ಪರಿಧಿ

ರೇಖಾಗಣಿತದಲ್ಲಿ, ವೃತ್ತದ ಪರಿಧಿ ಎಂದರೆ ಅದರ ಸುತ್ತಲಿನ (ರೇಖೀಯ) ದೂರ. ಅಂದರೆ ಪರಿಧಿಯು ವೃತ್ತವನ್ನು ತೆರೆದು ರೇಖಾ ಖಂಡವಾಗಿ ನೇರಗೊಳಿಸಿದಾಗ ಅದರ ಉದ್ದವಾಗಿರುತ್ತದೆ. ವೃತ್ತವು ಬಿಲ್ಲೆಯ ಅಂಚಾಗಿರುವುದರಿಂದ (ಗಡಿರೇಖೆ), ಪರಿಧಿಯು ಸುತ್ತಳತೆಯ ವಿಶೇಷ ನಿದರ್ಶನವಾಗಿದೆ. ಸುತ್ತಳತೆಯು ಯಾವುದೇ ಸಂವೃತ ಆಕಾರದ ಸುತ್ತಲಿನ ಉದ್ದವಾಗಿರುತ್ತದೆ. ಈ ಪದವನ್ನು ಬಹುತೇಕ ಆಕೃತಿಗಳಿಗೆ ಬಳಸಲಾಗುತ್ತದೆ, ಆದರೆ ವೃತ್ತ ಮತ್ತು ದೀರ್ಘವೃತ್ತದಂತಹ ಕೆಲವು ವೃತ್ತದಂತಹ ಆಕೃತಿಗಳನ್ನು ಹೊರತುಪಡಿಸಿ. ಅನೌಪಚಾರಿಕವಾಗಿ, "ಪರಿಧಿ" ಪದವು ಅಂಚಿನ ಉದ್ದದ ಬದಲು ಅಂಚನ್ನು ಕೂಡ ಸೂಚಿಸಬಹುದು.

ಒಂದು ವೃತ್ತದ ಪರಿಧಿ (ಕಪ್ಪು ಅಕ್ಷರದಲ್ಲಿ C).

π ನೊಂದಿಗಿನ ಸಂಬಂಧ

ವೃತ್ತದ ಪರಿಧಿಯು ಅತ್ಯಂತ ಮುಖ್ಯವಾದ ಗಣಿತದ ಸ್ಥಿರಾಂಕಗಳಲ್ಲಿ ಒಂದಕ್ಕೆ ಸಂಬಂಧಿಸಿದೆ. ಈ ಸ್ಥಿರಾಂಕ ಪೈ ಅನ್ನು ಗ್ರೀಕ್ ಅಕ್ಷರ π ಇಂದ ಚಿತ್ರಿಸಲಾಗುತ್ತದೆ. π ಯ ಸಂಖ್ಯಾತ್ಮಕ ಮೌಲ್ಯದ ಮೊದಲ ಕೆಲವು ದಶಮಾನ ಅಂಕಿಗಳೆಂದರೆ 3.141592653589793 ... ಪೈ ಯನ್ನು ವೃತ್ತದ ಪರಿಧಿ C ಮತ್ತು ಅದರ ವ್ಯಾಸ d ಯ ಅನುಪಾತ ಎಂದು ವ್ಯಾಖ್ಯಾನಿಸಲಾಗುತ್ತದೆ:

$\pi ={\frac {C}{d}}.$