ಹೋಟ್ಜೆನ್
| ಹೋಟ್ಜೆನ್ | |
|---|---|
| |
| Conservation status | |
| Scientific classification | |
| ಸಾಮ್ರಾಜ್ಯ: | Animalia
|
| ವಿಭಾಗ: | Chordata
|
| ವರ್ಗ: | |
| ಗಣ: | |
| ಕುಟುಂಬ: | |
| ಪ್ರಜಾತಿ: | O. hoazin
|
| Binomial name | |
| Opisthocomus hoazin | |
ಹೋಟ್ಜೆನ್ (Hoatzin) ದಕ್ಷಿಣ ಅಮೇರಿಕದಲ್ಲಿ ವಾಸಿಸುವ, ಪಕ್ಷಿ ವರ್ಗದಲ್ಲೇ ಅತ್ಯಂತ ಪ್ರಾಚೀನ ಸ್ವರೂಪದ ಪಕ್ಷಿ. Opisthocomidae ಕುಟುಂಬಕ್ಕೆ ಸೇರಿದ ಈ ಪಕ್ಷಿಯ ವೈಜ್ಞಾನಿಕ ಹೆಸರು Opisthocomus hoazin.
ಸಂಸ್ಕೃತಿಯಲ್ಲಿ ಬದಲಾಯಿಸಿ
ಈ ಪಕ್ಷಿಯ ಪಳಯುಳಿಕೆಗಳು ಐವತ್ತು ಮಿಲಿಯ ವರ್ಷಗಳ ಹಿಂದಿನ ಆಲಿಗೋಸೀನ್ ಯುಗದ ಪಳಯುಳಿಕೆಗಳೊಡನೆ ಸಿಕ್ಕಿವೆ. ಇಂತಹ ಪುರಾತನ ಪಕ್ಷಿ ಇನ್ನೂ ಜೀವಂತವಾಗಿದೆ ಎಂದು ತಿಳಿದಿದ್ದು ಮಧ್ಯ ಅಮೇರಿಕದ ಅಜಟೆಕ್ ಜನಾಂಗದಿಂದ. ರಯೋ ಉಕಾಯಲಿ ನದಿಯ ಸುತ್ತಮುತ್ತ ಇರುವ ಕಾಡುಗಳಲ್ಲಿದ್ದ ಈ ಪಕ್ಷಿಗಳನ್ನು ಮೊದಲು ಸಂಶೋಧಿಸಿ ಜಗತ್ತಿಗೆ ತಿಳಿಸಿದವರು ಡಾ.ಕೆ.ಹೆಚ್.ಲುಲಿಂಗ್ ಎಂಬ ಪಕ್ಷಿಶಾಸ್ತ್ರಜ್ಞ.
ಆಹಾರ ಬದಲಾಯಿಸಿ
ಸುಮಾರು 2ಕಿ.ಗ್ರಾಂ ತೂಗುವ ಹೋಟ್ಜೆನ್, ಉಕಾಯಲಿ ನದಿ ತೀರದಲ್ಲಿ ಬೆಳೆಯುವ ಅರುಮ್ ಜಾತಿಯ ಮರದೆಲೆಗಳನ್ನು ಮಾತ್ರ ತಿನ್ನುತ್ತದೆ. ಈ ಎಲೆಗಳನ್ನು ಜಗಿದು ಉಂಡೆಮಾಡಿ ನುಂಗುತ್ತವೆ. ಆರುಮ್ ಮರದ ಎಲೆಗಳಿಗಿರುವ ದುರ್ವಾಸನೆ ಈ ಹಕ್ಕಿಗಳಲ್ಲೂ ಇರುವುದರಿಂದ ಇವನ್ನು ಯಾರೂ ತಿನ್ನುವುದಿಲ್ಲ. ಬಹುಶಃ ಈ ಹಕ್ಕಿ ಇಲ್ಲಿಯ ವರೆಗೂ ಬದುಕಿರಲು ಈ ದುರ್ವಾಸನೆಯೇ ಕಾರಣವೆನ್ನಬಹುದು.
ನಡವಳಿಕೆ ಬದಲಾಯಿಸಿ
ಇದು ಮರದ ಮೇಲೆ ವಾಸಿಸುವ ಹಕ್ಕಿಯಾದರೂ ಹಾರುವುದನ್ನು ಹೊಸದಾಗಿ ಕಲಿಯುತ್ತಿರುವ ಹಕ್ಕಿಯಂತೆ ತಡಬಡಾಯಿಸುತ್ತ ಹಾರುತ್ತದೆ. ಇದರ ಮರಿಗಳಿಗೆ ಆರ್ಕಿಯೋಪ್ಟೆರ ಡೈನೊಸಾರ್ ಗಳಿಗೆ ಇದ್ದಂತೆ ರೆಕ್ಕೆಗಳ ತುದಿಯಲ್ಲಿ ಉಗುರುಗಳಿರುತ್ತವೆ. ಮರಿಗಳು ಉಗುರುಗಳ ಸಹಾಯದಿಂದ ನೇತಾಡಿಕೊಂಡು ಚಲಿಸುತ್ತವೆ. ಮರಿಗಳು ಬೆಳೆದಂತೆ ಈ ಉಗುರುಗಳು ಉದುರಿ ಹೋಗುತ್ತವೆ. ಉರಗಗಳ ಮುಂಗಾಲುಗಳು ಮಾರ್ಪಟ್ಟು ಹಕ್ಕಿಗಳಲ್ಲಿ ರೆಕ್ಕೆಗಳಾಗಿದ್ದಕ್ಕೆ ಇದೊಂದು ಸ್ಪಷ್ಟ ಉದಾಹರಣೆ.
ಉಲ್ಲೇಖಗಳು ಬದಲಾಯಿಸಿ
- ↑ {{{assessors}}} ({{{year}}}). {{{title}}}. In: IUCN 2008. IUCN Red List of Threatened Species. Retrieved {{{downloaded}}}.