ತಾಳಿಯು ಮದುವೆ ಯಲ್ಲಿ ಮದುಮಗನು ಮದುಮಗಳ ಕತ್ತಿಗೆ ಕಟ್ಟುವ ಪವಿತ್ರ ಕಂಠಹಾರ. ಅವಳ ವೈವಾಹಿಕ ಸ್ಥಿತಿಯ ಸಂಕೇತವಾಗಿ ಮಹಿಳೆಯು ಮಂಗಳ ಸೂತ್ರವನ್ನು ಧರಿಸುವುದನ್ನು ಮುಂದುವರಿಸುತ್ತಾಳೆ. ಈ ರೂಢಿಯ ಆಚರಣೆ ಭಾರತದ ದಕ್ಷಿಣ ಭಾಗದಲ್ಲಿ ಹುಟ್ಟಿಕೊಂಡಿತು. ತಾಳಿಯನ್ನು ಮಂಗಳ ಸೂತ್ರ ಎಂದೂ ಕರೆಯುತ್ತಾರೆ. ಮಂಗಳ ಸೂತ್ರ (ಸಂಸ್ಕೃತದಲ್ಲಿ ಮಂಗಳ ಅಂದರೆ 'ಪವಿತ್ರ, ಶುಭ', ಮತ್ತು ಸೂತ್ರ ಅಂದರೆ 'ದಾರ').ಇದರ ಮೂಲವು ಕ್ರಿ.ಶ ೬ ನೇ ಶತಮಾನಕ್ಕೆ ಹಿಂದಿನದು. ಏಕೆಂದರೆ ಇತರ ಪುರುಷರು ಮತ್ತು ದುಷ್ಟಶಕ್ತಿಗಳಿಂದ ರಕ್ಷಣೆಗಾಗಿ ವಧುವಿನ ಸುತ್ತ ಒಂದೇ ಹಳದಿ ದಾರವನ್ನು ಕಟ್ಟಲಾಗಿತ್ತು.[೧][೨] ಮಂಗಳ ಸೂತ್ರವನ್ನು ಧರಿಸುವುದು ಭಾರತ, ಶ್ರೀಲಂಕಾ ಮತ್ತು ನೇಪಾಳದಲ್ಲಿ ವ್ಯಾಪಕವಾದ ಸಾಮಾಜಿಕ ಅಭ್ಯಾಸವಾಗಿದೆ. ಮನುಸ್ಮೃತಿ ಸೂಚಿಸಿದಂತೆ ಈ ಅಭ್ಯಾಸವು ವಿವಾಹ ಸಮಾರಂಭದ ಅವಿಭಾಜ್ಯ ಅಂಗವಾಗಿದೆ.

ಮಂಗಳಸೂತ್ರ

ಇತರ ಹೆಸರುಗಳು ಬದಲಾಯಿಸಿ

  • ಮಂಗಳ ಸೂತ್ರ.[೩]
  • ಮಾಂಗಲ್ಯ

ಮಹತ್ವ ಬದಲಾಯಿಸಿ

ಮಂಗಳ ಸೂತ್ರದ ಮಹತ್ವವನ್ನು ಆದಿಶಂಕರಾಚಾರ್ಯರು ತಮ್ಮ ಪ್ರಸಿದ್ಧ ಪುಸ್ತಕ ಸೌಂದರ್ಯ ಲಹರಿಯಲ್ಲಿ ಪುನಃ ಪುನರಾವರ್ತಿಸಿದ್ದಾರೆ.[೪] ಹಿಂದೂ ಸಂಪ್ರದಾಯದ ಪ್ರಕಾರ, ಗಂಡನ ದೀರ್ಘಾಯುಷ್ಯಕ್ಕಾಗಿ ಮಂಗಳಸೂತ್ರವನ್ನು ಧರಿಸಲಾಗುತ್ತದೆ.[೫] ಧಾರ್ಮಿಕ ಪದ್ಧತಿಗಳು ಮತ್ತು ಸಾಮಾಜಿಕ ನಿರೀಕ್ಷೆಗಳಿಂದ ಹೇಳಲ್ಪಟ್ಟಂತೆ, ವಿವಾಹಿತ ಮಹಿಳೆಯರು ತಮ್ಮ ಜೀವನದುದ್ದಕ್ಕೂ ಮಂಗಳ ಸೂತ್ರವನ್ನು ಧರಿಸಬೇಕು. ಏಕೆಂದರೆ ಈ ಅಭ್ಯಾಸವು ತನ್ನ ಗಂಡನ ಯೋಗಕ್ಷೇಮವನ್ನು ಹೆಚ್ಚಿಸುತ್ತದೆ ಎಂದು ನಂಬಲಾಗಿದೆ.[೬][೭]

ವಿನ್ಯಾಸಗಳು ಬದಲಾಯಿಸಿ

ಮಂಗಳ ಸೂತ್ರಗವನ್ನು ವಿವಿಧ ವಿನ್ಯಾಸಗಳಲ್ಲಿ ತಯಾರಿಸಲಾಗುತ್ತದೆ. ಸಾಮಾನ್ಯವಾದವುಗಳೆಂದರೆ ಲಕ್ಷ್ಮಿ ತಾಳಿ, ತೆಲುಗರು ಧರಿಸಿರುವ ಪುಸ್ತೇಲು, ಮಲಯಾಳೀಯರು ಧರಿಸಿರುವ ಎಲಾ ತಾಳಿ ಅಥವಾ ಮಿನ್ನು ಮತ್ತು ಕ್ಷತ್ರಿಯ ಜಾತಿಯ ತಮಿಳರು ಧರಿಸಿರುವ ಕುಂಭ ತಾಳಿ. ವಿನ್ಯಾಸವನ್ನು ವರನ ಕುಟುಂಬವು ಚಾಲ್ತಿಯಲ್ಲಿರುವ ಪದ್ಧತಿಗಳ ಪ್ರಕಾರ ಆಯ್ಕೆ ಮಾಡುತ್ತಾರೆ. ಗುಜರಾತಿಗಳು ಮತ್ತು ಮಾರ್ವಾಡಿಗಳು ಸಾಮಾನ್ಯವಾಗಿ ಚಿನ್ನದ ಹಾರದಲ್ಲಿ ವಜ್ರದ ಪೆಂಡೆಂಟ್ ಅನ್ನು ಬಳಸುತ್ತಾರೆ. ಅದು ಕೇವಲ ಅಲಂಕಾರಿಕವಾಗಿದೆ ಮತ್ತು ಸಾಂಪ್ರದಾಯಿಕ ಅರ್ಥದಲ್ಲಿ ಮಂಗಳ ಸೂತ್ರಕ್ಕೆ ಬದಲಿಯಾಗಿರುವುದಿಲ್ಲ. ಮಹಾರಾಷ್ಟ್ರದ ವಾಸಿಗಳು ಎರಡು ವತಿ ಆಭರಣಗಳ ಪೆಂಡೆಂಟ್ ಧರಿಸುತ್ತಾರೆ. ಕನ್ನಡಿಗರ ಮಾಂಗಲ್ಯ, ತಾಳಿ ಅಥವಾ ಮಂಗಳ ಸೂತ್ರವು ಮಹಾರಾಷ್ಟ್ರದವರಿಗೆ ಹೋಲುತ್ತದೆ. ಅದು ಸಾಮಾನ್ಯವಾಗಿ ಎರಡು ವಾಟಿಗಳನ್ನು ಹೊಂದಿರುತ್ತದೆ. ಇತ್ತೀಚಿನ ದಿನಗಳಲ್ಲಿ ಅನೇಕ ಫ್ಯಾಷನ್ ಪ್ರಜ್ಞೆಯ ಕುಟುಂಬಗಳು ಒಂದೇ ವಾಟಿ ಅಥವಾ ಹೆಚ್ಚು ಸಮಕಾಲೀನ ಶೈಲಿಯೊಂದಿಗೆ ಹಗುರವಾದ ಆವೃತ್ತಿಗಳನ್ನು ಆರಿಸಿಕೊಳ್ಳುತ್ತವೆ.[೮]

ಗ್ಯಾಲರಿ ಬದಲಾಯಿಸಿ

ಉಲ್ಲೇಖಗಳು ಬದಲಾಯಿಸಿ

  1. Jain, Richa. "Why Do Married Hindu Women Wear Mangalsutra?". Culture Trip. Retrieved 16 June 2020.
  2. "Significance Of Mangalsutra!". www.culturalindia.net (in ಇಂಗ್ಲಿಷ್). Retrieved 16 June 2020.
  3. "#EXPLAINED: The sacred thread of Thali & Mangalsutra". IndianSpice. 12 March 2019. Archived from the original on 2 ಡಿಸೆಂಬರ್ 2020. Retrieved 16 June 2020.
  4. http://anugrahaa.com/product/mangala-sutralu/[ಶಾಶ್ವತವಾಗಿ ಮಡಿದ ಕೊಂಡಿ]
  5. Jain, Richa. "Why Do Married Hindu Women Wear Mangalsutra?". Culture Trip. Retrieved 16 June 2020.
  6. "Reason Behind Wearing Mangala Sutra For A Married Women". FindMessages.com. 12 March 2016. Retrieved 16 June 2020.[ಶಾಶ್ವತವಾಗಿ ಮಡಿದ ಕೊಂಡಿ]
  7. "Mangalsutra in Indian Culture is not just a jewelry item, but a sacred thread of love and goodwill which is worn by married women, as a symbol of their successful marriage". www.indianmirror.com. Retrieved 16 June 2020.
  8. https://www.hindustantimes.com/fashion-and-trends/mangalsutra-the-changing-facet/story-QX3Hqr8lxPwlSSx3AwszIM.html
"https://kn.wikipedia.org/w/index.php?title=ತಾಳಿ&oldid=1218108" ಇಂದ ಪಡೆಯಲ್ಪಟ್ಟಿದೆ