನನ್ನು ಮೊದಲೇ ಪ್ರೀತಿಸುತ್ತಿದ್ದಾನೆ ಎಂದು ಮೀರಾಗೆ ತಿಳಿದಿರುವುದಿಲ್ಲ.

ಅನಿರಾಳ ಮದುವೆಯ ಕೆಲವು ದಿನಗಳ ನಂತರ, ತನ್ನ ಅಂತಸ್ತುಕ್ಕಿಂತ ಹೆಚ್ಚಿನದನ್ನು ಬಯಸಿ ಮದುವೆಯಾಗಿದ್ದಕ್ಕಾಗಿ ಶಾಂಭವಿ ಮೀರಾಗೆ ಚಿತ್ರಹಿಂಸೆ ನೀಡುವುದನ್ನು ತಡೆಯಲು ಸಾಧ್ಯವಾಗದ ಕಾರಣ , ದೇವಾಲಯದಲ್ಲಿ ಪ್ರಣಯ ಪ್ರಸ್ತಾಪದೊಂದಿಗೆ ತಾನು ಮದುವೆಗೆ ಮೊದಲು ಅವಳನ್ನು ಪ್ರೀತಿಸುತ್ತಿದ್ದೆ ಎಂದು ಅನಿಕೇತ್ ಮೀರಾಳಿಗೆ ಹೇಳುತ್ತಾಳೆ. ಆಘಾತಕ್ಕೊಳಗಾದ ಮೀರಾ ನಿಧಾನವಾಗಿ ಅವನನ್ನು ಪ್ರೀತಿಸಲು ಪ್ರಾರಂಭಮಾಡುತ್ತಾಳೆ. ಈ ಸಮಯದಲ್ಲಿ ಶಾಂಭವಿ ಮತ್ತು ಅಹಲ್ಯಾಗೆ ವಿವಾಹದಲ್ಲಿ ಮೀರಾಳ ಸುಳ್ಳು ಹೇಳಿಕೆಗಳ ಬಗ್ಗೆ ತಿಳಿಯುತ್ತದೆ. ಆದರೆ ಅನಿಕೇತ್ ಪರಿಸ್ಥಿತಿಯನ್ನು ಸಂಪೂರ್ಣವಾಗಿ ತಪ್ಪಾಗಿ ಅರ್ಥೈಸಿಕೊಳ್ಳುತ್ತಾನೆ. ಮುಂದಿನ ಕೆಲವು ಕಂತುಗಳಲ್ಲಿ , ಅನಿಕೇತ್ ಅವರು ಮದುವೆಗೆ ಮುಂಚೆಯೇ ಮೀರಾರನ್ನು ಪ್ರೀತಿಸುತ್ತಿದ್ದರು ಎಂದು ಎಲ್ಲಾ ಕುಟುಂಬ ಸದಸ್ಯರ ಮುಂದೆ ಬಹಿರಂಗಪಡಿಸುತ್ತಾರೆ. ಶಾಂಭವಿ ಮತ್ತು ಮೀರಾ ಒಂದಾಗುತ್ತಾರೆ. ಪ್ರತೀಕ್ ಅಹಲ್ಯಾಳ ಸಹಾಯದಿಂದ ಒಂದು ದೃಶ್ಯವನ್ನು ಸೃಷ್ಟಿಸಲು ಮತ್ತು ಮೀರಾ ಮತ್ತು ಅನಿಕೇತ್ನ ನಡುವಿನ ಬಲವಾದ ಸಂಬಂಧವನ್ನು ಮುರಿಯಲು ಪ್ರಯತ್ನಿಸುತ್ತಾನೆ. ಆದರೆ ನಂತರ ಮೀರಾಳ ಮಾಂಗಲ್ಯವನ್ನು ಅವಳ ಕುತ್ತಿಗೆಯಿಂದ ಎಳೆಯುತ್ತಾನೆ.ಇದರಿಂದ ಅನಿಕೇತ್ ಮತ್ತು ಮೀರಾ ಮರುಮದುವೆಯಾಗುತ್ತಾರೆ.

ಅಹಲ್ಯಾ ತನ್ನ ದುಷ್ಟ ಯೋಜನೆಗಳನ್ನು ಮುಂದುವರಿಸಲು ಪ್ರಯತ್ನಿಸುತ್ತಿರುವಾಗ, ಅವಳ ಸಹೋದರಿ ನಮ್ರತಾಗೆ ಅವಳ ಎಲ್ಲಾ ಉದ್ದೇಶಗಳು ತಿಳಿಯುತ್ತವೆ. ನಮ್ರತಾ ಅಹಲ್ಯಾಳ ಬಳಿ ಬೇಡಿಕೊಳ್ಳುತ್ತಾಳೆ, ಆದರೆ ಎಲ್ಲವೂ ವ್ಯರ್ಥವಾಗುತ್ತದೆ. ಚಂದ್ರಕಾಂತ್ (ಅಹಲ್ಯಾಳ ಚಿಕ್ಕಪ್ಪ) ಮೀರಾ ಮತ್ತು ಅನಿಕೇತ್ ಮೂತ್ರಪಿಂಡ ಕಸಿ ಮಾಡುವಿಕೆಯಲ್ಲಿ ಪ್ರಮುಖ ಪಾತ್ರ ವಹಿಸಿರುತ್ತಾನೆ.

ಅಹಲ್ಯಾ ತನ್ನ ಪ್ರತೀಕಾರದ ಕಾರಣವನ್ನು ಬಹಿರಂಗಪಡಿಸಿದಾಗ (ತನ್ನ ತಂದೆಯ ಜೀವಾವಧಿ ಶಿಕ್ಷೆಗೆ ರಾಜಗುರು ಕುಟುಂಬವೇ ಕಾರಣ) ನಮ್ರತಾ ವಿಷಾದಿಸುತ್ತಾ ಅಹಲ್ಯಳಾ ದುಷ್ಟ ತಂತ್ರಕ್ಕೆ ಸೇರುತ್ತಾಳೆ. ಮೀರಾ ತನ್ನನ್ನು ಮದುವೆಗೆ ಮೊದಲು ಪ್ರೀತಿಸುತ್ತಿದ್ದಳು ಎಂದು ಅನಿಕೇತ್ ಇನ್ನೂ ನಂಬುತ್ತಾನೆ. ಸಾಕೇತ್‌ನ ಸಹಾಯದಿಂದ ಮೀರಾ ಅನಿಕೇತ್‌ಗೆ ಸತ್ಯವನ್ನು ಹೇಳಲು ನಿರ್ಧರಿಸುತ್ತಾಳೆ. ಅನಿಕೇತ್ ಅವಳ ಮೇಲೆ ಸಿಡಿದೆದ್ದರೂ, ಕುಟುಂಬದ ಮುಂದೆ ಏನೂ ಸಂಭವಿಸಿಲ್ಲ ಎಂಬಂತೆ ಬದುಕಲು ನಿರ್ಧರಿಸುತ್ತಾನೆ. ಮೀರಾಳ ಹುಟ್ಟುಹಬ್ಬದಂದು, ಕುಡಿದ ಅಮಲಿನಲ್ಲಿದ್ದ ಮೀರಾ, ಕೆಲವು ದಿನಗಳ ಕಾಲ ಆಕೆಗೆ ಇದ್ದಕ್ಕಿದ್ದಂತೆ ಅವಳ ಮೇಲೆ ಏಕೆ ದ್ವೇಷವಿತ್ತು ಎಂದು ಅನಿಕೇತ್‌ ಅನ್ನು ಕೇಳುತ್ತಾಳೆ. ಅನಿಕೇತ್‌ನ ಹೃದಯ ಕರಗುತ್ತದೆ, ಅವನು ಮೀರಾವನ್ನು ಕ್ಷಮಿಸುತ್ತಾನೆ. ಆದರೆ ಅಹಲ್ಯಾ ಮತ್ತು ನಮ್ರತಾ ಇಬ್ಬರೂ ಅನಿ ಮತ್ತು ಮೀರಾ ಬಗ್ಗೆ ಬೊಂಬೆಯಾಟದ ಮೂಲಕ ಜೀವನವನ್ನು ಮೋಸದಿಂದ ನಡೆಸಿದರು ಎಂಬುದನ್ನು ತೋರಿಸಲು ಪ್ರಯತ್ನಿಸುತ್ತಾರೆ. ಇದು ಸಾಕೇತ್‌ಗೆ ಕೋಪಗೊಳಿಸುತ್ತದೆ. ಏಕೆಂದರೆ ಅವರು ತಮ್ಮ ಭಾವನೆಗಳೊಂದಿಗೆ ಆಟವಾಡುತ್ತಿದ್ದಾರೆಂದು ಭಾವಿಸುತ್ತಾನೆ. ಮೀರಾ ಸಾಕೇತ್ ಬಳಿ ಕ್ಷಮೆಯಾಚಿಸಿದ ನಂತರ, ಅನಿಕೇತ್ ಅಹಲ್ಯಾ ಸಹಾಯದಿಂದ ಮೊದಲಿನಂತೆ ಮತ್ತೆ ಒಂದಾಗುತ್ತಾರೆ. ಅಹಲ್ಯಾ ಸಂತೋಷವಾಗಿದ್ದರೆ , ನಮ್ರತಾ ಅಲ್ಲ. ಇದು ಮೀರಾ ತನ್ನ ಮೇಲೆ ಹೊಂದಿದ್ದ ಅನುಮಾನವನ್ನು ದೂರಮಾಡುತ್ತದೆ. ಅವರ ಯೋಜನೆಯ ಭಾಗವಾಗಿ ಅಹಲ್ಯಾ ಬದಲಾಗಿದ್ದಾಳೆ ಎಂದು ಮೀರಾ ಅರಿತುಕೊಳ್ಳುತ್ತಾಳೆ ಎಂದು ಅಹಲ್ಯಾ ನಮ್ರತಾಳಿಗೆ ತಿಳಿಸುತ್ತಾಳೆ.

ಮೀರಾ ಅಹಲ್ಯಾಳ ಮೇಲಿನ ತನ್ನ ಅನುಮಾನವನ್ನು ನಿವಾರಿಸಲು ಪ್ರಾರಂಭಿಸುತ್ತಾಳೆ, ಆದರೆ ಹೆಚ್ಚು ದಿನಗಳವರೆಗೆ ಅಲ್ಲ. ಈ ಹೊತ್ತಿಗೆ ಸಾಕೇತ್ ಮತ್ತು ಅನಿಕೇತ್ ಕೂಡ ಅಹಲ್ಯಾಳ ಮೇಲೆ ಅನುಮಾನ ವ್ಯಕ್ತಪಡಿಸುತ್ತಿದ್ದಾರೆ. ತಮ್ಮ ಗೊಂದಲಗಳನ್ನು ನಿವಾರಿಸಲು ಅವರು ಅಹಲ್ಯಾಳ ಬಾಲ್ಯದ ಶಿಕ್ಷಕನ ನೆರೆಹೊರೆಯವರನ್ನು ಭೇಟಿಯಾಗುತ್ತರೆ. ಆದರೆ ಎಲ್ಲವೂ ವ್ಯರ್ಥವಾಗುತ್ತವೆ. ಅಹಲ್ಯಾ ರಾಮನನನ್ನು ಕರೆತಂದು ಅವನನ್ನು ತನ್ನ ತಂದೆಯೆಂದು ತಪ್ಪಾಗಿ ಬಿಂಬಿಸುತ್ತಾಳೆ. ಆದರೆ ಮತ್ತೆ ಮೀರಾಳ ಸಹಾಯದಿಂದ ಕುಟುಂಬದ ಮುಂದೆ ಅವಳನ್ನು ಬಹಿರಂಗಪಡಿಸಲಾಗುತ್ತದೆ. ಕಥೆಯಲ್ಲಿನ ಒಂದೆರಡು ಘಟನೆಗಳ ನಂತರ, ಅಹಲ್ಯಾಳ ಮೇಲೆ ಅನಿಕೇತನ ಅನುಮಾನವು ಹೆಚ್ಚಾಗುತ್ತದೆ. ಅವನು ಅಹಲ್ಯಾಳನ್ನು ದೂರದ ಸ್ಥಳಕ್ಕೆ ಹಿಂಬಾಲಿಸಲು ನಿರ್ಧರಿಸುತ್ತಾನೆ. ಆದರೆ ಅವನಿಗೆ ಆಘಾತವಾಗುವಂತೆ ಅಹಲ್ಯಾ ಅವನನ್ನು ಕೋಲುಗಳಿಂದ ಬಲವಾಗಿ ಹೊಡೆಯುತ್ತಾಳೆ. ಮರಳಿ ಬರದೇ ಇದ್ದ ಕಾರಣ ಮೀರಾ ಮತ್ತು ಸಾಕೇತ್ ನಿರಾಶೆಗೊಳ್ಳುತ್ತಾರೆ. ಅನಿಕೇತ್ ಇನ್ನಿಲ್ಲ, ಮನೆಯವರಿಗೆ ಅವನ ಕೊನೆಯ ಆಚರಣೆಗಳನ್ನು ಮಾಡಬೇಕು ಎಂದು ಅಹಲ್ಯಾ ಹೇಳುತ್ತಾಳೆ. ಮೀರಾ ಎಲ್ಲಾ ಆಚರಣೆಗಳನ್ನು ನಿಲ್ಲಿಸುತ್ತಾಳೆ ಮತ್ತು ಅನಿಕೇತ್ ಮನೆಗೆ ಬರುತ್ತಾನೆ. ಅಹಲ್ಯಾ ಮೂಕಳಾಗುತ್ತಾಳೆ ಏಕೆಂದರೆ ಮೀರಾ ಮಾತ್ರವಲ್ಲದೆ ಅನಿಕೇತ್ ಕೂಡ ಅವಳ ದುಷ್ಟ ಉದ್ದೇಶಗಳ ಬಗ್ಗೆ ಖಚಿತವಾಗಿರುತ್ತದೆ.

ತನ್ನ ಚಟುವಟಿಕೆಗಳನ್ನು ನಿಲ್ಲಿಸುವಂತೆ ಅನಿ ಪದೇ ಪದೇ ಅಹಲ್ಯಾಗೆ ಬೆದರಿಕೆ ಹಾಕುತ್ತಾನೆ. ಅಹಲ್ಯಾ ಒಂದು ಬುದ್ಧಿವಂತ ಯೋಜನೆಯನ್ನು ರೂಪಿಸುತ್ತಾಳೆ. ಆ ವ್ಯಕ್ತಿಯು ಅನಿಕೇತ್‌ನ ವೇಷದಲ್ಲಿದ್ದಾನೆ, ಆದರೆ ತಾನು ಅಲ್ಲ ಎಂದು ಕುಟುಂಬದ ಮುಂದೆ ಬಹಿರಂಗಪಡಿಸುತ್ತಾಳೆ. ಮೀರಾ ಅವನನ್ನು ಅವನ ಎದೆಯ ಮೇಲೆ ಮಾಡಿದ ಹಚ್ಚೆ, ವಿಶೇಷವಾಗಿ ಅವರ ಮದುವೆಯ ಕೆಲವು ದಿನಗಳ ನಂತರ ಜಾತ್ರೆಯಲ್ಲಿ ಅವಳಿಗಾಗಿ ಮಾಡಿದ ಹಚ್ಚೆ ನೋಡಿದಾಗ ತನ್ನ ಎಲ್ಲಾ ಗೊಂದಲಗಳನ್ನು ನಿವಾರಿಸಿಕೊಳ್ಳುತ್ತಾಳೆ. ಕೆಲವು ದಿನಗಳ ಕಾಲ ತನ್ನ ಹಠಾತ್ ಕಣ್ಮರೆಗೆ ಕಾರಣವನ್ನು ಕೇಳಿದಾಗ, ಅಹಲ್ಯಾಳ ದುಷ್ಟ ತಂತ್ರದ ಬಗ್ಗೆ ತನಗೆ ತಿಳಿದಿರುವುದನ್ನು ಅವನು ಬಹಿರಂಗಪಡಿಸುತ್ತಾನೆ. ಅನಿ ಮತ್ತು ಮೀರಾ ಇಬ್ಬರೂ ಈಗ ಅವಳನ್ನು ಬಹಿರಂಗಪಡಿಸಲು ಒಟ್ಟಿಗೆ ಸೇರಿ ಕೆಲಸ ಮಾಡಲು ಪ್ರಾರಂಭ ಮಾಡುತ್ತಾರೆ. ತನ್ನ ಅನಿಕೇತ್ ಎಂದು ಮೀರಾ ಮೊದಲೇ ತಿಳಿದುಕೊಂಡಿದ್ದಾಳೆ ಮತ್ತು ಯಾರೂ ಅವನನ್ನು ಮರೆಮಾಚಿಲ್ಲ ಎಂಬ ಸತ್ಯವನ್ನು ಅಹಲ್ಯಾ ತಿಳಿದುಕೊಳ್ಳುತ್ತಾಳೆ. ನಮ್ರತಾ ನಿಧಾನವಾಗಿ ಬದಲಾಗುತ್ತಾಳೆ ಮತ್ತು ಒಳ್ಳೆಯವಳಾಗುತ್ತಾಳೆ. ಪ್ರಣಮ್ ಮತ್ತು ಶಾಂಭವಿಯನ್ನು ಚಂದ್ರಕಾಂತ್‌ಗೆ ಹಸ್ತಾಂತರಿಸಿದ ನಂತರ , ಅಹಲ್ಯಾ ಮನೆಯ ದಾಖಲೆಗಳನ್ನು ಹಸ್ತಾಂತರಿಸುವಂತೆ ಅನಿಗೆ ಬೆದರಿಕೆ ಹಾಕುತ್ತಾಳೆ. ಮನೆಯ ದಾಖಲೆಗಳನ್ನು ಪಡೆದ ನಂತರ ರಾಜಗುರು ಕುಟುಂಬದ ಕಾರಣದಿಂದ ತನ್ನ ಕುಟುಂಬವು ಹೇಗೆ ಬದುಕಬೇಕಾಯಿತು ಎಂಬುದನ್ನು ಸ್ವತಃ ತನ್ನ ಉದ್ದೇಶಗಳನ್ನು ಬಹಿರಂಗಪಡಿಸುತ್ತಾಳೆ. ಇದು ಸಂಪೂರ್ಣವಾಗಿ ತಪ್ಪು ತಿಳುವಳಿಕೆಯಾಗಿದೆ ಮತ್ತು ತನ್ನ ಕುಟುಂಬವನ್ನು ರಕ್ಷಿಸಲು ಸಾಧ್ಯವಾಗದ ಕಾರಣ ಮೀರಾಳನ್ನು ಅಪಹಾಸ್ಯ ಮಾಡುತ್ತಾಳೆ. ಆದರೆ ಮನೆಯ ಕಾಗದ ಪತ್ರಗಳು ನಕಲಿಯಾಗಿವೆ ಎಂದು ಸಾಕೇತ್‌ನಿಂದ ಕೇಳಿ ಆಕೆಗೆ ಆಘಾತವಾಗುತ್ತದೆ. ಅಗಸ್ತ್ಯನ (ನನ್ನರಸಿ ರಾಧೆ) ಸಹಾಯದಿಂದ ಪ್ರಣಮ್ ಮತ್ತು ಶಾಂಭವಿ ಸುರಕ್ಷಿತರಾಗಿದ್ದಾರೆ ಎಂದು ಮೀರಾ ಹೇಳುತ್ತಾಳೆ. ಅಹಲ್ಯಾ ಜೈಲಿಗೆ ಹೋಗುತ್ತಾಳೆ.

ಕಥೆಯ ಮೊದಲ ಕಂತುಗಳಲ್ಲಿ ಅಹಲ್ಯಾಳನ್ನು ತನ್ನ ಅಣ್ಣ ಸಾಕೇತ್‌ಗಾಗಿ ಆಯ್ಕೆ ಮಾಡಿದ್ದಕ್ಕಾಗಿ ಅನಿಕೇತ್ ಪಶ್ಚಾತ್ತಾಪ ಪಡುತ್ತಾನೆ. ಆದರೆ ಮೀರಾ ಮತ್ತು ಸಾಕೇತ್ ಅವನಿಗೆ ಧೈರ್ಯ ತುಂಬುತ್ತಾರೆ. ತಾನು ಜೈಲಿನಲ್ಲಿ ಗರ್ಭಿಣಿಯಾಗಿದ್ದೇನೆ. ಆದ್ದರಿಂದ ತನ್ನ ತಂದೆ ಶಂಕರ್ ಮೂರ್ತಿಯೊಂದಿಗೆ ಭಾವನಾತ್ಮಕ ಪುನರ್ಮಿಲನದೊಂದಿಗೆ ಜಾಮೀನಿನ ಮೇಲೆ ಬಿಡುಗಡೆಯಾಗಿರುವುದಾಗಿ ಅಹಲ್ಯಾ ಬಹಿರಂಗಪಡಿಸುತ್ತಾಳೆ. ಅಹಲ್ಯಾಳನ್ನು ಮರಳಿ ಕರೆತರಲು ಮೀರಾ ತನ್ನ ಕೈಲಾದಷ್ಟು ಪ್ರಯತ್ನಿಸುತ್ತಾಳೆ ಏಕೆಂದರೆ ಅವಳು ಬದಲಾಗಿರಬಹುದು ಎಂದು ಭಾವಿಸುತ್ತಾಳೆ. ಆದರೆ ಅಪಘಾತದ ನಂತರ ಅವಳು ಕೋಮಾಗೆ ಹೋಗುತ್ತಾಳೆ. ಅಹಲ್ಯಾ ಈಗ ಮೀರಳ ಜೀವನವನ್ನು ಮರಳಿ ತರುತ್ತಾಳೆ. ಗಣೇಶ ಚತುರ್ಥಿಯ ಆಚರಣೆಯಲ್ಲಿ ಅಹಲ್ಯಾ ತನ್ನ ಮಗುವನ್ನು ಉತ್ತಮ ಕುಟುಂಬದಿಂದ ದೂರವಿಡಲು ಸಾಧ್ಯವಿಲ್ಲ ಎಂದು ತಿಳಿಸುತ್ತಾಳೆ. ಆದ್ದರಿಂದ ತನ್ನ ಮಗುವನ್ನು ಬೆಳೆಸುವಂತೆ ಮೀರಾಗೆ ಕೇಳಿಕೊಳ್ಳುತ್ತಾಳೆ. ಒಂದೆರಡು ಪ್ರಸಂಗಗಳ ನಂತರ ಅಹಲ್ಯಾ ತಾನು ತನ್ನ ತಂದೆಗೆ ಕೇವಲ ಒಂದು ಪ್ಯಾದೆ ಎಂದು ತಿಳಿದುಕೊಂಡಳು ಮತ್ತು ಅವಳು ಯೋಚಿಸಿದ ಎಲ್ಲಾ ಘಟನೆಗಳು ನಿಜವಲ್ಲ. ರಾಜಗುರುಗಳ ಮನೆಯಲ್ಲಿ ತಾನು ಮಾಡಿದ ಎಲ್ಲಾ ದುಷ್ಟ ತಂತ್ರಗಳ ಬಗ್ಗೆ ಅವಳು ಯೋಚಿಸುತ್ತಾಳೆ. ಶಂಕರ್ ಮೂರ್ತಿ ಅಹಲ್ಯಾಳ ಹೊಟ್ಟೆಯಲ್ಲಿರುವ ಮಗುವನ್ನು ಕೊಲ್ಲಲು ಪ್ರಯತ್ನಿಸುವಾಗ ಮೀರಾ ಅಹಲ್ಯಾಳನ್ನು ರಕ್ಷಿಸುತ್ತಾಳೆ, ಅವಳನ್ನು ಮನೆಗೆ ಮರಳಿ ತರುತ್ತಾಳೆ. ಕುಟುಂಬದ ಸದಸ್ಯರು ಅಹಲ್ಯಾಗೆ ಭರವಸೆ ನೀಡಿದ ನಂತರ ಸಾಕೇತ್ ಅವಳನ್ನು ಕ್ಷಮಿಸುತ್ತಾನೆ. ಇಡೀ ಕುಟುಂಬವೇ ಒಂದಾಗುತ್ತದೆ.

ನಂತರ ಕಥೆಯಲ್ಲಿ ನಮಗೆ ಕಲ್ಪನಾ (ರಾಜಗುರು ಕುಟುಂಬದ ಶತ್ರು) ಪರಿಚಯವಾಗುತ್ತದೆ. ಅವಳು ಕುಟುಂಬಕ್ಕೆ ಸಮಸ್ಯೆಗಳನ್ನು ಸೃಷ್ಟಿಸುತ್ತಾರೆ, ಅವರ ಮನೆಯನ್ನು ಸಹ ಖರೀದಿಸುತ್ತಾರೆ. ವರುಧಿನಿ ಸಹಾಯದಿಂದ ರಾಜಗುರು ಕುಟುಂಬವು ತಮ್ಮ ಮನೆಯನ್ನು ಮರಳಿ ಪಡೆಯಲು ಸಾಧ್ಯವಾಗುತ್ತದೆ. ಅನಿ ಮತ್ತು ಮೀರಾ ಮಗು ಬರುವ ಖುಷಿಯಲ್ಲಿ ಆಚರಣೆಯನ್ನು ಮಾಡುತ್ತಾರೆ. ಆದರೆ ಅನಿ ಮೀರಾ ಮಗುವಿಗಾಗಿ ತುಂಬಾ ಖುಷಿಯಿಂದ ಇರುವುದನ್ನು ನೋಡಿ, ಸಮಸ್ಯೆಗಳಿಂದಾಗಿ ಅವಳು ಮಕ್ಕಳಾಗುವುದಿಲ್ಲ ಎಂಬ ಸಾಧ್ಯತೆಯ ಬಗ್ಗೆ ಚಿಂತಿಸುತ್ತಾನೆ. ಆದರೆ ದೇವಾಲಯವೊಂದರಲ್ಲಿ ಶ್ರೀದೇವಿಯ ಆಶೀರ್ವಾದದ ನಂತರ, ಮೀರಾಳ ಮಗು ಆರೋಗ್ಯವಾಗಿದೆ ಎಂದು ತಿಳಿಸುವ ಆಸ್ಪತ್ರೆಯಿಂದ ಅನಿಗೆ ಕರೆ ಬರುತ್ತದೆ. ಅನಿಕೇತ್ ಮತ್ತು ಮೀರಾ ರೋಮಾಂಚನಗೊಳ್ಳುತ್ತಾರೆ. ನಿಯಮಿತವಾಗಿ ವೈದ್ಯರನ್ನು ಭೇಟಿ ಮಾಡಲು ಭೇಟಿ ನೀಡುತ್ತಾರೆ. ಒಮ್ಮೆ ಕಲ್ಪನಾ ಅವರಿಗೆ ಬೆದರಿಕೆ ಹಾಕುತ್ತಾಳೆ. ಅವರು ಪರೀಕ್ಷೆಗೆ ಹೋದ ನಂತರ ಅವರು ಹಿಂತಿರುಗುವುದಿಲ್ಲ. ಇದು ಧಾರಾವಾಹಿಯಲ್ಲಿನ ಅವರ ಪಾತ್ರಕ್ಕೆ ಅಂತ್ಯವನ್ನು ತರುತ್ತದೆ.

ಇದನ್ನು ಕೇಳಿ ಅಹಲ್ಯಾ ಮತ್ತು ಇತರರು ಆಘಾತಕ್ಕೊಳಗಾಗುತ್ತಾರೆ. ಅವರು ಮರಳಿ ಬರಲಿ ಎಂದು ಶ್ರದ್ಧೆಯಿಂದ ಪ್ರಾರ್ಥನೆಗಳನ್ನು ಮಾಡುತ್ತಾರೆ. ಅವರನ್ನು ಹುಡುಕಲು ಏಳು ವರ್ಷಗಳನ್ನು ಕಳೆಯಲಾಗುತ್ತದೆ, ಆದರೆ ಎಲ್ಲವೂ ವ್ಯರ್ಥವಾಗುತ್ತವೆ. ಈ ಧಾರಾವಾಹಿಯು ಈಗ ಏಳು ವರ್ಷಗಳ ಮುಂದೆ ಹೋಗುತ್ತದೆ.

7 ವರ್ಷಗಳ ನಂತರ

ಪ್ರಣಂ ಬೆಳೆದು ದೊಡ್ಡವನಾಗಿದ್ದಾನೆ. ಅನಿ ಮತ್ತು ಮೀರಾರನ್ನು ಹುಡುಕುವಾಗ ಕುಟುಂಬವು ಗಂಗಾ ಎಂಬ ಹುಡುಗಿಯನ್ನು ಭೇಟಿ ಮಾಡುತ್ತಾರೆ. ತಕ್ಷಣವೇ ಪ್ರಣಂಗೆ ಅವಳನ್ನು ಪ್ರೀತಿಸುತ್ತಾನೆ. ಕಲ್ಪನಾ ಮತ್ತು ನವ್ಯಾ ಸೃಷ್ಟಿಸಿದ ಸಾಕಷ್ಟು ಗದ್ದಲದ ನಂತರ ಮದುವೆ ನಡೆಯುತ್ತದೆ. ನಂತರ ಕಲ್ಪನಾ ಸಮಸ್ಯೆಗಳನ್ನು ಸೃಷ್ಟಿಸುತ್ತಾಳೆ, ಇದು ಕುಟುಂಬ ಸದಸ್ಯರನ್ನು ಗಂಗಾ ಮೇಲೆ ಕೋಪಗೊಳ್ಳುವಂತೆ ಮಾಡುತ್ತದೆ. ಪ್ರಣಂ ಮತ್ತು ಗಂಗಾ ಈಗ ಬೇರ್ಪಟ್ಟಿದ್ದಾರೆ. ಗಂಗಾ ತನ್ನ ಹಳ್ಳಿಗೆ ಹೋಗಿ ಅಲ್ಲಿ ತನ್ನ ಇನ್ನೊಬ್ಬ ಶತ್ರು ರಾಜೇ ಗೌಡನನ್ನು ಎದುರಿಸುತ್ತಾಳೆ. ಗಂಗಾ ಮತ್ತು ಪ್ರಣಂ; ಅಹಲ್ಯಾಳ ಸಹಾಯದಿಂದ ಮತ್ತೆ ಒಂದಾಗುತ್ತಾರೆ. ಗಂಗಾ ತನ್ನ ಪ್ರೀತಿಯನ್ನು ಪ್ರಣಂಗೆ ಹೇಳುತ್ತಾಳೆ. ತಮ್ಮ ಮದುವೆಯನ್ನು ಅವರು ಪೂರ್ಣಗೊಳಿಸಿದ್ದಾರೆ ಎಂದು ಕುಟುಂಬ ನಂಬುವಂತೆ ಮಾಡಿದ್ದಕ್ಕಾಗಿ, ಗಂಗಾಳಿಗೆ ಪ್ರಣಮ್ ಕೋಪಗೊಂಡಿರುತ್ತಾನೆ. ಆದರೆ ಗಂಗಾನ ಅಜ್ಜಿ ಅವನನ್ನು ಅವಳ ಮೇಲೆ ಕೂಗುತ್ತಿರುವುದನ್ನು ಗಮನಿಸುತ್ತಾಳೆ. ಒಂದೆರಡು ಪ್ರಸಂಗಗಳ ನಂತರ ಪ್ರಣಮ್ ಗಂಗಾ ಬಗ್ಗೆ ಅನುಮಾನಿಸಲು ಮತ್ತು ಇಷ್ಟಪಡದಿರಲು ಪ್ರಾರಂಭಿಸಿದಾಗ ಸಮಸ್ಯೆಗಳು ಉದ್ಭವಿಸುತ್ತವೆ. ಅವರ ನಡುವೆ ಬಿರುಕು ಮೂಡುತ್ತವೆ. ಗಂಗಾ ಮೇಲಿನ ಅವಮಾನವು ಆಕೆಯನ್ನು ಮನೆಯಿಂದ ಹೊರಹೋಗುವ ನಿರ್ಧಾರಕ್ಕೆ ಬರುವಂತೆ ಮಾಡುತ್ತದೆ. ಅಹಲ್ಯಾ ಮತ್ತು ಸಾಕೇತ್ ಅವರ ಪ್ರಯತ್ನದ ನಂತರ ಇಬ್ಬರೂ ಮತ್ತೆ ಒಂದಾಗುತ್ತಾರೆ. ಕಲ್ಪನಾಳನ್ನು ತನ್ನ ಮನೆಯಲ್ಲಿ ಮಾರುವೇಷದಲ್ಲಿ ಬಲೆಗೆ ಬೀಳಿಸುವ ಯೋಜನೆಯೊಂದಿಗೆ ಗಂಗಾ ಬರುತ್ತಾಳೆ. ತಾನು ರಾಜಗುರು ಕುಟುಂಬದೊಂದಿಗಿನ ತನ್ನ ಸಂಬಂಧವನ್ನು ಕಡಿದುಕೊಂಡಿದ್ದೇನೆ ಎಂದು ಅವಳು ಕಲ್ಪನಾಳಿಗೆ ತಿಳಿಸುತ್ತಾಳೆ. ಕಲ್ಪನಾಳನ್ನು ಬಂಧಿಸಿದ ನಂತರ ರಾಜಗುರುಗಳು ಆಕೆಯ ಮನೆಯಲ್ಲಿ ಶೋಧ ನಡೆಸಲು ಪತ್ತೇದಾರನನ್ನು ನೇಮಿಸಿಕೊಳ್ಳುತ್ತಾರೆ. ಮೀರಾ ಅವರ ದಿನಚರಿಯನ್ನು ಓದಿ ಅವರು ಬೆಚ್ಚಿಬೀಳುತ್ತಾರೆ. ಅದು ಸಾಕೇತ್ ಅವರನ್ನು ಭಾವನಾತ್ಮಕವಾಗಿಸುತ್ತದೆ. ತಮ್ಮ ಮಗು ಜೀವಂತವಾಗಿದೆ ಎಂಬ ಸುಳಿವನ್ನು ಅವರು ಪಡೆಯುತ್ತಾರೆ. ಅವಳನ್ನು ಹುಡುಕಲು ಪತ್ತೇದಾರನನ್ನು ನೇಮಿಸಿಕೊಳ್ಳುತ್ತಾರೆ. ರಾಜಗುರುಗಳು ಅಂತಿಮವಾಗಿ ದೀರ್ಘಕಾಲ ಕಳೆದುಹೋದ ಮೀರಾ, ಅನಿಕೇತ್ ಮತ್ತು ಅವರ ಮಗು ಕ್ರಿಶ್ ಜೊತೆ ಒಂದಾಗುತ್ತಾರೆಯೇ ? ಸಾಕೇತ್; ಅರುಣ್‌ನ ಸಹಾಯದಿಂದ ತನ್ನ ಮಗಳು ಕಿನ್ನರಿಯನ್ನು ಮರಳಿ ಪಡೆಯಲು ಸಾಧ್ಯವಾಗುತ್ತದೆ. ಅವನ ಮಗಳು ರಾಜಗುರು ಕುಟುಂಬಕ್ಕೆ ಬರುತ್ತಾಳೆ. ಅಹಲ್ಯಾ ತನ್ನ ಮಗುವನ್ನು ಮರಳಿ ಪಡೆಯಲು ಉತ್ಸುಕಳಾಗುತ್ತಾಳೆ. ಕಿನ್ನರಿಗೆ ತನ್ನ ತಂದೆಯೊಂದಿಗೆ ಉತ್ತಮ ಸಂಬಂಧವನ್ನು ಬೆಳೆಸಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಆತನಿಂದ ದೂರವಿರುತ್ತಾಳೆ. ಅಹಲ್ಯಾ ಅನೇಕ ಪ್ರಸಂಗಗಳಲ್ಲಿ ತನ್ನ ಮಗುವನ್ನು ಸಾಕೇತ್‌ನಿಂದ ದೂರವಿರಿಸುತ್ತಾಳೆ.

ಘಟನೆಗಳ ಸರಣಿಯಲ್ಲಿ, ಮೀರಾ ಅವರ ಡೈರಿಯನ್ನು ಸುಟ್ಟು ಬೂದಿಯಾಗಿಸಲಾಗುತ್ತದೆ , ಆದರೆ ಗಂಗಾ ಇದನ್ನು ಯಾರೋ ಗೊತ್ತಿದ್ದೇ ಮಾಡಿದ್ದಾರೆ ಎಂದು ಶಂಕಿಸುತ್ತಾಳೆ. ಕಿನ್ನರಿ ಪ್ರಣಮ್‌ನ ಸಹಾಯದಿಂದ ತನ್ನ ತಂದೆ ಸಾಕೇತ್‌ಗೆ ಹತ್ತಿರವಾಗುತ್ತಾಳೆ. ಕಲ್ಪನಾಳನ್ನು ಸೆರೆಮನೆಯಿಂದ ಸಾಕೇತ್‌ಗೆ ಬಿಡುಗಡೆ ಮಾಡುವ ಇಚ್ಛೆಯನ್ನು ಗಂಗಾ ಹೇಳುತ್ತಾಳೆ.ಅವನು ಅವಳ ಇಚ್ಛೆಯನ್ನು ಸಾಕೇತ್ ಪೂರೈಸುತ್ತಾನೆ. ಘಟನೆಗಳ ಸರಣಿಯಲ್ಲಿ ಕಲ್ಪನಾ ತನ್ನ ಮನೆಯಿಂದ ದೂರ ಓಡಿಹೋಗುತ್ತಾಳೆ. ತನ್ನ ಅಜ್ಜ ಶಂಕರ್ ಮೂರ್ತಿಯೊಂದಿಗೆ (ಅಹಲ್ಯಾಳ ತಂದೆ) ಕಿನ್ನರಿಯ ಛಾಯಾಚಿತ್ರವನ್ನು ಗಂಗಾ ಗಮನಿಸುತ್ತಾಳೆ ಮತ್ತು ಅಹಲ್ಯಾಳನ್ನು ಮುಖಾಮುಖಿ ಆಗುತ್ತಾಳೆ. ನಂತರ ರಾಜಗುರುಗಳು ಕಿನ್ನರಿಯ ಮೇಲೆ ಅಪಾಯದ ಬಗ್ಗೆ ಬೆದರಿಕೆ ಪತ್ರವನ್ನು ಕಂಡುಕೊಂಡರು. ಅಹಲ್ಯಾ ಅವಳನ್ನು ಬೋರ್ಡಿಂಗ್ ಶಾಲೆಗೆ ಕಳುಹಿಸಲು ನಿರ್ಧರಿಸುತ್ತಾಳೆ. ಗಂಗಾ ಅವಳನ್ನು ಶಾಲೆಗೆ ಕರೆದೊಯ್ಯುವಾಗ ಕಿನ್ನರಿ ಈಗಾಗಲೇ ಶಾಲೆಯಲ್ಲಿದ್ದಾಳೆಂದು ತಿಳಿದು ಅವಳಿಗೆ ಆಶ್ಚರ್ಯವಾಗುತ್ತದೆ. ಕಿನ್ನರಿಯ ಹಿಂದಿನ ಜೀವನದ ಬಗ್ಗೆ ಅಹಲ್ಯಾ ಕುಟುಂಬದಿಂದ ಏನು ಮರೆಮಾಚುತ್ತಿದ್ದಾಳೆ ಎಂದು ಗಂಗಾ ಆಲೋಚಿಸುತ್ತಾಳೆ.

ಕಥೆಯು, ಅತ್ಯಂತ ಬಡತನದಲ್ಲಿ ತೋರಿಸಲಾದ ಚಿನ್ನಿ ಎಂಬ ಹೊಸ ಪಾತ್ರವನ್ನು ಪರಿಚಯಿಸುತ್ತದೆ. ಆಕೆ ಗೌರಿ ಗಣೇಶ ಪೂಜೆಯಲ್ಲಿರುವ ರಾಜಗುರುಗಳ ಮನೆಗೆ ಬರುತ್ತಾಳೆ. ತನಗೆ ಆಶ್ರಯ ನೀಡುವಂತೆ ಕುಟುಂಬವನ್ನು ವಿನಂತಿಸುತ್ತಾಳೆ. ಆರಂಭಿಕ ದಿನಗಳಲ್ಲಿ ಅವಳು ಮೀರಾಳ ಎಲ್ಲಾ ಚಟುವಟಿಕೆಗಳನ್ನು ಅನುಕರಿಸುತ್ತಾಳೆ ಇದು ಮೀರಾಳನ್ನು ಕುಟುಂಬವನ್ನು ನೆನಪಿಸಿಕೊಳ್ಳುತ್ತಾರೆ. ಚಿನ್ನಿಗೆ ಮತ್ತು ಮೀರಾ ಸಂಬಂಧವಿದೆಯೇ ನಂತರದ ಘಟನೆಗಳ ಸರಣಿಯಲ್ಲಿ , ಅನಿಕೇತ್ ಮತ್ತು ಮೀರಾ ಅನೇಕ ವರ್ಷಗಳಿಂದ ಕುಟುಂಬದೊಂದಿಗೆ ಸಂಪರ್ಕ ಕಡಿದುಕೊಳುವ ಹಿಂದೆ ಅಹಲ್ಯಾ ಮಾಸ್ಟರ್ ಮೈಂಡ್ ಎಂದು ತಿಳಿದುಬರುತ್ತದೆ. ಅವಳು ಕಲ್ಪನಾಳ ಕೊಲೆಗಾರ್ತಿಯೂ ಆಗಿದ್ದಾಳೆ, ಅವಳು ಕಥೆಯನ್ನು ರಾಜಗುರುಗಳಿಗೆ ಇದನ್ನು ನವ್ಯಾ ಬಹಿರಂಗಪಡಿಸುತ್ತಾಳೆ. ಗಂಗಾ ಮತ್ತು ಪ್ರಣಮ್, ಚಿನ್ನಿ ಅವರ ಆಶ್ರಮಕ್ಕೆ ಭೇಟಿ ನೀಡುತ್ತಾರೆ. ಅಲ್ಲಿ ಆಕೆ ಬೇರೆ ಯಾರೂ ಅಲ್ಲ , ಅನಿಕೇತ್ ಮತ್ತು ಮೀರಾ ಅವರ ಮಗಳು ಎಂದು ಅವರಿಗೆ ತಿಳಿಯುತ್ತದೆ. ಅವರು ಕುಟುಂಬವನ್ನು ಘೋಷಿಸುತ್ತಾರೆ. ಸಾಕೇತ್ ಅವರು ಅನಿಕೇತ್ ಮತ್ತು ಮೀರಾರನ್ನು ಪತ್ತೆಹಚ್ಚಿದ್ದಾರೆ ಎಂಬ ಒಳ್ಳೆಯ ಸುದ್ದಿಯನ್ನು ಹಂಚಿಕೊಳ್ಳುತ್ತಾರೆ.

ಕಥೆಯು ಅಂತ್ಯದ ಸಂಚಿಕೆಗಳಲ್ಲಿ, ಅಹಲ್ಯಾ ತನ್ನ ಪರಾಕಾಷ್ಠೆಯನ್ನು ಕುಟುಂಬಕ್ಕೆ ತೋರಿಸಲು ನಿರ್ಧರಿಸುತ್ತಾಳೆ. ಸಾಕೇತ್; ಮೀರಾ ಮತ್ತು ಅನಿಕೇತ್ ವಾಸಿಸುವ ಪ್ರತ್ಯೇಕವಾದ ಮನೆಗೆ ಹೋಗುವಾಗ, ಅವನನ್ನು ಚಂದ್ರಕಾಂತ್ ಬಂದೂಕಿನ ಗುರಿಯಲ್ಲಿ ಹಿಡಿದಿದ್ದಾನೆ. ಘಟನೆಗಳ ಆಘಾತಕಾರಿ ತಿರುವಿನಲ್ಲಿ, ಅವನು ಚಂದ್ರಕಾಂತ್ ಅವರ ಹಣೆಯ ಮೇಲೆ ಬಂದೂಕು ಹಿಡಿದುಕೊಂಡು ಅಹಲ್ಯನನ್ನು ಮೂರ್ಖನನ್ನಾಗಿ ಮಾಡಲು ಸಹಾಯ ಮಾಡುವಂತೆ ಕೇಳುತ್ತಾನೆ. ಅಹಲ್ಯಾ ತನ್ನ ವಿಜಯವನ್ನು ಆಚರಿಸುವ ಸ್ಥಳಕ್ಕೆ ರಾಜಗುರುಗಳು ತಲುಪುತ್ತಾರೆ. ಶೀಘ್ರದಲ್ಲೇ ಚಂದ್ರಕಾಂತ್ ಸಾಕೇತ್ ಮತ್ತು ಅವನ ಯೋಜನೆಯೊಂದಿಗೆ ಆಗಮಿಸುತ್ತಾನೆ. ಆಕೆಯ ದುಷ್ಕೃತ್ಯಗಳಿಗೆ ಮತ್ತು ಅನೇಕ ವರ್ಷಗಳ ಕಾಲ ಅನಿಕೇತ್ ಮತ್ತು ಮೀರಾರನ್ನು ಅವರಿಂದ ದೂರ ಕಳುಹಿಸಿದ ಶಿಕ್ಷೆಯಾಗಿ ಶಾಂಭವಿ ಮತ್ತು ಲಕ್ಷ್ಮಿ ಅಹಲ್ಯಾಳನ್ನು ಗುಂಡಿಕ್ಕಿ ಸಾಯಿಸುತ್ತಾರೆ. ಸಾಕೇತ್ ಮುಂದೆ, ಅಹಲ್ಯಾ ಸಾಯುವ ಮುಂಚೆ, ಸತ್ತ ಅನಿಕೇತ್ ಮತ್ತು ಮೀರಾಗಳ ಬಗ್ಗೆ ಹೇಳಿ ತನ್ನ ವಿಜಯವನ್ನು ಆನಂದಿಸುತ್ತಾಳೆ. ಆದರೆ ಅದು ಸಾಕೇತ್‌ನ ಯೋಜನೆಯಾಗಿತ್ತು. ಸಾಕೇತ್; ಅನಿಕೇತ್ ಮತ್ತು ಮೀರಾರನ್ನು ಉಳಿಸಿದ್ದಾನೆ ಎಂದು ಗುಂಡು ಹಾರಿಸಿದ ಅಹಲ್ಯಾಗೆ ತಿಳಿಯುತ್ತದೆ. ನಂತರ ಅವಳು ಕೊನೆಯುಸಿರೆಳೆಯುತ್ತಾಳೆ. ಅಹಲ್ಯಾಳ ಶವವನ್ನು ಅಂತ್ಯಕ್ರಿಯೆಗಾಗಿ ಕೊಂಡೊಯ್ಯಲಾಗುತ್ತದೆ. ಚಂದ್ರಕಾಂತ್ ಮತ್ತು ಲಕ್ಷ್ಮಿಯನ್ನು ಬಂಧಿಸಲಾಗುತ್ತದೆ. ರಾಜ್ಗುರು ಕುಟುಂಬದ ಫೋಟೋ ಆಲ್ಬಂನೊಂದಿಗೆ ನಮ್ಮನೆ ಯುವರಾಣಿ ರಾಗಗಳ ಶೀರ್ಷಿಕೆ ಗೀತೆಯೊಂದಿಗೆ ಅನೇಕ ವರ್ಷಗಳ ದುಃಖದ ನಂತರ ರಾಜಗುರು ಕುಟುಂಬವು ಅನಿಕೇತ್ ಮತ್ತು ಮೀರಾ ಅವರನ್ನು ಮನೆಗೆ ಸ್ವಾಗತಿಸುತ್ತದೆ.

ಪಾತ್ರವರ್ಗ

ಪ್ರಮುಖ ಪಾತ್ರಗಳು

ದೀಪಕ್ ಗೌಡ (2019 - 2021) : ಅನಿಕೇತ್ ರಾಜ್‌ಗುರು ಪಾತ್ರದಲ್ಲಿ. ಶಾಂತಲಾ ಮಗ, ಸಾಕೇತ್ ಮತ್ತು ಪ್ರಣಮ್ ಅವರ ಸಹೋದರ. ಮೀರಾ ಪತಿ, ವಾಸುದೇವೇಂದ್ರ ಅವರ ಮೊಮ್ಮಗ. ಶಾಂಭವಿ ಅವರ ಅಳಿಯ
ಅಂಕಿತಾ ಅಮರ್ (2019 - 2021) ː ಮೀರಾ ರಾಜ್ಗುರು ಪಾತ್ರದಲ್ಲಿ, ಅನಿಕೇತ್ ಅವರ ಪತ್ನಿ. ಶಾಂತಲಾ ಅವರ ಸೊಸೆ. ಶಾಂಭಾವಿ ಅವರ ಮಗಳು
ರಘು.ಎನ್ (2019 - 2022)ː ಸಾಕೇತ್ ರಾಜ್ಗುರು, ಶಾಂತಲಾ ಅವರ ಮಗ. ಅನಿಕೇತ್ ಮತ್ತು ಪ್ರಣಮ್ ಅವರ ಸಹೋದರ. ಅಹಲ್ಯಾ ಅವರ ಪತಿ. ಲಕ್ಷ್ಮಿಯ ಅಳಿಯ
ಕಾವ್ಯ ಮಹಾದೇವ (2019 - 2022)^[೬]ː ಅಹಲ್ಯ ರಾಜ್ಗುರು, ಸಾಕೇತ್ ಅವರ ಪತ್ನ- ಲಕ್ಷ್ಮಿಯ ಮಗಳು, ಶಾಂತಲಾ ಅವರ ಸೊಸೆ.
ಸ್ನೇಹಿತ್ ಗೌಡ (2022)ː ಪ್ರಣಮ್ ರಾಜ್‌ಗುರು ಪಾತ್ರದಲ್ಲಿ. ಸಾಕೇತ್ ಮತ್ತು ಅನಿಕೇತ್ ಅವರ ಕಿರಿಯ ಸಹೋದರ. ಗಂಗಾ ಅವರ ಪತಿ.
- ಜಯಂತ್ (2019 - 2021): ಪ್ರಣಮ್ ರಾಜ್‌ಗುರು (ಕಿರಿಯ ಪ್ರಣಮ್ ಪಾತ್ರ), ಸಾಕೇತ್ ಮತ್ತು ಅನಿಕೇತ್ನ ಕಿರಿಯ ಸಹೋದರ ವಾಸುದೇವೇಂದ್ರನ ಮೊಮ್ಮಗ.
ಖುಷಿ(2022)ː ಗಂಗಾ ಪಾತ್ರದಲ್ಲಿ, ಪ್ರಣಮ್ ಪತ್ನಿ, ಶಾಂತಲಾ ಅವರ ಸೊಸೆ. ಕಲ್ಪನಾ ಮಗಳು.

ಪೋಷಕ ಪಾತ್ರಗಳು

ಸಂದೀಪ್ ಅಶೋಕ್ (2019 - 2022): ವಾಸುದೇವ ರಾಜಗುರು ಪಾತ್ರದಲ್ಲಿ, ರಾಜಗುರು ಕುಟುಂಬದ ಮುಖ್ಯಸ್ಥ. ಅನಿಕೇತ್, ಸಾಕೇತ್, ಮೀರಾ ಮತ್ತು ಪ್ರಣಮ್ ಅಜ್ಜ.
ಜ್ಯೋತಿ ಕಿರಣ್: ಮೀರಾಳ ತಾಯಿ ಶಾಂಬಾವಿಯಾಗಿ, ಅನಿಕೇತ್ ಅತ್ತೆ.
ಸಹನಾ ರವೀಂದ್ರ (2019 - 2022): ಲಕ್ಷ್ಮಿಯಾಗಿ, ಅಹಲ್ಯಾ ಮತ್ತು ನಮ್ರತಾ ಅವರ ತಾಯಿ. ಸಾಕೇತ್ ಅವರ ಅತ್ತೆ.
ಪ್ರಕೃತಿ ಪ್ರಸಾದ್ (2019 - 2021)/ ಲತಾ ಗಿರೀಶ್ (2022): ನಮ್ರತಾ ಪಾತ್ರದಲ್ಲಿ. ಅಹಲ್ಯಾಳ ಸಹೋದರಿ. ಲಕ್ಷ್ಮಿಯ ಕಿರಿ ಮಗಳು.
ಸ್ವಾತಿ: ಶಾಂತಲಾ ರಾಜ್‌ಗುರು ಪಾತ್ರದಲ್ಲಿ. ಸಾಕೇತ್, ಅನಿಕೇತ್ ಮತ್ತು ಪ್ರಣಮ್ ತಾಯಿ. ವಾಸುದೇವೇಂದ್ರನ ಸೊಸೆ.
ರವಿ ಪ್ರಸಾದ್(2021): ಶಂಕರ್ ಮೂರ್ತಿಯಾಗಿ. ಲಕ್ಷ್ಮಿಯ ಗಂಡ, ಅಹಲ್ಯಾ ಮತ್ತು ನಮ್ರತಾಳ ತಂದೆ. ರಾಜಗುರು ಕುಟುಂಬದ ಶತ್ರು.
ನಿಶಿತಾ ಗೌಡ(2021-2022): ಕಲ್ಪನಾ ಪಾತ್ರದಲ್ಲಿ, ಶಂಕರ್ ಮೂರ್ತಿಯ ಎರಡನೇ ಪತ್ನಿ. ಗಂಗಾ ತಾಯಿ. ರಾಜಗುರು ಕುಟುಂಬದ ವೈರಿ.
ಮೈಯಾರ (2022): ಚಿನ್ನಿ ಪಾತ್ರದಲ್ಲಿ. ಸಾಕೇತ್ ಮತ್ತು ಅಹಲ್ಯಾ ಮಗಳು.
ರಿತು ಸಿಂಗ್ (2022): ಕಿನ್ನರಿ ಪಾತ್ರದಲ್ಲಿ. ಅನಿಕೇತ್ ಮತ್ತು ಮೀರಾ ಮಗಳಾಗಿ.

ಅತಿಥಿ ಪಾತ್ರಗಳು

ಅದಿತಿ ಪ್ರಭುದೇವ^[೭]
ಮಯುರಿ ಕ್ಯಾತಾರಿ^[೮]

ಡಬ್ ಮಾಡಲಾದ ಆವೃತ್ತಿಗಳು

ನಿಭಾಷೆ	ಶೀರ್ಷಿಕೆ	ಮೂಲ ಬಿಡುಗಡೆ	ನೆಟ್ವರ್ಕ್ (ಗಳು)	ಕೊನೆಯ ಪ್ರಸಾರ
ಕನ್ನಡ	ನಮ್ಮನೆ ಯುವರಾಣಿ ನಮ್ಮನೆ ಯುವರಾಣಿ	14 ಜನವರಿ 2019	ಕಲರ್ಸ್ ಕನ್ನಡ	24 ಸೆಪ್ಟೆಂಬರ್ 2022
ಒಡಿಯಾ	ರಾಜಾನಂದಿನಿ ରାଜନନ୍ଦିନୀ	26 ಜುಲೈ 2021	ಕಲರ್ಸ್ ಒಡಿಯಾ	18 ಜುಲೈ 2023
ಗುಜರಾತಿ	ಮಾರಿ ಲಡಕಿ ರೀ મારી લાડકી રે	5 ಸೆಪ್ಟೆಂಬರ್ 2022	ಕಲರ್ಸ್ ಗುಜರಾತಿ	ನಡೆಯುತ್ತಿದೆ

ನಿರ್ಮಾಣ

2020ರ ಜನವರಿಯಲ್ಲಿ ಈ ಕಾರ್ಯಕ್ರಮವು 300 ಕಂತುಗಳನ್ನು ಪೂರ್ಣಗೊಳಿಸಿತು.^[೯] 2022ರ ಜೂನ್ 16ರಂದು ಈ ಕಾರ್ಯಕ್ರಮವು 1000 ಕಂತುಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿತು.^[೧೦]

ಮಹಾಸಂಗಮ ಕಂತುಗಳು

ಜನವರಿ 2020 ರಲ್ಲಿ, ನಮ್ಮನೆ ಯುವರಾಣಿ ಮತ್ತು ಮಿಥುನ ರಾಶಿ ಯ ವಿಶೇಷ ಮಹಾಸಂಗಮ ಕಂತುಗಳನ್ನು ಘೋಷಿಸಲಾಯಿತು.^[೧೧]

ಮೇ 2021 ರಲ್ಲಿ, ನಮ್ಮನೆ ಯುವರಾಣಿ ಹೂ ಮಳೆ ಧಾರಾವಾಹಿಯ ಲಹರಿ ಮತ್ತು 'ನನ್ನರಸಿ ರಾಧೆ' ಯ ಅಗಸ್ತ್ಯ ಅವರೊಂದಿಗೆ ಕೆಲವು ವಿಶೇಷ ಸಂಚಿಕೆಗಳು ಪ್ರಸಾರವಾಯಿತು.

ಅಕ್ಟೋಬರ್ 2020 ರಲ್ಲಿ, ಲಕ್ಷ್ಮಿ ಬಾರಮ್ಮ ತಂಡವು ಧಾರಾವಾಹಿ ಮುಗಿದ ಸುಮಾರು ಅನೇಕ ತಿಂಗಳುಗಳ ನಂತರ ನಮ್ಮನೆ ಯುವರಾಣಿ ಅವರೊಂದಿಗೆ ವಿಶೇಷ ಸಂಚಿಕೆಗಾಗಿ ಚಿತ್ರೀಕರಣಮಾಡಿದರು.

ನವೆಂಬರ್ 2021 ರಲ್ಲಿ, ಕುಲವಧು ಧಾರಾವಾಹಿಯು ಮುಗಿದು ಸುಮಾರು ಮೂರು ವರ್ಷಗಳ ನಂತರ ನಮ್ಮನೆ ಯುವರಾಣಿಯೊಂದಿಗೆ ಮಹಾಸಂಗಮ ಚಿತ್ರೀಕರಣ ಮಾಡಿತು.

ಡಿಸೆಂಬರ್ 19, 2022 ರಂದು, "ನಮ್ಮನೆ ದೊರೆಸಾನಿ" ಎಂಬ ಹೊಸ ಧಾರಾವಾಹಿಯನ್ನು ಸ್ವಾಗತಿಸುವ ಎರಡು ಗಂಟೆಗಳ ಸುದೀರ್ಘ ಸಂಚಿಕೆಯನ್ನು ಪ್ರಸಾರ ಮಾಡಲಾಯಿತು. ಇದು ಹೊಸ ಧಾರಾವಾಹಿಯ ಪಾತ್ರಗಳನ್ನು ಸ್ವಾಗತಿಸುವತ್ತ ಗಮನ ಹರಿಸಿತು. ಮೀರಾ ಮತ್ತು ಅನಿಕೇತ್ ಅವರ ಆರೋಗ್ಯಕರ ಮಗುವಿನ ದೃಢೀಕರಣದೊಂದಿಗೆ ಕೊನೆಗೊಳ್ಳುವ ಅಹಲ್ಯಾ ಅವರ ಬೇಬಿ ಶವರ್ ಅನ್ನು ಕೇಂದ್ರೀಕರಿಸಿತು.

ಮೀರಾ ಪಾತ್ರವು ಜುಲೈ 2023 ರಲ್ಲಿ ಭಾಗ್ಯಲಕ್ಷ್ಮಿ ಧಾರಾವಾಹಿಯೊಂದಿಗೆ ಮಹಾಸಂಗಮ ಆಗಿತ್ತು.

ಪ್ರಶಸ್ತಿಗಳು ಮತ್ತು ನಾಮನಿರ್ದೇಶನಗಳು

ವರ್ಷ	ಪ್ರಶಸ್ತಿ	ವರ್ಗ	ಸ್ವೀಕರಿಸುವವರು	ಫಲಿತಾಂಶ
2021	8ನೇ ಅನುಬಂಧ ಪ್ರಶಸ್ತಿ^[೧೨]	ಜನ ಮೆಚ್ಚಿದ ಸಂಸಾರ	ನಮ್ಮನೆ ಯುವರಾಣಿ	Nominated
		ಜನ ಮೆಚ್ಚಿದ ನಾಯಕಿ	ಅಂಕಿತಾ ಅಮರ್ (ಮೀರಾ)	Nominated
		ಜನ ಮೆಚ್ಚಿದ ನಾಯಕ	ದೀಪಕ್ ಗೌಡ (ಅನಿಕೇತ್)	Nominated
		ಜನ ಮೆಚ್ಚಿದ ಜೋಡಿ	ದೀಪಕ್ ಗೌಡ ಮತ್ತು ಅಂಕಿತಾ ಅಮರ್	Nominated
		ಮನೆ ಮೆಚ್ಚಿದ ಅಮ್ಮ	ಜ್ಯೋತಿ ಕಿರಣ್ (ಶಾಂಭವಿ)	Nominated
		ಜನ ಮೆಚ್ಚಿದ ಮಂಥರೆ	ಕಾವ್ಯ ಮಹಾದೇವ್ (ಅಹಲ್ಯಾ)	ಗೆಲುವು
		ಮನೆ ಮೆಚ್ಚಿದ ಅತ್ತೆ	ಜ್ಯೋತಿ ಕಿರಣ್ (ಶಾಂಭವಿ)	Nominated
		ಮನೆ ಮೆಚ್ಚಿದ ಮಗ	ದೀಪಕ್ ಗೌಡ (ಅನಿಕೇತ್)	Nominated
		ಮನೆ ಮೆಚ್ಚಿದ ಮಗಳು	ಅಂಕಿತಾ ಅಮರ್ (ಮೀರಾ)	ಗೆಲುವು
		ಮನೆ ಮೆಚ್ಚಿದ ಸಹೋದರ	ರಘು ಎನ್ (ಸಾಕೇತ್)	ಗೆಲುವು
		ಮನೆ ಮೆಚ್ಚಿದ ಹಿರಿಯ	ಅಶೋಕ್ (ವಸುಧೇಂದ್ರ ರಾಜಗುರು)	ಗೆಲುವು
		ಜನ ಮೆಚ್ಚಿದ ಸ್ಟೈಲ್ ಐಕಾನ್-ಸ್ತ್ರೀ	ಕಾವ್ಯ ಮಹಾದೇವ್ (ಅಹಲ್ಯಾ)	Nominated
		ಜನ ಮೆಚ್ಚಿದ ಸ್ಟೈಲ್ ಐಕಾನ್-ಪುರುಷ	ದೀಪಕ್ ಗೌಡ (ಅನಿಕೇತ್)	ಗೆಲುವು
2020	7ನೇ ಅನುಬಂಧ ಪ್ರಶಸ್ತಿ^[೧೩]	ಜನ ಮೆಚ್ಚಿದ ಸಂಸಾರ	ನಮ್ಮನೆ ಯುವರಾಣಿ	ಗೆಲುವು
		ಜನ ಮೆಚ್ಚಿದ ನಾಯಕಿ	ಅಂಕಿತಾ ಅಮರ್ (ಮೀರಾ)	Nominated
		ಜನ ಮೆಚ್ಚಿದ ನಾಯಕ	ದೀಪಕ್ ಗೌಡ (ಅನಿಕೇತ್)	Nominated
		ಮನೆ ಮೆಚ್ಚಿದ ಸಹೋದರ-ಪುರುಷ	ರಘು ಎನ್ (ಸಾಕೇತ್)	Nominated
		ಜನ ಮೆಚ್ಚಿದ ಸ್ಟೈಲ್ ಐಕಾನ್-ಸ್ತ್ರೀ	ಕಾವ್ಯ ಮಹಾದೇವ್ (ಅಹಲ್ಯಾ)	Nominated
		ಜನ ಮೆಚ್ಚಿದ ಸ್ಟೈಲ್ ಐಕಾನ್-ಪುರುಷ	ದೀಪಕ್ ಗೌಡ (ಅನಿಕೇತ್)	ಗೆಲುವು
		ಜನ ಮೆಚ್ಚಿದ ಯುವ ಐಕಾನ್	ಅಂಕಿತಾ ಅಮರ್	Nominated
		ಜನ ಮೆಚ್ಚಿದ ಜೋಡಿ	ದೀಪಕ್ ಗೌಡ ಮತ್ತು ಅಂಕಿತಾ ಅಮರ್ (ಅನಿಕೇತ್ ಮತ್ತು ಮೀರಾ)	ಗೆಲುವು
		ಜನ ಮೆಚ್ಚಿದ ಮಂಥರೆ	ಕಾವ್ಯ ಮಹಾದೇವ್ (ಅಹಲ್ಯಾ)	ಗೆಲುವು
		ಮನೆ ಮೆಚ್ಚಿದ ಅತ್ತೆ	ಜ್ಯೋತಿ ಕಿರಣ್ (ಶಾಂಭವಿ)	ಗೆಲುವು
		ಮನೆ ಮೆಚ್ಚಿದ ಮಗಲಳು	ಅಂಕಿತಾ ಅಮರ್ (ಮೀರಾ)	Nominated
		ಮನೆ ಮೆಚ್ಚಿದ ಮಗ	ದೀಪಕ್ ಗೌಡ (ಅನಿಕೇತ್)	Nominated
		ಮನೆ ಮೆಚ್ಚಿದ ಸಹೋದರಿ	ಪ್ರಕೃತಿ ಪ್ರಸಾದ್ (ನಮ್ರತಾ)	Nominated
2019	6ನೇ ಅನುಬಂಧ ಪ್ರಶಸ್ತಿ	ಜನ ಮೆಚ್ಚಿದ ಸಂಸಾರ	ನಮ್ಮನೆ ಯುವರಾಣಿ	Nominated
		ಜನ ಮೆಚ್ಚಿದ ನಾಯಕಿ	ಅಂಕಿತಾ ಅಮರ್ (ಮೀರಾ)	ಗೆಲುವು
		ಜನ ಮೆಚ್ಚಿದ ನಾಯಕ	ದೀಪಕ್ ಗೌಡ (ಅನಿಕೇತ್)	Nominated
		ಜನ ಮೆಚ್ಚಿದ ಜೋಡಿ	ದೀಪಕ್ ಗೌಡ ಮತ್ತು ಅಂಕಿತಾ ಅಮರ್	ಗೆಲುವು
		ಮನೆ ಮೆಚ್ಚಿದ ಅಮ್ಮ	ಜ್ಯೋತಿ ಕಿರಣ್ (ಶಾಂಭವಿ)	Nominated
		ಜನ ಮೆಚ್ಚಿದ ಮಂಥರೆ	ಕಾವ್ಯ ಮಹಾದೇವ್ (ಅಹಲ್ಯಾ)	Nominated
		ಮನೆ ಮೆಚ್ಚಿದ ಅಳಿಯಾ	ರಘು ಎನ್ (ಸಾಕೇತ್)	ಗೆಲುವು

ಉಲ್ಲೇಖಗಳು

↑ "Nammane Yuvarani: Family members gear up for 'Maduve Sambrama' - Times of India". The Times of India (in ಇಂಗ್ಲಿಷ್). Retrieved 2022-06-17.
↑ "Majaa Talkies to welcome Nammane Yuvarani stars - Times of India". The Times of India (in ಇಂಗ್ಲಿಷ್). Retrieved 2020-06-22.
↑ "Nammamane Yuvarani Serial Santhe to be aired on Sunday - Times of India". The Times of India (in ಇಂಗ್ಲಿಷ್). Retrieved 2020-06-22.
↑ "Watch Nammane Yuvarani from January 14 - Times of India". The Times of India (in ಇಂಗ್ಲಿಷ್). Retrieved 2020-06-22.
↑ "Exclusive: Nammane Yuvarani to air fresh episodes till April 10 - Times of India". The Times of India (in ಇಂಗ್ಲಿಷ್). Retrieved 2020-06-22.
↑ "Actress Kavya Mahadav to feature in 'Nammane Yuvarani' - Times of India". The Times of India (in ಇಂಗ್ಲಿಷ್). Retrieved 2020-06-22.
↑ "Aditi Prabudeva to play a cameo in Nammane Yuvarani - Times of India". The Times of India (in ಇಂಗ್ಲಿಷ್). Retrieved 2022-06-17.
↑ "Mayuri Kyatari to play a cameo in Nammane Yuvarani - Times of India". The Times of India (in ಇಂಗ್ಲಿಷ್). Retrieved 2022-06-17.
↑ "Kannada TV show 'Nammane Yuvarani' completes 300 episodes - Times of India". The Times of India (in ಇಂಗ್ಲಿಷ್). Retrieved 2022-06-17.
↑ "Kannada TV show 'Nammane Yuvarani' successfully completes 1000 episodes - Times of India". The Times of India (in ಇಂಗ್ಲಿಷ್). Retrieved 2022-06-17.
↑ "Daily soaps Nammane Yuvarani and Mithuna Rashi to unite for special episodes - Times of India". The Times of India (in ಇಂಗ್ಲಿಷ್). Retrieved 2022-06-17.
↑ "Anubandha awards to be aired this weekend - Times of India". The Times of India (in ಇಂಗ್ಲಿಷ್). Retrieved 2021-10-20.
↑ "Inspired by the serial Kannadathi, couple names their daughter Kannada - Times of India". The Times of India (in ಇಂಗ್ಲಿಷ್). Retrieved 2021-07-22.

[1] "Nammane Yuvarani: Family members gear up for 'Maduve Sambrama' - Times of India". The Times of India (in ಇಂಗ್ಲಿಷ್). Retrieved 2022-06-17.

[2] "Majaa Talkies to welcome Nammane Yuvarani stars - Times of India". The Times of India (in ಇಂಗ್ಲಿಷ್). Retrieved 2020-06-22.

[3] "Nammamane Yuvarani Serial Santhe to be aired on Sunday - Times of India". The Times of India (in ಇಂಗ್ಲಿಷ್). Retrieved 2020-06-22.

[4] "Watch Nammane Yuvarani from January 14 - Times of India". The Times of India (in ಇಂಗ್ಲಿಷ್). Retrieved 2020-06-22.

[5] "Exclusive: Nammane Yuvarani to air fresh episodes till April 10 - Times of India". The Times of India (in ಇಂಗ್ಲಿಷ್). Retrieved 2020-06-22.

[6] "Actress Kavya Mahadav to feature in 'Nammane Yuvarani' - Times of India". The Times of India (in ಇಂಗ್ಲಿಷ್). Retrieved 2020-06-22.

[7] "Aditi Prabudeva to play a cameo in Nammane Yuvarani - Times of India". The Times of India (in ಇಂಗ್ಲಿಷ್). Retrieved 2022-06-17.

[8] "Mayuri Kyatari to play a cameo in Nammane Yuvarani - Times of India". The Times of India (in ಇಂಗ್ಲಿಷ್). Retrieved 2022-06-17.

[9] "Kannada TV show 'Nammane Yuvarani' completes 300 episodes - Times of India". The Times of India (in ಇಂಗ್ಲಿಷ್). Retrieved 2022-06-17.

[10] "Kannada TV show 'Nammane Yuvarani' successfully completes 1000 episodes - Times of India". The Times of India (in ಇಂಗ್ಲಿಷ್). Retrieved 2022-06-17.

[11] "Daily soaps Nammane Yuvarani and Mithuna Rashi to unite for special episodes - Times of India". The Times of India (in ಇಂಗ್ಲಿಷ್). Retrieved 2022-06-17.

[12] "Anubandha awards to be aired this weekend - Times of India". The Times of India (in ಇಂಗ್ಲಿಷ್). Retrieved 2021-10-20.

[13] "Inspired by the serial Kannadathi, couple names their daughter Kannada - Times of India". The Times of India (in ಇಂಗ್ಲಿಷ್). Retrieved 2021-07-22.

[೧]

[೨]

[೩]

[೪]

[೫]

[೬]

[೭]

[೮]

[೯]

[೧೦]

[೧೧]

[೧೨]

[೧೩]