ರಿಕಾಪು
ರಿಕಾಪು ಸವಾರನ ಪಾದವನ್ನು ಹಿಡಿಯುವ, ಹಲವುವೇಳೆ ರಿಕಾಪು ಚರ್ಮವೆಂದು ಕರೆಯಲಾಗುವ ಒಂದು ಚರ್ಮದ ಪಟ್ಟಿಯಿಂದ ಜೀನಿಗೆ ಜೋಡಿಸಲಾದ ಒಂದು ಹಗುರವಾದ ರಚನೆ ಅಥವಾ ಬಳೆ. ರಿಕಾಪುಗಳು ಸಾಮಾನ್ಯವಾಗಿ ಜೋಡಿಯಾಗಿ ದೊರೆಯುತ್ತವೆ ಮತ್ತು ಒಂದು ಸವಾರಿ ಪ್ರಾಣಿಯನ್ನು (ಸಾಮಾನ್ಯವಾಗಿ ಒಂದು ಕುದುರೆ ಅಥವಾ ಹೇಸರಗತ್ತೆಯಂತಹ ಏಕೂಸ್ ವಂಶಕ್ಕೆ ಸೇರಿದ ಇತರ ಪ್ರಾಣಿ) ಬಳಸುವಾಗ ಹತ್ತಲು ನೆರವು ನೀಡಲು ಹಾಗೂ ಒಂದು ಆಧಾರವಾಗಿ ಬಳಸಲ್ಪಡುತ್ತವೆ. ಅದು ಸವಾರನ ಜೀನಿನಲ್ಲೇ ನಿಲ್ಲುವ ಮತ್ತು ಸವಾರಿ ಪ್ರಾಣಿಯನ್ನು ನಿಯಂತ್ರಿಸುವ ಸಾಮರ್ಥ್ಯವನ್ನು ಹೆಚ್ಚಿಸುವುದರ ಜೊತೆಗೆ ಸಂಪರ್ಕ, ಸಾರಿಗೆ ಹಾಗೂ ಯುದ್ಧದಲ್ಲಿ ಪ್ರಾಣಿಯ ಉಪಯುಕ್ತತೆಯನ್ನು ಬಹಳವಾಗಿ ಹೆಚ್ಚಿಸುತ್ತದೆ.
