ಮಾರಾಟ ತೆರಿಗೆ ಯು ಕೆಲವೊಂದು ವಸ್ತುಗಳು ಹಾಗೂ ಸೇವೆಗಳನ್ನು ಖರೀದಿಸುವ ಸಮಯದಲ್ಲಿ ವಿಧಿಸಲಾಗುವ ಬಳಕೆ ತೆರಿಗೆ. ಮಾರಾಟದ ಸಮಯದಲ್ಲಿ ತೆರಿಗೆ ವಿಧಿಸಬಹುದಾದಂತಹ ಬೆಲೆಯ ಶೇಕಡಾ ದರವಾಗಿ ಲೆಕ್ಕಾಚಾರ ಮಾಡಿ ವಿಧಿಸುವುದು ತೆರಿಗೆ ಮೊತ್ತ. ಮಾರಾಟದ ಒಂದು ಭಾಗಕ್ಕೆ ತೆರಿಗೆಯ ಲೆಕ್ಕಾಚಾರದಿಂದ ವಿನಾಯಿತಿ ಇರುತ್ತದೆ, ಏಕೆಂದರೆ ಮಾರಾಟ ತೆರಿಗೆಗಳ ನಿಯಮಗಳು ಸಾಮಾನ್ಯವಾಗಿ ವಿನಾಯಿತಿಗಳ ಒಂದು ಪಟ್ಟಿಯನ್ನು ಹೊಂದಿರುತ್ತವೆ. ತೆರಿಗೆಗಳನ್ನು ನಿರ್ವಹಿಸುವ ನಿಯಮಗಳ ಪ್ರಕಾರ ತೆರಿಗೆಯು ನಿಗದಿ ಪಡಿಸಿದ ಬೆಲೆಯಲ್ಲಿ ಸೇರಿರಬಹುದು(ತೆರಿಗೆ-ಸೇರಿದ) ಅಥವಾ ಮಾರಾಟದ ಸಮಯದಲ್ಲಿ ಬೆಲೆಯ ಜೊತೆ ಸೇರಿಸಬಹುದು.

ಹೆಚ್ಚಿನ ಮಾರಾಟ ತೆರಿಗೆಗಳನ್ನು ಮಾರುವವನು ಕೊಳ್ಳುವವನಿಂದ ಸಂಗ್ರಹಿಸಲಾಗುತ್ತಚೆ, ಸರ್ಕಾರದ ಏಜೆನ್ಸಿಗೆ ಆತನು ಅದನ್ನು ಭರಿಸುತ್ತಾನೆ. ವಸ್ತುಗಳನ್ನು ಮಾರಾಟ ಮಾಡುವಾಗ ಸಾಮಾನ್ಯವಾಗಿ ಮಾರಾಟ ತೆರಿಗೆಗಳನ್ನು ವಿಧಿಸಲಾಗುತ್ತದೆ, ಆದರೆ ಸೇವೆಗಳ ಮಾರಾಟ ಮಾಡುವಾಗಲೂ ಸಹ ಮಾರಾಟ ತೆರಿಗೆ ವಿಧಿಸಲಾಗುವುದು. ಸೂಕ್ತವಾಗಿ, ಮಾರಾಟ ತೆರಿಗೆಯು ಹೆಚ್ಚಿನ ಒಪ್ಪಂದದ ದರವನ್ನು ಹೊಂದಿರಬಹುದು, ತಡೆಯುವುದು ಕಷ್ಟ, ಆದರೆ ಲೆಕ್ಕಾಚಾರ ಮತ್ತು ಸಂಗ್ರಹ ಮಾಡಲು ಸುಲಭವಾಗಿರುತ್ತದೆ.

ಮಾರಾಟ ತೆರಿಗೆಯ ವಿಧಗಳು ಬದಲಾಯಿಸಿ

ಒಂದು ಸಾಂಪ್ರದಾಯಿಕ ಅಥವಾ ಚಿಲ್ಲರೆ ವ್ಯವಹಾರದ ಮಾರಾಟ ತೆರಿಗೆಯನ್ನು ಕೊನೆಯ ಬಳಕೆದಾರನಿಗೆ ಮಾರುವ ವಸ್ತುವಿನ ಮೇಲೆ ವಿಧಿಸಲಾಗುತ್ತದೆ. ಇದನ್ನು ಸಾಧಿಸುವುದಕ್ಕೋಸ್ಕರ, ಖರೀದಿ ಮಾಡುವವನು ಕೊನೆಯ ಬಳಕೆದಾರನಲ್ಲದಿದ್ದರೆ ಆತನು "ಮರು ಮಾರಾಟದ ಪ್ರಮಾಣಪತ್ರ"ವನ್ನು ಮಾರುವವನಿಗೆ ನೀಡಬೇಕು, ಇದು ಒಬ್ಬ ಮಾರಾಟಗಾರನು ಇನ್ನೊಬ್ಬ ಗ್ರಾಹಕನಿಗೆ ಮಾರುವುದಕ್ಕಾಗಿ ವಸ್ತುಗಳನ್ನು ಖರೀದಿಸುತ್ತಿದ್ದಾನೆ ಎಂದು ತಿಳಿಸುತ್ತದೆ. ಈ ರೀತಿಯ ಪ್ರಮಾಣ ಪತ್ರವನ್ನು ನೀಡದ ಖರೀದಿದಾರನಿಗೆ ಖರೀದಿಸುವ ಪ್ರತಿಯೊಂದು ವಸ್ತುವಿನ ಮೇಲೆ ತೆರಿಗೆ ವಿಧಿಸಲಾಗುತ್ತದೆ.

ಮಾರಾಟ ತೆರಿಗೆಗಳ ಇತರೆ ವಿಧಗಳು, ಅಥವಾ ಒಂದೇ ರೀತಿಯ ತೆರಿಗೆಗಳು, ಇದರಲ್ಲಿ ಸೇರಿರುವಂತಹವು:

  • ವ್ಯಾಪಾರದ ಎಲ್ಲಾ ಮಾರಾಟಗಳ ಮೇಲೆ ವಿಧಿಸುವ ಒಟ್ಟು ರಶೀದಿಗಳ ತೆರಿಗೆಗಳು. ಉತ್ಪಾದನೆಯ ಹಂತದಿಂದ ಅಂತಿಮ ಚಿಲ್ಲರೆ ಮಾರಾಟದವರೆಗೆ ಒಂದು ಬಾರಿಗಿಂತ ಹೆಚ್ಚು ತೆರಿಗೆ ವಸೂಲಾತಿ, ಅಂದರೆ "ಒಂದರ ಮೇಲೆ ಇನ್ನೊಂದರಂತೆ" ಅಥವಾ "ಪಿರಾಮಿಡ್ ರೀತಿಯಲ್ಲಿ" ಮಾಡುವುದರಿಂದಾಗುವ ಪರಿಣಾಮಗಳಿಗೆ ಈ ತೆರಿಗೆಯು ಚರ್ಚಿಸಲ್ಪಟ್ಟಿದೆ.[೧]
  • ಉತ್ಪಾದನಾ ತೆರಿಗೆಗಳು, ಕೆಲವು ವಿಧದ ಉತ್ಪನ್ನಗಳಿಗೆ ಅನ್ವಯಿಸುತ್ತದೆ, ಅವೆಂದರೆ ಗ್ಯಾಸೋಲಿನ್ ಅಥವಾ ಆಲ್ಕೋಹಾಲ್, ಇಂತಹವುಗಳಲ್ಲಿ ತೆರಿಗೆಯನ್ನು ಚಿಲ್ಲರೆ ಮಾರಾಟಗಾರನಿಗಿಂತ ಉತ್ಪಾದಕ ಅಥವಾ ಸಗಟು ಮಾರಾಟಗಾರರಿಗೆ ಸಾಮಾನ್ಯವಾಗಿ ವಿಧಿಸಲಾಗುತ್ತದೆ.
  • ಬಳಕೆ ತೆರಿಗೆ, ಮಾರಾಟ ತೆರಿಗೆ ಇಲ್ಲದೆ ಖರೀದಿಸಿದ ವಸ್ತುಗಳ ಮೇಲೆ ನೇರವಾಗಿ ಬಳಕೆದಾರನ ಮೇಲೆ ಬೀಳುವಂತಹದ್ದಾಗಿದೆ, ಸಾಮಾನ್ಯವಾಗಿ ಇದು ಮಾರಾಟಗಾರನಿಂದ ಯಾವುದೋ ರೂಪದಲ್ಲಿ ವಸ್ತುಗಳನ್ನು ಪಡೆದು ನಂತರ ಖರೀದಿದಾರನಿಗೆ ಅಂಚೆಯ ಮೂಲಕ ಅಥವಾ ಸಾಮಾನ್ಯ ಸಾಗಣೆ ಮುಖಾಂತರ ತಲುಪಿಸುವುದಾಗಿರುತ್ತದೆ. ಬಳಕೆ ತೆರಿಗೆಗಳು ಸಾಮಾನ್ಯವಾಗಿ ಮಾರಾಟ ತೆರಿಗೆ ಎಂದು ರಾಜ್ಯಗಳಿಂದ ವಿಧಿಸಲಾಗುತ್ತದೆ, ಆಟೋಮೊಬೈಲ್ ಹಾಗೂ ದೋಣಿಗಳಂತಹ ಕೆಲವೊಂದು ದೊಡ್ಡ ವಸ್ತುಗಳನ್ನು ಬಿಟ್ಟು ಉಳಿದವುಗಳಿಗೆ ಗ್ರಾಹಕರ ಮೇಲೆ ಬಲವಂತ ಮಾಡಲು ಆಗುವುದಿಲ್ಲ.
  • ಸೆಕ್ಯುರಿಟೀಸ್ ಟರ್ನೋವರ್ ಎಕ್ಸೈಸ್ ಟ್ಯಾಕ್ಸ್, ಭದ್ರತಾ ವಸ್ತುಗಳ ವ್ಯಾಪಾರದ ಮೇಲಿನ ತೆರಿಗೆ.
  • ಮೌಲ್ಯವರ್ಧಿತ ತೆರಿಗೆಗಳು, ಇದು ಮರು ಮಾರಾಟದ ಪ್ರಮಾಣಪತ್ರದ ಅವಶ್ಯಕತೆ ಇಲ್ಲದೆ ಎಲ್ಲಾ ಮಾರಾಟದ ಮೇಲೂ ವಿಧಿಸುವ ತೆರಿಗೆ. ಮೊದಲ ಗ್ರಾಹಕನು ನೀಡಿದ ಬೆಲೆ ಹಾಗೂ ಅದೇ ವಸ್ತುವನ್ನು ಕೊಂಡ ಇನ್ನೊಬ್ಬ ಗ್ರಾಹಕ ನೀಡಿದ ಬೆಲೆಯ ವ್ಯತ್ಯಾಸದ ಹಣಕ್ಕೆ ತೆರಿಗೆ ವಿಧಿಸುವುದು ("ಮೌಲ್ಯಾಧಾರಿತ") ಕ್ಯಾಸ್ಕೇಡಿಂಗ್ ತೆರಿಗೆ.
  • ನ್ಯಾಯ ತೆರಿಗೆ, ಉದ್ದೇಶಿತ ಸಂಯುಕ್ತ ಮಾರಾಟ ತೆರಿಗೆ, ಯು.ಎಸ್.ಸಂಯುಕ್ತ ಆದಾಯ ತೆರಿಗೆಯ ಬದಲಾಗಿ ವಿಧಿಸಲಾಗುವ ತೆರಿಗೆ.
  • ವಹಿವಾಟು ತೆರಿಗೆ, ಇದು ಮಾರಾಟ ತೆರಿಗೆಯ ಹಾಗೆಯೇ,

ಆದರೆ ಇದು ಮಧ್ಯಮ ಹಾಗೂ ದೊಡ್ಡ ವಸ್ತುಗಳಿಗೆ ಅನ್ವಯವಾಗುವ ಪರೋಕ್ಷ ತೆರಿಗೆಯಾಗಿದೆ.

ಪ್ರಪಂಚದ ಹೆಚ್ಚಿನ ದೇಶಗಳು ಮಾರಾಟ ತೆರಿಗೆ ಅಥವಾ ಮೌಲ್ಯಾಧಾರಿತ ತೆರಿಗೆಯನ್ನು ರಾಷ್ಟ್ರೀಯ, ರಾಜ್ಯದ, ಪ್ರದೇಶ ಅಥವಾ ನಗರ ಸರ್ಕಾರದ ಮಟ್ಟದಲ್ಲಿ ಹೊಂದಿರುತ್ತವೆ. ಪಶ್ಚಿಮ ಯೂರೋಪ್ ದೇಶಗಳು, ವಿಶೇಷವಾಗಿ ಸ್ಕ್ಯಾಂಡಿನೇವಿಯಾದಂತಹ ರಾಷ್ಟ್ರಗಳು ವಿಶ್ವದಲ್ಲೇ ಹೆಚ್ಚಿನ ಮೌಲ್ಯಾಧಾರಿತ ತೆರಿಗೆಗಳನ್ನು ಹೊಂದಿವೆ. ನಾರ್ವೇ, ಡೆನ್ಮಾರ್ಕ್ ಹಾಗೂ ಸ್ವೀಡನ್ಗಳು ಹೆಚ್ಚಿನ ವ್ಯಾಟ್ ಅಂದರೆ 25%ನಷ್ಟು ಹೊಂದಿವೆ,[೨][೩] ಕಿರಾಣಿ ಸಾಮಾನುಗಳು, ಕಲೆ, ಪುಸ್ತಕಗಳು ಹಾಗೂ ವಾರ್ತಾಪತ್ರಿಕೆಗಳಂತಹ ಕೆಲವಸ್ತುಗಳಲ್ಲಿ ಬೆಲೆಗಳು ಕಡಿಮೆ ಇರುತ್ತವೆ.[೪]

ಕೆಲವು ದೇಶಗಳಲ್ಲಿ ಸರ್ಕಾರದ ಬಹು ಮಟ್ಟಗಳಲ್ಲಿ ಮಾರಾಟ ತೆರಿಗೆಯನ್ನು ವಿಧಿಸಲಾಗುತ್ತದೆ. ಉದಾಹರಣೆಗೆ, ಚಿಕಾಗೋ (ಕುಕ್ ಕೌಂಟಿ)ದಲ್ಲಿ ಮಾರಾಟ ತೆರಿಗೆಯು, ಒಟ್ಟು 10.25% ಇದೆ— ಅದರಲ್ಲಿ ರಾಜ್ಯದಲ್ಲಿ 6.25%, ನಗರ ಮಟ್ಟದಲ್ಲಿ 1.25%, ಪ್ರದೇಶದಲ್ಲಿ 1.75% ಹಾಗೂ 1% ಪ್ರಾದೇಶಿಕ ಸಾರಿಗೆ ಪ್ರಾಧಿಕಾರಕ್ಕೆ ವಿಭಾಗಿಸಲಾಗುತ್ತದೆ. ಚಿಕಾಗೋವು ಆಹಾರ ಹಾಗೂ ಪಾನೀಯಗಳ ಮೇಲೆ 1%ನಷ್ಟು ಮೆಟ್ರೋಪಾಲಿಟನ್ ಸೇತುಬಂಧವನ್ನು ಹಾಗೂ ಸಂಗ್ರಹವರದಿ ಪ್ರಾಧಿಕಾರದ ತೆರಿಗೆ ಹೊಂದಿದೆ (ಎಂದರೆ ಹೊರಗೆ ತಿಂದರೆ 11.25%ನಷ್ಟು ತೆರಿಗೆ ಕಟ್ಟಬೇಕು).[೫] ಬ್ಯಾಟನ್ ರೌಗ್, ಲೂಸಿಯಾನಾಗಳಲ್ಲಿ ತೆರಿಗೆಯು 9%, ಅದರಲ್ಲಿ ರಾಜ್ಯದ 4% ಹಾಗೂ ಸ್ಥಳೀಯ ದರ 5%.[೬]

2010ರವರೆಗೆ, ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಯಾವಾಗಲೂ ಸಂಯುಕ್ತ ಮಾರಾಟ ತೆರಿಗೆಗಳು ಇರಲಿಲ್ಲ; ಆದಾಗ್ಯೂ, 2010ರ ಹೆಲ್ತ್ ಕೇರ್ ರೀಫಾರ್ಮ್ ಲಾವು 10% ಸಂಯುಕ್ತ ಮಾರಾಟ ತೆರಿಗೆಯನ್ನು ಒಳಾಂಗಣದ ಚರ್ಮ ಸಂಸ್ಕಾರ ಸೇವೆಗಳಿಗೆ ವಿಧಿಸುತ್ತಿದೆ.[೭][೮]

ಮೌಲ್ಯಾಧಾರಿತ ತೆರಿಗಳಿಗೆ ಬದಲಾಗಿ ಕನ್ವೆನ್ಷನಲ್ ಮಾರಾಟ ತೆರಿಗೆಗಳನ್ನು ವಿಧಿಸುವುದು ಪ್ರಾರಂಭವಾಯಿತು, ಅಲ್ಲದೆ ಕನ್ವೆನ್ಷನಲ್ ಮಾರಾಟ ತೆರಿಗೆಯನ್ನು ಉಳಿಸಿಕೊಂಡಿರುವ ಕೆಲವೇ ರಾಷ್ಟ್ರಗಳಲ್ಲಿ ಯುನೈಟೆಡ್ ಸ್ಟೇಟ್ಸ್ ಕೂಡಾ ಒಂದಾಗಿದೆ. ಯೂರೋಪಿಯನ್ ಯೂನಿಯನ್, ಮೆಕ್ಸಿಕೊ, ಆಸ್ಟ್ರೇಲಿಯಾ, ಕೆನಾಡಾ ಹಾಗೂ ಇನ್ನೂ ಹಲವಾರು ದೇಶಗಳಲ್ಲಿ ವ್ಯಾಟ್ ಅನ್ನು (ವಸ್ತುಗಳು ಹಾಗೂ ಸೇವಾ ತೆರಿಗೆ) ಅಳವಡಿಸಿಕೊಳ್ಳಲಾಗಿದೆ.

ಪರಿಣಾಮಗಳು ಬದಲಾಯಿಸಿ

ಆರ್ಥಿಕ ಬೆಳವಣಿಗೆ, ಉಳಿತಾಯ ಹಾಗೂ ಹೂಡಿಕೆಗೆ ಮಾರಾಟ ತೆರಿಗೆಗಳು ಉತ್ತಮವಾಗಿವೆ. ಒಎಫ್‌ಸಿಡಿ ವ್ಯಾಪ್ತಿಯೊಳಗೆ ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳ ಆರ್ಥಿಕ ಬೆಳವಣಿಗೆಯಲ್ಲಿ ವಿವಿಧ ರೀತಿಯ ತೆರಿಗೆಗಳ ಪಾತ್ರವೇನು ಎಂಬುದರ ಬಗ್ಗೆ ಆರ್ಗನೈಸೇಶನ್ ಫಾರ್ ಎಕನಾಮಿಕ್ ಕೋ-ಆಪರೇಶನ್ ಅಂಡ್ ಡೆವಲಪ್ಮೆಂಟ್ನ ಆರ್ಥಿಕ ತಜ್ಞರು ಅಧ್ಯಯನ ನಡೆಸಿದ್ದಾರೆ ಹಾಗೂ ಅವರು ಬೆಳವಣಿಗ್ಗೆ ಕಡಿಮೆ ಹಾನಿಕಾರಿ ತೆರಿಗೆ ಎಂದರೆ ಮಾರಾಟ ತೆರಿಗೆ ಎಂಬುದನ್ನು ಕಂಡುಕೊಂಡಿದ್ದಾರೆ.[೯]

ಕೆಲವರ ಅಭಿಪ್ರಾಯದಂತೆ ಮಾರಾಟ ತೆರಿಗೆಗಳು ಹಿಮ್ಮುಖವಾಗಬೇಕು; ಅಂದರೆ ಅವರ ನಂಬಿಕೆಯಂತೆ ಶ್ರೀಮಂತ ಕುಟುಂಬದವರಿಗಿಂತ, ಕಡಿಮೆ ಆದಾಯವಿರುವ ಕುಟುಂಬಗಳಿಗೆ ಮಾರಾಟ ತೆರಿಗೆಯು ಹೊರೆಯೆನಿಸುತ್ತದೆ. ಆದಾಗ್ಯೂ, ಮಾರಾಟ ತೆರಿಗೆಯ ಹಿಮ್ಮುಖ ಪರಿಣಾಮಗಳನ್ನು ತಡೆಯಬಹುದು, ಉದಾಹರಣೆಗೆ, ಬಾಡಿಗೆಯನ್ನು ಇದರಿಂದ ಕೈಬಿಡುವುದು, ಅಥವಾ "ಅವಶ್ಯಕ" ವಸ್ತುಗಳ ಉದಾಹರಣೆಗೆ ಆಹಾರ, ಬಟ್ಟೆ, ಔಷಧಗಳಂತಹ ವಸ್ತುಗಳ ಮೇಲಿನ ತೆರಿಗೆಗಳ ವಿನಾಯಿತಿ ನೀಡುವುದು.[೧೦]

ಮಾರಾಟ ತೆರಿಗೆ ಯೋಜನೆ ಬದಲಾಯಿಸಿ

ವ್ಯಾಪಾರದಾರರು ತಮ್ಮ ಎಲ್ಲಾ ಚಟುವಟಿಕೆಗಳಲ್ಲಿ ತೆರಿಗೆ ಪರಿಣಾಮಗಳನ್ನು ವಿಶೇಷ ಆಸಕ್ತಿಯೊಂದಿಗೆ ಯೋಜನೆಗಳನ್ನು ರೂಪಿಸಿದರೆ ತಮ್ಮ ಮೇಲೆ ಹಾಗೂ ತಮ್ಮ ಗ್ರಾಹಕರ ಮೇಲಿನ ಮಾರಾಟ ತೆರಿಗೆಯ ಹೊರೆಯನ್ನು ಕಡಿಮೆಮಾಡಿಕೊಳ್ಳಬಹುದು. ಮಾರಾಟ ತೆರಿಗೆ ಯೋಜನೆಯು ಕೆಳಕಂಡವುಗಳನ್ನು ಒಳಗೊಂಡಿರುತ್ತದೆ:

  • ಮಾರಾಟ ವಹಿವಾಟಿನ ತೆರಿಗೆ ವಿಧಿಸಬಲ್ಲ ಭಾಗವು ಕಡಿಮೆಯಾಗುವಂತೆ ಇನ್‌ವಾಯ್ಸ್ ತಯಾರುಮಾಡಬೇಕು. ಮೇರಿಲ್ಯಾಂಡ್‌ನಲ್ಲಿ, ಉದಾಹರಣೆಗೆ, ವಸ್ತುವನ್ನು ತಲುಪಿಸುವ ವೆಚ್ಛವು ತೆರಿಗೆಯಿಂದ ಹೊರತಾಗಿದೆ, ಅದರಲ್ಲಿ ಬಳಸುವ ರೀತಿ ಹಾಗೂ ಇತರೆ ತೆರಿಗೆ ಶುಲ್ಕಗಳು ಬೇರೆ ಬೇರೆಯಾಗಿ ತೋರಿಸಲಾಗಿರುತ್ತದೆ.[೧೧]
  • ಹೊಸ ಸೌಲಭ್ಯಗಳು. ಹೊಸ ತಯಾರಿಕಾ ಘಟಕಕ್ಕೆ ಜಾಗ, ಮಳಿಗೆಗಳು ಅಥವಾ ಆಡಳಿತ ಕಛೇರಿಗಳ ಆಯ್ಕೆ ಮಾಡುವಂತಹ ಕೆಲವು ವಿಧದ ವ್ಯಾಪಾರಗಳಲ್ಲಿ ಮಾರಾಟ ತೆರಿಗೆಯಿಲ್ಲದಿರುವುದು ಅಥವಾ ವಿನಾಯಿತಿ ನೀಡುವುದು ನ್ಯಾಯದ ವ್ಯಾಪ್ತಿಯಲ್ಲಿರಬೇಕು.
  • ತಲುಪಿಸುವ ಸ್ಥಳ. ಹಲವಾರು ಅಧಿಕಾರ ವ್ಯಾಪ್ತಿಯಲ್ಲಿ ವ್ಯಾಪಾರಗಳನ್ನು ನಡೆಸುವುದಕ್ಕೆ, ಮಾರಾಟ ತೆರಿಗೆಯ ಹೊರೆ ಯಾವ ಪ್ರದೇಶದಲ್ಲಿ ಕಡಿಮೆ ಇರುತ್ತದೆ ಅಥವಾ ತೆರಿಗೆ ಇರುವುದಿಲ್ಲ ನೋಡಿಕೊಂಡು ಉತ್ತಮ ಸ್ಥಳವನ್ನು ಆಯ್ಕೆ ಮಾಡಿಕೊಳ್ಳುವುದು. ಒಂದು ವಸ್ತುವನ್ನು ಮಾರಾಟ ಮಾಡಲು ಅಥವಾ ಕಡಿಮೆ ತೆರಿಗೆ ಇರುವ ಅಥವಾ ತೆರಿಗೆಯಿಲ್ಲದಿರುವ ಇನ್ನೊಂದು ಅಧಿಕಾರ ವ್ಯಾಪ್ತಿಯಲ್ಲಿ ಬಳಸುವುದು ಪ್ರಮುಖವಾಗುತ್ತದೆ. ಹೆಚ್ಚಿನ ತೆರಿಗೆ ಇರುವ ವ್ಯಾಪ್ತಿಯಲ್ಲಿ ಒಪ್ಪಿಕೊಂಡಿರುವಂತಹ ಮಾರಾಟದ ಸರಕಿಗೆ ತಾತ್ಕಾಲಿಕ ಸಂಗ್ರಹಣಾ ಶುಲ್ಕದ ವಿನಾಯಿತಿ ಅನ್ವಯವಾಗುವುದೇ ಎಂಬುದನ್ನು ವ್ಯಾಪಾರವು ಪರಿಗಣಿಸಬೇಕಾಗುತ್ತದೆ.
  • ಕಂಪನಿಯ ಖರೀದಿಯಲ್ಲಿ ವಸ್ತುಗಳಿಗೆ ಸರಿಯಾದ ರೀತಿಯಲ್ಲಿ ತೆರಿಗೆ ನೀಡಲಾಗಿದೆಯೇ ಹಾಗೂ ವಿನಾಯಿತಿಗಳಿಗೆ ಅರ್ಹರೀತಿಯಲ್ಲಿ ವಿತರಣೆ ಮಾಡಿದೆಯೇ ಎಂಬುದರ ಪುನರ್‌ಪರಿಶೀಲನೆ. ಕೆಲವು ಅಧಿಕಾರ ವ್ಯಾಪ್ತಿಯಲ್ಲಿ ಮೂರು ಅಥವಾ ನಾಲ್ಕು ವರ್ಷಗಳು ತೆರಿಗೆ ಪಾವತಿಸಿದ ನಂತರ ಮರುಪಾತಿಯನ್ನು ಒಪ್ಪಿಕೊಳ್ಳುತ್ತವೆ.[೧೨]
  • ಮಾರಾಟ ಹಾಗೂ ಬಳಕೆ ತೆರಿಗೆಗಳಿಗೆ ಸಂಬಂಧಿಸಿದ ದಾಖಲೆಗಳನ್ನಿಡುವ ಕಾರ್ಯವಿಧಾನಗಳನ್ನು ನಿಯಮಿತವಾಗಿ ಪುನರ್‌ಪರಿಶೀಲಿಸುವುದು. ವಿನಾಯಿತಿ ಹಾಗೂ ಮರುಮಾರಾಟ ಪ್ರಮಾಣಪತ್ರಗಳು ಸೇರಿದಂತೆ ಇನ್‌ವಾಯ್ಸ್‌ಗಳು ಹಾಗೂ ಇತರೆ ದಾಖಲೆಗಳು ಸರಿಯಾದ ಆಧಾರಗಳಿರುವ ವಿವರಗಳು ಮಾರಾಟ ತೆರಿಗೆ ಹಾಗೂ ಬಳಕೆ ತೆರಿಗೆಯ ಲೆಕ್ಕ ಪರಿಶೋಧನೆಗಾಗಿ ಲಭ್ಯವಿರಲೇಬೇಕು. ಸರಿಯಾದ ದಾಖಲೆಗಳಿಲ್ಲದಿದ್ದರೆ, ಒಬ್ಬ ಗ್ರಾಹಕನಿಂದ ತೆರಿಗೆ ವಸೂಲಿ ಮಾಡದಿದ್ದುದಕ್ಕಾಗಿ ಮಾರಾಟ ಮಾಡಿದವನು ಇದಕ್ಕೆ ಹೊಣೆಯಾಗುತ್ತಾನೆ.[೧೩]

ಇವನ್ನೂ ಗಮನಿಸಿ ಬದಲಾಯಿಸಿ

  • ಸರಕು ಮತ್ತು ಸೇವಾ ತೆರಿಗೆ(ಜಿಎಸ್ ಟಿ)
  • ಕೆನಡಾದಲ್ಲಿ ಮಾರಾಟ ತೆರಿಗೆ
  • ಅಮೇರಿಕಾ ಸಂಯುಕ್ತ ಸಂಸ್ಥಾನದಲ್ಲಿ ಮಾರಾಟ ತೆರಿಗೆ
  • ವಸ್ತುಗಳು ಹಾಗೂ ಮಾರಾಟ ತೆರಿಗೆ (ಆಸ್ಟ್ರೇಲಿಯಾ)
  • ಆದಾಯ ತೆರಿಗೆ ಲೆಕ್ಕಪರಿಶೋಧನೆ
  • ಬಳಕೆ ತೆರಿಗೆ
  • ಉತ್ಪಾದನಾ ತೆರಿಗೆ
  • ವಹಿವಾಟು ತೆರಿಗೆ
  • ಮೌಲ್ಯವರ್ಧಿತ ತೆರಿಗೆ
  • ನ್ಯಾಯಯುತ ತೆರಿಗೆ

ಉಲ್ಲೇಖಗಳು ಬದಲಾಯಿಸಿ

  1. Chamberlain, Andrew (2006-12-01). "Tax Pyramiding: The Economic Consequences of Gross Receipts Taxes". Tax Foundation. Retrieved 2007-02-21. {{cite web}}: Unknown parameter |coauthors= ignored (|author= suggested) (help)
  2. ವ್ಯಾಟ್ ರೇಟ್ಸ್ ಅಪ್ಲೈಡ್ ಇನ್ ದಿ ಮೆಂಬರ್ ಸ್ಟೇಟ್ಸ್ ಆಫ್ ದಿ ಯೂರೋಪಿಯನ್ ಕಮ್ಯುನಿಟಿ ಯೂರೋಪಿಯನ್ ಕಮಿಷನ್ ಟ್ಯಾಕ್ಸೇಶನ್ ಅಂಡ್ ಕಸ್ಟಮ್ಸ್ ಯೂನಿಯನ್ (2009-7-1), 2009-12-7ರಂದು ಪರಿಷ್ಕರಿಸಲಾಗಿದೆ
  3. ಗೈಡ್ ಟು ವ್ಯಾಲ್ಯೂ ಆಡೆಡ್ ಟ್ಯಾಕ್ಸ್ ಇನ್ ನಾರ್ವೇ Archived 2009-10-30 ವೇಬ್ಯಾಕ್ ಮೆಷಿನ್ ನಲ್ಲಿ. ಸ್ಕೆಟೀಟೇಟೆನ್ (2009-4-7), 2009-12-7ರಂದು ಪರಿಷ್ಕರಿಸಲಾಗಿದೆ
  4. "The VAT Brouchure" (PDF) (9th ed.). Swedish Tax Agency. May 2008: 6. SKV 552B. Archived from the original (PDF) on 9 ಸೆಪ್ಟೆಂಬರ್ 2008. Retrieved 30 July 2008. {{cite journal}}: Cite journal requires |journal= (help)
  5. ಟ್ಯಾಕ್ಸ್ ರೇಟ್ ಫೈಂಡರ್ ಇಲ್ಲಿನೊಯಿಸ್ ರೆವಿನ್ಯೂ ಅಫಿಷಿಯಲ್ ವೆಬ್‌ಸೈಟ್ 2009-12-7ರಂದು ಪರಿಷ್ಕರಿಸಲಾಗಿದೆ
  6. ಸೇಲ್ಸ್ ಅಂಡ್ ಯೂಸ್ ಟ್ಯಾಕ್ಸ್ ರೇಟ್ಸ್ ಎಫೆಕ್ಟೀವ್ 7/1/2009 Archived 2010-02-20 ವೇಬ್ಯಾಕ್ ಮೆಷಿನ್ ನಲ್ಲಿ. ಈಸ್ಟ್ ಬ್ಯಾಟನ್ ರೋಗ್ ಪಾರಿಶ್, 2009-12-7ರಂದು ಪರಿಷ್ಕರಿಸಲಾಗಿದೆ
  7. ಟ್ಯಾಕ್ಸ್ ಪ್ರಾವಿಷನ್ಸ್ ಇನ್ ದಿ ಹೆಲ್ತ್ ಕೇರ್ ಆ‍ಯ್‌ಕ್ಟ್ ಎಐಸಿಪಿಎ ಜರ್ನಲ್ ಆಫ್ ಅಕೌಂಟೆನ್ಸಿ, 2010-04-02ರಂದು ಪರಿಷ್ಕರಿಸಲಾಗಿದೆ
  8. ಎಚ್.ಆರ್. 3590 ಸೆಕೆಂಡ್. 10907 Archived 2010-04-03 ವೇಬ್ಯಾಕ್ ಮೆಷಿನ್ ನಲ್ಲಿ. ಹೆಲ್ತ್‌ರಿಫಾರ್ಮ್‌ಸ್ಟ್ಯಾಟ್, 2010-04-02ರಲ್ಲಿ ಪರಿಷ್ಕರಿಸಲಾಗಿದೆ
  9. "America the Uncompetitive". Wall Street Journal editorial. August 15, 2008. Retrieved 2010-08-05.
  10. Carl Davis, Kelly Davis, Matthew Gardner, Robert S. McIntyre, Jeff McLynch, All Sapozhnikov (November 2009). "Who Pays? A distributed analysis of the tax systems in all 50 states, 3rd edition" (PDF). The Institute on Taxation & Economic Policy. Archived from the original (PDF) on 2010-11-15. Retrieved 2010-08-05.{{cite web}}: CS1 maint: multiple names: authors list (link)
  11. ವ್ಹಾಟ್ ಈಸ್ ಇನ್‍ಕ್ಲೂಡೆಡ್ ಇನ್ ದಿ ಟ್ಯಾಕ್ಸಬಲ್ ಪ್ರೈಸ್? Archived 2001-06-18 ವೇಬ್ಯಾಕ್ ಮೆಷಿನ್ ನಲ್ಲಿ. ಮೇರಿಲ್ಯಾಂಡ್ ಸ್ಟೇಟ್ ಕಂಟ್ರೋಲರ್ಸ್ ವೆಬ್‌ಸೈಟ್. 2010-05-19ರಲ್ಲಿ ಪರಿಷ್ಕರಿಸಲಾಗಿದೆ
  12. ಪ್ರೊಡಕ್ಷನ್ ಎಕ್ಸೆಂಪ್ಷನ್ಸ್. Archived 2013-06-20 ವೇಬ್ಯಾಕ್ ಮೆಷಿನ್ ನಲ್ಲಿ. ಮೇರಿಲ್ಯಾಂಡ್ ಸ್ಟೇಟ್ ಕಂಟ್ರೋಲರ್ಸ್ ವೆಬ್‌ಸೈಟ್. 2010-05-20ರಂದು ಪರಿಷ್ಕರಿಸಲಾಗಿದೆ
  13. ಪರ್ಚೇಸ್ ಫಾರ್ ರಿಸೇಲ್ Archived 2011-07-14 ವೇಬ್ಯಾಕ್ ಮೆಷಿನ್ ನಲ್ಲಿ. ಮೇರಿಲ್ಯಾಂಡ್ ಸ್ಟೇಟ್ ಕಂಟ್ರೋಲರ್ಸ್ ವೆಬ್‌ಸೈಟ್. 2010-05-19ರಂದು ಪರಿಷ್ಕರಿಸಲಾಗಿದೆ.