ಈಜು: ಪರಿಷ್ಕರಣೆಗಳ ನಡುವಿನ ವ್ಯತ್ಯಾಸ

 

೧೮೩೦ರ ದಶಕದಲ್ಲಿ ಈಜು ಸ್ಫರ್ಧಾತ್ಮಕ ಮತ್ತು ಮನರಂಜನಾ ಚಟುವಟಿಕೆಯಾಗಿ ಇಂಗ್ಲೆಂಡಿನಲ್ಲಿ ಹೊರಹೊಮ್ಮಿತು. ೧೮೨೮ರಲ್ಲಿ ಮೊತ್ತ ಮೊದಲಬಾರಿಗೆ ಒಳಾಂಗಣ ಈಜುಕೊಳ 'ಸಂತ ಜಾರ್ಜ್ ಬಾತ್ಸ್'ನ್ನು ಸಾರ್ವಜನಿಕರ ಉಪಯೋಗಕ್ಕಾಗಿ ಮುಕ್ತಗೊಳಿಸಲಾಯಿತು. ೧೮೩೭ರ ವೇಳೆಗಾಗಲೇ ರಾಷ್ಟ್ರೀಯ ಈಜು ಸೊಸೈಟಿ ([[https://en.wikipedia.org/wiki/British_Swimming_(organisation)]] ಈಜು ಸ್ಪರ್ಧೆಗಳನ್ನು ಲಂಡನ್ ಸುತ್ತಮುತ್ತ ತಾನು ಕಟ್ಟಿದ ಆರು ಕೃತಕ ಈಜುಕೊಳಗಳಲ್ಲಿ ನಡೆಸಿಕೊಂಡು ಬರುತ್ತಿತ್ತು. ಮನರಂಜನೆಗಾಗಿ ಈಜುವ ಪ್ರವೃತ್ತಿ ಆ ವೇಳೆಗೆ ತುಂಬಾ ಪ್ರಸಿದ್ಧವಾಯಿತು. ೧೮೮೦ರಲ್ಲಿ ಮೊತ್ತ ಮೊದಲ ರಾಷ್ಟ್ರೀಯ ನಿಯಂತ್ರಣ ಮಂಡಳಿಯಾದ ಹವ್ಯಾಸಿ ಈಜುಗಾರರ ಸಂಘಟನೆ ಹುಟ್ಟಿಕೊಳ್ಳುವ ಸಮಯಕ್ಕೆ ಸುಮಾರು ೩೦೦ ಪ್ರಾದೇಶಿಕ ಗುಂಪುಗಳು ಇಂಗ್ಲೆಂಡಿನ ತುಂಬೆಲ್ಲಾ ಹುಟ್ಟಿಕೊಂಡಿದ್ದವು.