ಹರ್ಷಿತ್ (ಹಿಂದಿ ಚಲನಚಿತ್ರ)
ಹರ್ಷಿತ್ ಇದು ಹಿಂದಿ ಭಾಷೆಯ ಕಿರುಚಿತ್ರವಾಗಿದ್ದು, ಧ್ರುವ ಹರ್ಷ‌ರವರು ಬರೆದು ನಿರ್ದೇಶಿಸಿದ್ದಾರೆ.[೧] ಇದನ್ನು ಒಟಿಟಿ ಪ್ಲಾಟ್ಫಾರ್ಮ್ ಡಿಸ್ನಿ + ಹಾಟ್ಸ್ಟಾರ್ ಮತ್ತು ಅಮೆಜಾನ್ ಪ್ರೈಮ್‌ನಲ್ಲಿ ಪ್ರಸಾರ ಮಾಡಲಾಯಿತು.[೨] ಈ ಚಿತ್ರದಲ್ಲಿ, ಸತ್ಯಜೀತ್ ದುಬೆ ಮತ್ತು ದೀಕ್ಷಾ ಜುನೇಜಾರವರು ಮುಖ್ಯ ಪಾತ್ರಗಳಲ್ಲಿದ್ದಾರೆ.
| ಹರ್ಷಿತ್ | |
|---|---|
| ನಿರ್ದೇಶನ | ಧ್ರುವ ಹರ್ಷ |
| ನಿರ್ಮಾಪಕ | ಅನಿಲ್ ಎಸ್. ಸೋನಿ ಸುರಭಿ ಭಟ್ಟಾಚಾರ್ಜಿ ಧ್ರುವ ಹರ್ಷ ಅಶುತೋಷ್ ಶ್ರೀವಾಸ್ತವ್ |
| ಲೇಖಕ | ಧ್ರುವ ಹರ್ಷ |
| ಪಾತ್ರವರ್ಗ | ಸತ್ಯಜೀತ್ ದುಬೆ ದೀಕ್ಷಾ ಜುನೇಜಾ ನತಾಶಾ ರಾಣಾ |
| ಸಂಗೀತ | ವಿಕ್ಕಿ ಪ್ರಸಾದ್ |
| ಛಾಯಾಗ್ರಹಣ | ಅಂಕುರ್ ರೈ |
| ಸಂಕಲನ | ಸೂರ್ಯ ಕಾಂತ್ ವರ್ಮಾ |
| ಸ್ಟುಡಿಯೋ | ಸೋನಿ ಬ್ರದರ್ಸ್ ಎಂಟರ್ಟೈನ್ಮೆಂಟ್ ಗ್ಲೋರಿಯಸ್ ಗೋನಾರ್ಡ್ |
| ವಿತರಕರು | ಡಿಸ್ನಿ+ ಹಾಟ್ಸ್ಟಾರ್ ಅಮೆಜಾನ್ ಪ್ರೈಮ್ |
| ಅವಧಿ | ೨೫ ನಿಮಿಷಗಳು |
| ದೇಶ | ಭಾರತ |
| ಭಾಷೆ | ಹಿಂದಿ |
ಈ ಚಿತ್ರವನ್ನು ಸೋನಿ ಬ್ರದರ್ಸ್ ಎಂಟರ್ಟೈನ್ಮೆಂಟ್ ಮತ್ತು ಗ್ಲೋರಿಯಸ್ ಗೊನಾರ್ಡ್ ನಿರ್ಮಿಸಿದ್ದಾರೆ ಮತ್ತು ವಿಲಿಯಂ ಷೇಕ್ಸ್ಪಿಯರ್ ಅವರ ದಿ ಟ್ರಾಜೆಡಿ ಆಫ್ ಹ್ಯಾಮ್ಲೆಟ್‌ನಿಂದ ಸ್ಫೂರ್ತಿ ಪಡೆದಿದೆ.[೩]
ಫಿಲಿಪೈನ್ಸ್‌ನಲ್ಲಿ ನಡೆದ ೧೬ ನೇ ಮಿಂಡನಾವೊ ಚಲನಚಿತ್ರೋತ್ಸವ (೨೦೧೮), ಪಾಂಡಿಚೆರಿ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ (೨೦೧೮), ಶಿಮ್ಲಾದ ೪ ನೇ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ (೨೦೧೮), ನವದೆಹಲಿಯಲ್ಲಿ ನಡೆದ ೭ ನೇ ದೆಹಲಿ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ (೨೦೧೮) ಮತ್ತು ಪುಣೆಯ ೭ ನೇ ಸ್ಮಿತಾ ಪಾಟೀಲ್ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ (೨೦೧೮) ನಂತಹ ಚಲನಚಿತ್ರೋತ್ಸವಗಳಿಗೆ ಹರ್ಷಿತ್ ಚಿತ್ರ ಆಯ್ಕೆಯಾಗಿದೆ. ಇದನ್ನು ಮೂಲತಃ ೨೦೦೮ ರಲ್ಲಿ, ಬಿಡುಗಡೆ ಮಾಡಲಾಯಿತು. ಇದು ಆಗಸ್ಟ್ ೨೦, ೨೦೨೦ ರಂದು ಅಮೆಜಾನ್ ಪ್ರೈಮ್‌ನಲ್ಲಿ ಸ್ಟ್ರೀಮಿಂಗ್ ಪ್ರಾರಂಭಿಸಿತು.[೪]
ಕಥಾವಸ್ತು
ಬದಲಾಯಿಸಿಈ ಚಿತ್ರದಲ್ಲಿ, ಹಿಂದೂ ಹುಡುಗ ಹರ್ಷಿತ್ (ಸತ್ಯಜೀತ್ ದುಬೆ) ಮತ್ತು ರಾಹಿಲಾ (ದೀಕ್ಷಾ ಜುನೇಜಾ) ಎಂಬ ಮುಸ್ಲಿಂ ಯುವತಿಯ ಸುತ್ತ ಕಥೆ ತೆರೆದುಕೊಳ್ಳುತ್ತದೆ. ತಮ್ಮ ಕುಟುಂಬ ಮತ್ತು ಸ್ನೇಹಿತರಿಂದ ತೀವ್ರ ಪರಿಶೀಲನೆ ಮತ್ತು ಅಸಮ್ಮತಿಯನ್ನು ಎದುರಿಸುತ್ತಿದ್ದರೂ, ಹರ್ಷಿತ್ ತಮ್ಮ ಸಂಬಂಧವನ್ನು ಔಪಚಾರಿಕಗೊಳಿಸಲು ನಿರ್ಧರಿಸಿದ್ದಾರೆ. ಆದಾಗ್ಯೂ, ರಾಹಿಲಾ ಅವರ ಕುಟುಂಬವು ಅವರ ಪ್ರೀತಿಯ ಬಗ್ಗೆ ಹೆಚ್ಚು ಜಾಗೃತವಾಗುತ್ತಿದ್ದಂತೆ, ಸರಣಿ ದುರಂತ ಘಟನೆಗಳು ಸಂಭವಿಸುತ್ತವೆ. ಇದು ದಂಪತಿಗಳಿಗೆ ಮತ್ತು ಅವರ ಸ್ನೇಹಿತರು ಮತ್ತು ಸಂಬಂಧಿಕರ ವಲಯಕ್ಕೆ ವಿನಾಶಕಾರಿ ಪರಿಣಾಮಗಳಿಗೆ ಕಾರಣವಾಗುತ್ತದೆ.[೫]
ಪಾತ್ರವರ್ಗ
ಬದಲಾಯಿಸಿ- ಹರ್ಷಿತ್ ಪಾತ್ರದಲ್ಲಿ ಸತ್ಯಜೀತ್ ದುಬೆ
- ರವಿ ಪಾತ್ರದಲ್ಲಿ ಶುಭಂ ಚಂದ್ನಾ
- ರಾಹಿಲಾ ಪಾತ್ರದಲ್ಲಿ ದೀಕ್ಷಾ ಜುನೇಜಾ
- ಕರೀಮ್ ಪಾತ್ರದಲ್ಲಿ ಅಭಿಷೇಕ್ ಪಾಂಡೆ
- ಮಂಜು ಪಾತ್ರದಲ್ಲಿ ನತಾಶಾ ರಾಣಾ
- ಶಿವನಾಗಿ ಶಿವ ಸರೋಜ್
- ಹರ್ಷಿತ್ ತಂದೆಯಾಗಿ ಬಂಟಿ ಚೋಪ್ರಾ
- ಮೌಲಾನಾ ಪಾತ್ರದಲ್ಲಿ ರಜನೀಶ್ ಬೆಹ್ಲ್
ಸ್ವಾಗತ ಮತ್ತು ಮನ್ನಣೆ
ಬದಲಾಯಿಸಿದಿ ಟೈಮ್ಸ್ ಆಫ್ ಇಂಡಿಯಾದ ರಾಜೀವ್ ಮಣಿಯವರ ಪ್ರಕಾರ, "ಈ ಚಿತ್ರವು ಷೇಕ್ಸ್ಪಿಯರ್‌ರವರ ನಾಟಕದ ಮನರಂಜನಾ ಮಿಶ್ರಣವಾಗಿದೆ. ಜೊತೆಗೆ, ಅದರಲ್ಲಿನ ಸಾಂಕೇತಿಕತೆಯ ಪದರಗಳು ಮತ್ತು ಭಾರತೀಯ ಸಂಸ್ಕೃತಿಯಿಂದ ಹೆಚ್ಚು ಪ್ರಭಾವಿತವಾದ ಕಥೆಯಾಗಿದೆ" ಎಂದು ಹೇಳಿದ್ದಾರೆ.
ಏಷ್ಯನ್ ಮೂವಿ ಪಲ್ಸ್‌ನ ರೌವೆನ್ ಲಿನ್ನಾರ್ಜ್ ಈ ಚಿತ್ರವನ್ನು "ಅಸಾಧಾರಣ ಪ್ರದರ್ಶನಗಳೊಂದಿಗೆ ಅದರ ಸ್ಫೂರ್ತಿಯ ಅದ್ಭುತ ವ್ಯಾಖ್ಯಾನ" ಎಂದು ಬಣ್ಣಿಸಿದ್ದಾರೆ.[೬] ಸಿನೆಮಾಡೀನ್ ಏಷ್ಯಾಕ್ಕಾಗಿ ಚಲನಚಿತ್ರವನ್ನು ವಿಮರ್ಶಿಸುತ್ತಾ, ಜಾನಿ ಬ್ಲಾಂಕೊ, ಭಾರತದಲ್ಲಿ ಹಿಂದೂಗಳು ಮತ್ತು ಮುಸ್ಲಿಮರ ನಡುವಿನ ಜನಾಂಗೀಯ ಮತ್ತು ಧಾರ್ಮಿಕ ಸಂಘರ್ಷವನ್ನು ಚಿತ್ರಿಸುವ ಮೂಲಕ ವಿಶಿಷ್ಟ ತಿರುವನ್ನು ಸೇರಿಸುವಾಗ ಷೇಕ್ಸ್ಪಿಯರ್ನ ಕೃತಿಯ ಅಗತ್ಯ ಅಂಶಗಳನ್ನು ಸೇರಿಸಿದ್ದಕ್ಕಾಗಿ ಚಿತ್ರವನ್ನು ಶ್ಲಾಘಿಸಿದರು.[೭]
ಅಕ್ಟೋಬರ್ ೨೦೧೮ ರಲ್ಲಿ, ಈ ಚಿತ್ರವು ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ಮತ್ತು ಹಿಮಾಚಲ ಪ್ರದೇಶ ಸರ್ಕಾರದ ಭಾಷಾ ಕಲೆ ಮತ್ತು ಸಂಸ್ಕೃತಿ ಇಲಾಖೆಯ ಸಹಯೋಗದೊಂದಿಗೆ ಆಯೋಜಿಸಲಾದ ಶಿಮ್ಲಾದ ೪ ನೇ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಆಯ್ಕೆಯಾಗಿ ಪ್ರದರ್ಶಿಸಲ್ಪಟ್ಟಿತು.[೮] ಪುಣೆಯಲ್ಲಿ ನಡೆದ ೨೦೧೮ ರ ಅಂತರರಾಷ್ಟ್ರೀಯ ಕಿರುಚಿತ್ರೋತ್ಸವದಲ್ಲಿ, ಹರ್ಷಿತ್ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿಯನ್ನು ಪಡೆಯಿತು. ಅದರ ನಿರ್ದೇಶಕರು ಅತ್ಯುತ್ತಮ ನಿರ್ದೇಶಕ ಪ್ರಶಸ್ತಿಯನ್ನು ಗೆದ್ದರು ಮತ್ತು ಸತ್ಯಜೀತ್ ದುಬೆ ಅತ್ಯುತ್ತಮ ನಟ ಪ್ರಶಸ್ತಿಯನ್ನು ಪಡೆದರು.[೯]
ಪ್ರಶಂಸೆಗಳು
ಬದಲಾಯಿಸಿ| ವರ್ಷ | ವರ್ಗ | ಸಂಸ್ಥೆ | ಫಲಿತಾಂಶ | ಉಲ್ಲೇಖ. |
|---|---|---|---|---|
| ೨೦೧೮ | ಅಧಿಕೃತ ಆಯ್ಕೆ | ಪಾಂಡಿಚೇರಿ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ | ಗೆಲುವು | |
| ೨೦೧೮ | ಅಧಿಕೃತ ಆಯ್ಕೆ | ಮಿಂಡಾನಾವೊ ಚಲನಚಿತ್ರೋತ್ಸವ | ಗೆಲುವು | [೧೦] |
| ೨೦೧೮ | ಅಧಿಕೃತ ಆಯ್ಕೆ | ಶಿಮ್ಲಾದ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ | ಗೆಲುವು | [೧೧] |
| ೨೦೧೮ | ಅತ್ಯುತ್ತಮ ಕಿರುಚಿತ್ರ | ರಾಷ್ಟ್ರೀಯ ಕಿರುಚಿತ್ರೋತ್ಸವ, ಕೋಲ್ಕತ್ತಾ | ಗೆಲುವು | [೧೨] |
| ೨೦೧೮ | ಅತ್ಯುತ್ತಮ ಚಿತ್ರಕಥೆ | ರಾಷ್ಟ್ರೀಯ ಕಿರುಚಿತ್ರೋತ್ಸವ, ಕೋಲ್ಕತ್ತಾ | ಗೆಲುವು | |
| ೨೦೧೮ | ಅಧಿಕೃತ ಆಯ್ಕೆ | ಸ್ಮಿತಾ ಪಾಟೀಲ್ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವ, ಪುಣೆ | ಗೆಲುವು | |
| ೨೦೧೮ | ಅತ್ಯುತ್ತಮ ನಿರ್ದೇಶಕ | ಅಂತರರಾಷ್ಟ್ರೀಯ ಕಿರುಚಿತ್ರೋತ್ಸವ, ಪುಣೆ | ಗೆಲುವು | |
| ೨೦೧೮ | ಅತ್ಯುತ್ತಮ ಮೂರನೇ ಚಿತ್ರ | ಅಂತರರಾಷ್ಟ್ರೀಯ ಕಿರುಚಿತ್ರೋತ್ಸವ, ಪುಣೆ | ಗೆಲುವು | |
| ೨೦೧೯ | ಅಧಿಕೃತ ಆಯ್ಕೆ | ಕೋಲ್ಕತ್ತಾ ಕಿರುಚಿತ್ರ ಮತ್ತು ಚಲನಚಿತ್ರೋತ್ಸವ | ಗೆಲುವು | [೧೩] |
| ೨೦೧೯ | ಅಧಿಕೃತ ಆಯ್ಕೆ | ಚಂಬಲ್ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ | ಗೆಲುವು | [೧೪] |
ಉಲ್ಲೇಖಗಳು
ಬದಲಾಯಿಸಿ- ↑ Mani, Rajiv (7 August 2020). "Dhruva Harsh makes AU proud by making 'Harshit'". The Times of India.
- ↑ "Harshit". Amazon Prime. 2019.
- ↑ Khatoon, F. (28 August 2020). "Satyajeet Dubey's short film is a forbidden-love story of Harshit and Rahila, inspired by Shakespeare". The New Indian Express. Indulge Xpress.
- ↑ "Harshit". Rottentomatoes.com.
- ↑ "Harshit". Indianfilmhistory.com. 18 October 2019.
- ↑ Linnarz, Rouven (5 April 2019). "Short Film Review: Harshit (2018) by Dhruva Harsh". Asian Movie Pulse.
- ↑ Blanco, Jonny (October 2019). "REVIEW: Harshit (2018) Directed by Dhruva Harsh -Short Film". CineMadeinAsia.
- ↑ "Shortlisted Film for Screening - 4th International Film Festival of Shimla-2018". IFFS.in. 14 October 2018.
- ↑ "#Award List 2018" (PDF). IS Film Festival. 2018. Archived from the original (PDF) on 14 February 2019. Retrieved 14 February 2019.
- ↑ "16th Mindanao Film Festival". 2018.
- ↑ "IFFS 2018 Screening Schedule". iffs.in. October 2018.
- ↑ Rajput, Amit (29 May 2018). "ध्रुव हर्ष की फ़िल्म Harshit को मिला ये अवॉर्ड" (in Hindi). Archived from the original on 21 March 2019.
{{cite news}}: CS1 maint: unrecognized language (link) - ↑ "List of Selected Films for Screening at 15th KSFF". Chitrabani. 9 January 2019. Archived from the original on 15 April 2019.
- ↑ "Official Selection List". ciff.co.in. 2019. Archived from the original on 15 December 2018.