ಉದ್ಘರ್ಷ (ಚಲನಚಿತ್ರ)

ಉದ್ಘರ್ಷ 2019 ರ ಕನ್ನಡ ಭಾಷೆಯ ಸಸ್ಪೆನ್ಸ್ ಆಕ್ಷನ್ ಥ್ರಿಲ್ಲರ್ ಚಲನಚಿತ್ರ, ಸುನಿಲ್ ಕುಮಾರ್ ದೇಸಾಯಿ ಈ ಚಿತ್ರವನ್ನು ಬರೆದು ನಿರ್ದೇಶಿಸಿದ್ದಾರೆ. ಈ ಚಿತ್ರವನ್ನು ತೆಲುಗು ಮತ್ತು ಮಲಯಾಳಂಗೆ ಅದೇ ಶೀರ್ಷಿಕೆಯೊಂದಿಗೆ ಮತ್ತು ತಮಿಳು ಭಾಷೆಯಲ್ಲಿ ಉಚಕತ್ತಂ ಎಂದು ಡಬ್ ಮಾಡಲಾಯಿತು . ಡಿ ಕ್ರಿಯೇಷನ್ಸ್ ಬ್ಯಾನರ್ ಅಡಿಯಲ್ಲಿ ದೇವರಾಜ್ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಈ ಚಿತ್ರದಲ್ಲಿ ಠಾಕೂರ್ ಅನೂಪ್ ಸಿಂಗ್, ಸಾಯಿ ಧನ್ಸಿಕಾ, ಹರ್ಷಿಕಾ ಪೂನಚ್ಚ, ಕಿಶೋರ್, ಡಾ. ಕಿಂಗ್‌ಮೂಹನ್, ತಾನ್ಯಾ ಹೋಪ್, ಕಬೀರ್ ದುಹಾನ್ ಸಿಂಗ್, ಪ್ರಭಾಕರ್, ಮತ್ತು ಶ್ರದ್ಧಾ ದಾಸ್ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಉದ್ಘರ್ಷ
ನಿರ್ದೇಶನ	ಸುನೀಲ್ ಕುಮಾರ್ ದೇಸಾಯಿ
ನಿರ್ಮಾಪಕ	ದೇವರಾಜ್ ಡಿ
ಲೇಖಕ	ಸುನೀಲ್ ಕುಮಾರ್ ದೇಸಾಯಿ
ಚಿತ್ರಕಥೆ	ಸುನೀಲ್ ಕುಮಾರ್ ದೇಸಾಯಿ
ಕಥೆ	ಸುನೀಲ್ ಕುಮಾರ್ ದೇಸಾಯಿ
ಪಾತ್ರವರ್ಗ	ಠಾಕೂರ್ ಅನೂಪ್ ಸಿಂಗ್ ಸಾಯಿ ಧನ್ಸಿಕಾ ತಾನ್ಯಾ ಹೋಪ್ ಹರ್ಷಿಕಾ ಪೂನಚ್ಚ ಕಿಶೋರ್
ಸಂಗೀತ	ಸಂಜೋಯ್ ಚೌಧರಿ
ಸ್ಟುಡಿಯೋ	ಡಿ ಕ್ರೀಯೇಷನ್ಸ್
ಬಿಡುಗಡೆಯಾಗಿದ್ದು	22 ಮಾರ್ಚ್ 2019 (2019-03-22)
ದೇಶ	ಭಾರತ
ಭಾಷೆ	ಕನ್ನಡ

ಪಾತ್ರವರ್ಗ

• ಆದಿತ್ಯ ಪಾತ್ರದಲ್ಲಿ ಠಾಕೂರ್ ಅನೂಪ್ ಸಿಂಗ್
• ರಶ್ಮಿ ಪಾತ್ರದಲ್ಲಿ ಸಾಯಿ ಧನ್ಸಿಕಾ
• ಕರೀಶ್ಮಾ ಪಾತ್ರದಲ್ಲಿ ತಾನ್ಯಾ ಹೋಪ್
• ಹರ್ಷಿಕಾ ಪೂನಚ್ಚ
• ಕಬೀರ್ ದುಹಾನ್ ಸಿಂಗ್
• ಪ್ರಭಾಕರ್
• ಶ್ರದ್ಧಾ ದಾಸ್
• ಮೆನನ್ ಪಾತ್ರದಲ್ಲಿ ಕಿಶೋರ್
• ಶ್ರವಣ್ ರಾಘವೇಂದ್ರ
• ವಂಶಿ ಕೃಷ್ಣ

ನಿರ್ಮಾಣ

ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್‌ಗೆ ನೀಡಿದ ಸಂದರ್ಶನದಲ್ಲಿ, ನಿರ್ದೇಶಕರು "ಈ ಚಿತ್ರವು ಕೇವಲ 20 ನಿಮಿಷಗಳ ಸಂಭಾಷಣೆಯನ್ನು ಹೊಂದಿದ್ದು ಚಿತ್ರದ ಉಳಿದ ಭಾಗವು ದೃಶ್ಯಗಳು, ಸಂಗೀತ ಮತ್ತು ಪರಿಣಾಮಗಳನ್ನು ಒಳಗೊಂಡಿರುವ ಕಾರಣದಿಂದ ಉದ್ಘರ್ಷ ವಿಶಿಷ್ಟವಾಗಿದೆ" ಎಂದು ಹೇಳಿದರು. ಹಿನ್ನೆಲೆ ಸಂಗೀತದಲ್ಲಿ ಪರಿಣಿತರೆಂದು ಪರಿಗಣಿಸಲ್ಪಟ್ಟಿರುವ ಬಾಲಿವುಡ್ ಸಂಗೀತ ನಿರ್ದೇಶಕ ಸಂಜೋಯ್ ಚೌಧರಿ ಈ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ. ಚಿತ್ರದ ಫಸ್ಟ್‌ಲುಕ್ ಸೋಶಿಯಲ್ ಮೀಡಿಯಾದಲ್ಲಿ ಬಿಡುಗಡೆಯಾಗಿದ್ದು, ಹೆಚ್ಚಿನ ಆಸಕ್ತಿಯನ್ನು ಹುಟ್ಟುಹಾಕಿದೆ. ಚಿತ್ರದ ಬಹುಪಾಲು ಚಿತ್ರೀಕರಣ ಕೊಡಗು ಚಿತ್ರದಲ್ಲಿದೆ.