ದೀಪದ ಮಲ್ಲಿ
|
ಈ ಪುಟ ಅಥವಾ ವಿಭಾಗವು ಅಪೂರ್ಣವಾಗಿದೆ. |
ದೀಪದ ಮಲ್ಲಿ............. ಕವನ ಸಂಕಲನ- ದೀಪದ ಮಲ್ಲಿ
ಎಲೆಲೆ! ದೇಪದ ಮಲ್ಲಿ,
ಎದೆಯ ಕತ್ತಲೆಯಲ್ಲಿ
ಪದುಮ ದೀಪದ ಹಿಡಿದು
ಬಾಗಿ ನಿಂತು
ಕವಿಗಿನಿತೆ ಬೆಳಕಿನಲ್ಲಿ
ಎಂಬ ಕಿರುನಗೆಯಲ್ಲಿ
ಹಿಗ್ಗಿ ಹೂವಾಯ್ತಿಂತು
ಪ್ರಾಣ ತಂತು.
ನೀನೆ ಕಂಚಿನ ಬೊಂಬೆ ?
ಅಲ್ಲ ಮಿಂಚಿನ ಬೊಂಬೆ ?
ಹಂಬಲವನೆದೆಯೊಳಗೆ
ತುಂಬಿದೊಲುಮೆ.
ಎಲ್ಲಿತ್ತೊ ಒಂದು ದನಿ,
ಎಲ್ಲಿತ್ತೊ ಒಂದು ಬನಿ,
ನಿನ್ನಿಂದ ಹಾಡಾಯ್ತು
ಅಮೃತವಾಯ್ತು.
-ಕೆ ಎಸ್ ನರಸಿಂಹಸ್ವಾಮಿಯವರು