ಗಂಡ ಹೆಂಡತಿ ಆಟ

ಗಂಡ ಹೆಂಡತಿ ಆಟ: ಈ ಆಟವು ತುಳುನಾಡಿನ ಜಾನಪದ ಆಟಗಳಲ್ಲಿ ಒಂದು. ದಾಂಪತ್ಯದ ಅನುಕರಣೆಯನ್ನು ಈ ಆಟದಲ್ಲಿ ಮಾಡುವುದರಿಂದ ಇದನ್ನು ಗಂಡ-ಹೆ೦ಡತಿಯರ ಆಟವೆಂದು ಕರೆಯುತ್ತಾರೆ. ಇಬ್ಬರು ಆಟಗಾರರು ಈ ಆಟದಲ್ಲಿ ಭಾಗವಹಿಸುತ್ತಾರೆ. ಹೆಚ್ಚು ಆಟಗಾರರು ಈ ಆಟದಲ್ಲಿ ಭಾಗವಹಿಸಬಹುದು. ಇದೊಂದು ಹೊರಾಂಗಣ ಆಟವಾಗಿದೆ.

ಗಂಡ ಹೆಂಡತಿ ಆಟ

Genre(s)	ಹೊರಾಂಗಣ ಆಟ
ಆಟಗಾರರು	ಇಬ್ಬರು
ವಯಸ್ಸಿನ ವ್ಯಾಪ್ತಿ	3+
ಆಟದ ಸಮಯ	< 60 min

ಆಟವಾಡಲು ಎಷ್ಟು ಜನ ಬೇಕು ?

ಈ ಆಟದಲ್ಲಿ ಇಬ್ಬರು ಆಟಗಾರರ ಅವಶ್ಯಕತೆ ಇದೆ. ಹೆಚ್ಚು ಜನ ಬೇಕಾದರೂ ಬಾಗವಹಿಸಬಹುದು.

ಆಟ ಆಡುವುದು ಹೇಗೆ?

ದಾಂಪತ್ಯ ಜೀವನದ ಅನುಕರಣೆಯನ್ನು ಈ ಆಟದಲ್ಲಿ ಕಾಣಬಹುದು. ಆಟಗಾರರಲ್ಲಿ ಒಬ್ಬನು ಗ೦ಡನ ಪಾತ್ರ ವಹಿಸುತ್ತಾನೆ ಇನ್ನೊಬ್ಬರು ಹೆ೦ಡತಿಯ ಪಾತ್ರ ವಹಿಸುತ್ತಾಳೆ. ಮಕ್ಕಳು ತಾವು ಗ್ರಹಿಸಿದ ರೀತಿಯಲ್ಲಿ ಗಂಡ-ಹೆಂಡತಿಯರನ್ನು ಅನುಕರಣೆ ಮಾಡುತ್ತಾರೆ. ಈ ಆಟದಲ್ಲಿ ಗಂಡು ಮಕ್ಕಳು ಗಂಡನಾಗುವುದು ಮತ್ತು ಹೆಣ್ಣು ಮಕ್ಕಳು ಹೆ೦ಡತಿಯಾಗುವುದು ಕಡ್ಡಾಯವಾಗಿದೆ. ನಮ್ಮ ಸಾಮಾಜಿಕ ವ್ಯವಸ್ಥೆಯಲ್ಲಿ ಗಂಡ-ಹೆಂಡಿರ ಸಂಬಂಧವನ್ನು ಮಕ್ಕಳು ಯತಾವತ್ತಾಗಿ ಅನುಕರಣೆ ಮಾಡುವುದನ್ನು ಕಾಣಬಹುದಾಗಿದೆ. ಹೆಂಡತಿ ಗಂಡನಿಗೆ ಊಟ ಬಡಿಸುವುದು, ಮಗುವನ್ನು ಸಮಾಧಾನ ಮಾಡುವುದು, ಗಂಡ ಹೆಂಡತಿಗೆ ಬೈಯುವುದು ಇತ್ಯಾದಿ ಚಟುವಟಿಕೆಗಳು ಆಟದಲ್ಲಿ ಬರುತ್ತದೆ. ಮಕ್ಕಳು ದಾಂಪತ್ಯ ಬದುಕಿನ ನೇರ ತರಬೇತಿಯನ್ನು ಈ ಆಟದ ಮೂಲಕ ಹೊಂದುತ್ತಾರೆ. ಆಟಗಳು ಸಾಮಾಜೀಕರಣದ ಕೂಡಾ ಮಾಧ್ಯಮಗಳಾಗಿಯೂ ಕಾರ್ಯನಿರ್ವಹಿಸುತ್ತವೆ ಎಂಬ ಅಭಿಪ್ರಾಯವನ್ನು ಈ ಆಟವು ಸಮರ್ಥಿಸುತ್ತದೆ.

ಬೇರೆ ಬಾಷೆಯಲ್ಲಿ ಆಟದ ಹೆಸರು

• ಕಂಡನಿ ಬೊಡೆದಿ ಗೊಬ್ಬು (ತುಳು)