ಗೋರಕ್ ಕಲ್ಯಾಣ್

ರಾಗ ಗೋರಕ್ ಕಲ್ಯಾಣ್ ಇದು ಹಿಂದುಸ್ತಾನಿ ಶಾಸ್ತ್ರೀಯ ಸಂಗೀತ ಪದ್ಧತಿಯಲ್ಲಿ ಒಂದು ರಾಗವಾಗಿದೆ. ಇದು ಉತ್ತರ ಪ್ರದೇಶದ ಗೋರಕ್ ಪುರ ಪ್ರದೇಶದಲ್ಲಿ ಪ್ರಚಲಿತಲಿದ್ದ ರಾಗವಾದುದರಿಂದ ಇದಕ್ಕೆ ಈ ಹೆಸರು ಬಂದಿದೆ. ಇದು ಖಮಾಜ್ ಥಾಟ್ ಗೆ ಸೇರಿದ ರಾಗ.ಇದು ಕಲ್ಯಾಣ್ ರಾಗವನ್ನು ಯಾವುದೇ ರೀತಿಯಲ್ಲಿ ಹೋಲುವುದಿಲ್ಲವಾದುದರಿಂದ ಕೆಲವರು ಇದನ್ನು ಗೋರಖ್ ಎಂದಷ್ಟೇ ಕರೆಯುತ್ತಾರೆ.

ಜಾತಿ

ಇದು ಔಡವ್ ಔಡವ್ ಜಾತಿಗೆ ಸೇರಿದ ರಾಗ

ಸಮಯ

ಇದನ್ನು ರಾತ್ರಿಯ ದ್ವಿತೀಯ ಪ್ರಹರ ಅಂದರೆ ರಾತ್ರಿ ೯ ಗಂಟೆಯಿಂದ ೧೨ ಗಂಟೆಯವರೆಗೆ ಪ್ರಸ್ತುತ ಪಡಿಸಲಾಗುತ್ತದೆ ಇದು ಬಹಳ ಮಧುರವಾದ ರಾಗವಾಗಿದ್ದು ಬಹಳ ಪ್ರಭಾವಶಾಲಿಯಾಗಿದೆ.ಈ ರಾಗದಲ್ಲಿ ಮಧ್ಯಮವು ಶಕ್ತಿಶಾಲಿಯಾಗಿದ್ದು,ವಾದಿ ಹಾಗೂ ವಿಶ್ರಾಂತಿ ಸ್ವರವಾಗಿ ಉಪಯೋಗವಾಗುತ್ತದೆ. ಈ ಅಂಶವು ಇದನ್ನು ರಾಗ ನಾರಾಯಣಿಯಿಂದ ಪ್ರತ್ಯೇಕಿಸುತ್ತದೆ. ಅಲ್ಲಿ ಪಂಚಮವು ಈ ಕೆಲಸವನ್ನು ಮಾಡುತ್ತದೆ.ರಾಗ ಗೋರಕ್ ಕಲ್ಯಾಣದಲ್ಲಿ ಮಂದ್ರ ಸಪ್ತಕದ ಕೋಮಲ ನಿಷಾಧವು ನ್ಯಾಸ ಸ್ವರವಾಗಿದ್ದು ಇದು ಈ ರಾಗವನ್ನು ಗುರುತಿಸಲು ಸಹಾಯವಾಗುತ್ತದೆ.

ಆರೋಹಣ

ಸ ರಿ ಮ ಧ ಸ

ಅವರೋಹಣ

ಸ ನಿ ಧ ಮ ರಿ ಸ

ವಾದಿ - ಸಂವಾದಿ

ಮಧ್ಯಮ ಮತ್ತು ಷಡ್ಜಗಳು ವಾದಿ ಮತ್ತು ಸಂವಾದಿ