ಗಿರಿಜಾ ಲೋಕೇಶ್: ಪರಿಷ್ಕರಣೆಗಳ ನಡುವಿನ ವ್ಯತ್ಯಾಸ

'''ಗಿರಿಜಾ ಲೋಕೇಶ್''' ಕನ್ನಡದ ಹೆಸರಾಂತ ಚಲನಚಿತ್ರ, ರಂಗಭೂಮಿ ಮತ್ತು ಕಿರುತೆರೆ ನಟಿ. '''[[ಕಾಕನ ಕೋಟೆ]]'''(೧೯೭೭), '''[[ದಾಹ]]'''(೧೯೭೯), '''[[ಭುಜಂಗಯ್ಯನ ದಶಾವತಾರ]]'''(೧೯೯೧) ಮತ್ತು '''ಯಾರಿಗೂ ಹೇಳ್ಬೇಡಿ'''(೧೯೯೪) ಮುಂತಾದ ಚಿತ್ರಗಳಲ್ಲಿ ಮುಖ್ಯ ಪಾತ್ರಗಳಲ್ಲಿ ಕಾಣಿಸಿಕೊಂಡು ಸ್ಮರಣೀಯ ಅಭಿನಯ ನೀಡಿದ ಗಿರಿಜಾ ೨೦೦ಕ್ಕೂ ಹೆಚ್ಚು ಚಿತ್ರಗಳಲ್ಲಿ ವೈವಿಧ್ಯಮಯ ಪಾತ್ರಗಳಲ್ಲಿ ಗಮನಾರ್ಹ ಅಭಿನಯ ನೀಡಿದ್ದಾರೆ. ಚಿತ್ರರಂಗಕ್ಕೆ ಬರುವುದಕ್ಕಿಂತ ಮೊದಲೇ ರಂಗಭೂಮಿ ಕಲಾವಿದೆಯಾಗಿರುವ ಗಿರಿಜಾ '''ಪ್ರಭಾತ್ ಶಿಶುವಿಹಾರ''', '''ರಂಗಸಂಪದ''', '''ನಟರಂಗ''' ಮುಂತಾದ ಜನಪ್ರಿಯ ತಂಡಗಳಲ್ಲಿ ಸಾವಿರಾರು ನಾಟಕಗಳಲ್ಲಿ ಅಭಿನಯಿಸಿದ್ದಾರೆ. ಕನ್ನಡವಲ್ಲದೇ ಉರ್ದು, ತಮಿಳು, ತೆಲುಗು, ಮಲಯಾಳಂ ನಾಟಕಗಳಲ್ಲೂ ನಟಿಸಿದ್ದಾರೆ. ಗಿರಿಜಾ ಅಭಿನಯದ ಕಿರುತೆರೆ ಧಾರಾವಾಹಿಗಳ ಸಂಖ್ಯೆ ೩೦೦ ದಾಟುತ್ತದೆ. '''[[ವೈಶಾಲಿ ಕಾಸರವಳ್ಳಿ]]''' ನಿರ್ದೇಶನದ '''ಮುತ್ತಿನ ತೋರಣ''' ಗಿರಿಜಾ ಅವರ ಪ್ರತಿಭೆಯನ್ನು ಒರೆಗೆ ಹಚ್ಚಿದ ಧಾರಾವಾಹಿ. '''[[ಭುಜಂಗಯ್ಯನ ದಶಾವತಾರ]]''' ಮತ್ತು '''ಸಿದ್ಲಿಂಗು''' ಚಿತ್ರಗಳಿಗೆ ಕರ್ನಾಟಕ ರಾಜ್ಯ ಸರ್ಕಾರದ ಶ್ರೇಷ್ಠ ಪೋಷಕ ನಟಿ ಪ್ರಶಸ್ತಿಯನ್ನು ಪಡೆದಿದ್ದಾರೆ<ref name="ಸಿನೆಮಾ, ಎಚ್.ಎಸ್. ರೋಹಿಣಿ">{{cite web|title=ಮಮ್ಮಿ ನಂಬರ್ 1|url=http://www.prajavani.net/news/article/2013/04/26/165424.html|publisher=ಪ್ರಜಾವಾಣಿ}}{{Dead link|date=ಸೆಪ್ಟೆಂಬರ್ 2021 |bot=InternetArchiveBot |fix-attempted=yes }}</ref>.