ಮುಖ್ಯ ಮೆನು ತೆರೆ
ಅಕೇಶಿಯ(Acacia)
Acacia greggii thorns.jpg
Acacia greggii
ವೈಜ್ಞಾನಿಕ ವರ್ಗೀಕರಣ
ಸಾಮ್ರಾಜ್ಯ: Plantae
ವಿಭಾಗ: Magnoliophyta
ವರ್ಗ: Magnoliopsida
ಗಣ: Fabales
ಕುಟುಂಬ: Fabaceae
ಉಪಕುಟುಂಬ: Mimosoideae
ಬುಡಕಟ್ಟು: Acacieae
ಕುಲ: Acacia
Mill.[೧]
Species

About 1,300; see List of Acacia species

ಅಕೇಶಿಯ (pronounced /əˈkeɪʃə/) ಫ್ಯಾಬಸಿಯೆ ಕುಟುಂಬಕ್ಕೆ ಸೇರಿದ ಮಿಮೋಸೋಯ್ಡಿ ಉಪಪ್ರಭೇದ ಪೊದೆಗಳು ಹಾಗು ಮರಗಳ ಕುಲಕ್ಕೆ ಸೇರಿದೆ. ಇದರ ಅಸ್ತಿತ್ವವನ್ನು ಸ್ವೀಡಿಶ್‌ನ ಸಸ್ಯವಿಜ್ಞಾನಿ ಕಾರ್ಲ್ ಲಿನ್ನಯಯುಸ್ 1773ರಲ್ಲಿ ಮೊದಲ ಬಾರಿಗೆ ಆಫ್ರಿಕಾದಲ್ಲಿ ಪತ್ತೆ ಮಾಡಿದರು. ಆಸ್ಟ್ರೇಲಿಯನ್ ಪ್ರಭೇಧವಲ್ಲದ ಹಲವು ಮರಗಳು ಮುಳ್ಳಿನಿಂದ ಕೂಡಿರುತ್ತವೆ, ಆದರೆ ಬಹುತೇಕ ಆಸ್ಟ್ರೇಲಿಯನ್ ಅಕೇಶಿಯಗಳಲ್ಲಿ ಮುಳ್ಳುಗಳಿರುವುದಿಲ್ಲ. ಇವುಗಳು ಬೀಜಕೋಶದಿಂದ ಹುಟ್ಟುತ್ತವೆ, ಜೊತೆಗೆ ಸಸ್ಯರಸ ಹಾಗು ಎಲೆಗಳು ವಿಶೇಷವಾಗಿ ದೊಡ್ಡ ಪ್ರಮಾಣದ ಟ್ಯಾನಿನ್ ಗಳನ್ನು (ಚರ್ಮ ಹದ ಮಾಡಲು ಹಾಗು ಶಾಯಿಯನ್ನು ತಯಾರಿಸಲು ಮರದ ತೊಗಟೆಗಳಿಂದ ತೆಗೆದ ಬಂಧಕ ವಸ್ತು) ಉತ್ಪಾದಿಸುತ್ತವೆ. ಮರಕ್ಕೆ ಅದರ ಕುಲದ ಹೆಸರು ακακία(ಅಕಾಕಿಯ ) ನಿಂದ ವ್ಯತ್ಪತ್ತಿಯಾಗಿದೆ. ಹಿಂದಿನ ಗ್ರೀಕ್ ಸಸ್ಯವಿಜ್ಞಾನಿ-ವೈದ್ಯ ಪೆಡನಿಯಸ್ ಡಿಯೋಸ್ಕೋರೈಡೆಸ್(ಸುಮಾರು 40-90) ಔಷಧೀಯ ಮರವಾದ A. ನಿಲೋಟಿಕಾ ಗೆ ತಮ್ಮ ಪುಸ್ತಕ ಮಟೆರಿಯ ಮೆಡಿಕಾ ನಲ್ಲಿ ಈ ಹೆಸರನ್ನು ನೀಡಿದ್ದಾರೆ.[೨] ಮರವು ಈ ಹೆಸರನ್ನು ಗ್ರೀಕ್ ನಿಂದ ತನ್ನ ವಿಶಿಷ್ಟವಾದ ಮುಳ್ಳುಗಳಿಂದಾಗಿ ಪಡೆದುಕೊಂಡಿದೆ, ακις (ಅಕಿಸ್, ಮುಳ್ಳು ).[೩] ಮರವು ನೈಲ್ ನದಿಯ ತಟದುದ್ದಕ್ಕೂ ವ್ಯಾಪಕವಾಗಿ ಬೆಳೆದಿರುವ ಕಾರಣದಿಂದಾಗಿ ನಿಲೋಟಿಕ ಎಂಬ ಪ್ರಭೇದ ಹೆಸರನ್ನು ಲಿನ್ನಯುಸ್ ನೀಡಿದ್ದಾರೆ. ಅಕೇಶಿಯಗಳನ್ನು ಮುಳ್ಳಿನಮರಗಳು , ಸಿಳ್ಳೆಯಂತೆ ಶಬ್ದಮಾಡುವ ಮುಳ್ಳು ಗಳು ಅಥವಾ ವಾಟಲ್‌ಗಳು (ತಡಿಕೆಗಳು) ಎಂದೂ ಸಹ ಕರೆಯಲಾಗುತ್ತದೆ, ಇದರಲ್ಲಿ ಎಲ್ಲೊ-ಫೀವರ್ ಅಕೇಶಿಯ ಹಾಗು ಅಂಬ್ರೆಲಾ ಅಕೇಶಿಯಗಳೂ ಸೇರಿವೆ. ಕಳೆದ 2005ರವರೆಗೂ, ವಿಶ್ವವ್ಯಾಪಿಯಾಗಿ ಸರಿಸುಮಾರು ಅಕೇಶಿಯದ 1300 ಪ್ರಭೇದಗಳು ಇವೆಯೆಂದು ಭಾವಿಸಲಾಗಿದೆ. ಇದರಲ್ಲಿ ಸುಮಾರು 960 ಅಕೇಶಿಯಗಳು ಆಸ್ಟ್ರೇಲಿಯ ಮೂಲದ್ದಾಗಿದೆ, ಉಳಿದ ಅಕೇಶಿಯಗಳು ಎರಡೂ ಖಗೋಳಾರ್ಧದ ಉಷ್ಣವಲಯದಿಂದ ಸಮಶೀತೋಷ್ಣ ಪ್ರದೇಶಗಳ ಸುತ್ತಮುತ್ತ ಹರಡಿಕೊಂಡಿವೆ, ಇದರಲ್ಲಿ ಯುರೋಪ್, ಆಫ್ರಿಕಾ, ದಕ್ಷಿಣ ಏಷ್ಯ ಹಾಗು ಅಮೇರಿಕಾಗಳು ಸೇರಿವೆ. ಆದಾಗ್ಯೂ, ಈ ಕುಲವನ್ನು ಐದು ಭಾಗಗಳಾಗಿ ವಿಂಗಡಿಸಲಾಗಿದೆ, ಅಕೇಶಿಯ ಎಂಬ ಹೆಸರನ್ನು ಆಸ್ಟ್ರೇಲಿಯನ್ ಪ್ರಭೇದಗಳಿಗೆ ಉಳಿಸಿಕೊಳ್ಳಲಾಗಿದೆ, ಹಾಗು ಆಸ್ಟ್ರೇಲಿಯಾದ ಹೊರಗಿರುವ ಬಹುತೇಕ ಸಸ್ಯ ಪ್ರಭೇದಗಳನ್ನು ವಚೆಲ್ಲಿಯ ಹಾಗು ಸೆನೆಗಲಿಯ ಎಂದು ವಿಂಗಡಿಸಲಾಗಿದೆ.

ಪರಿವಿಡಿ

ವರ್ಗೀಕರಣಸಂಪಾದಿಸಿ

 
ಅಕೇಶಿಯ ಪಿಕ್ನಂಥಾ
 
ಅಕೇಶಿಯ ಬರ್ಲಂಡಿಯೇರಿ
 
ಅಕೇಶಿಯ ಸ್ಮಲ್ಲೀ

ಅಕೇಶಿಯ ಕುಲದ ಸಸ್ಯವು ಸ್ಪಷ್ಟವಾಗಿ ಏಕಜೈವಿಕಕುಲದ್ದಾಗಿಲ್ಲ. ಈ ಶೋಧನೆಯಿಂದಾಗಿ ಅಕೇಶಿಯ ಸಸ್ಯದ ಐದು ಹೊಸ ಕುಲಗಳ ಹುಟ್ಟಿಗೆ ಕಾರಣವಾಗಿದೆ. ಇದನ್ನು ಅಕೇಶಿಯ ಪ್ರಭೇದಗಳ ಪಟ್ಟಿಯಲ್ಲಿ ಚರ್ಚಿಸಲಾಗಿದೆ. ಸಾಧಾರಣ ರೂಢಿಯಲ್ಲಿ, "ಅಕೇಶಿಯ" ಎಂಬ ಪದವನ್ನು ಸಾಂಧರ್ಬಿಕವಾಗಿ ರೋಬಿನಿಯ ಕುಲದ ಸಸ್ಯ ಪ್ರಭೇದಗಳೊಂದಿಗೆ ತಪ್ಪಾಗಿ ಬಳಕೆ ಮಾಡಲಾಗುತ್ತದೆ, ಇದೂ ಸಹ ಬಟಾಣಿ ಗಿಡದ ಕುಟುಂಬಕ್ಕೆ ಸೇರುತ್ತದೆ. ಅಮೆರಿಕನ್ ಪ್ರಭೇದ ರೋಬಿನಿಯ ಸ್ಯುಡೋಅಕೇಶಿಯ ಸ್ಥಳೀಯವಾಗಿ ಬ್ಲ್ಯಾಕ್ ಲೋಕಸ್ಟ್ ಎಂದು ಪರಿಚಿತವಾಗಿದೆ, ಇದನ್ನು ಕೆಲವೊಂದು ಬಾರಿ "ನಕಲಿ ಅಕೇಶಿಯ" ಎಂದು ಯುನೈಟೆಡ್ ಕಿಂಗ್ಡಮ್ ನ ಬೇಸಾಯದಲ್ಲಿ ಕರೆಯಲಾಗುತ್ತದೆ.

ಭೌಗೋಳಿಕಸಂಪಾದಿಸಿ

ದಕ್ಷಿಣತುದಿಯಲ್ಲಿರುವ ಸಸ್ಯಕುಲದ ಪ್ರಭೇದಗಳೆಂದರೆ ಅಕೇಶಿಯ ಡೆಲ್ಬಾಟ (ಸಿಲ್ವರ್ ವಾಟಲ್), ಅಕೇಶಿಯ ಲೊಂಗಿಫೋಲಿಯ (ಕೋಸ್ಟ್ ವಾಟಲ್ ಅಥವಾ ಸಿಡ್ನಿ ಗೋಲ್ಡನ್ ವಾಟಲ್), ಅಕೇಶಿಯ ಮೆಯರ್ನ್ಸೀ (ಬ್ಲ್ಯಾಕ್ ವಾಟಲ್), ಹಾಗು ಅಕೇಶಿಯ ಮೆಲನೋಜೈಲೋನ್ (ಬ್ಲ್ಯಾಕ್ ವುಡ್)ಗಳು ಆಸ್ಟ್ರೇಲಿಯಾದ ತಾಸ್ಮೇನಿಯನಲ್ಲಿ 43°30'Sವರೆಗೂ ವ್ಯಾಪಿಸಿದೆ, ಅಕೇಶಿಯ ಕಾವೆನ್ (ಎಸ್ಪಿನಿಲ್ಲೋ ನೆಗ್ರೋ ) ಅರ್ಜೆಂಟೀನದ ಚುಬುತ್ ಪ್ರಾಂತ್ಯದ ಈಶಾನ್ಯ ದಿಕ್ಕಿನ ದೂರದ ದಕ್ಷಿಣದವರೆಗೂ ಕಂಡುಬರುತ್ತದೆ. ಆಸ್ಟ್ರೇಲಿಯನ್ ಪ್ರಭೇದಗಳನ್ನು ಸಾಮಾನ್ಯವಾಗಿ ವಾಟಲ್ ಗಳೆಂದು ಕರೆಯಲಾಗುತ್ತದೆ, ಆದರೆ ಆಫ್ರಿಕನ್ ಹಾಗು ಅಮೆರಿಕನ್ ಪ್ರಭೇದಗಳನ್ನು ಅಕೇಶಿಯಗಳೆಂದು ಕರೆಯಲಾಗುತ್ತದೆ.

 
ಅಕೇಶಿಯ ರೆಟಿನೋಡ್ಸ್

ಅಕೇಶಿಯ ಅಲ್ಬಿಡಾ , ಅಕೇಶಿಯ ಟೋರ್ಟಿಲಿಸ್ ಹಾಗು ಅಕೇಶಿಯ ಇರಾಕೆನ್ಸಿಸ್ ಗಳು ಸಿನೈ ಮರುಭೂಮಿ ಹಾಗು ಜೋರ್ಡನ್ ಕಣಿವೆಯಲ್ಲಿ ವ್ಯಾಪಕವಾಗಿ ಬೆಳೆದಿರುವುದು ಕಂಡುಬರುತ್ತದೆ. ಇದು ಉಷ್ಣವಲಯದ ಭೂಖಂಡದ ವಾತಾವರಣದ ಸವಾನ್ನ ಸಸ್ಯರಾಶಿಯಲ್ಲಿ ಕಂಡುಬರುತ್ತದೆ. ಇದು ವೆಸ್ಟ್ ಇಂಡಿಸ್ ನ ಮೊಂಟ್ಸೆರ್ರಾಟ್‌ನಲ್ಲೂ ವ್ಯಾಪಕವಾಗಿ ಬೆಳೆಯುತ್ತದೆ. ಸ್ಥಳೀಯವಾಗಿ ಅಲ್ಲಿ ಇದು 'ಕುಶ' ಎಂಬ ಹೆಸರಿನಿಂದ ಪರಿಚಿತವಾಗಿದೆ.

ವರ್ಣನೆಸಂಪಾದಿಸಿ

ಸಾಧಾರಣವಾಗಿ ಅಕೇಶಿಯದ ಎಲೆಗಳು ಸಂಯುಕ್ತ ಜೋಡಿಪರ್ಣಗಳನ್ನು ಹೊಂದಿರುತ್ತವೆ. ಆದಾಗ್ಯೂ, ಕೆಲವು ಪ್ರಭೇದಗಳಲ್ಲಿ, ವಿಶೇಷವಾಗಿ ಆಸ್ಟ್ರೇಲಿಯನ್ ಹಾಗು ಪೆಸಿಫಿಕ್ ದ್ವೀಪಗಳ ಪ್ರಭೇದಗಳಲ್ಲಿ, ಪರ್ಣಕಗಳು ಮುಚ್ಚಿಕೊಂಡಿರುತ್ತದೆ. ಹಾಗು ಎಲೆಯ ದಂಟುಗಳು (ಪರ್ಣವೃಂತಗಳು) ಲಂಬವಾಗಿ ಚಪ್ಪಟೆಯಾಕಾರದಲ್ಲಿರುತ್ತವೆ, ಜೊತೆಗೆ ಇವು ಎಲೆಗಳಿಗೆ ಸಹಕಾರಿಯಾಗಿದೆ. ಇದನ್ನು ವೃಂತಗಳು (ಚಪ್ಪಟೆಯಾದ ಎಲೆಯ ಕಾವು) ಎಂದು ಕರೆಯಲಾಗುತ್ತದೆ. ವೃಂತಗಳ ಲಂಬಾಕಾರದ ಸ್ಥಾನವು ಅವುಗಳನ್ನು ತೀವ್ರವಾದ ಸೂರ್ಯ ಬೆಳಕಿನಿಂದ ರಕ್ಷಿಸುತ್ತದೆ, ಅವುಗಳ ತುದಿಯು ಆಕಾಶದೆಡೆಗೆ ಹಾಗೂ ಭೂಮಿಯೆಡೆಗೆ ಚಾಚಿಕೊಂಡಿರುತ್ತವೆ ಹಾಗು ಸಮತಲವಾದ ಎಲೆಗಳ ಮೇಲೆ ಬೀಳುವ ಬೆಳಕನ್ನು ನಿರೋಧಿಸಿದಂತೆ ಅದು ಪೂರ್ಣವಾಗಿ ಬೆಳಕನ್ನು ನಿರೋಧಿಸುವುದಿಲ್ಲ. ಕೆಲವು ಪ್ರಭೇದಗಳಲ್ಲಿ (ಉದಾಹರಣೆಗೆ ಅಕೇಶಿಯ ಗ್ಲುಕಾಪ್ಟೆರ ) ಒಟ್ಟಾರೆಯಾಗಿ ಎಲೆಗಲಾಗಲಿ ಅಥವಾ ವೃಂತಗಳಾಗಲಿ ಇರುವುದಿಲ್ಲ, ಆದರೆ ಇದಕ್ಕೆ ಬದಲಾಗಿ ಚಪ್ಪಟೆ ಕಾಂಡಗಳನ್ನು ಹೊಂದಿರುತ್ತವೆ, ಪರಿವರ್ತಿತ ಎಲೆ ಮಾದರಿಯ ದ್ಯುತಿಸಂಶ್ಲೇಷಕ ಕಾಂಡಗಳು ಎಲೆಗಳ ರೀತಿಯಲ್ಲಿ ಕಾರ್ಯ ನಿರ್ವಹಿಸುತ್ತವೆ.

 
ಅಕೇಶಿಯ ಡೆಲ್ಬಾಟ

ಸಣ್ಣ ಹೂವುಗಳು ಐದು ಸಣ್ಣದಾದ ದಳಗಳನ್ನು ಹೊಂದಿರುತ್ತವೆ, ಇವುಗಳು ಬಹುತೇಕವಾಗಿ ಉದ್ಧವಾದ ಕೇಸರಗಳಿಂದ ಮುಚ್ಚಿರುತ್ತವೆ. ಜೊತೆಗೆ ಇದು ದಟ್ಟವಾದ ಗೋಳಾಕಾರದ ಅಥವಾ ಸಿಲಿಂಡರಾಕಾರದ ಗೊಂಚಲುಗಳಿಂದ ಜೋಡಣೆಯಾಗಿರುತ್ತವೆ; ಹಲವು ಪ್ರಭೇದಗಳಲ್ಲಿ ಇದು ಹಳದಿ ಅಥವಾ ಕೆನೆ ಬಣ್ಣದಿಂದ ಕೂಡಿರುತ್ತವೆ, ಕೆಲವು ಪ್ರಭೇದಗಳು ಬಿಳಿ ಬಣ್ಣದ್ದಾಗಿರುತ್ತವೆ, ಕೆಲವೊಂದು ನೇರಳೆ ಬಣ್ಣದಲ್ಲೂ ಸಹ ಇರುತ್ತವೆ (ಅಕೇಶಿಯ ಪರ್ಪರಿಯಪೆಟಲ ) ಅಥವಾ ಕೆಂಪು (ಅಕೇಶಿಯ ಲೆಪ್ರೋಸ ಸ್ಕಾರ್ಲೆಟ್ ಬ್ಲೇಜ್). ಅಕೇಶಿಯ ಹೂವುಗಳನ್ನು ಅಲ್ಬಿಜಿಯ ಕುಲದಿಂದ ವ್ಯತ್ಯಾಸ ಗುರುತಿಸಬಹುದು. ಇವುಗಳ ಕೇಸರಗಳು ಬುಡದಲ್ಲಿ ಅಂಟಿಕೊಂಡಿರುವುದಿಲ್ಲ. ಅಲ್ಲದೆ, ಮಿಮೋಸ ಹೂವುಗಳಿಗಿಂತ ಭಿನ್ನವಾಗಿ, ಅಕೇಶಿಯ ಹೂವುಗಳು 10ಕ್ಕಿಂತ ಹೆಚ್ಚಿನ ಕೇಸರಗಳನ್ನು ಹೊಂದಿದೆ.[೪] ವಿಶೇಷವಾಗಿ ಶುಷ್ಕ ಪ್ರದೇಶದಲ್ಲಿ ಬೆಳೆಯುವ ಸಸ್ಯಗಳು ಸಾಮಾನ್ಯವಾಗಿ ಗಡುಸಾದ ರಚನೆಯನ್ನು ಹೊಂದಿರುತ್ತವೆ. ಕೆಲವೊಂದು ಬಾರಿ ಇವುಗಳು ಚಿಕ್ಕದಾದ, ಕಠಿಣವಾದ ಹಾಗು ಮೊನಚಾದ ಕೊಂಬೆಗಳನ್ನು ಹೊಂದಿರುತ್ತವೆ, ಅಥವಾ ಕೆಲವೊಂದು ಬಾರಿ ಎಲೆ-ವೃಂತಪರ್ಣಗಳನ್ನು ಹೊಂದಿರುತ್ತವೆ. ಅಕೇಶಿಯ ಅರ್ಮಟ ಎಂಬುದು ಆಸ್ಟ್ರೇಲಿಯಾದ ಕಾಂಗರೂ-ಮುಳ್ಳಾಗಿದೆ ಹಾಗು ಅಕೇಶಿಯ ಏರಿಯೋಲೋಬ ಆಫ್ರಿಕಾದ ಕ್ಯಾಮಲ್ ಮುಳ್ಳಾಗಿದೆ. ಅಕೇಶಿಯ ಬೀಜಗಳನ್ನು ಚಿಗುರೊಡೆಸುವುದು ಬಹಳ ಕಷ್ಟಕರವಾಗುತ್ತದೆ. ವಿವಿಧ ತಾಪಮಾನಗಳಲ್ಲಿ (ಸಾಮಾನ್ಯವಾಗಿ ಸುಮಾರು 80 °Cನಷ್ಟು) ಬೀಜವನ್ನು ಹುದುಗಿಸಿಡುವುದರಿಂದ ಹಾಗು ಬೀಜದ ಸಿಪ್ಪೆಯನ್ನು ಕೈಯಿಂದ ಸುಲಿಯುವುದರಿಂದ ಸರಾಸರಿ ಶೇಕಡಾ 80ವರೆಗೆ ಇಳುವರಿ ಸುಧಾರಣೆಯಾಗಬಹುದೆಂದು ಸಂಶೋಧನೆಯು ಪತ್ತೆಹಚ್ಚಿದೆ.[೫]

ಸಹಜೀವನಸಂಪಾದಿಸಿ

 
ಅಕೇಶಿಯ ಕಾಲ್ಲಿನ್ಸೀ ಮುಳ್ಳುಗಳು

ಸೆಂಟ್ರಲ್ ಅಮೆರಿಕನ್ ಅಕೇಶಿಯ ಸ್ಫಯೇರೋಸೆಫಲ , ಅಕೇಶಿಯ ಕಾರ್ನಿಗೆರ , ಹಾಗು ಅಕೇಶಿಯ ಕಾಲ್ಲಿನ್ಸೀ (ಇವೆಲ್ಲವೂ ಒಟ್ಟಾರೆಯಾಗಿ ಬುಲ್ ಥಾರ್ನ್ ಅಕೇಶಿಯಗಳೆಂದು ಕರೆಯಲಾಗುತ್ತದೆ), ಮುಳ್ಳಿನ ಮಾದರಿಯ ದೊಡ್ಡ ವೃಂತಪರ್ಣವು ಟೊಳ್ಳಾಗಿರುವುದರ ಜೊತೆಗೆ ಹಲವಾರು ಪ್ರಭೇದಗಳ ಸ್ಯೂಡೋಮೈರ್ಮೆಕ್ಸ್ ಇರುವೆಗಳಿಗೆ ಆಶ್ರಯ ನೀಡಿದೆ. ಇವುಗಳು ಎಲೆಯ-ಕಾಂಡದ ಮೇಲಿರುವ ರಸವನ್ನು ಜೊತೆಗೆ ಪರ್ಣಕಗಳ ತುದಿಯಲ್ಲಿ ಸಂಗ್ರಹವಾಗಿರುವ ಬೆಲ್ತಿಯನ್ ಬಾಡೀಸ್ ಎಂಬ ಸಣ್ಣ, ಮೇದಸ್ಸು ಸಮೃದ್ಧವಾಗಿರುವ ಆಹಾರಾಂಶಗಳನ್ನು ಸೇವಿಸುತ್ತವೆ. ಇದಕ್ಕೆ ಬದಲಾಗಿ, ಇರುವೆಗಳು ಸಸ್ಯಾಹಾರಿಗಳ ವಿರುದ್ಧ ಸಸ್ಯಕ್ಕೆ ರಕ್ಷಣೆಯನ್ನು ಒದಗಿಸುತ್ತವೆ.[೬] ಇರುವೆಗಳ ಕೆಲವು ಪ್ರಭೇದಗಳು ಅಕೇಶಿಯ ಸುತ್ತ ಬೆಳೆಯುವ ಅದರ ವಿರೋಧಿ ಸಸ್ಯಗಳ ವಿರುದ್ಧವೂ ಸಹ ಹೋರಾಡುತ್ತದೆ, ತೊಂದರೆಯನ್ನುಂಟು ಮಾಡುವ ಸಸ್ಯದ ಎಲೆಗಳನ್ನು ತಮ್ಮ ದವಡೆಯಿಂದ ಕಚ್ಚಿ ಹಾಕಿ ಅವುಗಳನ್ನು ಅಂತಿಮವಾಗಿ ಸಾಯಿಸುತ್ತವೆ. ಇರುವೆಗೆ ಸಂಬಂಧಿಸಿದ ಇತರ ಪ್ರಭೇದಗಳು ತಮ್ಮ ಪೋಷಕ ಸಸ್ಯಕ್ಕೆ ಯಾವುದೇ ಪ್ರಯೋಜನವನ್ನು ಒದಗಿಸುವುದಿಲ್ಲ. ಇರುವೆಗಳ ಜೊತೆಗೆ ಇದೇ ರೀತಿಯಾದ ಪರಸ್ಪರಾವಲಂಬನೆಗಳು ಆಫ್ರಿಕಾದ ಅಕೇಶಿಯ ಮರಗಳಲ್ಲಿಯೂ ಸಹ ನಡೆಯುತ್ತದೆ, ಉದಾಹರಣೆಗೆ ಅಕೇಶಿಯದ ಸಿಳ್ಳೆಯಂತೆ ಶಬ್ದ ಮಾಡುವ ಮುಳ್ಳು. ಅಕೇಶಿಯಗಳು ಇರುವೆಗಳಿಗೆ ಮುಳ್ಳುಗಳಲ್ಲಿ ಆಶ್ರಯವನ್ನು ಒದಗಿಸುತ್ತವೆ ಹಾಗು ತಮ್ಮನ್ನು ಅವಲಂಬಿಸಿರುವ ಕ್ರೆಮಟೋಗಸ್ಟೆರ್ ಮಿಮೊಸೆ ಪ್ರಭೇದದ ಇರುವೆಗಳಿಗೆ ಹೂವಿನ ಹೊರಗಿರುವ ಮಕರಂದ ಗ್ರಂಥಿಗಳಿಂದ ಮಕರಂದ ಒದಗಿಸುತ್ತವೆ. ಇದಕ್ಕೆ ಪ್ರತಿಯಾಗಿ, ಇರುವೆಗಳು ಸಸ್ಯಗಳನ್ನು ಆಕ್ರಮಿಸುವ ದೊಡ್ಡ ಸಸ್ತನಿ ವರ್ಗದ ಸಸ್ಯಾಹಾರಿಗಳ ಮೇಲೆ ದಾಳಿ ಮಾಡುವ ಮೂಲಕ ಅದನ್ನು ರಕ್ಷಿಸುತ್ತವೆ ಜೊತೆಗೆ ಸಸ್ಯಕ್ಕೆ ಹಾನಿಯುಂಟುಮಾಡುವ ಕಾಂಡ ಕೊರೆಯುವ ಜೀರುಂಡೆಗಳಿಂದಲೂ ರಕ್ಷಿಸುತ್ತವೆ.

ಉಪದ್ರವಕಾರಿ ಕೀಟಗಳುಸಂಪಾದಿಸಿ

ಆಸ್ಟ್ರೇಲಿಯಾದಲ್ಲಿ, ಅಕೇಶಿಯ ಪ್ರಭೇದ ಸಸ್ಯಗಳನ್ನು ಕೆಲವೊಂದು ಬಾರಿ A. ಲಿಂಗಿವೆರೆನ್ ಸೇರಿದಂತೆ ಯೆನೆಟಸ್ ಕುಲದ ಹೆಪಿಯಾಲಿಡ್ ಪತಂಗದ ಮರಿಹುಳುಗಳು ಆಹಾರದ ಸಸ್ಯವಾಗಿ ಬಳಸುತ್ತವೆ. ಇವುಗಳು ಕಾಂಡವನ್ನು ಮಟ್ಟಸವಾಗಿ ನಂತರ ಕೆಳಕ್ಕೆ ಲಂಬವಾಗಿ ಕೊರೆಯುತ್ತವೆ. ಅಕೇಶಿಯ ವನ್ನು ಆಹಾರವಾಗಿ ಬಳಸುವ ಇತರ ಲೆಪಿಡೋಪ್ಟೆರ ಮರಿಗಳೆಂದರೆ ಬ್ರೌನ್-ಟೈಲ್, ಎಂಡೋಕ್ಲಿಟ ಮಲಬಾರಿಕಸ್ ಹಾಗು ಟರ್ನಿಪ್ ಜೀರುಂಡೆ. ಎಲೆಗಳನ್ನು ತಿನ್ನುವ ಕೆಲವು ಬುಕ್ಕುಲಟ್ರಿಸಿಡ್ ಜೀರುಂಡೆಗಳೂ ಸಹ ಅಕೇಶಿಯ ಸಸ್ಯವನ್ನು ಅದರಲ್ಲೂ ವಿಶೇಷವಾಗಿ ಅಕೇಶಿಯ ಹೊರ್ರಿಡ ವನ್ನು ಆಹಾರಕ್ಕೆ ಅವಲಂಬಿಸುತ್ತದೆ ಹಾಗು ಬುಕ್ಕುಲಾಟ್ರಿಕ್ಸ್ ಫ್ಲೆಕ್ಸುಒಸ ವಿಶೇಷವಾಗಿ ಅಕೇಶಿಯ ನಿಲೋಟಿಕ ವನ್ನು ಆಹಾರಕ್ಕೆ ಅವಲಂಬಿಸುತ್ತದೆ. ಉಪದ್ರವಕಾರಿ ಕೀಟಗಳು ಹಾಗು ಮೇಯುವ ಪ್ರಾಣಿಗಳಿಂದ ತಮ್ಮನ್ನು ತಾವು ರಕ್ಷಿಸಿಕೊಳ್ಳಲು ಅಕೇಶಿಯಗಳು ಹಲವು ಜೈವಿಕ ಸಂಯುಕ್ತಗಳನ್ನು ಒಳಗೊಂಡಿದೆ.[೭]

ಉಪಯೋಗಗಳುಸಂಪಾದಿಸಿ

ಆಹಾರದಲ್ಲಿ ಬಳಕೆಸಂಪಾದಿಸಿ

 
ಅಕೇಶಿಯ ಬೀಜಕೋಶಗಳು, ಇದನ್ನು ಗುವಜೆಸ್ ಎಂದೂ ಕರೆಯಲಾಗುತ್ತದೆ, ಇದು ಮೆಕ್ಸಿಕೋನ ಒಆಕ್ಸಕಾನಲ್ಲಿ ಬೋಟಾನ ತಿನಿಸಿನ ಭಾಗವಾಗಿ ಬಡಿಸಲಾಗುತ್ತದೆ.
 
ನೆಗೆವ್, ಇಸ್ರೇಲ್ ನಲ್ಲಿ ಕಂಡುಬಂದ ಅಕೇಶಿಯ ಬೀಜಗಳು.

ಅಕೇಶಿಯ ಬೀಜಗಳನ್ನು ಸಾಮಾನ್ಯವಾಗಿ ಆಹಾರದಲ್ಲಿ ಹಾಗು ವಿವಿಧ ಇತರ ಉತ್ಪನ್ನಗಳಲ್ಲಿ ಬಳಸಲಾಗುತ್ತದೆ. ಬರ್ಮಾ, ಲಾವೋಸ್ ಹಾಗು ಥೈಲ್ಯಾಂಡ್ ನಲ್ಲಿ, ಅಕೇಶಿಯ ಪೆನ್ನಾಟ ದ ಗರಿತುಂಬಿರುವ ಎಳೆಯ ಬಳ್ಳಿಗಳನ್ನು (ಅಲ್ಲಿ ಇದನ್ನು ಸಾಮಾನ್ಯವಾಗಿ ಚಾ-ಒಮ್ , ชะอม ಹಾಗು ಸು ಪೌಟ್ ಯ್ವೆಟ್ ಎಂದು ಬರ್ಮೀಸ್ ನಲ್ಲಿ ಕರೆಯಲಾಗುತ್ತದೆ) ಸೂಪ್ ಗಳು, ಕರಿಗಳು, ಆಮ್ಲೆಟ್‌ಗಳು, ಹಾಗು ಹುರಿದ ಪದಾರ್ಥಗಳಲ್ಲಿ ಬಳಸಲಾಗುತ್ತದೆ. ಜೇನುಹುಳವು ಅಕೇಶಿಯ ಹೂವನ್ನು ಬಳಸಿಕೊಂಡು ಆಹಾರ ಸಂಗ್ರಹಿಸುವ ಮಕರಂದವನ್ನು ಒಂದು ಸವಿ ತಿನಿಸೆಂದು ಪರಿಗಣಿಸಲಾಗುತ್ತದೆ. ಇದನ್ನು ಅದರ ಮಧುರವಾದ ಹೂವಿನ ಸ್ವಾದ, ಮೃದುವಾದ ಅದರ ರಚನೆ ಹಾಗು ಗಾಜಿನಂತೆನೋಟಕ್ಕೆ ಹೆಸರುವಾಸಿಯಾಗಿದೆ. ಸ್ಫಟಿಕೀಕರಣಗೊಳ್ಳದ ಕೆಲವೇ ಕೆಲವು ಮಧುಗಳಲ್ಲಿ ಅಕೇಶಿಯ ಮಧುವು ಒಂದಾಗಿದೆ.[೮]
ಮೆಕ್ಸಿಕೋನಲ್ಲಿ ಇದರ ಬೀಜಗಳನ್ನು ಗುವಾಜೆಸ್ ಎಂದು ಕರೆಯಲಾಗುತ್ತದೆ. ಗುವಾಜೆಸ್ ಅಥವಾ ಹುವಾಜೆಸ್ ಅಕೇಶಿಯ ಮರದ ಮಟ್ಟಸವಾದ, ಹಸಿರು ಬೀಜಕೋಶಗಳನ್ನು ಹೊಂದಿರುತ್ತವೆ. ಕೆಲವೊಂದು ಬಾರಿ ಬೀಜಕೋಶಗಳು ತೆಳುವಾದ ಹಸಿರು ಬಣ್ಣ ಅಥವಾ ಕಡುಗೆಂಪು ಬಣ್ಣವನ್ನು ಹೊಂದಿರುತ್ತದೆ-ಎರಡರ ಸ್ವಾದವು ಒಂದೇ ರೀತಿಯಲ್ಲಿರುತ್ತದೆ. ಗುವಾಜೆ ಬೀಜಗಳು ಒಂದು ಸಣ್ಣ ಲಿಮ ದ್ವಿದಳ ಧಾನ್ಯದ ಗಾತ್ರದಲ್ಲಿರುತ್ತದೆ ಜೊತೆಗೆ ಇದನ್ನು ಗುವಾಕಾಮೋಲ್ ನ ಜೊತೆಯಲ್ಲಿ ಹಸಿಯಾಗಿ ತಿನ್ನಲಾಗುತ್ತದೆ, ಮತ್ತೆ ಕೆಲವೊಂದು ಬಾರಿ ಬೇಯಿಸಿ ಅದರಿಂದ ಸಾಸ್ ತಯಾರಿಸಲಾಗುತ್ತದೆ. ಇವುಗಳಿಂದ ಪನಿಯಾಣವನ್ನೂ ಸಹ ತಯಾರಿಸಬಹುದು. ಭೂಮಿಯಡಿಯ ಬೀಜಗಳನ್ನು ಸ್ವಲ್ಪ ಮಟ್ಟಿಗಿನ ಬೆಳ್ಳುಳ್ಳಿಯ ಸ್ವಾದವನ್ನು ಮೋಲ್‌(ಸಾಸ್)ಗೆ ನೀಡುವಲ್ಲಿ ಬಳಕೆಯಾಗುತ್ತದೆ. ಇದನ್ನು ಗುವಾಕ್ಸಮೋಲ್ (ಹುವಾಕ್ಸಾಮೋಲ್) ಎಂದು ಕರೆಯಲಾಗುತ್ತದೆ. ಒಣಗಿದ ಬೀಜಗಳನ್ನು ಹುರಿದು ಅದಕ್ಕೆ ಉಪ್ಪು ಹಚ್ಚಿ ಸ್ನಾಕ್‌(ಲಘು ಆಹಾರ)ನಂತೆ ತಿನ್ನಲಾಗುತ್ತದೆ. ಇದನ್ನು "ಕಾಕಾಲಾಸ್" ಎಂದು ಕರೆಯಲಾಗುತ್ತದೆ. ಮೆಕ್ಸಿಕನ್ ನ ವಿಶೇಷ ಮಾರುಕಟ್ಟೆಗಳಲ್ಲಿ ತಾಜಾ ಅಥವಾ ಒಣಗಿದ ಇಡಿಯಾದ ಉದ್ದದ ಬೀಜಗಳನ್ನು ಖರೀದಿಸಬಹುದಾಗಿದೆ. ಮೊದಲ ಬಾರಿಗೆ ಗೊತ್ತಿರುವಂತೆ ಹೇರಳವಾಗಿದ್ದ ಸಸ್ಯಾಹಾರಿ ಜೇಡ ಬಗ್ಹೀರ ಕಿಪ್ಲಿಂಗಿಯು ಮಧ್ಯ ಅಮೆರಿಕ ಹಾಗು ಮೆಕ್ಸಿಕೋನಲ್ಲಿ ಕಂಡುಬರುತ್ತದೆ. ಇದು ಪ್ರೋಟೀನ್ ನ ಅಧಿಕ ಅಂಶಗಳನ್ನು ಹೊಂದಿರುವ ಬೆಲ್ತಿಯನ್ ಬಾಡೀಸ್ ಎಂದು ಕರೆಯಲಾಗುವ ಅಕೇಶಿಯ ಸಸ್ಯದ ತುದಿಯನ್ನು ಸೇವಿಸುತ್ತಿದ್ದುದ್ದನ್ನು 2009ರಲ್ಲಿ ಮೊದಲ ಬಾರಿಗೆ ದಾಖಲಿಸಿಕೊಂಡು ಚಿತ್ರೀಕರಣ ಮಾಡಲಾಯಿತು. ಒಟ್ಟಾರೆ ಇತರ 40,000 ಜೇಡದ ಪ್ರಭೇದಗಳು ಪ್ರಮುಖವಾಗಿ ಮಾಂಸಾಹಾರಿಗಳೆಂದು ಪರಿಗಣಿಸಲಾಗಿದೆ. ಅಕೇಶಿಯವನ್ನು ಸಿಟ್ರಸ್ ಮೃದು ಪಾನೀಯವಾದ ಸನ್ ಡ್ರಾಪ್, ಫ್ರೆಸ್ಕಾನಲ್ಲಿ, RC ಕೋಲದಲ್ಲಿ, ಬಾರ್ಕ್ಸ್ ನ ಬೇರಿನ ಬಿಯರ್, ಫುಲ್ ತ್ರಾಟಲ್ ಅನ್ಲೆಡೆಡ್ ಎನರ್ಜಿ ಡ್ರಿಂಕ್, ಸ್ಟ್ರಾಬೆರಿ-ಲೆಮೊನೆಡ್ ಪವರೆಡ್ ಹಾಗು ಲಕೆರೋಲ್ ಪಾಸ್ಟಿಲ್ಲೇ ಕ್ಯಾಂಡಿಗಳು, ಅಲ್ಟೋಯಿಡ್ ಮಿಂಟ್ ಗಳು, ಲಾಂಗರ್ಸ್ ಪೈನಾಪಲ್ ಕೊಕೊನಟ್ ಜ್ಯೂಸ್, ರಿಗ್ಲೇಸ್ ಎಕ್ಲಿಪ್ಸ್ ಚೂಯಿಂಗ್ ಗಮ್ ಹಾಗು M&Ms ಪ್ರೆಟ್ಜೆಲ್ ಗಳ ತಯಾರಿಕೆಯಲ್ಲಿ ಬಳಸಲಾಗುತ್ತದೆ.

ಗೋಂದುಸಂಪಾದಿಸಿ

ಅಕೇಶಿಯದ ಮರದ ವಿವಿಧ ಪ್ರಭೇದಗಳು ಗೋಂದನ್ನು ಉತ್ಪಾದಿಸುತ್ತವೆ. ನೈಜ ಗಮ್ ಅರಾಬಿಕ್ ಅಕೇಶಿಯ ಸೆನೆಗಲ್ ನ ಉತ್ಪನ್ನವಾಗಿದೆ. ಇದು ಶುಷ್ಕ ಉಷ್ಣವಲಯದ ಪಶ್ಚಿಮ ಆಫ್ರಿಕಾದ ಸೆನೆಗಲ್ ನಿಂದ ಉತ್ತರ ನೈಜೀರಿಯವರೆಗೂ ವಿಪುಲವಾಗಿ ಕಂಡುಬರುತ್ತದೆ. ಅಕೇಶಿಯ ಅರೇಬಿಕ , ಭಾರತದಲ್ಲಿ ಕಂಡುಬರುವ ಗಮ್-ಅರೇಬಿಕ್ ಮರವಾಗಿದೆ. ಆದರೆ ಇದು ನೈಜ ಗಮ್-ಅರೇಬಿಕ್‌ಗಿಂತ ಕೆಳ ಮಟ್ಟದ ಗೋಂದನ್ನು ಉತ್ಪತ್ತಿ ಮಾಡುತ್ತದೆ.

 
ಅಕೇಶಿಯ ಕಾವೆನ್ಯಿ

ಔಷಧೀಯ ಉಪಯೋಗಗಳುಸಂಪಾದಿಸಿ

ಹಲವು ಅಕೇಶಿಯ ಮರದ ಪ್ರಭೇದಗಳು ಪ್ರಮುಖವಾಗಿ ಸಾಂಪ್ರದಾಯಿಕ ಔಷಧ ಪದ್ಧತಿಯಲ್ಲಿ ಬಳಕೆಯಾಗುತ್ತದೆ. ಹೆಚ್ಚಿನ ಬಳಕೆಗಳು ವಿಜ್ಞಾನವನ್ನು ಆಧರಿಸಿದೆ. ಏಕೆಂದರೆ ಹಲವಾರು ಪ್ರಭೇದಗಳಲ್ಲಿ ಪತ್ತೆಯಾದ ರಾಸಾಯನಿಕ ಸಂಯುಕ್ತಗಳು ಔಷಧೀಯ ಗುಣಗಳನ್ನು ಹೊಂದಿದೆ.[ಸೂಕ್ತ ಉಲ್ಲೇಖನ ಬೇಕು] ಆಯುರ್ವೇದ ಔಷಧ ಪದ್ಧತಿಯಲ್ಲಿ, ಅಕೇಶಿಯ ನಿಲೋಟಿಕ ಶೀಘ್ರ ಸ್ಖಲನವನ್ನು ಗುಣಪಡಿಸಲು ನೆರವಾಗುವ ಪರಿಹಾರೋಪಾಯವೆಂದು ಪರಿಗಣಿಸಲಾಗಿದೆ. 19ನೇ ಶತಮಾನದ ಇಥಿಯೋಪಿಯನ್ ವೈದ್ಯಕೀಯ ಗ್ರಂಥವು ಇಥಿಯೋಪಿಯಾದಲ್ಲಿ ಬೆಳೆಯುವ ಅಕೇಶಿಯ ಪ್ರಭೇದಿಂದ (ಇದನ್ನು ಗ್ರಾರ್ ಎಂದು ಕರೆಯಲಾಗುತ್ತದೆ) ತಯಾರಾದ ಔಷಧದ ಗುಟುಕನ್ನುತಾಚ ದ ಬೇರಿನೊಂದಿಗೆ ಮಿಶ್ರಣ ಮಾಡಿ ನಂತರ ಕುದಿಸಿ, ರೇಬಿಸ್ ಕಾಯಿಲೆಯನ್ನು ಗುಣಪಡಿಸಲು ಬಳಸಲಾಗುತ್ತಿತ್ತು.[೯] ಟ್ಯಾನಿಕ್ ಆಸಿಡ್ ಅಧಿಕವಾಗಿರುವ ಆಸ್ಟ್ರಿನ್ಜೆಂಟ್ ಔಷಧವನ್ನು ಕಾಟೆಚು ಅಥವಾ ಕುಟ್ಚ್ ಎಂದು ಕರೆಯಲಾಗುತ್ತದೆ, ಇದನ್ನು ಹಲವಾರು ಪ್ರಭೇದಗಳಿಂದ ಸಂಗ್ರಹಿಸಲಾಗುತ್ತದೆ, ಆದರೆ ವಿಶೇಷವಾಗಿ ಅಕೇಶಿಯ ಕಾಟೆಚು ನಿಂದ ತಯಾರಿಸಲಾಗುತ್ತದೆ, ಮರದ ತೊಗಟೆಯನ್ನು ಕುದಿಸುವುದರೆ ಜೊತೆಗೆ ದ್ರಾವಣವನ್ನು ಆವಿಗೊಳಿಸಿ ಅದರಿಂದ ಸಾರವನ್ನು ಸಂಗ್ರಹಿಸಲಾಗುತ್ತದೆ.[೧೦]

ಅಲಂಕಾರಿಕ ಬಳಕೆಸಂಪಾದಿಸಿ

ಕೆಲವು ಪ್ರಭೇದಗಳನ್ನು ತೋಟಗಳಲ್ಲಿ ಅಲಂಕಾರಿಕವಾಗಿ ವ್ಯಾಪಕವಾಗಿ ಬಳಸಲಾಗುತ್ತದೆ; ಬಹುಶಃ ಅತ್ಯಂತ ಜನಪ್ರಿಯವಾದುದೆಂದರೆ ಅಕೇಶಿಯ ಡೆಲ್ಬಾಟ (ಸಿಲ್ವರ್ ವಾಟಲ್), ಜೊತೆಗೆ ಇದು ತನ್ನ ಆಕರ್ಷಕವಾದ ಮಾಸಲು ಬೂದು ಹಸಿರು ಅಥವಾ ನೀಲಿಯಿಂದ ಹಿಡಿದು ಬೆಳ್ಳಿ ಬಣ್ಣದ ಎಲೆಗಳನ್ನು ಹಾಗು ಗಾಢ ಹಳದಿ ಬಣ್ಣದ ಹೂಗಳನ್ನು ಹೊಂದಿದೆ; ಇದನ್ನು ಅದಕ್ಕೆ ಸಂಬಂಧಿಸಿದ ಕುಲಕ್ಕೆ ಸೇರಿದ ಮಿಮೋಸ ದ ಜೊತೆಗೆ ತಪ್ಪಾಗಿ ಅರ್ಥೈಸಿ, ಕೃಷಿ ಮಾಡುವ ಕೆಲವು ಪ್ರದೇಶಗಳಲ್ಲಿ ಇದನ್ನು ಮಿಮೋಸ ಎಂದು ಕರೆಯಲಾಗುತ್ತದೆ. ಮತ್ತೊಂದು ಅಲಂಕಾರಿಕ ಅಕೇಶಿಯವೆಂದರೆ ಅಕೇಶಿಯ ಜಂತ್ಹೋಫ್ಲ್ಯೋಯಿಯ (ಫೀವರ್ ಟ್ರೀ). ದಕ್ಷಿಣ ಯೂರೋಪಿನ ಹೂವಾಡಿಗರು ಅಕೇಶಿಯ ಬೈಲೆಯಾನ , ಅಕೇಶಿಯ ಡೆಲ್ಬಾಟ , ಅಕೇಶಿಯ ಪಿಕ್ನಂಥಾ ಹಾಗು ಅಕೇಶಿಯ ರೆಟಿನೋಡ್ಸ್ ಗಳನ್ನು ಕೀಳುವ ಹೂಗಳಾಗಿ ಬಳಸುತ್ತಾರೆ. ಜೊತೆಗೆ ಅಲ್ಲಿ ಇದನ್ನು ಸಾಮಾನ್ಯವಾಗಿ ಮಿಮೋಸ ಎಂದು ಕರೆಯಲಾಗುತ್ತದೆ.[೧೧] ಅಲಂಕಾರಿಕ ಪ್ರಭೇದ ಅಕೇಶಿಯಗಳನ್ನು ಮನೆಯ ಒಡೆಯರು ಹಾಗು ಭೂದೃಶ್ಯ ವಿನ್ಯಾಸಕರು ತಮ್ಮ ಮನೆಯ ಸುರಕ್ಷತೆಗೆ ಸಹ ಬಳಕೆ ಮಾಡುತ್ತಾರೆ. ಚೂಪಾದ ಮುಳ್ಳುಗಳನ್ನು ಹೊಂದಿರುವ ಕೆಲವು ಪ್ರಭೇದಗಳು ಖಾಸಗಿ ಸ್ವಾಮ್ಯದ ಜಾಗದಲ್ಲಿ ಅನಧಿಕೃತ ವ್ಯಕ್ತಿಗಳು ಪ್ರವೇಶಿಸದಂತೆ ತಡೆಯುತ್ತವೆ, ಜೊತೆಗೆ ಇವುಗಳನ್ನು ಕಿಟಕಿಗಳು ಹಾಗು ನೀರು ಕೊಳವೆಗಳ ಸಮೀಪ ನೆಟ್ಟರೆ ಕಳ್ಳರು ಮನೆಯೊಳಗೆ ಅಕ್ರಮವಾಗಿ ಪ್ರವೇಶಿಸುವುದನ್ನು ತಡೆಯುತ್ತದೆ. ಅಕೇಶಿಯ ಸಸ್ಯಗಳ ಸೌಂದರ್ಯೋಪಾಸಕ ಗುಣಲಕ್ಷಣಗಳು, ಅವರ ಮನೆಯ ಸುರಕ್ಷತೆ ಗುಣಗಳ ಜೊತೆಗೆ ಕೃತಕ ಬೇಲಿಗಳು ಹಾಗು ಗೋಡೆಗಳಿಗೆ ಪರ್ಯಾಯವಾಗಿ ಬಳಕೆಯಾಗುತ್ತದೆ.

ಬಣ್ಣಗಳುಸಂಪಾದಿಸಿ

ಪ್ರಾಚೀನ ಇಜಿಪ್ಷಿಯನ್ನರು ಅಕೇಶಿಯವನ್ನು ಬಣ್ಣದಲ್ಲಿ ಬಳಕೆ ಮಾಡುತ್ತಿದ್ದರು.[೧೨]

ಸುಗಂಧದ್ರವ್ಯಸಂಪಾದಿಸಿ

 
ಅಕೇಶಿಯ ಫಾರ್ನೆಸಿಯ

ಅಕೇಶಿಯ ಫಾರ್ನೆಸಿಯಾನ ವನ್ನು ಅದರ ಗಾಢವಾದ ಪರಿಮಳದಿಂದಾಗಿ ಸುಗಂಧ ದ್ರವ್ಯದ ಕೈಗಾರಿಕೆಯಲ್ಲಿ ಬಳಸಲಾಗುತ್ತದೆ. ಅಕೇಶಿಯವನ್ನು ಸುಗಂಧ ದ್ರವ್ಯವಾಗಿ ಶತಮಾನಗಳ ಹಿಂದಿನಿಂದಲೂ ಬಳಸಲಾಗುತ್ತಿದೆ. ಬೈಬಲ್ ನಲ್ಲಿ, ಅಕೇಶಿಯ ಮರವನ್ನು ಪರಿಮಳ ದ್ರವ್ಯದ ರೂಪದಲ್ಲಿ ಬಳಕೆ ಮಾಡುತ್ತಿದ್ದುದು ಹಲವಾರು ಬಾರಿ ಉಲ್ಲೇಖಿಸಲಾಗಿದೆ.

ಸಂಕೇತ ಹಾಗು ಧಾರ್ಮಿಕಾಚರಣೆಯಲ್ಲಿ ಬಳಕೆಸಂಪಾದಿಸಿ

ಅಕೇಶಿಯವನ್ನು ಫ್ರೀಮೇಸನರಿ(ಫ್ರೀಮೇಸನ್ ಸಂಘ)ಯ ಸಂಕೇತವಾಗಿ ಪರಿಶುದ್ಧತೆ ಹಾಗು ಆತ್ಮದ ಸಹಿಷ್ಣುತೆಯನ್ನು ಬಿಂಬಿಸಲು ಬಳಸಲಾಗುತ್ತದೆ. ಜೊತೆಗೆ ಪುನರುತ್ಥಾನ ಹಾಗು ಅಮರತ್ವವನ್ನು ಸೂಚಿಸುವ ಶವಸಂಸ್ಕಾರಕ್ಕೆ ಸಂಬಂಧಿಸಿದ ಸಂಕೇತವಾಗಿ ಬಳಸಲಾಗುತ್ತದೆ. ಜೆರುಸಲೇಮ್ ನಲ್ಲಿ ಕಿಂಗ್ ಸಾಲೋಮನ್ ದೇವಾಲಯವನ್ನು ನಿರ್ಮಿಸಿದ ಹಿರಮ್ ಅಬಿಫ್ಫ್ ನ ಶವಸಂಸ್ಕಾರದಿಂದ ಮರವು ತನ್ನ ಪ್ರಾಮುಖ್ಯತೆಯನ್ನು ಪಡೆಯಿತು. ಅಕೇಶಿಯದ ಹಲವಾರು ಭಾಗಗಳು ಧಾರ್ಮಿಕ ವಿಧಿಗೆ ಪರಿಮಳ ದ್ರವ್ಯವಾಗಿ ಬಳಸಲಾಯಿತು (ಮುಖ್ಯವಾಗಿ ತೊಗಟೆ, ಬೇರು ಹಾಗು ರಾಳ). ಅಕೇಶಿಯವನ್ನು ಪರಿಮಳ ದ್ರವ್ಯವಾಗಿ ಭಾರತ, ನೇಪಾಳ, ಟಿಬೆಟ್ ಹಾಗು ಚೀನಾದಲ್ಲಿ ಮುಖ್ಯವಾಗಿ ಬಳಸಲಾಗುತ್ತದೆ. ಅಕೇಶಿಯ ತೊಗಟೆಯ ಹೊಗೆಯು ರಾಕ್ಷಸರು ಹಾಗು ಪಿಶಾಚಿಗಳನ್ನು ದೂರವಿರಿಸುತ್ತದೆಂದು ಹೇಳಲಾಗಿದೆ. ಜೊತೆಗೆ ಇದು ದೇವತೆಗಳನ್ನು ಒಳ್ಳೆಯ ಚಿತ್ತಸ್ಥಿತಿಯಲ್ಲಿರಿಸುತ್ತದೆಂದೂ ಸಹ ಹೇಳಲಾಗುತ್ತದೆ. ಅಕೇಶಿಯದ ಬೇರುಗಳು ಹಾಗು ರಾಳಗಳನ್ನು ರೊಡೋಡೆನ್ಡ್ರಾನ್, ಅಕೋರಸ್, ಸೈಟಿಸುಸ್, ಸಾಲ್ವಿಯ ಹಾಗು ಪರಿಮಳದ ಇತರ ಅಂಶಗಳಲ್ಲಿ ಬಳಸಲಾಗುತ್ತದೆ. ಅಕೇಶಿಯ ಹಣ್ಣಿನಿಂದ ತಯಾರಿಸಿದ ಆಲ್ಕೊಹಾಲಿನ ಪಾನೀಯವು ಮನುಷ್ಯರು ಹಾಗು ಆನೆಗಳಿಗೆ ಇಷ್ಟವಾಗುತ್ತದೆ.[೧೩] ಈಸ್ಟನ್ ಬೈಬಲ್ ನಿಘಂಟಿನ ಪ್ರಕಾರ, ಅಕೇಶಿಯ ಮರವು "ಬೆಂಕಿಯಾಡುತ್ತಿರುವ ಪೊದೆ"ಯಾಗಿದ್ದಿರಬಹುದು (ಎಕ್ಸೋಡಸ್ 3:2)). ಇದನ್ನು ಮೋಸಸ್ ಮರುಭೂಮಿಯಲ್ಲಿ ಕಂಡರು.[೧೪] ಅಲ್ಲದೆ, ಮೋಸಸ್ ಗೆ ದೇವರು ಡೇರೆಯನ್ನು ನಿರ್ಮಿಸಲು ಸೂಚನೆಗಳನ್ನು ನೀಡಿದಾಗ, ಅವರು "ಅಕೇಶಿಯ ಮರದಿಂದ ಪೆಟ್ಟಿಗೆಯನ್ನು ನಿರ್ಮಿಸಿ" ಹಾಗು "ಅಕೇಶಿಯ ಮರದಿಂದ ಮೇಜನ್ನು ಮಾಡಿ" ಎಂದು ಆಜ್ಞೆ ಮಾಡುತ್ತಾರೆ (ಎಕ್ಸೋಡಸ್ 25:10 & 23, ಪರಿಷ್ಕೃತ ಸ್ಟ್ಯಾಂಡರ್ಡ್ ರೂಪಾಂತರ) ರಷ್ಯಾ, ಇಟಲಿ ಹಾಗು ಇತರ ರಾಷ್ಟ್ರಗಳಲ್ಲಿ ಹಳದಿ ಮಿಮೊಸಸ್ ಗಳನ್ನು (ಇತರ ಹೂವುಗಳೊಂದಿಗೆ) ಅಂತಾರಾಷ್ಟ್ರೀಯ ಮಹಿಳಾ ದಿನದಂದು (ಮಾರ್ಚ್ 8) ಮಹಿಳೆಯರಿಗೆ ಉಡುಗೊರೆಯಾಗಿ ನೀಡುವುದು ಸಂಪ್ರದಾಯದಲ್ಲಿದೆ. ಈ "ಮಿಮೊಸಾ"ಗಳು ವಾಸ್ತವವಾಗಿ ಅಕೇಶಿಯ ಡೆಲ್ಬಾಟ ದವಾಗಿರುತ್ತವೆ (ಸಿಲ್ವರ್ ವಾಟಲ್).

ಟ್ಯಾನಿನ್ಸಂಪಾದಿಸಿ

 
ಟಾನ್ನಿಕ್ ಆಮ್ಲದ ಒಂದು ಸೀಸೆ.

ವಾಟಲ್‌ಗಳೆಂದು ಕರೆಯಲ್ಪಡುವ ಹಲವು ಆಸ್ಟ್ರೇಲಿಯನ್ ಪ್ರಭೇದ ತೊಗಟೆಗಳು ಟ್ಯಾನಿಕ್ ಆಮ್ಲದಿಂದ ಸಮೃದ್ಧವಾಗಿದೆ ಜೊತೆಗೆ ರಫ್ತಿನ ಒಂದು ಪ್ರಮುಖ ಪದಾರ್ಥವಾಗಿದೆ; ಪ್ರಮುಖ ಪ್ರಭೇದಗಳಲ್ಲಿ ಅಕೇಶಿಯ ಪಿಕ್ನಂಥಾ (ಗೋಲ್ಡನ್ ವಾಟಲ್), ಅಕೇಶಿಯ ಡೆಕರೆನ್ಸ್ (ಟ್ಯಾನ್ ವಾಟಲ್), ಅಕೇಶಿಯ ಡೆಲ್ಬಾಟ (ಸಿಲ್ವರ್ ವಾಟಲ್) ಹಾಗು ಅಕೇಶಿಯ ಮೆಯರ್ನ್ಸೀ (ಬ್ಲ್ಯಾಕ್ ವಾಟಲ್)ಗಳು ಸೇರಿವೆ. ಬ್ಲ್ಯಾಕ್ ವಾಟಲ್ ದಕ್ಷಿಣ ಆಫ್ರಿಕಾದ ಜಮೀನುಗಳಲ್ಲಿ ಬೆಳೆಯಲಾಗುತ್ತದೆ. ದಕ್ಷಿಣ ಆಫ್ರಿಕಾದಲ್ಲಿ ಪರಿಚಿತವಾದ ಬಹುತೇಕ ಆಸ್ಟ್ರೇಲಿಯನ್ ಅಕೇಶಿಯ ಪ್ರಭೇದಗಳು ತಮ್ಮ ಸ್ವಾಭಾವಿಕವಾದ ಆಕ್ರಮಣಶೀಲ ಪ್ರಸರಣದಿಂದಾಗಿ ಅಪಾರವಾದ ಸಮಸ್ಯೆಗೆ ಎಡೆ ಮಾಡಿಕೊಟ್ಟಿದೆ. ಅಕೇಶಿಯ ನಿಲೋಟಿಕ ದ ಬೀಜಕೋಶಗಳು (ನೆಬ್-ನೆಬ್ ಹೆಸರಿನಡಿಯಲ್ಲಿ), ಹಾಗು ಇತರ ಆಫ್ರಿಕನ್ ಪ್ರಭೇದ ಸಸ್ಯಗಳೂ ಸಹ ಟ್ಯಾನಿನ್ ನಿಂದ ಸಮೃದ್ಧವಾಗಿದೆ ಹಾಗು ಚರ್ಮಕಾರರು ಬಳಸುತ್ತಾರೆ.

ಮರಸಂಪಾದಿಸಿ

 
ಅಕೇಶಿಯ ಕೊಅ ವುಡ್
 
ದಕ್ಷಿಣ ಇಸ್ರೇಲ್ ನ ನೆಗೆವ್ ಮರುಭೂಮಿಯ ಸಾಲಿನ ಕೊನೆಯಲ್ಲಿ ಕಂಡುಬರುವ ಅಕೇಶಿಯ ಮರ.

ಆಸ್ಟ್ರೇಲಿಯಾದ ಕೆಲವು ಅಕೇಶಿಯ ಪ್ರಭೇದ ಮರಗಳು ನಾಟವಾಗಿ ಪ್ರಯೋಜನಕ್ಕೆ ಬರುತ್ತದೆ, ಉದಾಹರಣೆಗೆ ಆಸ್ಟ್ರೇಲಿಯದ ಅಕೇಶಿಯ ಮೆಲನೋಜೈಲಾನ್ (ಕಪ್ಪುಕಟ್ಟಿಗೆ), ಇದು ಗಾತ್ರದಲ್ಲಿ ಬಹಳ ದೊಡ್ಡದಿರುತ್ತದೆ; ಇದರ ಮರವನ್ನು ಪೀಠೋಪಕರಣಗಳನ್ನು ತಯಾರಿಸಲು ಬಳಸಲಾಗುತ್ತದೆ, ಜೊತೆಗೆ ಇದಕ್ಕೆ ಅಧಿಕ ಪಾಲಿಶ್‌ನ ಅಗತ್ಯವಿರುತ್ತದೆ; ಹಾಗು ಅಕೇಶಿಯ ಒಮಲೋಫಿಲ್ಲ (ಮ್ಯಾಲ್ ವುಡ್, ಇದೂ ಸಹ ಆಸ್ಟ್ರೇಲಿಯನ್ ಪ್ರಭೇದದ್ದು), ಇದರ ಸುವಾಸನೆಭರಿತ ನಾಟವನ್ನು ಅಲಂಕಾರಗಳಿಗೆ ಬಳಸುತ್ತಾರೆ. ಅಕೇಶಿಯ ಸೇಯಲ್ ನ್ನು ಬೈಬಲ್ ನಲ್ಲಿ ಶಿತ್ತಃ-ಮರವೆಂದು ಪರಿಗಣಿಸಲಾಗುತ್ತದೆ, ಇದು ಶಿತ್ತಿಂ-ಮರವನ್ನು ಒದಗಿಸುತ್ತದೆ. ಬುಕ್ ಆಫ್ ಎಕ್ಸೋಡಸ್ ಪ್ರಕಾರ, ಇದನ್ನು ಆರ್ಕ್ ಆಫ್ ಕಾವೆನಂಟ್ ನ ನಿರ್ಮಾಣದಲ್ಲಿ ಬಳಸಲಾಗಿತ್ತು. ಹವಾಯಿಯನ್ ದ್ವೀಪಗಳ ಅಕೇಶಿಯ ಕೊಅ ಹಾಗು ರಿಯೂನಿಯನ್ ದ್ವೀಪದ ಅಕೇಶಿಯ ಹೆಟೆರೋಫಿಲ್ಲ ಎರಡೂ ಉತ್ಕೃಷ್ಟ ದರ್ಜೆಯ ನಾಟ(ಮರದ ದಿಮ್ಮಿ)ವನ್ನು ನೀಡುವ ಮರವಾಗಿದೆ. ಸಮೃದ್ಧತೆ ಹಾಗು ಪ್ರಾದೇಶಿಕ ಸಂಸ್ಕೃತಿಯನ್ನು ಅವಲಂಬಿಸಿ, ಕೆಲವು ಅಕೇಶಿಯ ಪ್ರಭೇದಗಳನ್ನು (ಉದಾಹರಣೆಗೆ ಅಕೇಶಿಯ ಫುಮೋಸ) ಸಾಂಪ್ರದಾಯಿಕವಾಗಿ ಸ್ಥಳೀಯ ಕಟ್ಟಿಗೆಗಳಾಗಿ ಬಳಸಲಾಗುತ್ತದೆ.[೧೫]

 
ಅಕೇಶಿಯ ಹೆಟೆರೋಫಿಲ್ಲ ವುಡ್
ವಿವಿಧ ಅಕೇಶಿಯ ಪ್ರಭೇದಗಳ ಅಂದಾಜು ಮರಗಳ ಸಾಂದ್ರತೆ
ಅಗಲ="175pt"
ಸಾಂದ್ರತೆ
ಚೇಗಿನ ಸಾಂದ್ರತೆ
ಬಿಳಿದಾರು ಸಾಂದ್ರತೆ
ಪ್ರಭೇದಗಳು
[kg/m³]
[kg/m³]
[kg/m³]
ಅಕೇಶಿಯ ಅಕುಮಿನಾಟ
1040[೧೬]
ಅಕೇಶಿಯ ಅಮೈಥೆಥೋಫಿಲ್ಲ
1170[೧೭]
ಅಕೇಶಿಯ ಕಾಟೆಚು
880[೧೮]
ಅಕೇಶಿಯ ಕಾಂಫುಸ
690-750[೧೮]
ಅಕೇಶಿಯ ಯೆರಿಯೋಲೋಬ
1230[೧೭]
ಅಕೇಶಿಯ ಗಾಲ್ಪಿನೀ
800[೧೭]
ಅಕೇಶಿಯ ಗೊಯೆಟ್ಜೀ
1025[೧೭]
ಅಕೇಶಿಯ ಕರೂ
800[೧೭]
ಅಕೇಶಿಯ ಲೆಯುಕೋಫ್ಲೋಯೆಯ
760[೧೮]
ಅಕೇಶಿಯ ಮೆಲನೋಜೈಲಾನ್
640[೧೯]
ಅಕೇಶಿಯ ಮೆಲ್ಲಿಫೆರ ಉಪಪ್ರಭೇದ ಮೆಲ್ಲಿಫೆರ
1100[೧೭]
ಅಕೇಶಿಯ ನಿಲೋಟಿಕ
700[೧೮]
1170[೧೭]
ಅಕೇಶಿಯ ನಿಲೋಟಿಕ ಉಪಪ್ರಭೇದ ಅಡ್‌ಸ್ಟ್ರಿನ್ಗೆನ್ಸ್
827-945[೧೭]
ಅಕೇಶಿಯ ನಿಲೋಟಿಕ ಉಪಪ್ರಭೇದ ನಿಲೋಟಿಕ
800[೧೭]
1170[೧೭]
ಅಕೇಶಿಯ ಪೊಲ್ಯಕಾಂತ ಉಪಪ್ರಭೇದ ಕಂಪಿಲಕಾಂಥ
705[೧೭]
ಅಕೇಶಿಯ ಸೈಬಿರಿಯಾನ
655[೧೭]


ಇಂಡೋನೇಷಿಯ (ಮುಖ್ಯವಾಗಿ ಸುಮಾತ್ರ) ಹಾಗು ಮಲೇಶಿಯದಲ್ಲಿ (ಮುಖ್ಯವಾಗಿ ಸರವಾಕ್ ಪ್ರದೇಶದಲ್ಲಿ) ಅಕೇಶಿಯ ಮಂಗಿಯಂ ನನ್ನು ತೋಟಗಳಲ್ಲಿ ಬೆಳೆಯಲಾಗುತ್ತದೆ. ಇದರ ತಿಳ್ಳುಮರವನ್ನು ಕಾಗದ ತಯಾರಿಕೆಯಲ್ಲಿ ಬಳಸಲಾಗುತ್ತದೆ.

ಭೂಮಿಯ ಸುಧಾರಿತ ಸ್ಥಿತಿಸಂಪಾದಿಸಿ

ಅಕೇಶಿಯಗಳನ್ನು ಭೂಮಿಯ ಸವೆತವನ್ನು ತಡೆಗಟ್ಟಲು ನೆಡಬಹುದಾಗಿದೆ, ವಿಶೇಷವಾಗಿ ಗಣಿಗಾರಿಕೆ ಅಥವಾ ನಿರ್ಮಾಣದ ನಂತರ ಉಂಟಾಗುವ ಹಾನಿಯನ್ನು ತಡೆಗಟ್ಟಲು ಬೆಳೆಸಬಹುದಾಗಿದೆ.[೨೦]

ಪರಿಸರ ಆಕ್ರಮಣಸಂಪಾದಿಸಿ

ಇದೇ ಕಾರಣಗಳಿಂದಾಗಿ ಇದನ್ನು ಭೂಸವೆತವನ್ನು ತಡೆಯುವ ಸಸ್ಯವೆಂದು ಹೇಳಲಾಗುತ್ತದೆ, ಸುಲಭವಾಗಿ ಹರಡುವ ಹಾಗು ಸ್ಥಿತಿಸ್ಥಾಪಕತ್ವದ ಕಾರಣದಿಂದಾಗಿ, ಕೆಲವು ಅಕೇಶಿಯಗಳ ಪ್ರಭೇದಗಳು, ಉದಾಹರಣೆಗೆ ಅಕೇಶಿಯ ಮೆಯರ್ನ್ಸೀ ಪ್ರಭೇದಗಳು ಆಕ್ರಮಣಕಾರಿ ಸಾಮರ್ಥ್ಯವನ್ನು ಪಡೆದಿದೆ. ವಿಶ್ವವ್ಯಾಪಿಯಾಗಿ ಪರಿಚಯಗೊಂಡ ಮೇಲೆ ಇದು ಎಲ್ಲ ಹುಲ್ಲುಗಾವಲನ್ನು ಜೊತೆಗೆ ತ್ಯಜಿಸಲಾದ ಕೃಷಿ ಪ್ರದೇಶಗಳನ್ನು ಆಕ್ರಮಿಸಿಕೊಂಡ ಸಸ್ಯವಾಯಿತು. ವಿಶೇಷವಾಗಿ ಸೌಮ್ಯ ಕರಾವಳಿ ಹಾಗು ದ್ವೀಪ ಪ್ರದೇಶಗಳಲ್ಲಿ ಹಿತಕರ ವಾತಾವರಣವು ಅದು ವ್ಯಾಪಕವಾಗಿ ಹಬ್ಬಲು ನೆರವಾಯಿತು. ಆಸ್ಟ್ರೇಲಿಯನ್/ನ್ಯೂಜಿಲೆಂಡ್ ವೀಡ್ ರಿಸ್ಕ್ ಅಸ್ಸೆಸ್ಮೆಂಟ್ ಇದನ್ನು "ಅಪಾಯಕಾರಿ ಸಸ್ಯ ಪ್ರಭೇದಗಳಲ್ಲಿ 15ನೇ ಅಂಕವನ್ನು ನೀಡಿದೆ" ಜೊತೆಗೆ ಇದನ್ನು ವಿಶ್ವದ 100 ಅತ್ಯಂತ ಆಕ್ರಮಣಕಾರಿ ಪ್ರಭೇದಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ.[೨೧] ಅಕೇಶಿಯ ಪ್ರಭೇದ ಮರಗಳನ್ನು ನೆಡುವುದಕ್ಕೆ ಮುಂಚೆ ಪರಿಸರಕ್ಕೆ ಸಂಬಂಧಿಸಿದಂತೆ ವ್ಯಾಪಕ ಅಧ್ಯಯನಗಳನ್ನು ನಡೆಸಬೇಕು.ಏಕೆಂದರೆ ಇದು ಅತ್ಯಂತ ವೇಗವಾಗಿ ಬೆಳೆಯುವ ಸಸ್ಯವಾಗಿ, ಒಂದೊಮ್ಮೆ ಇದನ್ನು ಪರಿಚಯಿಸಿದರೆ, ಇದು ವೇಗವಾಗಿ ಹರಡಿಕೊಳ್ಳುತ್ತದೆ ಹಾಗು ಇದರ ನಿರ್ಮೂಲನೆ ಬಹಳ ಕಷ್ಟಕರ.

ಅಕೇಶಿಯ ದ ಸಸ್ಯರಸಾಯನ ವಿಜ್ಞಾನಸಂಪಾದಿಸಿ

ಆಲ್ಕಲಾಯಿಡ್ಸ್ಸಂಪಾದಿಸಿ

 
ಇಜಿಪ್ಶಿಯನ್ ದೇವತೆ ಇಸಿಸ್

ಈ ಮುಂಚಿತವಾಗಿ ಹೇಳಿದಂತೆ, ಅಕೇಶಿಯಗಳು ಹಲವಾರು ಜೈವಿಕ ಸಂಯುಕ್ತಗಳನ್ನು ಒಳಗೊಂಡಿರುತ್ತವೆ. ಇದು ಅವುಗಳನ್ನು ಉಪದ್ರವಕಾರಿ ಕೀಟಗಳು ಹಾಗು ಮೇವಿನ ಪ್ರಾಣಿಗಳಿಂದ ರಕ್ಷಿಸುತ್ತವೆ.[೭] ಈ ಸಂಯುಕ್ತಗಳಲ್ಲಿ ಹಲವು ಮಾನವರಲ್ಲಿ ಮನಃಪ್ರಭಾವಕವನ್ನು ಉಂಟು ಮಾಡುತ್ತವೆ. ಅಕೇಶಿಯಗಳಲ್ಲಿ ಕಂಡುಬರುವ ಆಲ್ಕಲಾಯ್ಡ್ ಗಳಲ್ಲಿ ಡಿಮೆತಿಲ್ಟ್ರಿಪ್ಟಮಿನ್ (DMT), 5-ಮೆತ್ಹೋಕ್ಸೈಡಿಮೆತಿಲ್ಟ್ರಿಪ್ಟಮಿನ್ (5-MeO-DMT) ಹಾಗು N-ಮೆತಿಲ್ಟ್ರಿಪ್ಟಮಿನ್ (NMT)ಗಳು ಸೇರಿವೆ. ಸಸ್ಯದ ಎಲೆಗಳು, ಕಾಂಡಗಳು ಹಾಗು ಬೇರುಗಳನ್ನು ಕೆಲವೊಂದು ಬಾರಿ MAOI ಒಳಗೊಳ್ಳುವ ಸಸ್ಯದೊಂದಿಗೆ ಮದ್ಯವನ್ನು ತಯಾರಿಸಲಾಗುತ್ತದೆ. ಹಾಗೂ ಕಾಯಿಲೆಯ ಗುಣಪಡಿಸಲು, ಉತ್ಸವಾಚರಣೆಗಳಲ್ಲಿ ಅಥವಾ ಧಾರ್ಮಿಕ ಕ್ರಿಯೆಗಳಲ್ಲಿ ಬಳಸಲಾಗುತ್ತದೆ. ಇಜಿಪ್ಷಿಯನ್ ಪುರಾಣವು ಅಕೇಶಿಯ ಮರವನ್ನು ಜೀವನಕ್ಕೆ ಸಂಬಂಧಿಸಿದ ಮರದ ಗುಣಲಕ್ಷಣಗಳಿಂದ ಕೂಡಿದೆಯೆಂದು ಹೇಳುತ್ತದೆ (ಮಿಥ್ ಆಫ್ ಒಸಿರಿಸ್ ಅಂಡ್ ಇಸಿಸ್ ನ ಲೇಖನವನ್ನು ನೋಡಿ).

ಅಕೇಶಿಯಗಳು ಮನಃಪ್ರಭಾವಕ ಆಲ್ಕಲಾಯ್ಡ್(ಕ್ಷಾರಾಭ) ಗಳನ್ನು ಒಳಗೊಂಡಿರುವುದಕ್ಕೆ ಹೆಸರಾಗಿದೆ.
ಅಕೇಶಿಯ ಅಕ್ಯುಮಿನಾಟ

1.5%ವರೆಗೆ ಆಲ್ಕಲಾಯ್ಡ್ ಗಳನ್ನು ಹೊಂದಿದೆ, ಮುಖ್ಯವಾಗಿ ಟ್ರಿಪ್ಟಮಿನ್ ಗಳನ್ನು ಎಲೆಗಳಲ್ಲಿ ಹೊಂದಿರುತ್ತವೆ[೨೨]

ಅಕೇಶಿಯ ಅಡುನ್ಕಾ
β-ಮೀಥೈಲ್-ಫೇನೆತೈಲಮಿನ್, 2.4%ನಷ್ಟು ಎಲೆಗಳಲ್ಲಿ ಹೊಂದಿರುತ್ತವೆ[೨೩]
 
ಅಕೇಶಿಯ ಆಲ್ಪಿನ
ಎಲೆಯ ಸಕ್ರಿಯ ತತ್ತ್ವಗಳು[೨೪]
 
ಅಕೇಶಿಯ ಅನೆಯುರ

ಪಿಟುರಿಯಲ್ಲಿ ಬಳಕೆಯಾಗುವ ಬೂದಿ.[೨೫] ಒಣಗಿದ ಎಲೆಗಳ ರಾಶಿಯ ಸುಮಾರು 2-6%ನಷ್ಟು ಈಥರ್ ಸಾರಗಳು.[೨೬] ವಾಸ್ತವವಾಗಿ ಮನಃಪ್ರಭಾವಕವೇ ಎಂಬುದು ತಿಳಿದುಬಂದಿಲ್ಲ.

 
ಅಕೇಶಿಯ ಅಂಗುಸ್ಟಿಸ್ಸಿಮ
β-ಮೀಥೈಲ್-ಫೆನೆಥೈಲಮಿನ್,[೨೭] ಎಲೆಯಲ್ಲಿರುವ MNT ಹಾಗು DMT(1.1-10.2 ppm)[೨೮]
 
ಅಕೇಶಿಯ ಅರೋಮ
ಟ್ರಿಪ್ಟಮೈನ್ ಅಲ್ಕಲಾಯ್ಡ್ಸ್[೨೯]

ಬೀಜಗಳಲ್ಲಿರುವ ಟ್ರಿಪ್ಟಮೈನ್ ನ ಮಹತ್ವದ ಪ್ರಮಾಣ.[೩೦]

 
ಅಕೇಶಿಯ ಔರಿಕುಲಿಫಾರ್ಮಿಸ್
ಕಾಂಡದ ತೊಗಟೆಯಲ್ಲಿರುವ 5-MeO-DMT[೩೧]
 
ಅಕೇಶಿಯ ಬೈಲೆಯಾನ

ಎಲೆಯಲ್ಲಿ 0.02% ಟ್ರಿಪ್ಟಮೈನ್ ಹಾಗು β-ಕಾರ್ಬೋಲಿನ್ಸ್ , ಟೆಟ್ರಹೈಡ್ರೋಹರ್ಮನ್[೨೪][೩೨][೩೩]

ಅಕೇಶಿಯ ಬೆಯುವರ್ಡಿಯಾನ

ಪಿಟುರಿಯಲ್ಲಿ ಬಳಕೆಯಾಗುವ ಮನಃಪ್ರಭಾವಕ[೩೪] ಬೂದಿ.[೨೫]

 
ಅಕೇಶಿಯ ಬರ್ಲೆಂಡಿಯೇರಿ
DMT, ಅಮ್ಫೆಟಮೈನ್ಸ್, ಮೆಸ್ಕಾಲಿನ್, ನಿಕೋಟಿನ್[೩೫]
 
ಅಕೇಶಿಯ ಕಾಟೆಚು
ಎಲೆ, ತೊಗಟೆಯಲ್ಲಿರುವ DMT[೩೬] ಹಾಗು ಇತರ ಟ್ರಿಪ್ಟಮೈನ್ಸ್
 
ಅಕೇಶಿಯ ಕಾವೆನ್
ಟ್ರಿಪ್ಟಮೈನ್ಸ್
ಅಕೇಶಿಯ ಚುಂದ್ರ
ಎಲೆ, ತೊಗಟೆಯಲ್ಲಿರುವ DMT ಹಾಗು ಇತರ ಟ್ರಿಪ್ಟಮೈನ್ಸ್
ಅಕೇಶಿಯ ಕಾಲೇಯಿ
DMT[೩೭]
ಅಕೇಶಿಯ ಕಾಂಪ್ಲಾನ್ಟ
ಎಲೆ ಹಾಗು ಕಾಂಡದಲ್ಲಿ ಕಂಡುಬರುವ 0.3% ಆಲ್ಕಲಾಯ್ಡ್ಸ್, ಬಹುತೇಕ ಎಲ್ಲ N-ಮೀಥೈಲ್-ಟೆಟ್ರಹೈಡ್ರೋಹಾರ್ಮನ್, ಜೊತೆಗೆ ಟೆಟ್ರಹೈಡ್ರೋಹಾರ್ಮನ್ ನ ಟ್ರಿಪ್ಟಮೈನ್‌ನ ಕೆಲವು ಶೇಷಗಳು ಕಂಡುಬರುತ್ತವೆ[೩೮][೩೯][೪೦]
 
ಅಕೇಶಿಯ ಕಾನ್ಸಿನ್ನ
ನಿಕೋಟಿನ್[೪೧]
 
ಅಕೇಶಿಯ ಕನ್‌ಫುಸ
ಎಲೆ, ಕಾಂಡ & ತೊಗಟೆಯಲ್ಲಿರುವ DMT & NMT 0.04% NMT ಹಾಗು 0.02% DMT ಕಾಂಡದಲ್ಲಿ ಕಂಡುಬರುತ್ತದೆ.[೨೪] ಅಲ್ಲದೆ N,N-ಡೈಮೀಥೈಲ್ಟ್ರಿಪ್ಟಮೈನ್ N-ಆಕ್ಸೈಡ್[೪೨]
 
ಅಕೇಶಿಯ ಕಾಂಸ್ಟ್ರಿಕ್ಟ
β-ಮೀಥೈಲ್-ಫೀನಲ್‌ಎತಲಮೈನ್[೨೭]
ಅಕೇಶಿಯ ಕೊರಿಯಸಿಯ

ಪಿಟುರಿಯಲ್ಲಿ ಬಳಕೆಯಾಗುವ ಬೂದಿ[೨೫][೪೩] ಮನಃಪ್ರಭಾವಕವೇ ಅಥವಾ ಅಲ್ಲವೇ ಎಂಬುದು ತಿಳಿದುಬಂದಿಲ್ಲ.

 
ಅಕೇಶಿಯ ಕಾರ್ನಿಗೆರ
ಮನಃಪ್ರಭಾವಕ,[೪೩] ಟ್ರಿಪ್ಟಮೈನ್ಸ್[೧೩]
 
ಅಕೇಶಿಯ ಕಲ್ಟ್ರಿಫಾರ್ಮಿಸ್
ಎಲೆ, ಕಾಂಡ[೨೪] ಹಾಗು ಬೀಜಗಳಲ್ಲಿರುವ ಟ್ರಿಪ್ಟಮೈನ್[೩೦] ಎಲೆ ಹಾಗು ಬೀಜಗಳಲ್ಲಿರುವ ಫೀನಲ್‌ಎತಲಮೈನ್[೩೦]
ಅಕೇಶಿಯ ಕುಥ್ಬರ್ಟ್ಸೋನೀ
ಮನಃಪ್ರಭಾವಕ[೩೪]
ಅಕೇಶಿಯ ಡೆಲಿಬ್ರಾಟ
ಮನಃಪ್ರಭಾವಕ[೩೪]
ಅಕೇಶಿಯ ಫಾಲ್ಕಾಟ
ಮನಃಪ್ರಭಾವಕ,[೩೪] ಆದರೆ 0.02%ಗಿಂತ ಕಡಿಮೆ ಆಲ್ಕಲಾಯ್ಡ್ಸ್(ಕ್ಷಾರಾಭ) ಗಳನ್ನೂ ಹೊಂದಿದೆ [೩೩]
 
ಅಕೇಶಿಯ ಫಾರ್ನೆಸಿಯಾನ
ಹಣ್ಣಿನಲ್ಲಿ 5-MeO-DMT[೪೪] ಪತ್ತೆಯಾಗಿದೆ. β-ಮೀಥೈಲ್-ಫೀನಲ್‌ಎತಲಮೈನ್, ಹೂವು.[೪೫] ಒಣಗಿದ ಎಲೆಗಳ ರಾಶಿಯ ಸುಮಾರು 2-6%ನಷ್ಟು ಈಥರ್ ಸಾರಗಳು.[೨೬] ತೊಗಟೆ[೪೬] ಹಾಗು ಎಲೆಗಳಲ್ಲಿ ಆಲ್ಕಲಾಯ್ಡ್ಸ್ ಗಳಿರುತ್ತವೆ.[೪೭] ಮರದಲ್ಲಿ ಅಮ್ಫೆಟಮೈನ್ಸ್ ಹಾಗು ಮೆಸ್ಕಾಲಿನ್ ಗಳೂ ಸಹ ಕಂಡುಬರುತ್ತವೆ.[೧೩]
ಅಕೇಶಿಯ ಫಿಲಿಸಿಯಾನ
ಪುಲ್ಕೆ(ಮೆಕ್ಸಿಕೋ ದೇಶದ ಮದ್ಯ)ಗೆ ಸೇರಿಸಲಾಗುತ್ತದೆ, ಆದರೆ ಮನಃಪ್ರಭಾವಕವೇ ಇಲ್ಲವೇ ಎಂಬುದು ತಿಳಿದುಬಂದಿಲ್ಲ[೪೩]
ಅಕೇಶಿಯ ಫ್ಲೋರಿಬುಂಡ
ಟ್ರಿಪ್ಟಮೈನ್, ಫೀನಲ್‌ಎತಲಮೈನ್, [೪೮]ಹೂವುಗಳಲ್ಲಿ[೩೦] ಇತರ ಟ್ರಿಪ್ಟಮೈನ್ಸ್, ಫೀನಲ್‌ಎತಲಮೈನ್ಸ್[೪೯]
 
ಅಕೇಶಿಯ ಗ್ರೆಗ್ಗೀ

N-ಮೀಥೈಲ್-β-ಫೀನಲ್‌ಎತಲಮೈನ್,[೨೭] ಫೀನಲ್‌ಎತಲಮೈನ್[೭]

ಅಕೇಶಿಯ ಹರ್ಪೋಫಿಲ್ಲ

ಫೀನಲ್‌ಎತಲಮೈನ್, ಒಣಗಿದ ಎಲೆಗಳಲ್ಲಿ ಹೋರ್ಡೆನಿನ್ 2:3 ಅನುಪಾತದಲ್ಲಿರುತ್ತದೆ, 0.6% ಒಟ್ಟಾರೆ [೨೩]

ಅಕೇಶಿಯ ಹೋಲೋಸೇರಿಕಾ

ಹೋರ್ಡೆನಿನ್, ತೊಗಟೆಯಲ್ಲಿ 1.2%[೨೩]

 
ಅಕೇಶಿಯ ಹೊರ್ರಿಡ
ಮನಃಪ್ರಭಾವಕ[೪೩]
 
ಅಕೇಶಿಯ ಇಂಪ್ಲೆಕ್ಸಾ
ಮನಃಪ್ರಭಾವಕ[೫೦]
ಅಕೇಶಿಯ ಜುರೇಮ
DMT, NMT
 
ಅಕೇಶಿಯ ಕರ್ರೂ
ಮನಃಪ್ರಭಾವಕ
ಅಕೇಶಿಯ ಕೆಂಪೆಯಾನ

ಪಿಟುರಿಯಲ್ಲಿ ಬಳಕೆಯಾಗುತ್ತದೆ, ಆದರೆ ಮನಃಪ್ರಭಾವಕವೇ ಅಲ್ಲವೇ ಎಂಬುದು ತಿಳಿದುಬಂದಿಲ್ಲ.[೪೩]

ಅಕೇಶಿಯ ಕೆಟ್ಲೆವೆಲ್ಲಿಯೆ

1.5[೨೩]-1.88%[೫೧] ಆಲ್ಕಲಾಯ್ಡ್ ಗಳು, 92%ನಷ್ಟು ಫೀನಲ್ಎತಿಲಮನ್ ನನ್ನು ಒಳಗೊಂಡಿದೆ.[೨೩] 0.9% N-ಮೀಥೈಲ್-2-ಫೀನಲ್‌ಎತಿಲಮನ್ ಬೇರೆ ಬೇರೆ ಸಮಯದಲ್ಲಿ ಕಂಡುಬರುತ್ತದೆ.[೨೩]

ಅಕೇಶಿಯ ಲೇತಾ
DMT, ಎಲೆಯಲ್ಲಿ ಕಂಡುಬರುತ್ತದೆ [೨೪]
ಅಕೇಶಿಯ ಲಿಂಗುಲಾಟ
ಪಿಟುರಿಯಲ್ಲಿ ಬಳಕೆಯಾಗುತ್ತದೆ, ಆದರೆ ಮನಃಪ್ರಭಾವಕವೇ ಎಂಬುದು ತಿಳಿದುಬಂದಿಲ್ಲ.[೪೩]
 
ಅಕೇಶಿಯ ಲೊಂಗಿಫೋಲಿಯ

0.2% ಟ್ರಿಪ್ಟಮೈನ್ ತೊಗಟೆ, ಎಲೆಗಳು, ಕೆಲವೊಂದು ಹೂವುಗಳಲ್ಲಿ, ಫೀನಲ್‌ಎತಿಲಮನ್ ಹೂವುಗಳಲ್ಲಿ,[೪೮] 0.2% DMT ಸಸ್ಯದಲ್ಲಿ.[೫೨] ಹಿಸ್ಟಮೈನ್ ಆಲ್ಕಲಾಯ್ಡ್ಸ್.[೩೩]

ಅಕೇಶಿಯ ಲೊಂಗಿಫೋಲಿಯ
ವಾರ್. ಸೋಪ್ಹೋರೆ
ಎಲೆಗಳು, ತೊಗಟೆಯಲ್ಲಿ ಟ್ರಿಪ್ಟಮೈನ್[೩೦]
ಅಕೇಶಿಯ ಮಾಕ್ರಡೆನಿಯ
ಟ್ರಿಪ್ಟಮೈನ್[೩೦]
 
ಅಕೇಶಿಯ ಮೈಡೆನೀ
ಕಾಂಡದ ತೊಗಟೆಯಲ್ಲಿ ಸುಮಾರು 2:3 ಅನುಪಾತದಲ್ಲಿ 0.6%ನಷ್ಟಿರುವ NMT ಹಾಗು DMTಎರಡೂ ಎಲೆಗಳಲ್ಲಿರುತ್ತವೆ[೨೪]
 
ಅಕೇಶಿಯ ಮಂಗಿಯಂ
ಮನಃಪ್ರಭಾವಕ[೪೩]
 
ಅಕೇಶಿಯ ಮೆಲನೋಜೈಲಾನ್
DMT, ತೊಗಟೆ ಹಾಗು ಎಲೆಯಲ್ಲಿ,[೫೩] ಆದರೆ ಒಟ್ಟಾರೆ 0.02%ಗಿಂತ ಕಡಿಮೆ ಆಲ್ಕಲಾಯ್ಡ್ ಗಳಿವೆ[೩೩]
 
ಅಕೇಶಿಯ ಮೆಲ್ಲಿಫೆರ
DMT, ಎಲೆಯಲ್ಲಿ[೨೪]
 
ಅಕೇಶಿಯ ನೀಲೋಟಿಕ
DMT, ಎಲೆಯಲ್ಲಿ[೨೪]
ಅಕೇಶಿಯ ನಿಲೋಟಿಕ
ಉಪಪ್ರಭೇದ. ಅಡ್‌ಸ್ಟ್ರಿಂಜೆನ್ಸ್
ಮನಃಪ್ರಭಾವಕ, ಎಲೆಯಲ್ಲಿ DMT
ಅಕೇಶಿಯ ಆಬ್ಟೂಸಿಫೋಲಿಯ

ಟ್ರಿಪ್ಟಮೈನ್, DMT, NMT, ಇತರ ಟ್ರಿಪ್ಟಮೈನ್ಸ್, [೫೪] ಒಣಗಿದ ತೊಗಟೆಯಲ್ಲಿ 0.4-0.5%ನಷ್ಟು, 0.07%ನಷ್ಟು ಕೊಂಬೆಯ ತುದಿಗಳಲ್ಲಿ.[೫೫]

ಅಕೇಶಿಯ ಓಎರ್ಫೋಟ

ಎಲೆಯಲ್ಲಿ 0.1%ಕ್ಕಿಂತ ಕಡಿಮೆ DMT,[೩೨][೫೬] NMT

ಅಕೇಶಿಯ ಪೆನ್ನಿನರ್ವಿಸ್
ಮನಃಪ್ರಭಾವಕ[೩೪]
 
ಅಕೇಶಿಯ ಫ್ಲೆಬೋಫಿಲ್ಲ
0.3% DMT ಎಲೆಯಲ್ಲಿ, NMT[೨೪]
 
ಅಕೇಶಿಯ ಪೊದಲಿರಿಯೇಫೋಲಿಯ

ಎಲೆಯಲ್ಲಿ ಟ್ರಿಪ್ಟಮೈನ್,[೨೪] 0.5%ನಿಂದ 2%ನಷ್ಟು DMT ತಾಜಾ ತೊಗಟೆಯಲ್ಲಿ, ಫೀನಲ್‌ಎತಲಮೈನ್ ನ ಉಳಿಕೆಯ ಪ್ರಮಾಣಗಳು[೪೮]

 
ಅಕೇಶಿಯ ಪೋಲ್ಯಕಾಂತ
ಎಲೆಯಲ್ಲಿ DMT [೨೪]ನಷ್ಟು ಹಾಗು ಎಲೆ, ತೊಗಟೆಯಲ್ಲಿ ಇತರ ಟ್ರಿಪ್ಟಮೈನ್ ಗಳು
ಅಕೇಶಿಯ ಪೋಲ್ಯಕಾಂತ
ಉಪಪ್ರಭೇದ. ಕ್ಯಾಂಪಿಲಕಾಂತ

ಎಲೆಯಲ್ಲಿ 0.2%ಗೂ ಕಡಿಮೆ DMT, NMT; DMT ಹಾಗು ಇತರ ಟ್ರಿಪ್ಟಮೈನ್ ಗಳು ಎಲೆ, ತೊಗಟೆಯಲ್ಲಿ[೫೭]

ಅಕೇಶಿಯ ಪ್ರೋಮಿನೆನ್ಸ್

ಫೆನೆಲೆತೈಲಮೈನ್, β-ಮೀಥೈಲ್-ಫೀನಲ್‌ಎತಲಮೈನ್[೨೩][೪೮]

ಅಕೇಶಿಯ ಪ್ರುಯಿನೋಕಾರ್ಪ

ಪಿಟುರಿಯಲ್ಲಿ ಬಳಕೆಯಾಗುವ ಬೂದಿ.[೨೫][೪೩] ಮನಃಪ್ರಭಾವಕವೇ ಅಲ್ಲವೇ ಎಂಬುದು ತಿಳಿದುಬಂದಿಲ್ಲ.

 
ಅಕೇಶಿಯ ಪಿಕ್ನಂಥಾ
ಪಿಟುರಿಯಲ್ಲಿ ಬಳಕೆಯಾಗುವ ಬೂದಿ,[೪೩] ಆದರೆ ಒಟ್ಟಾರೆ ಆಲ್ಕಲಾಯ್ಡ್ಸ್ ಗಳು 0.02%ಗೂ ಕಡಿಮೆಯಿರುತ್ತವೆ.[೩೩] ಮನಃಪ್ರಭಾವಕವೇ ಎಂಬುದು ತಿಳಿದುಬಂದಿಲ್ಲ.
 
ಅಕೇಶಿಯ ರೆಟಿನೋಡ್ಸ್
DMT, NMT,[೫೮] ನಿಕೋಟಿನ್, [೧೩] ಆದರೆ ಒಟ್ಟಾರೆ ಆಲ್ಕಲಾಯ್ಡ್ ಗಳಲ್ಲಿ 0.02%ಗೂ ಕಡಿಮೆ ಪ್ರಮಾಣವು ಪತ್ತೆಯಾಗಿದೆ [೩೩]
 
ಅಕೇಶಿಯ ರಿಗಿಡುಲ

DMT, NMT, ಟ್ರಿಪ್ಟಮೈನ್, ಅಮ್ಫೆಟಮೈನ್ಸ್, ಮೆಸ್ಕಾಲಿನ್, ನಿಕೋಟಿನ್ ಹಾಗು ಇತರೆ[೫೯]

 
ಅಕೇಶಿಯ ರೊಯೇಮೆರಿಯಾನ

β-ಮೀಥೈಲ್-ಫೀನಲ್‌ಎತಲಮೈನ್[೨೭]

 
ಅಕೇಶಿಯ ಸಲಿಸಿನ

ಪಿಟುರಿಯಲ್ಲಿ ಬಳಕೆಯಾಗುವ ಬೂದಿ.[೨೫][೪೩] ಮನಃಪ್ರಭಾವಕವೇ ಅಲ್ಲವೇ ಎಂಬುದು ತಿಳಿದುಬಂದಿಲ್ಲ.

ಅಕೇಶಿಯ ಸಸ್ಸಾ
ಮನಃಪ್ರಭಾವಕ[೪೩]
 
ಅಕೇಶಿಯ ಸ್ಕಫ್‌ನೇರಿ
β-ಮೀಥೈಲ್-ಫೀನಲ್‌ಎತಲಮೈನ್, ಫೀನಲ್‌ಎತಲಮೈನ್[೭] ಅಮ್ಫೆಟಮೈನ್ ಗಳು ಹಾಗು ಮೆಸ್ಕಾಲಿನ್ ಸಹ ಪತ್ತೆಯಾಗಿದೆ.[೧೩]
ಅಕೇಶಿಯ ಸ್ಕೋಟ್ಟೀ
β-ಮೀಥೈಲ್-ಫೀನಲ್‌ಎತಲಮೈನ್[೨೭]
 
ಅಕೇಶಿಯ ಸೆನೆಗಲ್
ಎಲೆಯಲ್ಲಿ 0.1%ಗೂ ಕಡಿಮೆ DMT ಇರುತ್ತದೆ,[೨೪] NMT, ಇತರ ಟ್ರಿಪ್ಟಮೈನ್ ಗಳು. ಸಸ್ಯದಲ್ಲಿ DMT,[೪೫] ತೊಗಟೆಯಲ್ಲಿ DMT.[೩೦]
 
ಅಕೇಶಿಯ ಸೇಯಲ್
DMT, ಎಲೆಯಲ್ಲಿ.[೨೪] ಒಣಗಿದ ಎಲೆ ರಾಶಿಯ ಸುಮಾರು 1-7%ನಷ್ಟು ಈಥರ್ ಸಾರಗಳು.[೨೬]
 
ಅಕೇಶಿಯ ಸೈಬೀರಿಯಾನ
DMT, ಎಲೆಯಲ್ಲಿ[೨೪]
 
ಅಕೇಶಿಯ ಸಿಂಪ್ಲೆಕ್ಸ್
ಎಲೆ, ಕಾಂಡ, ಹಾಗು ಕೊಂಬೆಯ ತೊಗಟೆಯಲ್ಲಿರುವ DMT ಹಾಗು NMT, 0.81%ರಷ್ಟು DMT ತೊಗಟೆಯಲ್ಲಿ, MMT[೨೪][೬೦]
ಅಕೇಶಿಯ ಟಾಕ್ಸೇನ್ಸಿಸ್
β-ಮೀಥೈಲ್-ಫೀನಲ್‌ಎತಲಮೈನ್[೨೭]
 
ಅಕೇಶಿಯ ಟಾರ್ಟಿಲಿಸ್

DMT, NMT, ಹಾಗು ಇತರ ಟ್ರಿಪ್ಟಮೈನ್ ಗಳು[೫೪]

ಅಕೇಶಿಯ ವೆಸ್ಟಿಟ
ಎಲೆ ಹಾಗು ಕಾಂಡದಲ್ಲಿರುವ ಟ್ರಿಪ್ಟಮೈನ್, [೨೪] ಆದರೆ ಒಟ್ಟಾರೆ ಆಲ್ಕಲಾಯ್ಡ್ ಗಳಲ್ಲಿ 0.02%ಗೂ ಕಡಿಮೆ[೩೩]
ಅಕೇಶಿಯ ವಿಕ್ಟೋರಿಯೇ
ಟ್ರಿಪ್ಟಮೈನ್ ಗಳು, 5-MeO-ಅಲ್ಕೈಲ್ ಟ್ರಿಪ್ಟಮೈನ್[೩೦]
ಮಾದರಿ ಪರೀಕ್ಷೆಗೆ ತೆಗೆದುಕೊಂಡಂತಹ ಅಕೇಶಿಯ ಪ್ರಭೇದಗಳಲ್ಲಿ ಕಡಿಮೆ ಪ್ರಮಾಣದ ಅಥವಾ ಆಲ್ಕಲಾಯ್ಡ್ ಗಳು ಇಲ್ಲದಿರುವಂತಹ ಸಸ್ಯಗಳ ಪಟ್ಟಿ:[೩೩]ಸಂಪಾದಿಸಿ

0%   C   0.02%, C...ಆಲ್ಕಲಾಯ್ಡ್ ಗಳ ಸಾಂದ್ರೀಕರಣ [%]

  • ಅಕೇಶಿಯ ಅಸಿನಸಿಯೆ
  • ಅಕೇಶಿಯ ಬೈಲೆಯಾನ
  • ಅಕೇಶಿಯ ಡೆಕರೆನ್ಸ್
  • ಅಕೇಶಿಯ ಡೆಲ್ಬಾಟ
  • ಅಕೇಶಿಯ ಮೆಯರ್ನ್ಸೀ
  • ಅಕೇಶಿಯ ಡ್ರುಮ್ಮೊನ್ಡೀ
  • ಅಕೇಶಿಯ ಎಲಾಟ
  • ಅಕೇಶಿಯ ಫಲ್ಕಾಟ
  • ಅಕೇಶಿಯ ಲೆಪ್ರೋಸ
  • ಅಕೇಶಿಯ ಲಿನೆಯಾರಿಸ್
  • ಅಕೇಶಿಯ ಮೆಲನೋಜೈಲಾನ್
  • ಅಕೇಶಿಯ ಪಿಕ್ನಂಥಾ
  • ಅಕೇಶಿಯ ರೆಟಿನೋಡ್ಸ್
  • ಅಕೇಶಿಯ ಸಲಿಗ್ನ
  • ಅಕೇಶಿಯ ಸ್ಟ್ರಿಕ್ಟ
  • ಅಕೇಶಿಯ ವರ್ಟಿಸಿಲ್ಲಟ
  • ಅಕೇಶಿಯ ವೆಸ್ಟಿಟ

ಸಯನೋಜೆನಿಕ್ ಗ್ಲೈಕೋಸೈಡ್ಸ್ಸಂಪಾದಿಸಿ

ಅಮೆರಿಕದಲ್ಲಿರುವ ಹತ್ತೊಂಬತ್ತು ವಿವಿಧ ಪ್ರಭೇದ ಅಕೇಶಿಯಗಳು ಸಯನೋಜೆನಿಕ್ ಗ್ಲೈಕೋಸೈಡ್ ಗಳನ್ನು ಹೊಂದಿದೆ. ಇವುಗಳು ನಿರ್ದಿಷ್ಟವಾಗಿ ಗ್ಲೈಕೋಸೈಡ್ ಗಳನ್ನು ವಿಭಜಿಸುವ ಕಿಣ್ವಕ್ಕೆ ಒಡ್ಡಿದಾಗ, ಇವುಗಳು ಅಕೇಶಿಯ "ಎಲೆಗಳಲ್ಲಿ" ಹೈಡ್ರೋಜನ್ ಸೈನೆಡ್ (HCN)ಗಳನ್ನು ಬಿಡುಗಡೆ ಮಾಡಬಹುದು.[೬೧] ಇದು ಕೆಲವೊಂದು ಬಾರಿ ಜಾನುವಾರುಗಳಿಗೆ ವಿಷಕಾರಿಯಾಗಿ ಪರಿಣಮಿಸುವುದರ ಜೊತೆಗೆ ಅವುಗಳ ಸಾವಿಗೆ ಕಾರಣವಾಗಬಹುದು. ತಾಜಾ ಸಸ್ಯ ಪದಾರ್ಥಗಳು ಸಹಜವಾಗಿ 200 ppm ಅಥವಾ ಅದಕ್ಕೂ ಅಧಿಕ HCNನನ್ನು ಉತ್ಪಾದಿಸಿದರೆ, ಇದು ವಿಷತ್ವದ ಸಾಮರ್ಥ್ಯವನ್ನು ಹೊಂದಿರುತ್ತದೆ. ಇದು ತಾಜಾ ಸಸ್ಯ ಪದಾರ್ಥದ ಪ್ರತಿ ಗ್ರಾಂಗೆ ಸುಮಾರು 7.5 μmol HCNಗೆ ಹೊಂದಿಕೆಯಾಗುತ್ತದೆ. ಅಕೇಶಿಯ "ಎಲೆಗಳು" ನಿರ್ದಿಷ್ಟ ಗ್ಲೈಕೋಸೈಡ್-ವಿಭಜಕ ಕಿಣ್ವವನ್ನು ಹೊಂದಿರದಿದ್ದರೆ, ಸಯನಿಕ್ ಗ್ಲೈಕೋಸೈಡ್ ಗಳ ಗಣನೀಯ ಪ್ರಮಾಣವನ್ನು ಹೊಂದಿರತಕ್ಕ ಸಸ್ಯಗಳಲ್ಲೂ ಸಹ ವಿಷದ ಪ್ರಮಾಣವು ಕಡಿಮೆಯಿರಬಹುದು.[೩೩] ಸಯನೋಜನ್ ಗಳನ್ನು ಉಳ್ಳ ಕೆಲವು ಅಕೇಶಿಯ ಪ್ರಭೇದಗಳೆಂದರೆ:

  • ಅಕೇಶಿಯ ಏರಿಯೋಲೋಬ
  • ಅಕೇಶಿಯ ಕನ್ನಿಂಗ್ಹಾಮೀ
  • ಅಕೇಶಿಯ ಆಬ್ಟುಸಿಫೋಲಿಯಾ
  • ಅಕೇಶಿಯ ಸೈಬಿರಿಯಾನ
  • ಅಕೇಶಿಯ ಸೈಬೀರಿಯಾನ ವಾರ್. ವೂಡೀ [೬೨]

ವಿಭಿನ್ನ ಪ್ರಭೇದಗಳುಸಂಪಾದಿಸಿ

ಅಕೇಶಿಯದಲ್ಲಿ ಸುಮಾರು 1,300ಕ್ಕೂ ಅಧಿಕ ಪ್ರಭೇದಗಳಿವೆ. ಸಂಪೂರ್ಣವಾದ ಹೆಚ್ಚಿನ ಮಾಹಿತಿಗೆ ಅಕೇಶಿಯ ಪ್ರಭೇದಗಳ ಪಟ್ಟಿಯನ್ನು ನೋಡಿ.

ಪ್ರಸಿದ್ಧ ಅಕೇಶಿಯಸಂಪಾದಿಸಿ

ಬಹುಶಃ ಅತ್ಯಂತ ಪ್ರಸಿದ್ಧ ಅಕೇಶಿಯ ಎಂದರೆ ನೈಜರ್ ನಲ್ಲಿರುವ ಅರ್ಬ್ರೆ ಡು ಟೆನೆರೆ ಮರದ ಪ್ರಸಿದ್ಧತೆಗೆ ಕಾರಣವೆಂದರೆ ಇದು ಪ್ರಪಂಚದಲ್ಲೇ ಇರುವ ಅತ್ಯಂತ ಏಕಾಂಗಿ ಮರವೆನಿಸಿದೆ, ಸರಿಸುಮಾರು 400 km (249 mi)ರಷ್ಟು ಇತರ ಯಾವುದೇ ಮರಕ್ಕಿಂತ ಪ್ರತ್ಯೇಕವಾಗಿದೆ. ಈ ಮರವನ್ನು 1973ರಲ್ಲಿ ಒಬ್ಬ ಟ್ರಕ್ ಚಾಲಕ ನೆಲೆಸಮ ಮಾಡಿದ.

ಗುರುತುಪತ್ತೆಗಾಗಿ ಚಿತ್ರಸಂಪುಟಸಂಪಾದಿಸಿ

ಹೂವುಗಳುಸಂಪಾದಿಸಿ

ತೊಗಟೆಸಂಪಾದಿಸಿ

ಪರ್ಣಸಮೂಹಸಂಪಾದಿಸಿ

ಬೀಜಕೋಶಗಳುಸಂಪಾದಿಸಿ

ಬೀಜಗಳುಸಂಪಾದಿಸಿ

ಮುಳ್ಳುಗಳುಸಂಪಾದಿಸಿ

ಮರಸಂಪಾದಿಸಿ

ಮರ (ದಿಮ್ಮಿ)ಸಂಪಾದಿಸಿ

ಇವನ್ನೂ ನೋಡಿಸಂಪಾದಿಸಿ

  • ಅಕೇಶಿಯ ಪ್ರಭೇದಗಳ ಪಟ್ಟಿ
  • ಸಸ್ಯಾಹಾರಿಗಳ ವಿರುದ್ಧ ಸಸ್ಯದ ರಕ್ಷಣೆ
  • ಭ್ರಾಂತಿಜನಕ ಸಸ್ಯಗಳು

ಟಿಪ್ಪಣಿಗಳುಸಂಪಾದಿಸಿ

  1. Genus: Acacia Mill. - Germplasm Resources Information Network (GRIN)
  2. "Acacia nilotica (acacia)". Plants & Fungi. Royal Botanic Gardens, Kew. Retrieved 2010-01-28. 
  3. Quattrocchi, Umberto (2000). CRC World Dictionary of Plant Names. 1 A-C. CRC Press. p. 6. ISBN 9780849326752. 
  4. Singh, Gurcharan (2004). Plant Systematics: An Integrated Approach. Science Publishers. p. 445. ISBN 1578083516. 
  5. J Clemens, PG Jones, NH Gilbert (1977). "Effect of seed treatments on germination in Acacia". Australian Journal of Botany. 25 (3): 269–267. doi:10.1071/BT9770269. 
  6. "Evolutionary change from induced to constitutive expression of an indirect plant resistance : Abstract : Nature". www.nature.com. Retrieved 2008-04-20. 
  7. ೭.೦ ೭.೧ ೭.೨ ೭.೩ ಕೆಮಿಸ್ಟ್ರಿ ಆಫ್ ಅಕೇಶಿಯಾಸ್ ಫ್ರಂ ಸೌತ್ ಟೆಕ್ಸಾಸ್
  8. "Seggiano Honeys". www.seggiano.co.uk. Retrieved 2008-05-05. 
  9. ರಿಚರ್ಡ್ ಪಾಂಕ್ಹರ್ಸ್ಟ್, ಆನ್ ಇಂಟ್ರೋಡಕ್ಷನ್ ಟು ದಿ ಮೆಡಿಕಲ್ ಹಿಸ್ಟರಿ ಆಫ್ ಇಥಿಯೋಪಿಯಾ (ಟ್ರೆನ್ಟನ್: ರೆಡ್ ಸೀ ಪ್ರೆಸ್, 1990), ಪುಟ. 97
  10. ಆನ್ OCR'd ವರ್ಶನ್ ಆಫ್ ದಿ US ಡಿಸ್ಪೆನ್ಸೆಟರಿ ಬೈ ರೆಮಿಂಗ್ಟನ್ ಅಂಡ್ ವುಡ್, 1918.
  11. ವರ್ಲ್ಡ್ ವಿದ್ ವಾಟಲ್
  12. ಎಕ್ಸರ್ಪ್ಟ್ ಫ್ರಂ ಏ ಕನ್ಸ್ಯೂಮರ್'ಸ್ ಡಿಕ್ಷನರಿ ಆಫ್ ಕಾಸ್ಮೆಟಿಕ್ ಇಂಗ್ರೀಡಿಯಂಟ್ಸ್: ಫಿಫ್ತ್ ಎಡಿಶನ್ (ಪೇಪರ್ ಬ್ಯಾಕ್)Amazon.com
  13. ೧೩.೦ ೧೩.೧ ೧೩.೨ ೧೩.೩ ೧೩.೪ ನಟುರ್ಹೆಯಿಲ್ಪ್ರಾಕ್ಸಿಸ್ ಫಾಚ್ಫೋರಮ್ (ಜರ್ಮನ್)
  14. ಈಸ್ಟನ್'ಸ್ ಬೈಬಲ್ ಡಿಕ್ಷನರಿ: ಬುಶ್
  15. Maugh, T.H.II. (2009-04-24). "New species of tree identified in Ethiopia". Los Angeles Times. Retrieved 2008-04-24. 
  16. ಆಸ್ಸಿ ಫಾನ್ಟಂ
  17. ೧೭.೦೦ ೧೭.೦೧ ೧೭.೦೨ ೧೭.೦೩ ೧೭.೦೪ ೧೭.೦೫ ೧೭.೦೬ ೧೭.೦೭ ೧೭.೦೮ ೧೭.೦೯ ೧೭.೧೦ ೧೭.೧೧ [http://www.fao.org/docrep/V5360E/v5360e0f.htm ದಿ ಟಿಂಬರ್ ಪ್ರಾಪರ್ಟೀಸ್ ಆಫ್ ಅಕೇಶಿಯ ಸ್ಪೀಶೀಸ್ ಅಂಡ್ ದೆಯರ್ ಯೂಸಸ್]
  18. ೧೮.೦ ೧೮.೧ ೧೮.೨ ೧೮.೩ FAO
  19. ಟಿಂಬರ್ ಹಾರ್ಡ್ನೆಸ್ಸ್ ಅಂಡ್ ಡ್ಯೂರಬಿಲಿಟಿ ಟೇಬಲ್, ಟಿಂಬರ್ ಮರ್ಚೆಂಟ್ಸ್ ಅಸೋಸಿಯೇಶನ್ (ವಿಕ್., ಆಸ್ಟ್ರೇಲಿಯ)
  20. Barr, D. A., and Atkinson, W. J. (1970). "Stabilization of coastal sands after mining". J. Soil Conserv. Serv. N.S.W. 26: 89–105. 
  21. http://www.hear.org/pier/species/acacia_mearnsii.htm
  22. ಲಿಕಾಯುಂ
  23. ೨೩.೦ ೨೩.೧ ೨೩.೨ ೨೩.೩ ೨೩.೪ ೨೩.೫ ೨೩.೬ ಫಿಟ್ಜೆರಾಲ್ಡ್, ಜ.ಸ. ಆಲ್ಕಲಾಯ್ಡ್ಸ್ ಆಫ್ ದಿ ಆಸ್ಟ್ರೇಲಿಯನ್ ಲೆಗುಮುಮಿನೋಸೆ -- ದಿ ಅಕ್ಕರೆನ್ಸ್ ಆಫ್ ಫೆನ್ಯಲೇತಿಲಾಮೆ ಡಿರೈವೇಟಿವ್ಸ್ ಇನ್ ಅಕೇಶಿಯ ಸ್ಪೀಶಿಸ್, ಆಸ್ಟ್.J ಚೆಂ., 1964, 17, 160-2.
  24. ೨೪.೦೦ ೨೪.೦೧ ೨೪.೦೨ ೨೪.೦೩ ೨೪.೦೪ ೨೪.೦೫ ೨೪.೦೬ ೨೪.೦೭ ೨೪.೦೮ ೨೪.೦೯ ೨೪.೧೦ ೨೪.೧೧ ೨೪.೧೨ ೨೪.೧೩ ೨೪.೧೪ ೨೪.೧೫ ಶಾಮನ್ ಆಸ್ಟ್ರಾಲಿಸ್
  25. ೨೫.೦ ೨೫.೧ ೨೫.೨ ೨೫.೩ ೨೫.೪ ಡುಬೋಯಿಸಿಯ ಹಾಪ್ವುಡೀ - ಪಿಟುರಿ ಬುಶ್ - ಸೋಲನಸೆಯೆ - ಸೆಂಟ್ರಲ್ ಅಮೆರಿಕ
  26. ೨೬.೦ ೨೬.೧ ೨೬.೨ ವ್ಯಾಟ್ಲ್ ಸೀಡ್ ವರ್ಕ್ಶಾಪ್ ಪ್ರೊಸೀಡಿಂಗ್ಸ್ 12 ಮಾರ್ಚ್ 2002 , ಕ್ಯಾನ್ಬೆರ ಮಾರ್ಚ್ 2003 RIRDC ಪಬ್ಲಿಕೇಶನ್ ನಂ 03/024, RIRDC ಪ್ರಾಜೆಕ್ಟ್ ನಂ WS012-06
  27. ೨೭.೦ ೨೭.೧ ೨೭.೨ ೨೭.೩ ೨೭.೪ ೨೭.೫ Glasby, John Stephen (1991). Dictionary of Plants Containing Secondary Metabolites. CRC Press. p. 2. ISBN 0850664233. 
  28. ಇಂಗ್ಲಿಷ್ ಟೈಟಲ್: ನ್ಯೂಟ್ರಿಟಿವ್ ವ್ಯಾಲ್ಯೂ ಅಸೆಸ್ಮೆಂಟ್ ಆಫ್ ದಿ ಟ್ರಾಪಿಕಲ್ ಶ್ರಬ್ ಲೆಗ್ಯೂಂ ಅಕೇಶಿಯ ಅಂಗುಸ್ಟಿಸ್ಸಿಮ: ಆಂಟಿ-ನ್ಯೂಟ್ರಿಷನಲ್ ಕಾಂಪೌಂಡ್ಸ್ ಅಂಡ್ ಇನ್ ವಿಟ್ರೋ ಡೈಜೆಸ್ಟಿಬಿಲಿಟಿ. ವೈಯಕ್ತಿಕ ಬರಹಗಳು: ಮ್ಯಾಕ್ ಸ್ವೀನೆಯ್, C. S., ಕ್ರುಸೆ, D. O., ಪಾಮರ್, B., ಗೌಗ್ಹ್, J., ಕಾನ್ಲಾನ್, L. L., ಹೆಗರ್ಟಿ, M. P.ರಿಂದ ಲೇಖಕರ ಸದಸ್ಯತ್ವ: CSIRO ಲೈವ್ಸ್ಟಾಕ್ ಇಂಡಸ್ಟ್ರೀಸ್, ಲಾಂಗ್ ಪಾಕೆಟ್ ಲ್ಯಾಬೋರೆಟರೀಸ್, 120 ಮೆಯಿಯೇರ್ಸ್ ರಸ್ತೆ, ಇಂದೂರೂಪಿಲ್ಲಿ, ಓಲ್ಡ್ 4068, ಆಸ್ಟ್ರೇಲಿಯಾ. ಡಾಕ್ಯುಮೆಂಟ್ ಟೈಟಲ್: ಅನಿಮಲ್ ಫೀಡ್ ಸೈನ್ಸ್ ಅಂಡ್ ಟೆಕ್ನಾಲಜಿ, 2005 (ಸಂಪುಟ. 121) (ನಂ. 1/2) 175-190
  29. ಮಾಯಾ ಎಥ್ನೋಬೋಟಾನಿಕಲ್ಸ್
  30. ೩೦.೦ ೩೦.೧ ೩೦.೨ ೩೦.೩ ೩೦.೪ ೩೦.೫ ೩೦.೬ ೩೦.೭ ಅಕೇಶಿಯ (ಪೋಲಿಷ್)
  31. ಲಿಕಾಯುಂ
  32. ೩೨.೦ ೩೨.೧ www.serendipity.com
  33. ೩೩.೦ ೩೩.೧ ೩೩.೨ ೩೩.೩ ೩೩.೪ ೩೩.೫ ೩೩.೬ ೩೩.೭ ೩೩.೮ ರಾಬರ್ಟ್ ಹೆಗ್ನಯುಎರ್ ರಿಂದ ಚೆಮೋಟ್ಯಾಕ್ಸಾನಾಮಿ ಡೆರ್ Pಫ್ಲಾನ್ಜೆನ್
  34. ೩೪.೦ ೩೪.೧ ೩೪.೨ ೩೪.೩ ೩೪.೪ www.bushfood.net
  35. [http://www.cognitiveliberty.org/shulgin/adsarchive/acacia.htm ಆಸ್ಕ್ ಡಾ. ಶುಲ್ಗಿನ್ ಆನ್ಲೈನ್: ಅಕೆಷಾಸ್ ಅಂಡ್ ನ್ಯಾಚುರಲ್ ಅಮ್ಫೆಟಮೈನ್]
  36. ಸೇಕ್ರೆಡ್ ಎಲಿಕ್ಸಿರ್ಸ್
  37. www.abc.net.au
  38. ಅಕೇಶಿಯ ಕಾಂಪ್ಲನಾಟ ಫೈಟೊಕೆಮಿಕಲ್ ಸ್ಟಡೀಸ್
  39. ಲಿಕಾಯುಂ -- ಅಕೆಷಾಸ್ ಅಂಡ್ ಎಂಥೆಯೋಜೆನ್ಸ್
  40. ಲಿಕಾಯುಂ
  41. SBEPL
  42. NMR ಸ್ಪೆಕ್ಟ್ರಲ್ ಅಸೈನ್ಮೆಂಟ್ಸ್ ಆಫ್ ಏ ನ್ಯೂ ಕ್ಲೋರೋ ಟ್ರಿಪ್ಟಾಮೈನ್ ಅಲ್ಕಾಲಾಯ್ಡ್ ಅಂಡ್ ಇಟ್ಸ್ ಅನಲಾಗ್ಸ್ ಫ್ರಮ್ ಅಕೇಶಿಯ ಕಾಂಫುಸ ಮಾಲ್ಕಂ S. ಬುಕನಾನ್, ಆಂಟ್ಹನಿ R. ಕಾರ್ರೋಲ್, ಡೇವಿಡ್ ಪಾಸ್, ರೋನಾಲ್ಡ್ J. ಕ್ವಿನ್ನ್ ರಸಾಯನಶಾಸ್ತ್ರದಲ್ಲಿ ಬರುವ ಮ್ಯಾಗ್ನೆಟಿಕ್ ರೆಸೋನನ್ಸ್ ಸಂಪುಟ 45, ಸಂಚಿಕೆ 4 , ಪುಟಗಳು359 - 361. ಜಾನ್ ವಿಲೆಯ್ & ಸನ್ಸ್, Ltd.
  43. ೪೩.೦೦ ೪೩.೦೧ ೪೩.೦೨ ೪೩.೦೩ ೪೩.೦೪ ೪೩.೦೫ ೪೩.೦೬ ೪೩.೦೭ ೪೩.೦೮ ೪೩.೦೯ ೪೩.೧೦ ಇಂಡೆಕ್ಸ್ ಆಫ್ ರಾಟ್ಸ್ಚ್, ಕ್ರಿಶ್ಚಿಯನ್. Enzyklopädie der psychoaktiven Pflanzen, Botanik, Ethnopharmakologie und Anwendungen, 7. ಆಫ್ಲೇಜ್. AT ವರ್ಲಾಗ್, 2004, 941 ಸೇಯಿಟೆನ್. ISBN 3-85502-570-3 ಅಟ್ [೧]
  44. ಲಿಕಾಯುಂ
  45. ೪೫.೦ ೪೫.೧ Dr. ಡ್ಯೂಕ್'ಸ್ ಫೈಟೊಕೆಮಿಕಲ್ ಅಂಡ್ ಎಥ್ನೋಬೋಟಾನಿಕಲ್ ಡಾಟಾಬೇಸಸ್
  46. www.bpi.da.gov.ph
  47. ಪರ್ಡ್ಯೂ ವಿಶ್ವವಿದ್ಯಾಲಯ
  48. ೪೮.೦ ೪೮.೧ ೪೮.೨ ೪೮.೩ Hegnauer, Robert (1994). Chemotaxonomie der Pflanzen. Springer. p. 500. ISBN 3764329793. 
  49. ಲಿಕಾಯುಂ (ಅಕೇಶಿಯ ಫ್ಲೋರಿಬಂಡ)
  50. wiki.magiskamolekyler.org (ಸ್ವೀಡಿಶ್)
  51. ಅಕೇಶಿಯ ಕೆಟ್ಲೇವೆಲ್ಲಿಯೆ
  52. ಲಿಕಾಯುಂ ಅಕೇಶಿಯ ಲಾಂಗಿಫೋಲಿಯ
  53. extentech.sheetster.com
  54. ೫೪.೦ ೫೪.೧ wiki.magiskamolekyler.org (Swedish)
  55. ಅಕೇಶಿಯ ಆಬ್ಟುಸಿಫೋಲಿಯ ಫೈಟೊಕೆಮಿಕಲ್ ಸ್ಟಡೀಸ್
  56. ಪ್ಲಾಂಟ್ಸ್ ಕಂಟೈನಿಂಗ್ DMT (ಜರ್ಮನ್)
  57. ಹೊರ್ಟಿಪೀಡಿಯಾ
  58. Pಫ್ಲಾನ್ಜೆನ್ಟ ಬೆಲ್ಲೆ APB (ಜರ್ಮನ್)
  59. ಮಗಿಸ್ಕ ಮೊಲೆಕ್ಯ್ಲೆರಸ್ ವಿಕಿ
  60. Arbeitsstelle für praktische Biologie (APB)
  61. ಕ್ಯನೋಜೆನಿಕ್ ಗ್ಲಯ್ಕೋಸೈಡ್ಸ್ ಇನ್ ಆಂಟ್-ಅಕೆಶಿಯಾಸ್ ಆಫ್ ಮೆಕ್ಸಿಕೋ ಅಂಡ್ ಸೆಂಟ್ರಲ್ ಅಮೆರಿಕ ಡೇವಿಡ್ S. ಸೇಯಿಗ್ಲರ್, ಜಾನ್ ಎ. ಎಬಿಂಗರ್ ದಿ ಸೌತ್ ವೆಸ್ಟ್ರನ್ ನ್ಯಾಚುರಲಿಸ್ಟ್, ಸಂಪುಟ.32, ನಂ. 4 (ಡಿಸೆಂಬರ್ 9, 1987), ಪುಟಗಳು. 499-503 doi:10.2307/3671484
  62. FAO ಕಮಲ್ M. ಇಬ್ರಾಹಿಮ್, ದಿ ಕರೆಂಟ್ ಸ್ಟೇಟ್ ಆಫ್ ನಾಲೆಡ್ಜ್ ಆನ್ ಪ್ರೋಸೋಪಿಸ್ ಜೂಲಿಫ್ಲೋರ...

ಸಾಮಾನ್ಯ ಆಕರಗಳುಸಂಪಾದಿಸಿ

  • ಕ್ಲೆಮೆಂಟ್, B.A., ಗೊಫ್ಫ್, C.M., ಫೋರ್ಬೇಸ್, T.D.A. ಟಾಕ್ಸಿಕ್ ಅಮೈನ್ಸ್ ಅಂಡ್ ಆಲ್ಕಲಾಯ್ಡ್ಸ್ ಫ್ರಮ್ ಅಕೇಶಿಯ ರಿಗಿಡುಲ, ಫೈಟೊಚೆಮ್. 1998, 49(5), 1377.
  • ಶುಲ್ಗಿನ್, ಅಲೆಕ್ಸಾಂಡರ್ ಹಾಗು ಆನ್, TiHKAL ದಿ ಕಂಟಿನ್ಯೂಯೇಶನ್. ಟ್ರ್ಯಾನ್ಸ್ಫಾರ್ಮ್ ಪ್ರೆಸ್, 1997. ISBN 0-9630096-9-9.

ಬಾಹ್ಯ ಕೊಂಡಿಗಳುಸಂಪಾದಿಸಿ

]

ಅಕೇಶಿಯ ಸಯನೋಫಿಲ್ಲ ಲಿಂಡ್ಲ್ ಆಸ್ ಸಪ್ಲಿಮೆಂಟರಿ ಫೀಡ್/ಫಾರ್ ಸ್ಮಾಲ್ ಸ್ಟಾಕ್ ಇನ್ ಲಿಬಿಯ]