ಅರ್ಥ ವ್ಯತ್ಯಾಸ

ಕನ್ನಡ ಭಾಷೆಯು ಸೂಕ್ಷ್ಮವಾದ ಗುಣಿತಾಕ್ಷರ ಪ್ರಸ್ತಾರ (ಎಂದರೆ ಕಾಗುಣಿತದ ಬರವಣಿಗೆ ) ಉಳ್ಳದ್ದಾಗಿದೆ . ಅದ್ದರಿಂದ ಈ ಭಾಷೆಯನ್ನು ಬರೆಯುವಾಗ ಎಚ್ಚರಿಕೆ ವಹಿಸಬೇಕಾದ್ದು ಅತ್ಯಗತ್ಯ . ಉದಾಹರಣೆ ನೋಡಿರಿ :-

ಊಟ = ಭೋಜನ
ಊತ = ಬಾತುಕೊಳ್ಳುವಿಕೆ
ದನ = ಹಸು, ಗೋವು, ಆಕಳು, ಆವು
ಧನ = ಹಣ, ವಿತ್ತ, ಅರ್ಥ (ಕಾಸು = ಚಲಾವಣೆಯ ನಾಣ್ಯ )
ಅಸ್ತಿತ್ವ = ಇರುವಿಕೆ
ಅಸ್ಥಿ = ಮೂಳೆ, ಎಲುಬು
ಮಣ = ತೂಕದ ಒಂದು ಪ್ರಮಾಣ
ಮನ = ಮನಸ್ಸು
ಮಂಡಿ = ಮೊಣಕಾಲು ನಾನಾರ್ಥ: (ನಾಮಪದ) ಸಗಟು ವ್ಯಾಪಾರದ ಅಂಗಡಿ
ಮಂದಿ = ಜನ ಸಮೂಹ ನಾನಾರ್ಥ : (ನಾಮಪದ) ಅಗ್ಗ , ಸೋವಿ
ಎಡೆ = ಸ್ಥಳ, ಆಸ್ಪದ (ನಾನಾರ್ಥ (ನಾಮಪದ) ಹತ್ತಿರ, ನೈವೇದ್ಯ , ಊಟ. (ಕ್ರಿಯಾಪದ) ಸಿಪ್ಪೆಯನ್ನು ಸುಲಿ)
ಎದೆ = ಹೃದಯ, ವಕ್ಷ
ಕಪ್ಪ = ಕಾಣಿಕೆ , ಪೊಗದಿ , ಕಡಗ
ಕಬ್ಬ = ಕಾವ್ಯ
ಚೂಟ = ಚುರುಕು , ಲವಲವಿಕೆ
ಚೂಡ = ಶಿಖೆ, ಜುಟ್ಟು , ಶಿಖರ
ಕುಂಚ = ನವಿಲುಗರಿಯಿಂದ ಮಾಡಿದ ಕುಂಚಿಕೆ , ಚಾಮರ , ಚಿತ್ರಕಾರ ಬಳಸುವ ಕೂಡಲಿನ ಕುಚ್ಚು
ಕುಂಜ = ಲತಾಗೃಹ
ಪಲ್ಲವ = ಚಿಗುರು
ಪಲ್ಲವಿ = ಹಾಡಿನ ಆರಂಭದಲ್ಲಿದ್ದು ನುಡಿಗೊಂದು ಬಾರಿ ಪುನರಾವರ್ತನೆಗೊಳ್ಳುವ ಭಾಗ