ಭಾರತದ ಪುರುಷರ ಹಾಕಿ ತಂಡ

ಭಾರತದ ಪುರುಷರ ಹಾಕಿ ತಂಡ
Team colours Team colours Team colours
Team colours
Team colours
 
ಮೊದಲ ಕಿಟ್
Team colours Team colours Team colours
Team colours
Team colours
 
ದ್ವಿತೀಯ ಕಿಟ್

ಇತಿಹಾಸ ಬದಲಾಯಿಸಿ

  • 2016
  • ಏಷ್ಯಾದಲ್ಲಿ ಸಂಘಟಿತ ಹಾಕಿ ಚಟುವಟಿಕೆ 50ರ ದಶಕದಲ್ಲಿ ಆರಂಭವಾಯಿತು. 1958ರಷ್ಟು ಹಿಂದೆಯೇ ಏಷ್ಯಾ ಹಾಕಿ ಫೆಡರೇಷನ್‌ ಹುಟ ಪಡೆಯಿತು. ಆಗ ಭಾರತ, ಪಾಕಿಸ್ತಾನ, ಮಲೇಷ್ಯಾ, ಜಪಾನ್‌ ಮತ್ತು ಕೊರಿಯಾ ತಂಡಗಳು ಸದಸ್ಯ ರಾಷ್ಟ್ರಗಳಾಗಿದ್ದವು. ಏಷ್ಯನ್‌ ಕ್ರೀಡಾಕೂಟದಲ್ಲಿ ಹಾಕಿ ಹೆಚ್ಚು ಗಮನ ಸೆಳೆಯಿತು. 1971ರಲ್ಲಿ ದಕ್ಷಿಣ ಏಷ್ಯಾ ಕ್ರೀಡಾಕೂಟದಲ್ಲಿಯೂ ಹಾಕಿ ಸೇರ್ಪಡೆಗೊಂಡಿತು. ಇದೀಗ ಏಷ್ಯಾ ಹಾಕಿ ಫೆಡರೇಷನ್‌ನಲ್ಲಿ 31 ಸದಸ್ಯ ದೇಶಗಳಿವೆ. ಏಷ್ಯನ್ ಚಾಂಪಿಯನ್ಸ್‌ ಟ್ರೋಫಿ ಹಣಾಹಣಿ 2011ರಲ್ಲಿ ಶುರುವಾಯಿತು. ಮೊದಲ ಸಲ ಭಾರತ ತಂಡ ಪಾಕಿಸ್ತಾನ ತಂಡವನ್ನು ಸೋಲಿಸಿ ಪ್ರಶಸ್ತಿ ಗೆದ್ದಿದ್ದರೆ, ನಂತರದ ಎರಡು ವರ್ಷ ಪಾಕಿಸ್ತಾನ ತಂಡವೇ ಗೆದ್ದಿತ್ತು. ಇದೀಗ ಭಾರತ ಮತ್ತೆ ಪಾಕ್‌ ತಂಡವನ್ನೇ ಮಣಿಸಿ ಪ್ರಶಸ್ತಿ ಎತ್ತಿಕೊಳ್ಳುವ ಮೂಲಕ ಏಷ್ಯಾ ಹಾಕಿಯಲ್ಲಿ ಪ್ರಬಲ ಶಕ್ತಿ ಎಂಬುದನ್ನು ಸಾಬೀತುಪಡಿಸಿದೆ.
  • 2012ರ ಒಲಿಂಪಿಕ್ಸ್‌ನಲ್ಲಿ 12ನೇ ಸ್ಥಾನಕ್ಕೆ ಇಳಿದಿದ್ದ ಭಾರತ ಅದರ ಮರುವರ್ಷ ಏಷ್ಯಾ ಚಾಂಪಿಯನ್ಸ್‌ ಟ್ರೋಫಿ ಕೂಟದಲ್ಲಿ 5ನೇ ಸ್ಥಾನಕ್ಕಿಳಿದಿತ್ತು. ಈ ಆಘಾತದಿಂದ ಚೇತರಿಸಿಕೊಳ್ಳುವ ದಿಸೆಯಲ್ಲಿ ಭಾರತ ತಂಡಕ್ಕೆ ಕೋಚ್‌ ರೋಲಂಟ್‌ ಸೂಕ್ತ ರೀತಿಯಲ್ಲಿ ಮಾರ್ಗದರ್ಶನ ನೀಡಿದ್ದಾರೆ. ಹಿಂದೆ ನೆದರ್‌ಲೆಂಡ್ಸ್‌ ತಂಡ ಒಲಿಂಪಿಕ್ಸ್‌ ಮತ್ತು ವಿಶ್ವಕಪ್‌ನಲ್ಲಿ ಪ್ರಶಸ್ತಿ ಗೆಲ್ಲುವ ನಿಟ್ಟಿನಲ್ಲಿ ತರಬೇತಿ ನೀಡಿದ್ದ ರೋಲಂಟ್‌ ಒಬ್ಬ ಯಶಸ್ವಿ ಕೋಚ್‌. ಇವರು ಭಾರತ ಹಾಕಿ ತಂಡಕ್ಕೆ ಕೋಚ್‌ ಆಗಿ ಬಂದ ಮೇಲೆ ಪ್ರತಿಯೊಬ್ಬ ಆಟಗಾರನ ಶಕ್ತಿ ಮತ್ತು ದೌರ್ಬಲ್ಯಗಳನ್ನು ಕಂಡುಕೊಂಡರು. ಅವರೆಲ್ಲರಿಗೂ ತಮ್ಮದೇ ಶೈಲಿಯಲ್ಲಿ ತರಬೇತಿ ನೀಡಿದರು.
  • ಆಕ್ರಮಣಕಾರಿ ತಂತ್ರ, ಅತಿ ಚುರುಕಿನ ಪ್ರತಿದಾಳಿ ನಡೆಸುವ ವಿಭಿನ್ನ ತಂತ್ರಗಾರಿಕೆ, ಪೆನಾಲ್ಟಿ ಕಾರ್ನರ್‌ ಅವಕಾಶದಲ್ಲಿ ಚೆಂಡನ್ನು ಗುರಿ ಮುಟ್ಟಿಸುವಲ್ಲಿ ನಿರ್ದಿಷ್ಟ ಆಟಗಾರರಿಗೆ ವಿಶೇಷ ತರಬೇತಿ ಇತ್ಯಾದಿ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡರು. ಇವು ಯಶಸ್ವಿಯಾಗಿವೆ. ಈ ತಂಡದಲ್ಲಿ ರೂಪಿಂದರ್‌ ಸಿಂಗ್‌, ಕರ್ನಾಟಕದ ನಿಕಿನ್‌ ತಿಮ್ಮಯ್ಯ ಅವರಂತಹ ಆಟಗಾರರು ಗಮನ ಸೆಳೆದಿದ್ದಾರೆ. ಕೆಲವು ಟೂರ್ನಿಗಳಲ್ಲಿ ಹೊಸ ಪ್ರತಿಭೆಗಳನ್ನು ಕಣಕ್ಕಿಳಿಸುವ ರೋಲಂಟ್‌ ಪ್ರಯೋಗ ಯಶಸ್ವಿ ಎನಿಸಿದೆ.[೧]
  • ನೋಡಿ:ಹಾಕಿ ಇಂಡಿಯಾ ಲೀಗ್

ಹಾಕಿ ಆಡುವ ಪ್ರಮುಖ ರಾಷ್ಟ್ರಗಳು ಬದಲಾಯಿಸಿ

(#) (ರಾಷ್ಟ್ರ) ಶ್ರೇಯಾಂಕ
  ಭಾರತಭಾರತ -
ಅಮೆರಿಕ -
ಐರ್ಲೇಂಡ್ -
ನೇದರ್ಲೇಂಡ್ -
ರಷಿಯಾ -
ಬೆಲ್ಜಿಯಂ -

ತಂಡದ ಪ್ರದರ್ಶನ ಬದಲಾಯಿಸಿ

(#) ಕ್ರೀಡಾ ಕೂಟ 1  ಚಿನ್ನ 2  ಬೆಳ್ಳಿ 3  ಕಂಚು ಒಟ್ಟು
ವಿಶ್ವ ಕಪ್ - - - -
ಒಲಿಂಪಿಕ್ - - - -
ಹಾಕಿ ಚಾಂಪಿಯನಶಿಪ್ ಲೀಗ್ - - - -
ಕಾಮನ್ ವೆಲ್ತ್ ಕೂಟ - - - -
ಏಷ್ಯನ್ ಕ್ರೀಡಾ ಕೂಟ - - - -
ಏಷ್ಯ ಕಪ್ - - - -
ಎಫ್ರೋ-ಏಷ್ಯನ್ ಕ್ರೀಡಾ ಕೂಟ - - - -

ಭಾರತ ಹಾಕಿ ಇಂಡಿಯಾ ಕೊಡಿಗೆ ಬದಲಾಯಿಸಿ

;14/04/2016
  • ಬರದಿಂದ ತತ್ತರಿಸಿರುವ ಮಹಾರಾಷ್ಟ್ರಕ್ಕೆ ಹಾಕಿ ಇಂಡಿಯಾ ರೂ.10 ಲಕ್ಷ ನೆರವು ನೀಡಿದೆ. ‘ಮಹಾರಾಷ್ಟ್ರದ ಜನ ಸಂಕಷ್ಟ ದಲ್ಲಿದ್ದಾರೆ. ಅವರಿಗೆ ನೆರವಾಗಬೇಕಾದ್ದು ಪ್ರತಿಯೊಬ್ಬರ ಕರ್ತವ್ಯ. ಆದ್ದರಿಂದ ಅಲ್ಲಿನ ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ ₹ 10 ಲಕ್ಷ ನೀಡಲಾಗಿದೆ.[೨]
.

ಅಜ್ಲಾನ್‌ ಹಾಕಿ, ಮಲೇಷ್ಯಾ2016 ಬದಲಾಯಿಸಿ

ದಿ.13/4/2016

  • ಮಲೇಷ್ಯಾದ ಇಪೊದಲ್ಲಿ ನಡೆದ 25ನೇ ವರ್ಷದ ಅಜ್ಲಾನ್‌ ಷಾ ಕಪ್‌ ಹಾಕಿ ಟೂರ್ನಿಯಲ್ಲಿ ಮಂಗಳವಾರ ಪಾಕಿಸ್ತಾನ ತಂಡವನ್ನು 5–1 ಗೋಲುಗಳಿಂದ ಮಣಿಸಿದೆ.ಈ ಗೆಲುವಿನಲ್ಲಿ ಕರ್ನಾಟಕದ ಎಸ್‌.ವಿ. ಸುನಿಲ್‌ ಪ್ರಮುಖಪಾತ್ರ ವಹಿಸಿದರು.ರೌಂಡ್‌ ರಾಬಿನ್‌ ಲೀಗ್ ಮಾದರಿಯಲ್ಲಿ ನಡೆಯುತ್ತಿರುವ ಟೂರ್ನಿಯಲ್ಲಿ ಭಾರತ ತಂಡ ಪಡೆದ ಮೂರನೇ ಗೆಲುವು ಇದಾಗಿದೆ. ಹಿಂದಿನ ಪಂದ್ಯಗಳಲ್ಲಿ ಜಪಾನ್ ಮತ್ತು ಕೆನಡಾ ಎದುರು ಗೆಲುವು ಸಾಧಿಸಿದ್ದ ಸರ್ದಾರ್‌ ಸಿಂಗ್‌ ನಾಯಕತ್ವದ ತಂಡ ವಿಶ್ವ ಚಾಂಪಿಯನ್ ಆಸ್ಟ್ರೇಲಿಯಾ ವಿರುದ್ಧ ಸೋತಿತ್ತು. ಈ ಪಂದ್ಯಕ್ಕೂ ಮೊದಲು ಭಾರತ ಒಟ್ಟು ಆರು ಪಾಯಿಂಟ್ಸ್‌ನಿಂದ ಪಾಯಿಂಟ್ಸ್‌ ಪಟ್ಟಿಯಲ್ಲಿ ಮೂರನೇ ಸ್ಥಾನ ಹೊಂದಿತ್ತು. ಈಗ ಎರಡನೇ ಸ್ಥಾನಕ್ಕೆ ಬಡ್ತಿ ಪಡೆದಿದೆಯಲ್ಲದೇ, ಪದಕದ ಪಡೆಯುವ ಅವಕಾಶವಿದೆ.ಭಾರತ ತಂಡ ಇನ್ನುಳಿದ ಎರಡು ಲೀಗ್‌ ಪಂದ್ಯಗಳಲ್ಲಿ ಹಾಲಿ ಚಾಂಪಿಯನ್‌ ನ್ಯೂಜಿಲೆಂಡ್‌ ಮತ್ತು ಮಲೇಷ್ಯಾ ಎದುರು ಪೈಪೋಟಿ ನಡೆಸಲಿದೆ. ಭಾರತದ ಬಳಿ ಈಗ ಒಟ್ಟು ಒಂಬತ್ತು ಪಾಯಿಂಟ್ಸ್‌ ಇವೆ.
  • ಮನಪ್ರೀತ್‌ ನೀಡಿದ ಪಾಸ್‌ನ ನೆರವು ಪಡೆದ ಕರ್ನಾಟಕದ ಆಟಗಾರ 25 ಯಾರ್ಡ್ಸ್‌ ದೂರದಿಂದ ಹತ್ತನೇ ನಿಮಿಷದಲ್ಲಿ ಗೋಲು ಗಳಿಸಿದರು. ಇದು ಪಾಕಿಸ್ತಾನ ತಂಡದ ಎದುರು ಭಾರತ ಪಡೆದ ಹೆಚ್ಚು ಗೋಲುಗಳ ಅಂತರದ ಜಯ ಇದಾಗಿದೆ. 2010ರಲ್ಲಿ ನವದೆಹಲಿಯಲ್ಲಿ ನಡೆದ ಕಾಮನ್‌ವೆಲ್ತ್ ಕ್ರೀಡಾಕೂಟದಲ್ಲಿ ಭಾರತ 7–4ಗೋಲುಗಳಿಂದ ಜಯ ಸಾಧಿಸಿದ್ದು ಹಿಂದಿನ ಉತ್ತಮ ಸಾಧನೆಯಾಗಿತ್ತು. ದಿನದ ಇನ್ನೊಂದು ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡವನ್ನು 1–0 ಗೋಲಿನಿಂದ ಮಣಿಸಿದ ಆಸ್ಟ್ರೇಲಿಯಾ ಪಾಯಿಂಟ್ಸ್‌ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆಯಿತು.[೩]
  • 16-4-2016:ಇಫೊ-ಮಲೇಷ್ಯಾದಲ್ಲಿ ಲೀಗ್ ಹಂತದಲ್ಲಿ ಅಪೂರ್ವ ಪ್ರದರ್ಶನ ನೀಡಿದ್ದ ಭಾರತ ತಂಡ 25ನೇ ವರ್ಷದ ಅಜ್ಲಾನ್‌ ಷಾ ಕಪ್‌ ಹಾಕಿ ಟೂರ್ನಿಯ ಫೈನಲ್‌ನಲ್ಲಿ ವಿಶ್ವ ಚಾಂಪಿಯನ್‌ ಆಸ್ಟ್ರೇಲಿಯಾ ಎದುರು ಸೋಲು ಅನುಭವಿಸಿತು. 2010ರ ಟೂರ್ನಿಯಲ್ಲಿ ಕೊನೆಯ ಬಾರಿಗೆ ಪ್ರಶಸ್ತಿ ಜಯಿಸಿದ್ದ ಸರ್ದಾರ್ ಸಿಂಗ್ ನಾಯಕತ್ವದ ಭಾರತ ಮಹತ್ವದ ಪಂದ್ಯದಲ್ಲಿ 0–4 ಗೋಲುಗಳಿಂದಾಗಿ ಸೋಲು ಕಂಡಿತು.

ಅಜ್ಲಾನ್ ಷಾ ಟೂರ್ನಿಯ ಪಾಯಿಂಟುಗಳು ಬದಲಾಯಿಸಿ

  • 13-4-2016 ಇಪೊ, ಮಲೇಷ್ಯಾ:
ಅಜ್ಲಾನ್‌ ಹಾಕಿ, ಟೂರ್ನಿಯ ಪಾಯಿಂಟ್'ಗಳು
ತಂಡ ಪಂದ್ಯ ಗೆಲುವು ಸೋಲು ಡ್ರಾ ಪಾಯಿಂಟ್'ಗಳು
  • 13-4-2016
ಆಸ್ಟ್ರೇಲಿಯಾ 4 4 0 0 12
ಭಾರತ 4 3 1 0 9
ನ್ಯೂಜಿಲೆಂಡ್ 5 2 1 2 8
ಕೆನಡಾ 4 1 2 1 4
ಮಲೇಷ್ಯಾ 3 1 1 1 4
ಪಾಕಿಸ್ತಾನ 4 1 3 0 3
ಜಪಾನ್ 4 0 4 0 0

ವಿಶ್ವ ಕಪ್ ಬದಲಾಯಿಸಿ

|-

ರಿಯೋ ಒಲಿಂಪಿಕ್ ೨೦೧೬ ಬದಲಾಯಿಸಿ

  • ಭಾರತ ಕ್ರೀಡಾ ಪ್ರಾಧಿಕಾರದಲ್ಲಿ ಮಂಗಳವಾರ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿನ ತಂಡದ ಕೋಚ್‌ ರೋಲಂಟ್‌ ಓಲ್ಟಮಸ್‌ ‘ಕೆಲ ಹಿರಿಯ ಆಟಗಾರರಿಗೆ ವಿಶ್ರಾಂತಿ ನೀಡುವ ಉದ್ದೇಶದಿಂದಾಗಿ ನಾಯಕತ್ವ ದಲ್ಲಿ ಬದಲಾವಣೆ ಮಾಡಲಾಗಿದೆ. ಇದರಿಂದ ಹೊಸಬರಿಗೂ ಅವಕಾಶ ಸಿಕ್ಕಂತಾಗುತ್ತದೆ' ಎಂದರು.
  • ಒಲಿಂಪಿಕ್ಸ್ ವೇಳೆಗೆ ತಂಡದ ಯುವಶಕ್ತಿಯನ್ನು ಬಲಿಷ್ಠ ಗೊಳಿಸುವ ಗುರಿ. ನಾಯಕ ಸರ್ದಾರ್‌ ಸಿಂಗ್‌ಗೆ ವಿಶ್ರಾಂತಿ ನೀಡುವ ಬಗ್ಗೆ ಹಾಕಿ ಇಂಡಿಯಾ ಆಯ್ಕೆ ಸಮಿತಿ ನಿರ್ಧಾರ.ರಿಯೊ ಒಲಿಂಪಿಕ್ಸ್‌ಗೆ ಸಜ್ಜಾಗುವ ನಿಟ್ಟಿನಲ್ಲಿ ಮಹತ್ವದೆನಿಸಿರುವ ಎಫ್‌ಐಎಚ್‌ ಚಾಂಪಿಯನ್ಸ್‌ ಟ್ರೋಫಿ ಟೂರ್ನಿಗೆ ಹಾಕಿ ಇಂಡಿಯಾ ಕೆಲ ಅನು ಭವಿ ಆಟಗಾರರಿಗೆ ವಿಶ್ರಾಂತಿ ಕೊಟ್ಟಿದೆ. ರಾಜ್ಯದ ನಾಲ್ವರು ಸ್ಥಾನ ಪಡೆದಿದ್ದಾರೆ.
  • ಸರ್ದಾರ್‌ ಸಿಂಗ್‌ ಬದಲಾಗಿ ಗೋಲ್‌ಕೀಪರ್‌ ಪಿ.ಆರ್‌. ಶ್ರೀಜೇಶ್‌ ತಂಡವನ್ನು ಮುನ್ನಡೆಸಲಿದ್ದಾರೆ. ರಾಜ್ಯದ ಎಸ್‌.ವಿ. ಸುನಿಲ್‌ ಉಪನಾಯಕ ರಾಗಿದ್ದಾರೆ.ಡ್ರ್ಯಾಗ್‌ಫ್ಲಿಕ್ಕರ್‌ ಪರಿಣತ ವಿ.ಆರ್‌. ರಘುನಾಥ್‌ ಮತ್ತು ನಿಕಿನ್ ತಿಮ್ಮಯ್ಯ ಕೂಡ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಚಾಂಪಿಯನ್ಸ್‌ ಟ್ರೋಫಿ ಜೂನ್‌ 10ರಿಂದ 17ರ ವರೆಗೆ ಲಂಡನ್‌ನಲ್ಲಿ ನಡೆಯಲಿದೆ.
  • ಕನ್ನಡಿಗ ಎಸ್.ವಿ ಸುನೀಲ್ ಅವರಿಗೆ ತಂಡದ ಉಪನಾಯಕನ ಜವಾಬ್ದಾರಿಯನ್ನು ವಹಿಸಲಾಗಿದೆ ಎಂದು ಭಾರತ ಹಾಕಿ ತಂಡದ ಅಧ್ಯಕ್ಷ ನರೇಂದ್ರ ಬಾತ್ರಾ ಮಾಧ್ಯಮಗಳಿಗೆ ತಿಳಿಸಿದ್ದಾರೆ. ಭಾರತ ಜೂನಿಯರ್ ಹಾಕಿ ತಂಡದ ಆಟಗಾರರಾದ ಹರ್ಜಿತ್ ಸಿಂಗ್, ಗೋಲ್ ಕೀಪರ್ ವಿಕಾಸ್ ದಾಹಿಯಾ ಅವರಿಗೆ ತಂಡದಲ್ಲಿ ಆಡಲು ಅವಕಾಶ ನೀಡಲಾಗಿದೆ. ಕನ್ನಡಿಗ ವಿ ಆರ್ ರಘುನಾಥ್, ಕೋಥಾಜಿ ಸಿಂಗ್, ಕನ್ನಡಿಗ ಎಸ್.ಕೆ ಉತ್ತಪ್ಪ, ಆಕಾಶ್ ದೀಪ್ ಸಿಂಗ್, ತಂಡದಲ್ಲಿ ಸ್ಥಾನ ಪಡೆದುಕೊಂಡ ಹೊಸ ಮುಖಗಳಾಗಿವೆ[೪]
  • ರಿಯೋ ಒಲಿಂಪಿಕ್ ೨೦೧೬ ಕ್ಕೆ ಹಾಕಿ ತಂಡ: ಪಿ.ಆರ್‌. ಶ್ರೀಜೇಶ್‌ (ನಾಯಕ), ಎಸ್‌.ವಿ. ಸುನಿಲ್‌ (ಉಪನಾಯಕ), ವಿಕಾಸ್‌ ದಹಿಯಾ, ಪ್ರದೀಪ್‌ ಮೊರ್‌, ವಿ.ಆರ್‌. ರಘುನಾಥ್‌, ಕೊತಾಜಿತ್‌ ಸಿಂಗ್‌, ಸುರೀಂದರ್‌ ಕುಮಾರ್‌, ಹರ್ಮನ್‌ಪ್ರೀತ್‌ ಸಿಂಗ್‌, ದಾನಿಶ್‌ ಮುಜ್ತಬಾ, ಚಿಂಗ್ಲೆನ್‌ಸನಾ ಸಿಂಗ್‌, ಮನ್‌ಪ್ರೀತ್‌ ಸಿಂಗ್‌, ಎಸ್‌.ಕೆ. ಉತ್ತಪ್ಪ, ದೇವಿಂದರ್‌ ವಾಲ್ಮೀಕಿ, ಹರ್ಜಿತ್‌ ಸಿಂಗ್‌, ತಲ್ವಿಂದರ್‌ ಸಿಂಗ್‌, ಮನದೀಪ್‌ ಸಿಂಗ್‌, ನಿಕಿನ್‌ ತಿಮ್ಮಯ್ಯ ಮತ್ತು ಆಕಾಶದೀಪ್‌ ಸಿಂಗ್‌.
  • ತಂಡದ ಕೋಚ್‌ : ರೋಲಂಟ್‌ ಓಲ್ಟಮಸ್‌.

[೫]

೨೦೧೬ ಬೇಸಿಗೆ ರಿಯೊ ಒಲಂಪಿಕ್ ಟೀಮು ಬದಲಾಯಿಸಿ

ಕ್ರಮಾಂಕ ಸ್ಥಾನ ಹೆಸರು ಹುಟ್ಟಿದ ದಿನ-ವಯಸ್ಸು ಊರು ಟೀಮು
16 ಜಿ.ಕೆ ಪಿ ಆರ್ ಶ್ರೀಜೇಶ್ (ಸಿ) 8 -5- 1986(30) ಕೇರಳದ ಎರ್ನಾಕುಲಂ ಉತ್ತರ ಪ್ರದೇಶ ವಿಜಾರ್ಡ್ಸ್
1 ಡಿಎಫ್ ಹರ್ಮನ್ಪ್ರೀತ್ ಸಿಂಗ್ 6 -1- 1996 (20) ಅಮೃತಸರ, ಪಂಜಾಬ್ Dabang ಮುಂಬಯಿ
3 ಡಿಎಫ್ ರೂಪಿಂದರ್ ಪಾಲ್ ಸಿಂಗ್ 11-11-1990(25) ಫರಿದ್ಕೋಟ್ ಪಂಜಾಬ್ ದೆಹಲಿ ವೇವ್ ರೈಡರ್ಸ್(Waveriders)
5 ಡಿಎಫ್ ಕೊತಾಜಿತ್ ಸಿಂಗ್ 17 -8- 1992 (23) ಇಂಫಾಲ ಪೂರ್ವ, ಮಣಿಪುರ ರಾಂಚಿ ರೇಸ್
6 ಡಿಎಫ್ ಸುರೇಂದರ್ ಕುಮಾರ್ 23-11- 1993 (22 ಹರಿಯಾಣ ದೆಹಲಿ:ವೇವ್ ರೈಡರ್ಸ್
12 ಡಿಎಫ್ ವಿ ಆರ್ ರಘುನಾಥ್ 1-11-1988 ( 27) ಕರ್ನಾಟಕದ ಕೊಡಗು ಉತ್ತರ ಪ್ರದೇಶ ವಿಜಾರ್ಡ್ಸ್
7 ಎಂಎಫ್ ಮನ್ಪ್ರೀತ್ ಸಿಂಗ್ 26-6- 1992 (24) ಜಲಂಧರ್, ಪಂಜಾಬ್ ರಾಂಚಿ ರೇಸ್
8 ಎಂಎಫ್ ಸರ್ದಾರ್ ಸಿಂಗ್ 15-7- 1986 (30) ಸಿರ್ಸಾ, ಹರಿಯಾಣ ಪಂಜಾಬ್ ವಾರಿಯರ್ಸ್
15 ಎಂಎಫ್ ಎಸ್ ಕೆ ಉತ್ತಪ್ಪ 2-12- 1993 (22) ಕರ್ನಾಟಕದ ಕೊಡಗು ಕಳಿಂಗ ಲ್ಯಾನ್ಸರ್ಸ್
17 ಎಂಎಫ್ ಡ್ಯಾನಿಶ್ ಮುಜ್ತಾಬ 20-12- 1988 (27) ಉತ್ತರ ಪ್ರದೇಶದ ಅಲಹಾಬಾದ್ ದಬಾಂಗ್ ಮುಂಬಯಿ
22 ಎಂಎಫ್ ದೇವಿಂದರ್ ವಾಲ್ಮೀಕಿ 28 -5-1992 (24) ಮುಂಬಯಿ, ಮಹಾರಾಷ್ಟ್ರ ಕಳಿಂಗ ಲ್ಯಾನ್ಸರ್ಸ್
24 ಎಫ್.ಡಬ್ಲ್ಯು ಎಸ್ ವಿ ಸುನಿಲ್ (ವಿಸಿ) 6-5- 1989 (27) ಕರ್ನಾಟಕದ ಕೊಡಗು ಪಂಜಾಬ್ ವಾರಿಯರ್ಸ್
27 ಎಫ್.ಡಬ್ಲ್ಯು ಆಕಾಶದೀಪ್ ಸಿಂಗ್ 2-12- 1994 (21 ತರ್ನ್ ತರನ್ ಪಂಜಾಬ್ ಉತ್ತರ ಪ್ರದೇಶ ವಿಜಾರ್ಡ್ಸ್
29 ಎಫ್.ಡಬ್ಲ್ಯು ಚಿಂಗ್ಲೇನ್‍ಸಾನ ಸಿಂಗ್ 2-12- 1991 (24) ಇಂಫಾಲ ಪೂರ್ವ, ಮಣಿಪುರ ಉತ್ತರ ಪ್ರದೇಶ ವಿಜಾರ್ಡ್ಸ್
31 ಎಫ್.ಡಬ್ಲ್ಯು ರಮಣದೀಪ‍್‍ ಸಿಂಗ್ 1-4- 1993 (23) ಗುರುದಾಸಪುರ, ಪಂಜಾಬ್ ಉತ್ತರ ಪ್ರದೇಶ ವಿಜಾರ್ಡ್ಸ್
32 ಎಫ್.ಡಬ್ಲ್ಯು ನಿಕ್ಕಿನ್ ತಿಮ್ಮಯ್ಯ 18-1- 1991 (25) ಕರ್ನಾಟಕದ ಕೊಡಗು ದಬಾಂಗ್ ಮುಂಬಯಿ
ಕಾಯ್ದಿಟ್ಟ ಆಟಗಾರರು 1.ಪ್ರದೀಪ್ ಮಾರ್, 2.ವಿಕಾಸ್ ದಹಿಯಾ(ಜಿ.ಕೆ)
ಜಿ.ಕೆ=ಗೋಲ್‍ಕೀಪರ್ ಡಿ.ಎಫ್.=ಡಿಫೆಂಡರ್ ಎಂ.ಎಫ್=ಮಿದ್ ಫೀಲ್ಡರ್ ಎಫ್.ಡಬ್ಳು.=ಫಾರ್‍ವರ್ಡ್ ಸಿ. ಕ್ಯಾಪ್ಟನ್;ವಿಸಿ=ಉಪನಾಯಕ

ಚಾಂಪಿಯನ್ಸ್ ಟ್ರೋಫಿ ಹಾಕಿ ೨೦೧೬: ಬದಲಾಯಿಸಿ

ಲಂಡನ್`ನಲ್ಲಿ ನೆಡೆಯುತ್ತಿರವ ಚಾಂಪಿಯನ್ಸ್ ಟ್ರೋಫಿ ಹಾಕಿ ಟೂರ್ನಿಯಲ್ಲಿ ಭಾರತ, ಆಸ್ಟ್ರೇಲಿಯಾ ತಂಡದ ವಿರುದ್ಧ 2- 4 ಅಂತರದಲ್ಲಿ ಸೋಲು ಅನುಭವಿಸಿದ್ದರೂ, ಫೈನಲ್ ಪಂದ್ಯಕ್ಕೆ ಪ್ರವೇಶ ಪಡೆದಿದೆ. ಈ ಮೂಲಕ ಅಂಕ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿರುವ ಭಾರತ 36 ವರ್ಷಗಳ ಬಳಿಕ ಫೈನಲ್‍ಗೇರುವ ಅವಕಾಶ ಗಿಟ್ಟಿಸಿಕೊಂಡಿದೆ. 5 ಅಂಕಗಳನ್ನು ಗಳಿಸಿದ್ದ ಬ್ರಿಟನ್ಗ್ರೇಟ್ ಬ್ರಿಟನ್, ಬೆಲ್ಜಿಯಂ ವಿರುದ್ಧ 3 -3 ಡ್ರಾ ಸಾಧಿಸಿದ್ದರಿಂದ ಭಾರತಕ್ಕೆ ಫೈನಲ್ ಪ್ರವೇಶಿಸುವ ಅರ್ಹತೆ ಒಲಿದುಬಂತು. 7 ಅಂಕಗಳನ್ನು ಗಳಿಸಿರುವ ಭಾರತ ಫೈನಲ್ ಪಂದ್ಯದಲ್ಲಿ ಆಸ್ಟ್ರೇಲಿಯಾವನ್ನು ಎದುರಿಸಲಿದೆ. [೬]

ಪದಕ ವಿಜೇತರು ಬದಲಾಯಿಸಿ

೧೯೨೮ರಿಂದ ೧೯೮೦ರವರೆಗಿನ ೧೨ ಕೂಟಗಳಲ್ಲಿ ಭಾರತವು ಹಾಕಿಯಲ್ಲಿ ೯ ಸ್ವರ್ಣ ಸೇರಿದಂತೆ ೧೧ ಪದಕಗಳನ್ನು ಗಳಿಸಿತ್ತು.

ಪದಕ ಹೆಸರು ಒಲಿಂಪಿಕ್ ಕೂಟ ಕ್ರೀಡೆ ಸ್ಪರ್ಧೆ
1  ಚಿನ್ನ ಭಾರತದ ರಾಷ್ಟ್ರೀಯ ಹಾಕಿ ತಂಡ 1928 ಆಮ್‍ಸ್ಟರ್‍ಡ್ಯಾಮ್ ಹಾಕಿ ಪುರುಷರ ವಿಭಾಗ
1  ಚಿನ್ನ ಭಾರತದ ರಾಷ್ಟ್ರೀಯ ಹಾಕಿ ತಂಡ 1932 ಲಾಸ್ ಏಂಜಲಿಸ್ ಹಾಕಿ ಪುರುಷರ ವಿಭಾಗ
1  ಚಿನ್ನ ಭಾರತದ ರಾಷ್ಟ್ರೀಯ ಹಾಕಿ ತಂಡ 1936 ಬರ್ಲಿನ್ ಹಾಕಿ ಪುರುಷರ ವಿಭಾಗ
1  ಚಿನ್ನ ಭಾರತದ ರಾಷ್ಟ್ರೀಯ ಹಾಕಿ ತಂಡ 1948 ಲಂಡನ್ ಹಾಕಿ ಪುರುಷರ ವಿಭಾಗ
1  ಚಿನ್ನ ಭಾರತದ ರಾಷ್ಟ್ರೀಯ ಹಾಕಿ ತಂಡ 1952 ಹೆಲ್ಸಿಂಕಿ ಹಾಕಿ ಪುರುಷರ ವಿಭಾಗ
1  ಚಿನ್ನ ಭಾರತದ ರಾಷ್ಟ್ರೀಯ ಹಾಕಿ ತಂಡ 1956 ಮೆಲ್ಬರ್ನ್ ಹಾಕಿ ಪುರುಷರ ವಿಭಾಗ
2  ಬೆಳ್ಳಿ ಭಾರತದ ರಾಷ್ಟ್ರೀಯ ಹಾಕಿ ತಂಡ 1960 ರೋಮ್ ಹಾಕಿ ಪುರುಷರ ವಿಭಾಗ
1  ಚಿನ್ನ ಭಾರತದ ರಾಷ್ಟ್ರೀಯ ಹಾಕಿ ತಂಡ 1964 ಟೋಕಿಯೋ ಹಾಕಿ ಪುರುಷರ ವಿಭಾಗ
3  ಕಂಚು ಭಾರತದ ರಾಷ್ಟ್ರೀಯ ಹಾಕಿ ತಂಡ 1968 ಮೆಕ್ಸಿಕೋ ಹಾಕಿ ಪುರುಷರ ವಿಭಾಗ
3  ಕಂಚು ಭಾರತದ ರಾಷ್ಟ್ರೀಯ ಹಾಕಿ ತಂಡ 1972 ಮ್ಯೂನಿಚ್ ಹಾಕಿ ಪುರುಷರ ವಿಭಾಗ
1  ಚಿನ್ನ ಭಾರತದ ರಾಷ್ಟ್ರೀಯ ಹಾಕಿ ತಂಡ 1980 ಮಾಸ್ಕೋ ಹಾಕಿ ಪುರುಷರ ವಿಭಾಗ

ಸೂಚನೆ : ಮೇಲಿನ ಪಟ್ಟಿಯನ್ನು ಯಾವುದೇ ರೀತಿಯಲ್ಲೂ ಪುನರ್ಜೋಡಿಸಬಹುದು. ತಲೆಬರಹಗಳ ಬಳಿ ಕಾಣುವ ಪುಟ್ಟ ಬಾಕ್ಸ್ ಗಳನ್ನು ಒತ್ತಿದಾಗ ಪಟ್ಟಿಯು ಬೇರೆ ರೀತಿಯಲ್ಲಿ ಜೋಡಣೆಗೊಳ್ಳುವುದು.

ಹಾಕಿ ಒಲಂಪಿಕ್:ಸ್ಪೇನ್ ಪ್ರವಾಸ ಅಭ್ಯಾಸ ಪಂದ್ಯ ೨೦೧೬ ಬದಲಾಯಿಸಿ

  • ರಿಯೊ ಒಲಿಂಪಿಕ್ಸ್‌ ಸಿದ್ಧತೆಗೆ ವೇದಿಕೆ ಎನಿಸಿದ್ದ ಸ್ಪೇನ್‌ ಪ್ರವಾಸದ ಎರಡನೇ ಅಭ್ಯಾಸ ಪಂದ್ಯದಲ್ಲೂ ಭಾರತ ತಂಡ 28-7-2016 ಗುರುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಪಿ.ಆರ್‌. ಶ್ರೀಜೇಶ್‌ ಬಳಗ 2–3 ಗೋಲುಗಳಿಂದ ಆತಿಥೇಯ ಸ್ಪೇನ್‌ ತಂಡದ ಎದುರು ಸೋಲು ಅನುಭವಿಸಿದೆ. ವಿಶ್ವ ಕ್ರಮಾಂಕಪಟ್ಟಿಯಲ್ಲಿ ಐದನೇ ಸ್ಥಾನ ಹೊಂದಿರುವ ಪ್ರವಾಸಿ(ಭಾರತ) ಬಳಗ ಆರಂಭಿಕ ಪಂದ್ಯದಲ್ಲಿ 1–4 ಗೋಲುಗಳಿಂದ ವಿಶ್ವ ರ್‍ಯಾಂಕಿಂಗ್‌ನಲ್ಲಿ 11ನೇ ಸ್ಥಾನದಲ್ಲಿರುವ ಸ್ಪೇನ್‌ಗೆ ಸೋತಿತ್ತು.

ನಾಲ್ಕನೇ ವರ್ಷದ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಟೂರ್ನಿ 2016 ಬದಲಾಯಿಸಿ

  • 20-10-2016 ಗುರುವಾರ ನಡೆದ ಪಂದ್ಯದಲ್ಲಿ ಭಾರತ ತಂಡ 10–2 ಗೋಲುಗಳಿಂದ ಜಪಾನ್‌ ತಂಡವನ್ನು ಸೋಲಿಸಿದೆ.ಮಲೇಷ್ಯಾ 4–2 ಗೋಲುಗಳಿಂದ ಪಾಕಿ ಸ್ತಾನವನ್ನು ಮಣಿಸಿ ಮೂರು ಪಾಯಿಂಟ್‌ಗಳನ್ನು ಪಡೆಯಿತು. ಭಾರ ತದ ಖಾತೆಯಲ್ಲಿಯೂ ಇಷ್ಟೇ ಪಾಯಿಂಟ್ಸ್‌ ಇವೆ. ಆದರೆ ಗೋಲು ಗಳಿಕೆಯ ಆಧಾರದ ಮೇಲೆ ಭಾರತ ಮೊದಲ ಸ್ಥಾನದಲ್ಲಿದೆ. ಈ ಟೂರ್ನಿಯಲ್ಲಿ ಭಾರತ, ಪಾಕಿ ಸ್ತಾನ, ಚೀನಾ, ಜಪಾನ್‌, ದಕ್ಷಿಣ ಕೊರಿಯಾ ಮತ್ತು ಮಲೇಷ್ಯಾ ತಂಡಗಳು ಪಾಲ್ಗೊಂಡಿವೆ. ಇದೇ ತಿಂಗಳು 30 ರಂದು ಫೈನಲ್‌ ಆಯೋಜನೆಯಾಗಿದೆ.
  • ಭಾರತ ತಂಡದ ಪರವಾಗಿ ಪರ್ದೀಪ್ ಮೋರ್, ರೂಪಿಂದರ್ ಪಾಲ್ ಸಿಂಗ್ ಮತ್ತು ರಮಣ್ ದೀಪ್ ಸಿಂಗ್ ಗೋಲು ದಾಖಲಿಸಿದ್ದು, ಪಾಕಿಸ್ತಾನ ತಂಡದಲ್ಲಿ ಮುಹಮ್ಮದ್ ರಿಜ್ವಾನ್, ಮುಹಮ್ಮದ್ ಇರ್ಫಾನ್ ಜ್ಯೂನಿಯರ್ ಗೋಲು ಹೊಡೆದಿದ್ದಾರೆ.ಒಂದು ಹಂತದಲ್ಲಿ ಪಾಕಿಸ್ತಾನ 2-1 ಅಂತರದಲ್ಲಿ ಮುನ್ನಡೆ ಸಾಧಿಸಿದ್ದರೂ, ನಂತರದ ಎರಡೇ ನಿಮಿಷಗಳಲ್ಲಿ 2 ಗೋಲುಗಳನ್ನು ಬಾರಿಸಿ ಭಾರತ ತಂಡ ಗೆಲುವು ತನ್ನದಾಗಿಸಿಕೊಂಡಿತು.[೭]

ಕಾಮನ್ ವೆಲ್ತ್ ಕೂಟ ಬದಲಾಯಿಸಿ

|-

ಏಷ್ಯನ್ ಕ್ರೀಡಾ ಕೂಟ ಬದಲಾಯಿಸಿ

ಪುರುಷರ ನಾಲ್ಕನೇ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ ಟೂರ್ನಿ ಬದಲಾಯಿಸಿ

  • 2016 Asian Men's Hockey Champions Trophy
  • ಟೀಮು: 7 ಎಂಎಫ್ ಮನ್ಪ್ರೀತ್ ಸಿಂಗ್; 8 ಎಂಎಫ್ ಸರ್ದಾರ್ ಸಿಂಗ್; 15 ಎಂಎಫ್ ಎಸ್ ಕೆ ಉತ್ತಪ್ಪ; 17 ಎಂಎಫ್ ಡ್ಯಾನಿಶ್ Mujtaba; 22 ಎಂಎಫ್ ದೇವಿಂದರ್ ವಾಲ್ಮೀಕಿ; 24 FW ಎಸ್ ವಿ ಸುನಿಲ್ (ವಿಸಿ); 27 FW ಆಕಾಶ್ ದೀಪ್ ಸಿಂಗ್; 29 FW ಚಿಂಗ್ಲೆನ್ಸನ (Chinglensana) ಸಿಂಗ್; 31 FW ರಾಮದೀಪ್ ಸಿಂಗ್; 32 FW ನಿಕಿನ್ ತಿಮ್ಮಯ್ಯ.
  • 2016 ರ ನಾಲ್ಕನೇ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಟೂರ್ನಿ:
  • ಪಂದ್ಯಾವಳಿಯಲ್ಲಿ ಆಡುವ ತಂಡಗಳು:
  • ಭಾರತ; ಜಪಾನ್; ದಕ್ಷಿಣ ಕೊರಿಯ; ಮಲೇಷ್ಯಾ; ಪಾಕಿಸ್ತಾನ; ಚೀನಾ.20 October 2016 ರಿಂದ 27 October 2016 ವರೆಗೆ;
  • ಮಲೇಷ್ಯಾದ ಕೌಂಟಾನ್‌,ನಲ್ಲಿ 23 ಅಕ್ಟೋ.2016 -ಭಾನುವಾರ ನಡೆದ ನಾಲ್ಕನೇ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಟೂರ್ನಿಯಲ್ಲಿ ಭಾರತ ತಂಡ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನದ ವಿರುದ್ಧ 3-2 ಅಂತರದಲ್ಲಿ ಗೆಲುವು ಸಾಧಿಸಿದೆ. ಈಗಾಗಲೆ ಜಪಾನ್ ವಿರುದ್ಧ 10–2ರ ಜಯ ಗಳೀಸಿದ್ದು, ದಕ್ಷಿಣ ಕೊರಿಯಾಜೊತೆ 1–1 ರ ಸಮ ಮಾಡಿಕೊಂಡು, 7 ಶ್ರೇಯಾಂಕ ಪಡೆದು ಎರಡನೇ ಸ್ಥಾನದಲ್ಲಿದೆ. ಮಲೇಶಿಯಾ 9 ಅಂಕ ಗಳಿಸಿ ಪ್ರಥಮ ಸ್ಥಾದಲ್ಲಿದೆ. ಪಾಕಿಸ್ತಾನ,ಜಪಾನ್,ಚೀನಾಗಳನ್ನು ಜಯಿಸಿದೆ.[೮]
  • ಕೌಂಟಾನ್ ನಲ್ಲಿ ನಡೆಯುತ್ತಿರುವ ಪುರುಷರ ನಾಲ್ಕನೇ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ ಟೂರ್ನಿಯಲ್ಲಿ ಭಾರತ ಚೀನಾ ವಿರುದ್ಧ 9–0 ಗೋಲುಗಳಿಂದ ಗೆಲುವು ಸಾಧಿಸಿ ಸೆಮಿಫೈನಲ್ ಗೆ ಪ್ರವೇಶಿಸಿದೆ.[೯]
  • ಭಾರತ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಫೈನಲ್ ತಲುಪಲು ಶೂಟೌಟ್ನಲ್ಲಿ ಕೊರಿಯಾವನ್ನು 5-4 ಗೋಲುಗಳಿಂದ ಸೋಲಿಸಿತು.ಕ್ಯಾಪ್ಟನ್ ಮತ್ತು ಗೋಲ್ಕೀಪರ್ ಪಿಆರ್ ಶ್ರೀಜೇಶ್ ಒಂದು ಅದ್ಭುತ ಡಾಯಿಇಯೊಲ್ (Daeyeol) ಲೀ ವಿರುದ್ಧ ಐದನೇ ಪ್ರಯತ್ನದಲ್ಲಿ ಭಾರತವನ್ನು ಉಳಿಸಿ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಫೈನಲ್ ತಲುಪಲು ಶೂಟೌಟ್ನಲ್ಲಿ ದಕ್ಷಿಣ ಕೊರಿಯಾ 5-4 ಸೋಲುವಂತೆ ಮಾಡಿದರು.[೧೦]

ಫೈನಲ್ಸ್ ಭಾರತದ ಗೆಲವು ಬದಲಾಯಿಸಿ

  • ಮಲೇಷ್ಯಾದ ಕೌಂಟಾನ್‍ನಲ್ಲಿ ಭಾರತ ಹಾಕಿ ತಂಡವು ಭಾನುವಾರ ನಡೆದ ಟೂರ್ನಿಯ ಫೈನಲ್‌ನಲ್ಲಿ ಭಾರತ ತಂಡ 3–2 ಗೋಲುಗಳಿಂದ ಪಾಕಿಸ್ತಾನ ವಿರುದ್ಧ ಗೆದ್ದಿತು.
  • ವಿವರ:
  • ರೂಪಿಂದರ್ ಪಾಲ್ ಸಿಂಗ್ (18ನೇ ನಿಮಿಷ), ಯೂಸುಫ್ ಅಫ್ಫಾನ್ (23ನಿ) ಮತ್ತು ನಿಕಿನ್ ತಿಮ್ಮಯ್ಯ (51ನೇ ನಿ) ಗೋಲು ಗಳಿಸಿದರು. ಪಾಕ್ ತಂಡದ ಮಹಮ್ಮದ್ ಅಲಿ ಬಿಲಾಲ್ (26ನೇ ನಿ) ಮತ್ತು ಅಲಿ ಶಾನ್ (38ನೇ ನಿ) ಗೋಲು ಹೊಡೆದರು.
  • 2014ರಲ್ಲಿ ಇಂಚನ್‌ನಲ್ಲಿ ನಡೆದಿದ್ದ ಟೂರ್ನಿಯ ಫೈನಲ್‌ನಲ್ಲಿಯೂ ಭಾರತ ತಂಡವು ಪಾಕ್ ವಿರುದ್ಧ ಗೆದ್ದಿತ್ತು. 2011ರಲ್ಲಿ ಮೊದಲ ಬಾರಿಗೆ ನಡೆದಿದ್ದ ಏಷ್ಯಾ ಕಪ್ ಟೂರ್ನಿಯ ಫೈನಲ್‌ನಲ್ಲಿಯೂ ಭಾರತ ತಂಡವು ಪಾಕ್ ವಿರುದ್ಧ ಗೆದ್ದಿತ್ತು. 2013ರ ಟೂರ್ನಿಯ ಫೈನಲ್‌ನಲ್ಲಿ ಜಪಾನ್ ವಿರುದ್ಧ ಗೆದ್ದಿದ್ದ ಪಾಕಿಸ್ತಾನವೂ ಪ್ರಶಸ್ತಿ ಪಡೆದಿತ್ತು. ಪಿ.ಆರ್. ಶ್ರೀಜೇಶ್ ನೇತೃತ್ವದ ಬಳಗವು ಆರಂಭದಿಂದಲೂ ಪಾಕ್ ತಂಡದ ಮೇಲೆ ಒತ್ತಡ ಹೇರಿತ್ತು.
  • 18ನೇ ನಿಮಿಷದಲ್ಲಿ ಸಿಕ್ಕ ಎರಡನೇ ಪೆನಾಲ್ಟಿ ಅವಕಾಶವನ್ನು ಭಾರತ ಹಾಳು ಮಾಡಿಕೊಳ್ಳಲಿಲ್ಲ. ಡ್ರ್ಯಾಗ್ ಫ್ಲಿಕರ್ ರೂಪಿಂದರ್ ಪಾಲ್ ಸಿಂಗ್ ಅವರು ಗೋಲು ಹೊಡೆದರು. ಬರೋಬ್ಬರಿ ಐದು ನಿಮಿಷಗಳ ನಂತರ ರಮಣದೀಪ್ ಸಿಂಗ್ ಅವರು ಡಿಫ್ಲೆಕ್ಟ್ ಮಾಡಿದ ಚೆಂಡನ್ನು ಗೋಲು ಪೆಟ್ಟಿಗೆ ಸೇರಿಸಿದ ಯೂಸುಫ್ ಅಫ್ಪಾನ್ ಸಂಭ್ರಮಿಸಿದರು. ಇದರಿಂದ ಭಾರತವು 2–0 ಮುನ್ನಡೆ ಗಳಿಸಿತು.
  • ಆದರೆ, ಪಾಕ್ ತಂಡದ ಮಹಮ್ಮದ್ ಬಿಲಾಲ್ ತಿರುಗೇಟು ನೀಡಿದರು. 26ನೇ ನಿಮಿಷದಲ್ಲಿ ಭಾರತದ ರಕ್ಷಣಾ ಪಡೆಯ ಕಣ್ಣು ತಪ್ಪಿಸಿ ಗೋಲು ಹೊಡೆದರು. 38ನೇ ನಿಮಿಷದಲ್ಲಿ ಅಲಿ ಶಾನ್ ಮತ್ತೊಂದು ಗೋಲು ಗಳಿಸಿ ಗೋಲು ಸಂಖ್ಯೆಯನ್ನು ಸಮಗೊಳಿಸಿದರು.
  • ನಂತರ ಎರಡೂ ತಂಡಗಳ ಆಟಗಾರರ ನಡುವಣ ತೀವ್ರ ಹಣಾಹಣಿ ನಡೆಯಿತು. ಆದರೆ, ಕೊನೆಗೂ ನಿಕ್ಕಿನ್ ತಿಮ್ಮಯ್ಯ ಅವರ ಛಲ ಗೆದ್ದಿತು. 51ನೇ ನಿಮಿಷದಲ್ಲಿ ಅವರು ಪಾಕ್ ಗೋಲ್‌ಕೀಪರ್ ಫರೀದ್ ಅಹಮದ್ ಕಣ್ತಪ್ಪಿಸಿದರು. ಚೆಂಡನ್ನು ಗೋಲುಪೆಟ್ಟಿಗೆಗೆ ಸೇರಿಸಿದರು. ಭಾರತ 3–2 ಗೋಲುಗಳಿಂದ ಪಾಕಿಸ್ತಾನ ವಿರುದ್ಧ ಗೆದ್ದಿತು.[೧೧]

ಎಫ್ರೋ-ಏಷ್ಯನ್ ಕ್ರೀಡಾ ಕೂಟ ಬದಲಾಯಿಸಿ

ನಾಲ್ಕು ರಾಷ್ಟ್ರಗಳ ಹಾಕಿ ಪಂದ್ಯಾವಳಿ ಬದಲಾಯಿಸಿ

  • Nov 27, 2016 16:10 IST;
  • ಮೆಲ್ಬರ್ನ್‌‍ನಲ್ಲಿ ನೆಡೆದ ಛಲದ ಹೋರಾಟದ ಹೊರತಾಗಿಯೂ ಭಾರತ ತಂಡ ಇಲ್ಲಿ ನಡೆಯುತ್ತಿರುವ ನಾಲ್ಕು ರಾಷ್ಟ್ರಗಳ ಹಾಕಿ ಸರಣಿಯಲ್ಲಿ ನ್ಯೂಜಿಲೆಂಡ್‌ ತಂಡಕ್ಕೆ ಶರಣಾಗಿದೆ. ಶನಿವಾರ ನಡೆದ ತನ್ನ ಮೂರನೇ ಪಂದ್ಯದಲ್ಲಿ ಭಾರತ 2–3 ಗೋಲುಗಳಿಂದ ಕಿವೀಸ್‌ ನಾಡಿನ ತಂಡದ ವಿರುದ್ಧ ಸೋತಿತು. ಮೊದಲ ಪಂದ್ಯದಲ್ಲಿ ಬಲಿಷ್ಠ ಆಸ್ಟ್ರೇಲಿಯಾ ವಿರುದ್ಧ ಸೋತಿದ್ದ ರಘುನಾಥ್‌ ಪಡೆ ನಂತರದ ಹಣಾಹಣಿಯಲ್ಲಿ ಮಲೇಷ್ಯಾ ವಿರುದ್ಧ ಗೆದ್ದು ಕಳೆದುಕೊಂಡಿದ್ದ ವಿಶ್ವಾಸ ಮರಳಿ ಪಡೆದಿತ್ತು.ಭಾರತ ಮಲೇಷ್ಯಾವನ್ನು 4-1 ಸೋಲಿಸಿದ್ದರಿಂದ ನಾಲ್ಕು ರಾಷ್ಟ್ರಗಳ ಹಾಕಿ ಪಂದ್ಯಾವಳಿಯಲ್ಲಿ ಕಂಚಿನ ಪದಕ ಗೆಲ್ಲಲುಸಾಧ್ಯವಾಗಿದೆ.[೧೨]
  • 30 Nov, 2016
  • ಆಸ್ಟ್ರೇಲಿಯಾ ವಿರುದ್ಧದ ಎರಡು ಪಂದ್ಯಗಳ ಸರಣಿಯಲ್ಲಿ ಭಾರತ ತಂಡ ಮೊದಲ ಪಂದ್ಯವನ್ನು 3–2 ಗೋಲುಗಳಲ್ಲಿ ಗೆದ್ದುಕೊಂಡಿದೆ.ಮೆಲ್ಬರ್ನ್‌ : ಯುವ ಆಟಗಾರ ಅಫನ್‌ ಯೂಸುಫ್ ಅವರ ಎರಡು ಗೋಲುಗಳ ನೆರವಿನಿಂದ ಭಾರತ ಪುರುಷರ ಹಾಕಿ ತಂಡ ಮಂಗಳವಾರ ವಿಶ್ವ ಚಾಂಪಿಯನ್‌ ಆಸ್ಟ್ರೇಲಿಯಾ ತಂಡವನ್ನು ಮಣಿಸಿದೆ.[೧೩]

ಚಾಂಪಿಯನ್ಸ್ ಟ್ರೋಫಿ ಬದಲಾಯಿಸಿ

ಪುರುಷರ ಜೂನಿಯರ್‌ ವಿಶ್ವಕಪ್‌ ಹಾಕಿ ೨೦೧೬ ಬದಲಾಯಿಸಿ

  • 10 Dec, 2016
  • ಭಾರತದ ಹರ್ಜೀತ್‌ ಸಿಂಗ್‌ ಬಳಗ 5–3 ಗೋಲುಗಳಲ್ಲಿ ಇಂಗ್ಲೆಂಡ್ ತಂಡವನ್ನು ಸೋಲಿಸಿದೆ.ಕ್ವಾರ್ಟರ್‌ಫೈನಲ್‌ ಪ್ರವೇಶಕ್ಕೆ ಅವಕಾಶ.
  • ‘ಡಿ’ ಗುಂಪಿನ ಮೊದಲ ಪಂದ್ಯದಲ್ಲಿ ಭಾರತ 4–0 ಗೋಲುಗಳಲ್ಲಿ ಕೆನಡಾ ಎದುರು ಜಯಗಳಿಸಿತ್ತು.
  • ‘ಡಿ’ ಗುಂಪಿನಲ್ಲಿ ಭಾರತ ತಂಡ ಆರು ಪಾಯಿಂಟ್ಸ್‌ಗಳಿಂದ ಅಗ್ರಸ್ಥಾನದಲ್ಲಿದೆ. ಡಿಸೆಂಬರ್‌ 12ರಂದು ದಕ್ಷಿಣ ಆಫ್ರಿಕಾ ಎದುರು ಆಡಲಿದೆ.
  • ಇಂಗ್ಲೆಂಡ್ ತಂಡ ಮೂರು ಪಾಯಿಂಟ್ಸ್‌ಗಳಿಂದ ಎರಡನೇ ಸ್ಥಾನದಲ್ಲಿದೆ.
  • ಭಾರತ ಡಿಸೆಂಬರ್‌ 12ರಂದು ದಕ್ಷಿಣ ಆಫ್ರಿಕಾ ಎದುರು ಆಡಲಿದೆ.[೧೪]
  • ಲಖನೌನಲ್ಲಿ 18 Dec, 2016 ಭಾನುವಾರ ನಡೆದ ಜೂನಿಯರ್‌ ವಿಶ್ವಕಪ್‌ ಹಾಕಿ ಫೈನಲ್‌ನ ರೋಚಕ ಪಂದ್ಯದಲ್ಲಿ ಭಾರತ ತಂಡ 2–1 ಗೋಲುಗಳಿಂದ ಬೆಲ್ಜಿಯಂ ತಂಡವನ್ನು ಪೈನಲ್‌ನ ಹಣಾಹಣಿಯಲ್ಲಿ ಸೋಲಿಸಿತು. 15 ವರ್ಷಗಳ ಬಳಿಕ ಭಾರತ ತಂಡ ಟ್ರೋಫಿಯನ್ನು ಎತ್ತಿ ಹಿಡಿದು ಸಾಧನೆ ತೋರಿತು. ಭಾರತ ತಂಡ ಬೆಲ್ಜಿಯಂ ವಿರುದ್ಧ ಗೆಲುವು ಸಾಧಿಸಿ, ಟ್ರೋಫಿಯನ್ನು ಎತ್ತಿ ಹಿಡಿಯಿತು. ಭಾರತ ಜೂನಿಯರ್‌ ವಿಶ್ವಕಪ್‌ ಜಯಿಸಿದ್ದು ಇದು ಎರಡನೇ ಬಾರಿ. ಭಾರತ ತಂಡವು 2001ರಲ್ಲಿ ಹೋಬರ್ಟ್‌ನಲ್ಲಿ ವಿಶ್ವ ಚಾಂಪಿಯನ್ ಆಗಿತ್ತು.
  • ಗುರ್ಜಂತ್ ಸಿಂಗ್ ಮತ್ತು ಸಿಮ್ರನ್‌ಜೀತ್ ಅವರು ಹೊಡೆದ ಗೋಲುಗಳ ಬಲದಿಂದ ಭಾರತ ತಂಡವು 2–1 ಗೋಲುಗಳಿಂದ ಬೆಲ್ಜಿಯಂ ವಿರುದ್ಧ ಗೆದ್ದು ಐತಿಹಾಸಿಕ ಸಾಧನೆ ಮಾಡಿತು.
  • ಜರ್ಮನಿಗೆ ಕಂಚು: ಆರು ಬಾರಿಯ ಚಾಂಪಿಯನ್ ಜರ್ಮನಿ ತಂಡವು ಇಲ್ಲಿ ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಂಡಿತು. ಮೂರನೇ ಸ್ಥಾನಕ್ಕಾಗಿ ನಡೆದ ಪಂದ್ಯದಲ್ಲಿ ಜರ್ಮನಿ ತಂಡವು 3–0 ಗೋಲುಗಳಿಂದ ಆಸ್ಟ್ರೇಲಿಯಾ ವಿರುದ್ಧ ಜಯಿಸಿತು.
  • ಭಾರತ ಜೂನಿಯರ್ ಹಾಕಿ ತಂಡದ ನಾಯಕ ಹರ್ಜೀತ್ ಸಿಂಗ್; ತಂಡದ ಕೋಚ್ ಹರೇಂದರ್ ಸಿಂಗ್.

[೧೫]

ಮಲೇಷ್ಯಾದ ಸುಲ್ತಾನ್‌ ಅಜ್ಲನ್‌ ಷಾ ಕಪ್‌ ಹಾಕಿ ಟೂರ್ನಿ ೨೦೧೭ ಬದಲಾಯಿಸಿ

  • 12 Apr, 2017;
  • ಟೂರ್ನಿಯು ಏಪ್ರಿಲ್‌ 29ರಂದು ಆರಂಭವಾಗಲಿದೆ. ಮನಪ್ರೀತ್ ಸಿಂಗ್ ಅವರಿಗೆ ಉಪನಾಯಕ ಸ್ಥಾನದ ಜವಾಬ್ದಾರಿ ಲಭಿಸಿದೆ. ಪಿ.ಆರ್‌. ಶ್ರೀಜೇಶ್‌ (ನಾಯಕ). ಜೂನಿಯರ್ ವಿಶ್ವಕಪ್‌ ಹಾಕಿ ಟೂರ್ನಿಯಲ್ಲಿ ಚಾಂಪಿ ಯನ್‌ ಆದ ಭಾರತ ತಂಡದಲ್ಲಿದ್ದ ಡಿಫೆಂಡರ್‌ ಗುರಿಂದರ್‌ ಸಿಂಗ್‌, ಮಿಡ್‌ಫೀಲ್ಡರ್‌ಗಳಾದ ಸುಮಿತ್‌ ಮತ್ತು ಮನಪ್ರೀತ್‌ ಅವರಿಗೂ ತಂಡದಲ್ಲಿ ಸ್ಥಾನ ಸಿಕ್ಕಿದೆ.
  • ‘ವಿಶ್ವ ಹಾಕಿ ಲೀಗ್ ಸೆಮಿಫೈನಲ್, ಏಷ್ಯಾ ಕಪ್‌ ಮತ್ತು ಹಾಕಿ ಲೀಗ್ ಫೈನಲ್‌ ಟೂರ್ನಿಗಳು ಇದೇ ವರ್ಷ ನಡೆಯಲಿವೆ. ಈ ಟೂರ್ನಿಗಳಿಗೂ ಮೊದಲು ನಮ್ಮ(ಭಾರತ) ತಂಡ ಬೆಲ್ಜಿಯಂ ಮತ್ತು ಜರ್ಮನಿ ಎದುರು ಆಡಲಿದೆ.
  • ತಂಡ: ಗೋಲ್‌ ಕೀಪರ್‌ಗಳು: ಪಿ.ಆರ್‌. ಶ್ರೀಜೇಶ್‌ (ನಾಯಕ), ಸೂರಜ್‌ ಕರ್ಕೇರಾ. ಡಿಫೆಂಡರ್ಸ್‌: ಪ್ರದೀಪ್‌ ಮೋರ್‌, ಸುರೇಂದರ್ ಕುಮಾರ್‌, ರೂಪಿಂದರ್‌ಪಾಲ್‌ ಸಿಂಗ್, ಹರ್ಮನಪ್ರೀತ್ ಸಿಂಗ್, ಗುರೀಂದರ್‌ ಸಿಂಗ್‌. ಮಿಡ್‌ಫೀಲ್ಡರ್ಸ್‌: ಚಿಂಗ್ಲೆನ್‌ಸನಾ ಸಿಂಗ್‌, ಸುಮಿತ್‌, ಸರ್ದಾರ್ ಸಿಂಗ್‌, ಮನಪ್ರೀತ್‌ ಸಿಂಗ್ (ಉಪನಾಯಕ), ಹರ್ಜಿತ್‌ ಸಿಂಗ್‌, ಮನಪ್ರೀತ್‌. ಫಾರ್ವರ್ಡ್ಸ್‌್: ಎಸ್‌.ವಿ. ಸುನಿಲ್‌, ತಲ್ವಿಂದರ್‌ ಸಿಂಗ್‌, ಮನದೀಪ್‌ ಸಿಂಗ್, ಅಫಾನ್‌ ಯೂಸುಫ್‌ ಮತ್ತು ಆಕಾಶದೀಪ್‌ ಸಿಂಗ್.[೧೬]

ಭಾರತ ತಂಡದ ಜಯ ಬದಲಾಯಿಸಿ

4 May, 2017(ಪಿಟಿಐ)

  • ಮಲೇಷ್ಯಾದ ಇಪೊ,ದಲ್ಲಿ ಭಾರತ ತಂಡದಲ್ಲಿ ಸ್ಟ್ರೈಕರ್‌ ಮನದೀಪ್‌ ಸಿಂಗ್‌ ಬುಧವಾರ ಹಾಕಿ ಪ್ರಿಯರ ಮನ ಗೆದ್ದರು. ಭಾರತ ತಂಡ ಇಲ್ಲಿ ಜಯ ಪಡೆಯಿತು. ಭಾರತ 4–3 ಗೋಲುಗಳಿಂದ ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ ತನಗಿಂತಲೂ ಕೆಳಗಿನ ಸ್ಥಾನ ಹೊಂದಿರುವ ಜಪಾನ್‌ ತಂಡವನ್ನು ಸೋಲಿಸಿತು.[೧೭]

ಭಾರತಕ್ಕೆ ಕಂಚು ಬದಲಾಯಿಸಿ

7 May, 2017;

  • ಮಲೇಷ್ಯಾದ ಇಪೊದಲ್ಲಿ ಅಜ್ಲಾನ್ ಷಾ ಕಪ್‌ ಹಾಕಿ ಟೂರ್ನಿಯ ಫೈನಲ್ ಪ್ರವೇಶಿಸುವಲ್ಲಿ ವಿಫಲವಾದ ಭಾರತ ಹಾಕಿ ತಂಡ ಕಂಚಿನ ಪದಕ ಪಡೆಯಿತು. ಮೂರನೇ ಸ್ಥಾನಕ್ಕಾಗಿ ಶನಿವಾರ ಇಲ್ಲಿ ನಡೆದ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್‌ ತಂಡವನ್ನು 4-0 ಗೋಲುಗಳಿಂದ ಭಾರತ ಸೋಲಿಸಿತು. ಎರಡು ಪೆನಾಲ್ಟಿ ಕಾರ್ನರ್ ಅವಕಾಶಗಳನ್ನು ಗೋಲಾಗಿ ಪರಿವರ್ತಿಸಿದ ರೂಪಿಂದರ್‌ಪಾಲ್ ಸಿಂಗ್ ಭಾರತದ ಜಯದ ರೂವಾರಿ.[೧೮]

ಲಂಡನ್ ಹಾಕಿ ವಿಶ್ವ ಲೀಗ್‌ 2017 ಬದಲಾಯಿಸಿ

  • 17 Jun, 2017 ಶನಿವಾರ;
  • ಗುರುವಾರ ನಡೆದ ಮೊದಲ ಪಂದ್ಯದಲ್ಲಿ ಸ್ಕಾಟ್ಲೆಂಡ್‌ ವಿರುದ್ಧ 4–1 ಗೋಲುಗಳಿಂದ ಜಯ ಸಾಧಿಸಿದೆ.
  • ವಿಶ್ವ ಹಾಕಿ ಲೀಗ್‌ ಸೆಮಿಫೈನಲ್ಸ್‌ನ ಎರಡನೇ ಪಂದ್ಯದಲ್ಲಿ ಭಾರತ ತಂಡ ಶನಿವಾರ ಕೆನಡಾವನ್ನು ಎದುರಿಸಲಿದೆ.[೧೯]
  • ಭಾರತವು ಅಜೇಯ ಓಟವನ್ನು ಕಾಯ್ದುಕೊಂಡು ಕೆನಡಾವನ್ನು 3-0 ಅಂತರದಲ್ಲಿ ಹಾಕಿ ವಿಶ್ವ ಲೀಗ್ ಸೆಮಿ ಫೈನಲ್ನಲ್ಲಿ ಸೋಲಿಸಿತು. ಗೆಲುವು ವಾಸ್ತವವಾಗಿ ಪಂದ್ಯಾವಳಿಯ ಕ್ವಾರ್ಟರ್ ಭಾರತದ ಸ್ಥಾನ ಪಡೆದುಕೊಂಡರು. ಆರನೇ ಸ್ಥಾನದಲ್ಲಿರುವ ಭಾರತೀಯರು ತಮ್ಮ ಮುಂದಿನ ಪೂಲ್ ಪಂದ್ಯದಲ್ಲಿ ನಾಳೆ ಪಾಕಿಸ್ತಾನದೊಡನೆ ಆಡಲಿದ್ದಾರೆ.[೨೦]
  • 18 Jun, 2017ಹಾಕಿ ವಿಶ್ವ ಲೀಗ್ ಸೆಮಿಫೈನಲ್‌ನ ಪೂಲ್ ಬಿ ಪಂದ್ಯದಲ್ಲಿ ಭಾರತ ತಂಡ ಪಾಕಿಸ್ತಾನವನ್ನು 7- 1 ಅಂತರದಲ್ಲಿ ಪರಾಭವಗೊಳಿಸಿದೆ.[೨೧]
  • 23 Jun, 2017 ಗುರುವಾರ ಭಾರತ ಹಾಕಿ ತಂಡವು ವಿಶ್ವ ಹಾಕಿ ಲೀಗ್ ಸೆಮಿಫೈನಲ್ ಟೂರ್ನಿಯ ಕ್ವಾರ್ಟರ್‌ಫೈನಲ್‌ನಲ್ಲಿ ಸೋಲಿನ ಆಘಾತ ಅನುಭವಿಸಿತು.ಸಿಕ್ಕ ಅವಕಾಶಗಳನ್ನು ಉಪಯೋಗಿಸಿಕೊಳ್ಳಲಾರದೆ ಭಾರತ ತಂಡವು 2–3 ಗೋಲುಗಳಿಂದ ಮಲೇಷ್ಯಾ ಎದುರು ಪರಾಭವಗೊಂಡಿತು. ಈ ಗೆಲುವಿನ ಬಲದಿಂದ ಮಲೇಷ್ಯಾ ತಂಡವು ಮುಂದಿನ ವರ್ಷ ಭಾರತದಲ್ಲಿ ನಡೆಯಲಿರುವ ವಿಶ್ವ ಕಪ್ ಹಾಕಿ ಟೂರ್ನಿಗೆ ಅರ್ಹತೆ ಗಿಟ್ಟಿಸಿತು.[೨೨]
  • ವಿಶ್ವ ಹಾಕಿ ಲೀಗ್‌ ಸೆಮಿಫೈನಲ್‌ನ ಐದರಿಂದ ಎಂಟರವರೆಗಿನ ಸ್ಥಾನಕ್ಕಾಗಿ ತಂಡಗಳನ್ನು ವಿಂಗಡಿಸುವ ಪಂದ್ಯದಲ್ಲಿ ಶನಿವಾರ ಭಾರತ ತಂಡ ಪಾಕಿಸ್ತಾನವನ್ನು 6-1 ಗೋಲುಗಳ ಅಂತರದಿಂದ ಪರಾಭವಗೊಳಿಸಿದೆ.[೨೩]
  • 25 Jun, 2017; ವಿಶ್ವ ಹಾಕಿ ಲೀಗ್‌ ಸೆಮಿಫೈನಲ್‌ನಲ್ಲಿ ಭಾರತ ತಂಡ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನದ ವಿರುದ್ಧ ಮತ್ತೊಮ್ಮೆ ಗೆಲವು ಸಾಧಿಸಿದೆ. 5 ಮತ್ತು 8ನೇ ಸ್ಥಾನಕ್ಕಾಗಿ ಸೆಣಸುವ ತಂಡಗಳ ವಿಂಗಡಣೆಗಾಗಿ ಶನಿವಾರ ನಡೆದ ಪಂದ್ಯದಲ್ಲಿ ಭಾರತ 6–1 ಗೋಲು ಗಳಿಂದ ಜಯ ಗಳಿಸಿದೆ.[೨೪]

ಪದ್ಮಶ್ರೀ ಪ್ರಶಸ್ತಿ ಬದಲಾಯಿಸಿ

ವರ್ಷ ಕೀಡಾಪಟು ಹೆಸರು ಚಿತ್ರ
೨೦೦೦ ಧನರಾಜ್ ಪಿಳ್ಳೈ -


ದ್ಯಾನ್ ಚಂದ ಪ್ರಶಸ್ತಿ ಬದಲಾಯಿಸಿ

ವರ್ಷ ಕೀಡಾಪಟು ಹೆಸರು ಚಿತ್ರ
೨೦೦೨ ಅಶೋಕ ದಿವಾನ -
೨೦೦೩ ಚಾರ್ಲ್ಸ್ ಕಾರ್ನಿಲೂಯ್ಸ್ -
೨೦೦೩ ಧರಂ ಸಿಂಗ್ ಮಾನ್ -
೨೦೦೪ ಹರ್ ದಯಾಲ್ ಸಿಂಗ್ -
೨೦೦೫ ರಾಜೇಂದ್ರ ಸಿಂಗ್ -
೨೦೦೬ ನಂದ್ಯಾ ಸಿಂಗ್ -
೨೦೦೭ ವೀರೆಂದ್ರ ಸಿಂಗ್ -
೨೦೦೮ ಮುಖ್ಬಿನ್ ಸಿಂಗ್ -

ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿ ಬದಲಾಯಿಸಿ

ವರ್ಷ ಕೀಡಾಪಟು ಹೆಸರು ಚಿತ್ರ
೧೯೯೯-೨೦೦೦ ಧನರಾಜ್ ಪಿಳ್ಳೈ -

ಅರ್ಜುನ ಪ್ರಶಸ್ತಿ ಬದಲಾಯಿಸಿ

ವರ್ಷ ಕೀಡಾಪಟು ಹೆಸರು ಚಿತ್ರ
೧೯೯೫ ಧನರಾಜ್ ಪಿಳ್ಳೈ

ಹಾಕಿ ದಿಗ್ಗಜ ಶಾಹಿದ್‌ ನಿಧನ ಬದಲಾಯಿಸಿ

  • 980ರಲ್ಲಿ ಕರಾಚಿಯಲ್ಲಿ ನಡೆದ ಚಾಂಪಿಯನ್‌ ಟ್ರೋಫಿ ಹಾಕಿ ಟೂರ್ನಿಯಲ್ಲಿ ಅತ್ಯುತ್ತಮ ಫಾರ್ವರ್ಡ್‌ ಆಟಗಾರ ಗೌರವ ಪಡೆದಿದ್ದರು. ಅಂತರರಾಷ್ಟ್ರೀಯ ಹಾಕಿಯಿಂದ ನಿವೃತ್ತಿಯಾದ ಬಳಿಕ ಇಂಡಿಯನ್‌ ರೈಲ್ವೆ ನಲ್ಲಿ ಕ್ರೀಡಾ ಅಧಿಕಾರಿಯಾಗಿ ಕೆಲಸ ಮಾಡಿದ್ದರು. ಇವರಿಗೆ 1981ರಲ್ಲಿ ಅರ್ಜುನ ಮತ್ತು 1986ರಲ್ಲಿ ಪದ್ಮಶ್ರೀ ಪ್ರಶಸ್ತಿಗಳು ಲಭಿಸಿವೆ.
  • ಅನಾರೋಗ್ಯದಿಂದ ಬಳಲುತ್ತಿದ್ದ ಭಾರತದ ಹಾಕಿ ದಿಗ್ಗಜ ಮತ್ತು ಡ್ರಿಬ್ಲಿಂಗ್‌ ಪರಿಣತ ಮಹಮ್ಮದ್‌ ಶಾಹಿದ್‌ (56) ಅವರು ಬುಧವಾರ ಗುಡಗಾಂವ್‌ನಲ್ಲಿ ನಿಧನ ಹೊಂದಿದ್ದಾರೆ. ಕೆಲವು ತಿಂಗಳುಗಳ ಹಿಂದೆ ಅನಾರೋಗ್ಯಕ್ಕೆ ಒಳಗಾಗಿದ್ದ ಅವರು ಒಂದು ತಿಂಗಳಿಂದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು.
  • 1980ರ ಮಾಸ್ಕೊ ಒಲಿಂಪಿಕ್ಸ್‌ನಲ್ಲಿ ಭಾರತ ಹಾಕಿ ತಂಡ ಚಿನ್ನ ಜಯಿಸಿತ್ತು. ಆಗ ಶಾಹಿದ್ ಅವರು ತಂಡದಲ್ಲಿದ್ದರು. ಭಾರತ 1982ರ ದೆಹಲಿ ಮತ್ತು 1986ರ ಸೋಲ್‌ ಏಷ್ಯನ್‌ ಕ್ರೀಡಾಕೂಟಗಳಲ್ಲಿ ಕ್ರಮವಾಗಿ ಬೆಳ್ಳಿ ಹಾಗೂ ಕಂಚಿನ ಪದಕಗಳನ್ನು ಗೆದ್ದುಕೊಂಡಿತ್ತು. ಆಗೂ ಶಾಹಿದ್ ಅವರು ತಂಡದ ಸದಸ್ಯರಾಗಿದ್ದರು. ಫಾರ್ವರ್ಡ್‌ ಆಟಗಾರನಾಗಿದ್ದ ಶಾಹಿದ್ ಅವರು 1979ರಲ್ಲಿ ರಾಷ್ಟ್ರೀಯ ಜೂನಿಯರ್ ತಂಡಕ್ಕೆ ಪದಾರ್ಪಣೆ ಮಾಡಿದ್ದರು.[೨೫]

ಚಿತ್ರ ಗ್ಯಾಲರಿ ಬದಲಾಯಿಸಿ

ನೋಡಿ ಬದಲಾಯಿಸಿ

ಬಾಹ್ಯ ಸಂಪರ್ಕಗಳು ಬದಲಾಯಿಸಿ

 

  1. "ಭಾರತದ ಆತ್ಮವಿಶ್ವಾಸದ ಹೆಜ್ಜೆಗಳು : 3 Nov, 2016". Archived from the original on 2016-11-03. Retrieved 2016-11-03.
  2. w:prajavani.net/article/₹-10-ಲಕ್ಷ-ಕೊಟ್ಟ-ಹಾಕಿ-ಇಂಡಿಯಾ
  3. www.prajavani.net/article/ಅಜ್ಲಾನ್‌-ಹಾಕಿ-ಭಾರತಕ್ಕೆ-ಶರಣಾದ-ಪಾಕಿಸ್ತಾನ
  4. [೧]
  5. "ಕರ್ನಾಟಕದ ನಾಲ್ವರು ಆಟಗಾರರಿಗೆ ಸ್ಥಾನ". Archived from the original on 2016-07-05. Retrieved 2016-05-18.
  6. ಚಾಂಪಿಯನ್ಸ್-ಲೀಗ್-ಹಾಕಿ-ಫೈನಲ್‍ಗೆ-ಭಾರತ
  7. ಹಾಕಿ: ಗೋಲಿನ ಮಳೆ ಸುರಿಸಿದ ಭಾರತ
  8. ಪಾಕ್ ವಿರುದ್ಧ ಗೆಲುವು ಸಾಧಿಸಿದ ಭಾರತ;23 Oct, 2016
  9. ಭಾರತ ಸೆಮಿಫೈನಲ್‍ ಗೆ
  10. India v South Korea
  11. ಹಾಕಿ: ಭಾರತಕ್ಕೆ ಏಷ್ಯಾ ಕಪ್;31 Oct, 2016
  12. India thump Malaysia 4-1
  13. "ಹಾಕಿ: ಭಾರತಕ್ಕೆ ಗೆಲುವು;30 Nov, 2016". Archived from the original on 2016-11-30. Retrieved 2016-12-01.
  14. "ಭಾರತಕ್ಕೆ ಮಣಿದ ಇಂಗ್ಲೆಂಡ್‌ಪಿಟಿಐ;11 Dec, 2016". Archived from the original on 2016-12-11. Retrieved 2016-12-11.
  15. ಜೂನಿಯರ್‌ ವಿಶ್ವಕಪ್‌ ಹಾಕಿ ಟೂರ್ನಿ ಭಾರತ ಚಾಂಪಿಯನ್‌;18 Dec, 2016
  16. ಫಾರ್ವರ್ಡ್‌ ಆಟಗಾರ ರಾಜ್ಯದ ಸುನಿಲ್‌ಗೆ ಸ್ಥಾನಪ್ರಜಾವಾಣಿ ವಾರ್ತೆ;12 Apr, 2017
  17. http://www.prajavani.net/news/article/2017/05/04/488906.html[ಶಾಶ್ವತವಾಗಿ ಮಡಿದ ಕೊಂಡಿ]
  18. ಅಜ್ಲಾನ್ ಷಾ ಹಾಕಿ: ಭಾರತಕ್ಕೆ ಕಂಚು;7 May, 2017
  19. ಭಾರತಕ್ಕೆ ಸುಲಭ ತುತ್ತಾಗುವುದೇ ಕೆನಡಾ?;17 Jun, 2017
  20. India maintain unbeaten run, beat Canada 3-0 in Hockey World League Semi-Final;Jun 17, 2017
  21. http://www.prajavani.net/news/article/2017/06/18/499919.html
  22. ವಿಶ್ವ ಹಾಕಿ ಲೀಗ್ ಸೆಮಿಫೈನಲ್ಸ್‍ ಭಾರತ ತಂಡಕ್ಕೆ ಸೋಲಿನ ಆಘಾತ;ಪಿಟಿಐ;23 Jun, 2017
  23. ಹಾಕಿ: ಪಾಕಿಸ್ತಾನವನ್ನು 6-1 ಗೋಲುಗಳಿಂದ ಪರಾಭವಗೊಳಿಸಿದ ಭಾರತ;24 Jun, 2017
  24. http://www.prajavani.net/news/article/2017/06/25/501394.html
  25. "ಹಾಕಿ ದಿಗ್ಗಜ ಶಾಹಿದ್‌ ನಿಧನ:೨೧-೭-೨೦೧೬". Archived from the original on 2016-07-05. Retrieved 2016-05-18.