ಗುಂಜಾ ನರಸಿಂಹ ಸ್ವಾಮಿ ದೇವಾಲಯ, ತಿರುಮಕೂಡಲು ನರಸೀಪುರ
ಗುಂಜಾ ನರಸಿಮ ಸ್ವಾಮಿ ದೇವಸ್ಥಾನವು ತಿರುಮಕೂಡಲು ನರಸೀಪುರದಲ್ಲಿರುವ ಹಿಂದೂ ದೇವಾಲಯವಾಗಿದೆ, ಇದು ಮೈಸೂರು ಜಿಲ್ಲೆಯ, ಕರ್ನಾಟಕ ರಾಜ್ಯದ, ಭಾರತದಲ್ಲಿದೆ. ಈ ಪಟ್ಟಣವು ಮೈಸೂರಿನಿಂದ ಆಗ್ನೇಯಕ್ಕೆ ೨೦ ಮೈಲುಗಳಷ್ಟು ದೂರದಲ್ಲಿದೆ. ಈ ದೇವಾಲಯವು ವಿಜಯನಗರ ಸಾಮ್ರಾಜ್ಯದ ಸುಮಾರು ೧೬ ನೇ ಆಳ್ವಿಕೆಗೂ ಹಿಂದಿನದು ಮತ್ತು ಪ್ರವೇಶ ದ್ವಾರದ ಮೇಲೆ (ಮಹಾದ್ವಾರ) ಭವ್ಯವಾದ ಗೋಪುರ ಮತ್ತು ಗರ್ಭಗುಡಿಯ ಮುಂಭಾಗದಲ್ಲಿ ನಾಲ್ಕು ಕಂಬಗಳ ಮಂಟಪವಿದ್ದು ದ್ರಾವಿಡ ಶೈಲಿಯಲ್ಲಿ ನಿರ್ಮಿಸಲಾಗಿದೆ. ಈ ದೇವಾಲಯವು ಕಾವೇರಿ ನದಿ ಮತ್ತು ಕಬಿನಿ ನದಿಯ ಸಂಗಮದಲ್ಲಿದೆ ಮತ್ತು ಇದನ್ನು ಹಿಂದೂಗಳು ಪವಿತ್ರಕ್ಷೇತ್ರವೆಂದು ಪರಿಗಣಿಸುತ್ತಾರೆ. ಮುಖ್ಯ ದ್ವಾರದ ಮುಂಭಾಗದಲ್ಲಿ ಬೆಳೆಯುವ ಗುಂಜಾ (ಗುಲಗಂಜಿ) ಮರದಿಂದಾಗಿ (ಸಸ್ಯ ಶಾಸ್ತ್ರದಲ್ಲಿ ಅಬ್ರಸ್ ಪ್ರಿಕಾಟೋರಿಯಸ್ ) ದೇವಾಲಯವು ಈ ಹೆಸರನ್ನು ಪಡೆದುಕೊಂಡಿದೆ; ಗುಲಗಂಜಿ ಗಿಡದ ತೂಕದಷ್ಟು ವಾರಣಾಸಿ (ಕಾಶಿ) ಗಿಂತ ಈ ದೇವಾಲಯವು ಹೆಚ್ಚು ಪವಿತ್ರವಾಗಿದೆ ಎಂಬುದು ಸ್ಥಳೀಯರು ಹೆಮ್ಮೆಯಿಂದ ಹೇಳಿಕೋಳ್ಳುತ್ತಾರೆ. ದೇವಾಲಯದಲ್ಲಿನ ಶಿಲ್ಪಗಳು ಹಿಂದೂ ದೇವರು ನರಸಿಂಹ (ಗುಂಜಾ ಬೆರ್ರಿ ಮತ್ತು ಕಾಂಡವನ್ನು ಹಿಡಿದಿರುವ) ಮತ್ತು ರಾಕ್ಷಸ ರಾಜ ಹಿರಣ್ಯಕಶಿಪುವನ್ನು ಒಳಗೊಂಡಿವೆ. [೧]
ಗುಂಜಾ ನರಸಿಂಹ ಸ್ವಾಮಿ ದೇವಸ್ಥಾನ | |
|---|---|
ಹಿಂದೂ ದೇವಾಲಯ | |
 ಗುಂಜಾ ನರಸಿಂಹ ಸ್ವಾಮಿ ದೇವಸ್ಥಾನದ ದ್ರಾವಿಡ ಗೋಪುರ | |
| ದೇಶ | ಭಾರತ |
| ರಾಜ್ಯ | ಕರ್ನಾಟಕ |
| ಜಿಲ್ಲೆ | ಮೈಸೂರು |
| Talukas | ತಿರುಮಕೂಡಲು ನರಸೀಪುರ |
| Languages | |
| ಸಮಯ ವಲಯ | ಯುಟಿಸಿ+5:30 (IST) |
ಬ್ರಿಟಿಷ್ ರಾಜ್ ಇತಿಹಾಸಕಾರ ಮತ್ತು ಶಾಸನಶಾಸ್ತ್ರಜ್ಞ ಬಿ. ಲೆವಿಸ್ ರೈಸ್ ಪ್ರಕಾರ, ಈ ದೇವಾಲಯವು ವಾರ್ಷಿಕ ನಿರ್ವಹಣೆಯೊಂದಿಗೆ ಮೈಸೂರಿನ ("ಊಳಿಗಮಾನ್ಯ ಪ್ರಭು") ಆಶ್ರಯದಲ್ಲಿತ್ತು. ಈ ಸಮಯದಲ್ಲಿ ದೇವಾಲಯವು ದುರಸ್ತಿ ಮತ್ತು ನವೀಕರಣವಾಯಿತು ಎಂದು ದಾಖಲೆಗಳು ಸೂಚಿಸುತ್ತವೆ ಎನ್ನುತ್ತಾನೆ. ಈ ದೇವಾಲಯವು ಭಾರತೀಯ ಪುರಾತತ್ವ ಸಮೀಕ್ಷೆಯ ಕರ್ನಾಟಕ ರಾಜ್ಯ ವಿಭಾಗದ ಅಡಿಯಲ್ಲಿ ಸಂರಕ್ಷಿತ ಸ್ಮಾರಕವಾಗಿದೆ. [೨] "ಅಗಸ್ತ್ಯೇಶ್ವರ" ದೇವಸ್ಥಾನ ಎಂದು ಕರೆಯಲ್ಪಡುವ ಮತ್ತೊಂದು ದೇವಾಲಯವಿದೆ, ಮತ್ತು ಎರಡೂ ದೇವಾಲಯಗಳು ವಾರ್ಷಿಕವಾಗಿ ಹೆಚ್ಚಿನ ಸಂಖ್ಯೆಯ ಭಕ್ತರನ್ನು ಆಕರ್ಷಿಸುವ ಧಾರ್ಮಿಕ ಜಾತ್ರೆಯ ( ಜಾತ್ರಾ ) ಸ್ಥಳವಾಗಿದೆ. [೧]
ಗ್ಯಾಲರಿ
ಬದಲಾಯಿಸಿ-
ಗುಂಜಾ ನರಸಿಂಹ ಸ್ವಾಮಿ ದೇವಾಲಯದ ಸಂಕೀರ್ಣ, ತಿರುಮಕೂಡಲ್ ನರಸೀಪುರದಪ್ರಾಕಾರದಹೊರಗೆ -
ತಿರುಮಕೂಡಲ್ ನರಸೀಪುರದ ಗುಂಜಾನರಸಿಂಹಸ್ವಾಮಿ ದೇವಸ್ಥಾನದಲ್ಲಿ ಹಿಂಬದಿಯ ನೋಟ -
ತಿರುಮಕೂಡಲ್ ನರಸೀಪುರದ ಗುಂಜಾ ನರಸಿಂಹ ಸ್ವಾಮಿ ದೇವಸ್ಥಾನದ ಹಿಂಭಾಗದಪ್ರಾಕಾರದಲ್ಲಿದೆಚಿಕ್ಕ ದೇಗುಲದ ಮೇಲೆ ಅಲಂಕಾರಿಕ ಬಾಗಿಲು ಜಾಂಬ್ ಮತ್ತು ಲಿಂಟಲ್ -
ತಿರುಮಕೂಡಲ್ ನರಸೀಪುರದ ಗುಂಜಾ ನರಸಿಂಹಸ್ವಾಮಿ ದೇವಸ್ಥಾನದಮಂಟಪಕ್ಕೆಕಂಬದ ಪ್ರವೇಶ
- ↑ ೧.೦ ೧.೧ "Ancient shrine wears a new look". R Krishna Kumar. The Hindu. Retrieved 10 June 2015. ಉಲ್ಲೇಖ ದೋಷ: Invalid
<ref>tag; name "hiranya" defined multiple times with different content - ↑ "Protected Monuments in Karnataka". Archaeological Survey of India, Government of India. Indira Gandhi National Center for the Arts. Retrieved 2 June 2015.