ನಂದಾದೇವಿ ರಾಷ್ಟ್ರೀಯ ಉದ್ಯಾನ

ನಂದಾದೇವಿ ರಾಷ್ಟ್ರೀಯ ಉದ್ಯಾನವು ಭಾರತದ ಉತ್ತರಾಖಂಡ ರಾಜ್ಯದಲ್ಲಿದೆ. ಇದು ನಂದಾದೇವಿ ಪರ್ವತದ ಆಸುಪಾಸಿನ ಪ್ರದೇಶಗಳನ್ನು ಒಳಗೊಂಡಿದೆ. ೧೯೮೨ರಲ್ಲಿ ರಾಷ್ಟ್ರೀಯ ಉದ್ಯಾನವಾಗಿ ಘೋಷಿಸಲ್ಪಟ್ಟ ನಂದಾದೇವಿ ರಾಷ್ಟ್ರೀಯ ಉದ್ಯಾನವು ೧೯೮೮ರಲ್ಲಿ ಯುನೆಸ್ಕೋದಿಂದ ವಿಶ್ವ ಪರಂಪರೆಯ ತಾಣವಾಗಿ ಹೆಸರಿಸಲ್ಪಟ್ಟಿತು. ಸುಮಾರು ೬೩೦.೩೩ ಚ.ಕಿ.ಮೀ. ವಿಸ್ತಾರವಾಗಿರುವ ನಂದಾದೇವಿ ರಾಷ್ಟ್ರೀಯ ಉದ್ಯಾನವು ನಂದಾದೇವಿ ಧಾಮವನ್ನು ಒಳಗೊಂಡಿದೆ. ಈ ಧಾಮವು ಹಿಮಾಲಯದ ಉನ್ನತ ಶಿಖರಸಾಲುಗಳ ನಡುವಿನ ಪಾತಳಿ ಪ್ರದೇಶವಾಗಿದೆ. ರಿಷಿ ಗಂಗಾ ಕೊಳ್ಳದಲ್ಲಿ ಹರಿಯುವ ಅದೇ ಹೆಸರಿನ ನದಿಯು ಈ ಪ್ರದೇಶಕ್ಕೆ ನೀರುಣಿಸುತ್ತದೆ. ಸಮೀಪದಲ್ಲಿಯೇ ಇರುವ ಪುಷ್ಪಕಣಿವೆ ರಾಷ್ಟ್ರೀಯ ಉದ್ಯಾನದ ಜೊತೆಗೂಡಿ ನಂದಾದೇವಿ ರಾಷ್ಟ್ರೀಯ ಉದ್ಯಾನವು ವಿಶ್ವ ಪರಂಪರೆಯ ತಾಣವೆನಿಸಿದೆ. ಇವೆರಡೂ ರಾಷ್ಟ್ರೀಯ ಉದ್ಯಾನಗಳು ನಂದಾದೇವಿ ಜೀವಗೋಲ ಮೀಸಲಿನ ಅಂಗವಾಗಿವೆ. ನಂದಾದೇವಿ ರಾಷ್ಟ್ರೀಯ ಉದ್ಯಾನವು ಸಮುದ್ರಮಟ್ಟದಿಂದ ೩೫೦೦ ಮೀಟರ್‌ಗಳಷ್ಟು ಎತ್ತರದಲ್ಲಿದೆ. ಉದ್ಯಾನಪ್ರದೇಶದ ಒಳಗೆ ಇರುವ ಮುಖ್ಯ ಪರ್ವತಶಿಖರಗಳೆಂದರೆ : ನಂದಾದೇವಿ (೭೮೧೬ ಮೀ.), ದೇವೀಸ್ತಾನ್-೧ (೬೬೭೮ ಮೀ.), ದೇವೀಸ್ತಾನ್-೨ (೬೫೨೯ ಮೀ.) ಮತ್ತು ರಿಷಿ ಕೋಟ್ (೬೨೩೬ ಮೀ.)

ನಂದಾದೇವಿ ಮತ್ತು ಪುಷ್ಪಕಣಿವೆ ರಾಷ್ಟ್ರೀಯ ಉದ್ಯಾನಗಳು*
UNESCO ವಿಶ್ವ ಪರಂಪರೆಯ ತಾಣ
ರಾಷ್ಟ್ರ	ಭಾರತ
ತಾಣದ ವರ್ಗ	ಪ್ರಾಕೃತಿಕ
ಆಯ್ಕೆಯ ಮಾನದಂಡಗಳು	vii, x
ಆಕರ	335
ವಲಯ**	ಏಷ್ಯಾ-ಪೆಸಿಫಿಕ್
ವಿಶ್ವ ಪರಂಪರೆಯ ತಾಣವಾಗಿ ಘೋಷಣೆ
ಘೋಷಿತ ವರ್ಷ	1988  (12ನೆಯ ಅಧಿವೇಶನ)
ವಿಸ್ತರಣೆ	2005
* ಹೆಸರು ವಿಶ್ವ ಪರಂಪರೆಯ ಪಟ್ಟಿಯಲ್ಲಿ ನಮೂದಾಗಿರುವಂತೆ. ** UNESCO ರಚಿಸಿರುವ ವಲಯಗಳು.

ನಂದಾದೇವಿ ಧಾಮದ ಕಾಂಟೂರ್ ನಕಾಶೆ

ಇವನ್ನೂ ನೋಡಿ

ನಂದಾದೇವಿ

ಪುಷ್ಪಕಣಿವೆ ರಾಷ್ಟ್ರೀಯ ಉದ್ಯಾನ

ವಿಶ್ವ ಪರಂಪರೆಯ ತಾಣ

ಭಾರತದ ವಿಶ್ವ ಪರಂಪರೆಯ ತಾಣಗಳು